小巴算唔算係最癈交通工具？

你試左慈雲山個班綠van先

有次有VAN 仔佬播紅歌, 我鬧佢扮聽唔到.
之後打上佢公司鬧, 佢第二日就靜晒

37M 司機個個都串過碼頭咕喱
一拍八達通 位都未搵到 即刻開車

講開香港公共小巴司機，我覺得真係勁過麥拿倫車隊...............
淨講圈速一定係小巴佬勁，
但講好灣，一定係巴士佬，尤其係渣港島半山，赤柱及海洋公園線果D，
但小巴佬能夠用架小巴做到飄移喎~
據路透社引述，香港小巴佬對秋明 AE86 睇法："86 呀 ? 不外如事!
跑嬴我架 Toyota 小巴先講啦~"

而家有d小巴咪有顯示車速既表係門口隔離，
超速會響個隻，但係次次響到爆都冇人理，
每次一片彎d人就會望住個表，淨係睇住佢響，
好搞笑

大家有冇發現佢地唔止行車快? 上落客都快ga
有時見人夜晚撘Van仔，
司機永無停定比D 客上車，往往要人地自己助跑幾步，
架車開定門駛到埋 o黎果陣就順勢跳上車，
當司機大佬"feel"到你要有其中一隻腳係踏左上車時佢地就即刻地板油去，
而上左車之後亦甚少需要用自己既腳力行去座位，
因為佢一加油時，架車 o既衝力已經將人"fing"到去最近既座位上，
緊緊既將人背隻黐晌椅背上面~
同樣地落客時，D司機永遠唔使拉開門手制，
佢地既車速加上急停已經可以將度車門彈開，
個客就因為急剎既衝力好自然會由車尾被"送"到車門位置，
跟住快手比錢然後跳車，個動作十足十第二次大戰美軍第101空降師，
所以搭得多小巴可以做雷霆傘兵
同埋大家記住，以佢地既"效率"，上車果陣你已經要準備定哎"有落"~
而落斜小巴指定動作就係: 左手推空波，右手扭汰，
真係自己渣都唔敢咁快落斜呀~

仲有而家發覺D小巴成日界 civic，
D小巴佬將架 Toyota Coaster 調較到變左 ----
"Toyota Coaster integra Type R"
civic 咁就收左皮~

小巴佬使乜空氣動力學呀?
小巴佬使乜定風翼?
小巴佬使乜大包圍?
小巴佬使乜19吋合金鈴?
小巴佬使乜VTEC?
小巴佬使乜快cam?
小巴佬使乜大尾牙?
小巴佬使乜氣蕉+中至尾喉?
小巴佬使乜防滾架?
小巴佬使乜咬牙避震?
小巴佬使乜米芝蓮?
遇著小巴佬Type-R行埋一二角..............
如果我識寫game，我都會寫返隻"crazy van"， which made in Hong Kong

最後，我建議D小巴全部都要加裝跑車坐椅及五點式安全帶，
一黎可以俾番乘客少少安全感，
二黎可以當係香港特色放係旅遊指南推介，刺激旅遊業。
不過就唔可以係未來迪士尼的路線上實施，因為遊客們乘坐過後，
將會令他們對高速麻木，乘坐過山車時將會冇晒feel~
小巴佬 ，簡直就係香港的冼拿，
真係服到五體投地

我試過上車無雨，就嚟落車先嚟落大雨，個小巴佬俾咗把遮我

正常, 小巴佬人工得1皮左右, 想有幾好服務

心聲
寧願飛的都唔上紅van

依家啲小巴係禁區都照俾人落㗎啦，成日喺燈位前轉彎位前突然停低落客， 仲要停低咗開埋門先打死火燈，塞住後邊啲車又容易追尾。

脫班？

睇人 行行都有仆街冇禮貌

都明想盡量坐滿
但我響總站上車
明明第二第三個站（車錢一樣）好多時都有人等車
個站長定司機係都要等等等
又爭一兩個先坐滿開車
去到第二三個站就永遠車唔晒啲客
真係唔知諗咩

人地係跑轉數分紅
你上車上得慢 比後車過頭佢就搵小左錢

小巴得進智公交比較正常

綠Van 都有分紅

有
慈雲山唔知係咪

但屯門44 44A
同北區嗰啲就多數都係

44 44A 會諗方法打爆部車就「飛橋」
即係skip 晒中間啲路段
中間啲客就食塵

同埋會極速行走 拿拿聲飛返總站走下轉

on9就係唔識答㗎啦

快一倍/冇其他車揀先搭

有時唔熟真係上到車都去唔到目的地

如果跑轉數計
總站上滿直飛
點都快過中途站慢慢停
因為一埋站就好多時都唔順燈

所以小巴總站上咪爽囉
中途站慘過狗

⋯

西旺線 車ok密 準時開車 快過黨鐵 正常車速8-10分鐘到油麻地站 搭鐵堅城旺角要廿幾分鐘

發生咩事？

唔明運豬署 ban紅van 但巴士綠van配套又唔夠 好似青衣南橋半山 最後居民受害

唔識英文

仲有大埔去馬鞍山石門第一城嗰pair綠van線806ab嗰間公司
同埋長沙灣去荃西嗰間紅van公司AN Bus

我覺得方便, 係唔敢叫落車