18集少少補 真係好少
一個洛琪希⋯⋯兩個洛琪希⋯⋯
今集盧迪搭船可以話係原創劇情都冇錯
順帶一提,盧迪今次上船嘅港口叫「西部港」
其實動畫從17集就改咗少少劇本,呢個位幾尷尬,基本冇得補充,因為已經唔係跟原作⋯⋯
約略講下 17–>18 改走咗嘅劇情,得個知字就算,因為呢啲嘢喺動畫版本係
冇發生過
上次17集補充講過嘅
除咗 家庭聚餐、保羅嘅一年半
仲有幾個特別事件
最重要嘅係「艾麗絲的哥布林討伐記」
但呢part 唔做補充了,因為將會做成BD 4特典
呢part 對後續劇情好大影響
真係好想知咩事嘅請等BD/ 睇小說
雖然漫畫都有講,但唔建議,因為漫畫係到中後期用插序法來講呢個事件,動畫黨睇=大劇透自己,而且視角出發點唔同,真係唔建議
另外有一part 好值得一提,17集果封「介紹信」其實係出自瑞傑路德
瑞傑路德喺四十年前救過一個人族細路,果個細路長大之後成為咗米里斯嘅一個超級權貴,佢知道斯佩路德族要正規手段過第二個關口係冇可能嘅事,所以寫咗封「介紹信」比光頭佬當係報恩。
當盧迪一行人拎住封信去到西部港關口,當地官員完全唔相信呢位大人物親自會寫信去比魔族通關,直接認定封信係假嘅⋯⋯
之後我就唔多講了
後面有機會會喺BD度做翻出來
想知就睇小說啦
至於洛琪希歸鄉篇我真係冇嘢好補充
動畫做咗少少改動
小說係先翻家鄉再去酒館揾馬面敘舊
個人認為動畫改得好過小說
因為睇翻地理位置確實應該好似動畫咁行先順路
睇得出製作組真係神的兒女來
呢集洛琪希歸鄉應該係改自漫畫「洛琪希也要拿出真本事」嘅劇情,因為小說呢個位可能1000字都唔夠⋯⋯
想睇嘅巴打建議睇完原作再睇呢套漫畫,因為會有少少核心設定就咁係睇唔明的
呢集有好多小心思可以見到
例如保羅同盧迪嘅擁抱vs 洛琪希同屋企人嘅擁抱
另外今次洛琪希母親喊嘅畫面幀數唔輸上集嘅手撕麵包
製作組真係好撚用心去做好呢套
呢個其實都唔算係補充了
當係樓豬嘅觀後感啦,大家一齊好好體驗動畫帶來嘅感動吧