我個ex係我其中一個sp

可能你會話我好好傻好天真
分左手仲同個ex做sp，佢係有心就會同番我一齊
但我唔咁做，根本連見都無得見到佢
我唔想咁，我仲係好鐘意佢

「Zero！你有無睇ig呀？呀柏又有新女喎。」Hazel好激動咁講

我碌緊fb隻手指公停左停

「有幾出奇呀?佢換女快過換衫架啦」

「佢好似係同你散左之後先咁咋」

我托住個頭望住個窗，無再出聲

上星期呀柏先問我溝唔溝個女仔好，話個女仔好好但麻麻地靚

原來咁快就一齊左

我個時問佢：我唔好咩？

佢話：好，實好架

「咁你唔同番我一齊？」我用力咁抆佢耳仔，笑笑口咁問

「好呀，等我同左個女仔一齊先啦」佢摸住我下巴，然後錫左埋黎

我個心好似穿左個窿，原來呢句野係真架

我每次問佢，佢都敷衍我

我知佢唔會同番我一齊，但係總係希望有一日可以

可以好似以前咁拖住手去行街

可以好似以前咁打打鬧鬧

就算咩都唔做，全日淨係一齊訓係梳化到hea，已經覺得好幸福

因為係我身邊既係佢

去邊都得架，只要係同你一齊都得架啦

Lm

近故留名

近故留名

新

知道呀柏拍拖之後，我忍唔住搵佢潤下佢

「喂，咁快一齊左既，勁喎！」

「講呢啲」

又係呢句，講呢啲係佢句口頭禪，每次佢唔想認個時就會講呢句

無可否認，分左手仲做sp係件好傻既事

難聽啲講，根本就係on9，做緊佢隻私家雞咋

但我控制唔到自己

每次佢搵我，我就會即刻秒覆，明知佢只係搵我扑野…

「食左佢未？」其實我知答案，但係都要問

「sure」係佢口中聽到答案，虐待下自己

個心痛左痛，好似那住那住咁，但都係未醒

人永遠就係咁，明知道答案，但都係要問

明知聽到答案會更加難受，明知聽到答案會更加絕望

可能心入面仲有一絲希望答案會唔同

但現實永遠係咁殘酷

你唔愛我啦？

對唔住

「你個名好公廁，班入面都有幾個女仔名都有個心字」呀柏趴係枱到望住我

我繼續做功課無理佢

「林心靈⋯心靈⋯」
「心靈呀心靈，你陪我玩下啦好無」

我停左停，平時啲朋友都係叫我Zero，第一次有人咁叫我

「陳柏森，你好煩呀」我好大力咁拍佢個頭

「我係咁架啦，鬼叫你鐘意我咩」佢瞇住眼笑，成個傻仔咁

夜晚訓係床到，成日都會諗起以前同呀柏既回憶

曾經好美好好幸福，依家只係捉得住啲碎片，隻手流哂血，但捉得更加緊

最怕回憶突然翻滾絞痛著不平息

「算啦唉，都過左去啦」我笑住咁同自己講

但係腦入面不斷重複「心靈呀心靈⋯」

網上面又話咩杯水太熱就會識得放手，我依家熱到隻手傷哂都唔識放手

「Zero，聽晚得閒？」

係呀柏，又係佢

佢已經唔再叫我心靈啦⋯⋯

其實佢變左，所有野都變哂

佢一直向前行，得番我留係原地兜轉

陳柏森！！！我係走廊大嗌，然而漆黑既盡頭一個人都無，回應我既係我既回音

只係，得番我一個

我望住個chat room，望左好耐好耐

決定放低部電話，聽日再算


「得呀」最後都係忍唔住覆左

人就係咁犯賤，咁樣有意義咩，我得到既係啲咩⋯⋯

夜晚七點既旺角站好逼，個個都係到等人

企我隔離個女仔應該同我差唔多年紀，似乎好唔耐煩

佢不斷錄音「到未呀」「快啲啦」「我等到好攰啦」「我比十秒你，你好出現啦」

我望一望佢，佢個樣黑哂，好似全世界都得罪左佢咁

隔左大約兩分鐘，有個男仔急急腳咁跑過黎

「對唔住呀bb，頭先地鐵塞車呀」個男仔好溫柔咁摸個女仔個頭

原本個女仔塊面黑到燶左，即刻笑得好甜

「哼，成日用埋啲垃圾籍口，我嬲呀」

就算原本幾嬲，一見到自己鐘意既人就笑番，咁代表真係好鐘意呢個人

就算等幾耐都覺得值得，只要最後都係會見到佢

佢地兩個拖住手慢慢消失左係人群

我望住佢地，覺得佢地好幸福

愛既人就係身邊呢種感覺真係好好

Lm

加速

「喂，做咩自己係到傻笑？」突然有隻手係我眼前揮黎揮去

「柒頭，遲到！」我細細力咁一拳打落呀柏手臂

「陪完女呀」佢好無奈咁撓頭

哦，陪女⋯陪完女朋友再陪前女朋友⋯

就算佢唔咁講，明眼人一睇，都會知我地唔係情侶

如果係情侶，應該會好似岩岩個男仔咁

「林柏森！你又遲到」我嬲爆爆咁抆佢耳仔講

「哎呀，痛呀痛呀。我表演個魔術比你睇，你應承我唔好嬲啦，好無？」佢扁哂咀，好似隻無辜既狗仔咁

我忍唔住微笑，因為真係好得意，唔捨得嬲佢

「嗱，笑番即係無事啦」

佢將隻手握成拳頭，放左係我耳仔側邊，「你睇住啦」，然後拎左啲野出黎

我以為佢會變粒糖出黎氹下我

點知係佢隻中指

「屌你！」我笑住咁打佢，佢即刻跑走左

跑到好遠好遠，我已經搵唔番以前既佢⋯

「又呆左？行啦」呀柏拉住我隻手行

「不如今日淨係食飯囉？」

呢句說話無啦啦係我口中彈左出黎

「陳柏森！你又遲到」我嬲爆爆咁抆佢耳仔講

「哎呀，痛呀痛呀。我表演個魔術比你睇，你應承我唔好嬲啦，好無？」佢扁哂咀，好似隻無辜既狗仔咁

打錯

( Show Blocked User - 好撚眼訓 )

標題講估狗
食屎啦，靠兩登上位出書

( Show Blocked User - 好撚眼訓 )

標題講估狗
食屎啦，靠兩登上位出書

你諗多左 打個故姐 邊會出到書
同埋依家先入正題

呀柏估唔到我會咁講，呆左呆

「唔得」佢好決絕咁講

「點解呀⋯」我好似小朋友做錯事咁問

佢笑住咁搭住我膊頭，向住時鐘酒店既方向行「今日夠鐘做body check啦，林心靈小朋友」

我無再出聲，我知佢點都唔會肯淨係食飯就走

我會無啦啦咁問，應該都係因為諗番起以前既事，想回到過去

我地兩個平排行，佢無拖住我，我都無翹住佢

好似好熟識既陌生人咁





一入到房，佢就好大力咁攬實我，推我埋牆

「我好掛住你」佢一隻手摸住我塊面，另一隻手伸左入我件衫到，係胸前游走

我知佢講大話氹我，「我都係」，而我講既係真話

佢柔軟既咀唇錫埋黎，好溫柔好軟錦錦

佢伸手隔住底褲摸下我下面，「濕哂啦喎」

我笑住咁咬一咬咀唇，「你沖涼先啦」

完事之後，我地赤裸咁訓係床到

佢拎左枝煙出黎食

「你以前好乖唔食煙架」我眼定定咁望住佢

「你以前夠唔會講經啦」佢笑左笑

以前以前，其實成日講番以前啲事又有咩用

事過境遷，依家點都唔會變番以前咁

「你仲鐘唔鐘意我？」

「我依家鐘意你」

佢強調係依家

依家，依一刻，係床上面

我知佢係床上面先會咁講，所以我從來唔會係其他地方問呢條問題

我苦笑，安慰自己至少呢一刻佢鐘意既係我

望住佢個口噴出黎既煙，慢慢係空氣中消散

好似我地既回憶咁，應該慢慢淡忘

加速

「我地陣間食你最鐘意食既譚仔好無？」我一路着番個bra一路問呀柏

「等等先」佢皺住眉頭咁㩒電話

「bb，呀珊放我飛機呀，你番黎⋯」呀柏唔小心播左個whatsapp錄音出黎，想停都停唔切

個女仔把聲好嗲好似小朋友咁，同我完全唔同

呀柏好尷尬咁望住我笑，「我唔同你食啦」

我個心沉左沉，以前就算佢有女朋友，佢都會陪我食埋飯先走

佢話過就算我地無一齊，我永遠係最重要

睇黎佢好鐘意呢個女仔⋯

「好呀。」我行埋佢到，用力咁係佢頸到啜左個咖哩雞

佢反應唔切，條頸已經出現左一個深紅既印

「你痴左線呀？」佢好大反應咁推開我，即刻走去廁所照鏡

佢咁大反應都只係因為驚佢女朋友會發現

我靜靜地着埋啲衫，無等佢就走左

落到樓下，行左幾步就收到呀柏既whatsapp「做乜姐你？之前都唔係咁架」

我啲眼淚開始係眼到打轉，忍唔住滴左落黎

因為你之前都唔係咁架

好 sad , 點解要作賤自己

好痛

痛心

「Zero，你仲有冇搵呀柏架？」

食食下譚仔，Hailey突然問我

我好自然咁夾左舊皮蛋去佢個碗到，「冇啦，同佢仲有咩好講」

「咁又係，個時分手你咁傷心」

個時考dse study leave之前，我同呀柏分左手

分手原因係佢淡左

一開始每日放學，呀柏都會送我番屋企

佢望住我入𨋢先肯走，佢話驚我一個人番屋企會有危險

之後一齊耐左，佢送我搭車就算，佢話好攰，我咁大個人識得自己番屋企

個時我就感覺到，有啲野唔同左

我唔係個啲港女，覺得佢唔送我番屋企就係唔愛我

佢開始少左覆我，放假寧願係屋企都唔見我，種種原因都令我覺得佢變左

「我今日送埋你番屋企啦」佢好溫柔咁笑住摸我個頭

「咁乖！」我好開心咁攬住佢

佢全程都拖到我實一實，個一刻我覺得好幸福，以後都淨係拖住佢就夠

佢送到我去屋企樓下，好認真咁望住我

「心靈呀心靈，我地不如算啦」佢微笑住咁講

佢用最溫柔既語氣講出最傷人既說話

原來佢今日送埋我番屋企係佢最後既溫柔

我無諗過原來嚴重到要分手

「你唔鐘意我啦？」我忍住啲眼淚，雙腳唔自覺咁退後左幾步

「對唔住」佢望住地下，唔敢望住我

因為淡左，佢判左我死刑

一齊係兩個人既決定，分手只需要一個人決定

而我，無得上訴亦都無選擇權