一個A0毒L和O4女神的故事 (3)

1001 回覆
138 Like 10 Dislike
2021-04-28 00:06:49
劇情需要呀
2021-04-28 02:11:44
可能佢寫寫下哋FF情節忍唔住要。。。
咁咪無下文囉
2021-04-28 02:30:51
好爽 屌臭女主係臭雞 我就係要呢啲情節
2021-04-28 03:25:05
新讀LM
2021-04-28 03:26:34
Lm
2021-04-28 09:12:23
Push
2021-04-28 09:33:45
push
2021-04-28 09:53:21
第五十三章 我真係好愛你

Athena按捺不住,立即緊抱著阿康。

「冇事㗎Athena,你媽咪會冇事㗎!」阿康輕掃Athena背部,以示安慰。

Athena仍未能控制自己的淚水,不停流淚。

阿康:「可唔可以話俾我知,究竟發生咩事?做乜突然喊成咁?」

Athena欲言又止。她很想跟阿康說出今晚的事,但一想起這次難堪的遭遇,就在咀邊的說話,又忍著沒說出來。

阿康:「係咪唔講得?如果唔講得,就唔好講喇,我唔想你難過!」

Athena放開了阿康,並堅決地望著他。

Athena︰「我冇啲咩係唔講得俾你聽,你坐低我慢慢同你講。」

Athena將今晚所發生的事向阿康一一說起。

Athena︰「阿康,你會唔會覺得我係一個好貪慕虛榮、好隨便嘅女仔?」

阿康:「唔會呀,一定唔會!我只係心痛你俾嗰個富二代當眾侮辱!」

Athena︰「我覺得自己好犯賤,要喺呢個時間同佢約會。我去同佢約會,根本唔係為咗錢,但俾人當成係貪佢錢嘅女人,我覺得自己真係好犯賤,我……」

阿康:「喺我心目中,你永遠都係最好。」

今次輪到阿康緊抱著Athena。

擁抱過後,阿康拿出一張150萬的銀行本票,並吩咐Athena盡快給父親用作母親的手術費用。

Athena︰「點解你會有咁多錢㗎?點解?」

阿康:「唔好睇少我呀,我平時好少使錢,慳慳埋埋都有唔少積蓄。」

Athena︰「我唔信,以你咁多年嘅人工,加加埋埋,就算你唔買figure,都未必儲到咁多啦,更何況你……咪住先,你……莫非你……」

阿康:「唔好再估喇,依家最緊要係醫返好你媽咪個病!」

Athena︰「鄧逸康,我要你今晚講清楚,你呢百五萬究竟點嚟!」

阿康敵不過Athena的追問,將事實說出。Athena其實已經估到一半,當她知道阿康真的變賣他的figure,原本已停止哭泣的Athena,又再次流淚。

Athena︰「你做乜賣晒你啲figure呀?你真係好傻,啲figure你儲咗好多年㗎喇,仲成日都話啲figure係你嘅第二生命。你做乜要為咗我而賣晒佢喎?嗚……」

阿康:「唔緊要啦,冇咗咪再買過囉,你同你屋企人比起啲figure重要啲,冇所謂啦!」

二人一直互相對望。Athena深知阿康一直心愛著figure公仔,阿康卻賣掉他最心愛的玩具,為的是幫自己籌錢,現在還不想令她擔心,故作輕鬆地說不要緊。想到這裡,Athena心裡很過意不去。

阿康一直忙著為Athena抹掉眼淚。

阿康:「唔好再喊喇,我又唔係賣晒所有figure,至少你送俾我嗰兩隻figure我冇賣㗎,唔捨得嘛!」

阿康形容的兩隻figure,就是二人在曼谷時,Athena買給阿康的懷舊幪面超人公仔,以及Athena去日本旅行時,買給阿康做手信的日本特式figure。

阿康的說話,沒有令Athena停止哭泣之餘,還哭得更加厲害。

阿康:「嗱,唔好再睇少figure嘅價值呀,其實買figure真係好好嘅投資嚟㗎,唔好再話我毒喇!仲有呀,其實今次最大功勞係你,因為上次你幫我買到嗰隻最難搵嘅marvel限量版,我先儲齊到一套,如果唔係,嗰套根本賣唔到咁好嘅價錢。」

聽到阿康這樣說,Athena終於顯露了笑容。

Athena︰「傻佬嚟㗎你!」

阿康:「Athena!」

阿康望著Athena,並且深呼吸了一下。

Athena︰「做咩呀?」

阿康:「Athena,我唔知依家係咪最適當嘅時候,但係我覺得,如果我今晚唔講出嚟,遲啲又唔知會有啲咩阻滯。」

阿康這樣說,Athena已估到阿康想講甚麼。

阿康:「Athena,喺呢段時間,我同你相處嘅時候,真係好開心。開心嘅係,唔單止係我單方面覺得開心,我感覺到你同我一齊嘅時候,都好開心。呢種感覺,對我嚟講,係好難得嘅事。」

阿康續說:「一直以嚟,我都唔知道你嘅開心,只係建基於我哋嘅友誼,定係其他原因。我唔想咁輕易去打破呢種關係,因為只要我處理得唔好,可能我哋真係連朋友都冇得做。」

阿康握著Athena雙手,繼續說出心底話。

「本來我想喺一啲好浪漫嘅氣氛之下同你表白,並唔係今晚咁嘅情況,但係我覺得唔可以再拖喇!Athena,我真係好愛你,希望你今次可以應承我,同我喺埋一齊,俾機會我照顧你。」

說罷,阿康拿出一早預備好的禮物,是一條鑽石頸鍊。

「其實我真係唔識揀呢啲嘢,只係上次我哋喺曼谷嘅時候,我聽你講過你鍾意呢啲款式,所以我揀咗類似款式嘅頸鍊送俾你!」

阿康望著Athena,等待著她的答覆。其實阿康很緊張,表面故作鎮定,但心裡很害怕被Athena拒絕,猶其是他選擇在Athena母親生死未卜的時候表白。

「你幫我戴條頸鍊啦,睇吓襯唔襯我!」阿康得到Athena的答覆,她讓阿康為她戴上頸鍊。

阿康成功了!

之前阿康有太多失敗的經驗,而且曾經試過被Athena狠狠地拒絕過,他在Athena面前,就好像有千斤重擔壓在自己的身上一樣,生怕再次被Athena拒絕。現在他得到Athena答應,立即如釋重負。

阿康小心翼翼地為Athena戴上鑽石頸鍊。他已經排練已久,希望自己不會笨手笨腳,幸好最終順利戴上。

「好靚呀,我好鍾意呀!」說罷,Athena主動擁抱著阿康。阿康也不怠慢,興奮得立即抱起Athena,並轉了一個圈。

放下Athena後,Athena主動親了阿康的嘴唇一下。

Athena︰「喂呀,你都知媽咪情況啦,我唔想咁快公開我哋嘅關係住。等媽咪做咗手術,情況穩定之後,我先公開我哋拍拖嘅事,好冇?」

阿康:「冇問題呀,你做得好啱,依家最重要係醫好伯母嘅病先,其他嘢遲啲再算啦!」

「抵錫!」Athena再次主動親了阿康一下。

對於一個將近28歲的A0男生,終於一嚐拍拖的滋味,而且第一個女朋友是自己心儀已久的女神,當中感覺真的非筆墨所能形容。之前曾經辛苦過,以及所受過的種種挫折,對阿康來說,都不再是甚麼大不了的事。

**********

阿康和Athena正式拍拖的第一晚,他們沒有做愛做的事。始終Athena母親仍生死未卜,而Athena也需即晚跟父親匯合,並將款項交給父親,阿康也自行返家。

所以,他們的第一晚,很平靜地渡過。

人生那麼重要的事,阿康當然立即跟兄弟們分享,經WhatsApp群組公佈這個好消息。兄弟們知道阿康為Athena付出很多,現在終於可以修成正果,他們也很替阿康高興。

不過,當Patrick知道Athena並沒有打算現在公開與阿康的戀情後,開始有些替阿康擔心。

Patrick︰
「一個女仔唔想公開戀情
可能仍然唔想放棄呢個森林
等自己可以騎牛搵馬
或者可以繼續收兵
就算遲啲飛咗條仔
自己都唔會有壓力」

Dylan︰
「屌你講乜撚嘢呀 收皮啦你
你唔知頭唔知路就唔好9up啦
我雖然同Athena唔算熟
但佢喺朋友圈嘅聲譽一向都好好
唔會玩玩下」

Patrick︰
「屌你 我都係有嗰句講嗰句者
唔啱聽咪唔好聽囉」

Dylan知道這次是阿康第一次拍拖,很多事情他都沒有主意,很多問題也可能不懂處理。身為他的好朋友們,無謂在他正式拍拖的第一晚,便為他帶出疑惑。

阿康:
「我相信Athena一定唔會」

阿康沒有將Patrick的說話放在心裡。

他躺在床上,久久未能睡著。他腦海浮現的每個畫面,全部都與Athena有關:第一次重遇Athena,第一次被Athena關心傷勢,第一次與Athena有身體接觸,第一次看見Athena睡覺的模樣,以及Athena為他買下限量版figure,和兩次的約會失敗,所有畫面就像放映機一樣,在阿康的腦裡不斷播放著。
2021-04-28 09:53:46
今日早啲出文
謝謝大家嘅支持
2021-04-28 10:01:45
2021-04-28 10:05:02
又睇完 又要等一日
2021-04-28 10:06:12
牙康成功了!
2021-04-28 10:07:31
好似睇住佢大個仔咁
真係感動到喊
2021-04-28 10:08:56
2021-04-28 10:12:13
終於一齊啦
2021-04-28 10:12:45
算你喇
2021-04-28 10:14:26
終於得米啦!
不過唔知阿康同Athena係咪真係適合對方。始終佢地係兩個世界嘅人。
暫時睇仲係好大機會分手收場
2021-04-28 10:15:15
期待牙康破處
2021-04-28 10:24:37
2021-04-28 10:26:46
Ex 出場未
2021-04-28 10:29:36

總覺得事情冇咁順利 可能真係好似Patrick講既咁
2021-04-28 10:30:05
2021-04-28 10:31:01
咁就要繼續睇落去喇
個故冇乜快完
2021-04-28 10:31:17
唔公開關係 遲早出事
等做完手術先公開係藉口
根本驚阿康失禮自己
2021-04-28 10:31:47
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台潮流台上班台財經台房屋台飲食台旅遊台學術台校園台汽車台音樂台創意台硬件台攝影台玩具台寵物台軟件台活動台電訊台直播台站務台成人台黑 洞