IG shop討論區（11）

最近見到間賣泳衣嘅ig shop
覺得個店主model幾正
睇睇下硬係覺得好熟口面
原來係serco個model grace
但唔知點解佢P走晒右手同面個兩粒墨
好似唔想人知係佢咁？
佢自己ig同間舖都冇互相follow
有冇絲打買過 見啲款好似幾正 又唔貴




(利申: 非打手 但覺得serco d model Grace最正)

點解要p走佢呀grace 我係絲都覺得你好正呀

前排見到都覺得好正

真 又瘦 又高 又有身材
好羨慕

我都覺得Grace絕對正過夢雨同wat
身材又唔會好似未發育咁
後者嗰兩個好大程度係靠角度同執相
Btw間shop佢好似冇刻意隱瞞
好耐之前佢IG好似po過

想借位分享一間做名牌代購既IG SHOP, 間野聲稱係荔枝角有門市, 而且係英國同意大利都有同事係當地可以幫手代購。間野唔只係有IG, 連FB, CAROUSELL 都有ACCOUNT, 而且CAROUSELL 由2019年至今一律都係全部正評, 睇D COMMENT 都"似"有唔少人幫襯買佢過名牌袋 / 飾物 等等...

本人因為之前想買一件飾物, 而香港幾間出名既代購都已經無同款, 見到呢間野可以代購, 而且CAROUSELL都有唔少正評, 加上GOOGLE過鋪頭名+黑店 字眼都SEARCH唔到有D咩人評價過間野有問題, 所以就決定幫襯佢代購。
但間野經FPS收左半數訂金後, 原本聲稱2-3星期左右會到貨, 但後來成1個月都無任何通知, WHATSAPP問佢, 佢就話因為有公眾假期既原故, 所以預多1個星期左右就會有, 但後來當然隔左超過10日都係無聲無氣... 到我再問間野, 間野就話因為負責人日前出左車禍入左醫院, 所以暫時D單無人跟, 叫我再通融多幾日, 但我企硬話唔會再等, 因為已經過左原定交貨時間2-3星期, 所以要求退訂, 但間野都話同事去左醫院探負責人, 未有人返鋪頭, 拖多1日半日先肯回水。

本身都諗住自己係個別事件, 但後來發現有位苦主係間代購既CAROUSELL留言, 話佢收左訂金後, 又係不停用各種理由拖貨, 包括聲稱已經用SF 寄出左件貨, 但個WAYBILL 號碼事後查證左係假既, 及後再聲稱會搵GOGOVAN 再寄多次貨, 但等左2日都係無GOGOVAN電話通知收件ETC... 後來我主動聯絡呢位苦主, 點知位苦主話唔計我, 已經收到3-4個人聯絡佢話都比間野用差唔多手法呃左。

我地幾位苦主曾經REPORT過佢個IG ACCOUNT, 又EMAIL過CAROUSELL 講返我地比佢呃錢既經過, 唔想再有更多人受害, 但最後都係徒勞無功, 佢個ACCOUNT至今依然都係運作緊! 所以決定係連登出勸世文, 希望唔好再有人比人呃!

IG, FB 及 CAROUSELL: hkg_luxxry (奢侈品)

好撚好笑
由佢口中講商業道德
我諗係依單啦
呀take time 店主入日本個對slow shoes
咁岩layish都係依個時候話睇中
同大家一齊夾運費
屌講真
佢又唔係攞啲咩代理
又唔係同日本嗰啲講咩合作關係
佢自己舖頭成間都係抄人
講咩道德

最新回應

Ouat店主都未出聲屌佢道德依家野問翻自己有冇先啦

呀店主有follow goddag_studio
我唔想信佢唔知goddag有入過同入先
佢咪都係因為其他鋪頭先識slow shoe
講到自己搵得好撚辛苦咁

有冇絲打有返工衫既ig shop 推介好多都好老咁 有啲就太露

咁賤
你應該再開個post講喎！

其實都過左幾個月架啦，D苦主有D 報左海關，有D報埋警，不停追間野退錢，佢後期都有逐啲逐啲咁退（有D追左佢成個月）。 警察個邊話因為佢最尾「有退錢」，所以佢地唯有CLOSE FILE ，明明有曬證據。

中咗伏係double.step_beauty買咗支Diptyque嘅Tam Dao香水發現係假。買之前見到間舖寫100%正貨，我亦都有問店主係水貨定正貨，佢都答我係正貨。咁我收到貨之後見到個樽覺得怪怪地，好易痴指模印。走咗去門市問店員，佢哋都證實係假。





同咗店主講想退錢，但之後就冇read message


點算好想問下有冇其他苦主？

到底仲上網買香水既人咩心態
之前咪踢爆過好多都係假貨
呢間仲要得個2千幾followers
報海關啦

我睇左好耐，以為淨係得我覺得似
不過佢好多款淘寶都有同款（？）

店主同d 相都補d 出入
不過幾有耐心既
但就真係貴左好多

最近大量新開無耐嘅igshop follow我
個餅真係大到咁咩
不過根據過往經驗
愈做愈大=愈嚟愈伏
有啲得千幾二千followers反而有驚喜
係咪代表市場又要換一批新

要平定貴

個人覺得2Littlebob 幾穩陣 又唔會太𡃁妹

點解總係咁多7頭皮貪平果1千幾百幫襯IG shop, 代購