粉嶺上水樓討論區 (1)

御庭軒要東南 帝庭軒就要西北 先開揚
兩期對望就不了

粉嶺樓貴d定上水貴d?
通常見人首選粉嶺市區>聯和墟>上水，照計粉嶺市區應該最好住同最貴

點解？睇呢個post都知，上車果班都簡粉嶺上車先啦，新d屋苑質素又好d, 上水好似得大陸人會買

上水無乜野好發展... 粉嶺啦 起碼近都近d古洞北...希望將來有d大商場
粉嶺都起碼有dd新樓, 上水都無乜新野

粉嶺少好多大陸人

好住同樓價唔一定掛鉤
北區樓價首要反映喺配套
本身已經遠 仲揀啲樓下冇配套真係玩自己
（有車嘅我相信亦唔會首選北區）

以樓價計 上水中=粉嶺南>粉嶺中/聯和墟/清河

上水有7個商場仲要駁住街市+火車站 一定係no1
上車客唔係唔想揀，只係因為選擇實在太少
上中：大單位至少8球 對落多數係300幾呎眼鏡房
龍豐：衰樓下
新都：正野但長期冇盤
名都：舊華懋樓 聽到都唔開胃

咁冇得揀上水 唯有轉去粉嶺南：
粉嶺南唔近火車，但巴士線超齊，亦有5個屋苑商場連住，加上樓齡較新，座數多選擇多，附近亦多學校，好自然成為區內上車客首選，亦係樓價火車頭之一

粉嶺中 隔離火車站，但長期升唔起，主因係配套衰
只得3個商場（除咗粉中之外，名都/祥華只係迷你商場仔），巴士線普遍要行出百和路，除咗有火車之外優勢不大

聯和墟/清河
遠離火車站 巴士線不足 必須搭駁腳車
唯一贏附近環境相對靜 樓亦新淨 部分上車客或會因此而選擇 但交通始終差一截 而清河一帶更加係極缺乏商場配套

6-7百萬
以碧湖嘅狀況，如果真係全搞一定以億計

share下
我睇左好耐樓，budget有限，睇過荃灣東涌屯門元朗洪水橋粉嶺，最後買左間間，高層，等緊收樓。咁就All in無哂錢。
其他地方係平d，但太舊，又發展哂，睇親都係中低層。
間間我本身有fd住開都唔錯。行去mtr within 10mins，一係shuttle bus。

恭喜巴打！我都有睇過姦姦 睇親都細單位多, 但巴打買左邊種單位？All in 唔洗搞裝潢即買即住？

吹開水地產話個商場唔係好大，有錯乜插

點解要間間,屯門基建點都多過粉嶺...
做咩咁睇唔開... 我留意左間間好耐,2020年同依家樓價升得好小... 不過自己住就算

個到9成細單位，呎價應該唔平

高層正呀，我覺得間間就算低層内園都OK又靜

但高層個景好咩？我睇左幾間都覺得麻麻地

要裝，但搵屋企人搞，因為我由細訂到成交約2個半月，比我儲番dd 錢先。
budget有限，細執
一係問屋企人借，慢慢環錢

買左細2房，望到和合石嘅building，望唔到墳，東南。
景係一般，但都叫開揚嘅。

我都1516左好耐，我買間間未必岩，方唔方便就見人見智喇。行within 10mins到mtr我接受到。
以600萬樓下budget，相比起TM，間間樓齡、外觀都係好d。民生野粉嶺好齊全。可能有人話發展哂，但我睇未必。相比TM南，佢係有哂已知會發展嘅野，同埋性價比真係唔大，岩岩今日見有個租豐景園$10000都唔到。
我自住先，如果TM公路塞車大獲過吐露港（渣車起碼可以山路走）
我好長遠咁睇，香港嘅地最多都係北區，古洞、北環線等發展，上水粉嶺都係中轉位置，我希望會有潛力。

睇番估價，高層同低層差好遠。
望內園都唔差。

如果你睇好粉嶺應該係買聯和墟會好d. 近古桐北同埋將來開既蓮塘口岸,但係真係唔知等到何年何月先發展古桐北... 用10年做發展研究再比政府部門批地起樓 10年後都可能老,未必做到30年長按揭

大家覺得姦姦邊個單位景最好 我早排聽過aa話有客帶風水睇過 話8 9 10 座細兩房AH單位風水最好 我自己就覺得BG最正 廳景 向下望泳池 向前望山景 向上望藍天又夠光線

8-12 細2房AH個景最開揚
前面冇遮冇掩

BG已經係3房單位，但同AH景觀一樣
價錢反映一切，8-12座ABGH都係比較貴
一分錢一分貨

我研究過 AH 係房景開揚 BG係廳景 啲光打入黎係BG單位最光猛，AH細兩房關左門個廳會暗，不過風水話AH最好