請兩老去就星夢啦 直接book皇宮套房
優先上船,唔洗排隊,仲可以叫個管家幫你地book曬所有嘢
仲有皇宮包曬所有付費餐廳每日可以食一餐(有個叫藍湖餐廳另計),如果要食皇宮套餐以為既野食補差價就食得 姐係譬如扒房一個人600,但係你想食800個個餐,咁既話補200就食得
唔知而家有冇show睇,有既話皇宮係有專屬位坐
RCL感覺上就係比後生上去多,船上面洗美金(星夢港紙),老人家去可能會覺得悶,但係我食過佢間扒房真係好有格調,夜晚食黑到仆街
如果你多人去食,可能佢會肯用family serve既形式而唔係一個人一個餐咁上,姐係前菜同冷盤都係所有都上曬比你,等你唔洗諗食咩。同埋個度既人基本上都係要講英文,同埋佢地記性真係好好,個陣我十幾人去食飯,佢可以唔洗抄order已經記得所有人食咩主菜,相反呢點星夢真係唔講究,可以上錯菜
義大利菜上次食左四個鐘 又係勁黑勁靜咁
免費餐廳RCL個主餐廳其實我覺得好過星夢個中菜廳,因為佢係西式餐廳,當然質素唔好expect有付費餐廳咁好啦
所有香港郵輪自助餐都係垃圾 所以不作評價
結論係 如果想父母舒服就搭星夢皇宮 如果係普通露台房既話就搭RCL啦 仲要而家新船Spectrum of the Seas