你講嗰種似戲劇性人格多啲。
至於邊緣型其實仲大鑊,因為係超級大雜燴,基本上你講得出嘅精神病/心理疾病/人格障礙特徵,都可以係佢地身上搵到。
邊緣型最難頂嘅係佢成個人都係不穩定。
佢可以呢一刻好開心,突然有小事trigger到佢(甚至冇事發生只係佢突然諗起某啲野)就會直接變到好傷心/沮喪/憤怒,然後情緒爆炸。跟住發一陣癲,又好似咩都冇發生過咁同你嬉嬉哈哈。然後唔知咩事又跳制。
嗰種不定時冇預兆地爆炸,會搞到身邊人有極大壓力。
呢啲小爆發積積埋埋,去到某個位,佢就會係腦入面將你成個人paint black,然後你就莫名其妙咁變咗衰人,做乜都錯。