但由幾年前大家畢業之後佢一直都冇搵過工
因為佢有個有錢朋友同佢一齊創業同教佢炒股票
但又因為疫情關係創業嗰度就暫時擺住一邊先，依家佢個朋友就一直教我男朋友炒。
但佢冇乜錢所以一直都係住模疑倉學住炒先。
呢幾年佢都有搵過part-time黎養活自己，但份份都唔係做得長。
而家就成日係屋企學完炒股票就係到打機睇戲，咁當中佢都有繼續搵part-time嘅，不過近呢幾個月就話搵唔到
我咪同佢講話，一係你而家打住full-time先。等呢個疫情過咗你就辭職再去創業都得，佢就話佢話朋友建議佢唔好做全職住，揾住PT先。因為話如果咁樣就好難夾到時間教佢炒股。
我問佢其實都幾年時間，你一直都冇進展過其實你想點？佢就答我話人生仲有咁長日子依家要拼搏下先，佢話佢唔想一世都就係揾幾萬蚊生活。
大佬呀
你依家屋企又唔係特別有錢，雖然你屋企唔洗等你養姐，咁你自己都要食要洗㗎。。我有時同佢岀街都係請佢食飯，有時佢唔夠錢都會俾錢佢。但每一次講到問佢之後生活點算，佢都話唔想靠幾蚊萬人工過世。。
我依家都唔知點算，完全對佢末來都係未知。
有冇人可以教下我點做。。
