一個A0毒L和O4女神的故事 (3)

1001 回覆
138 Like 10 Dislike
2021-04-30 07:07:38
等緊
2021-04-30 07:52:08
出完正傳,可唔可以出番個平行時空俾番Rachel同阿康一齊
2021-04-30 09:34:40
可唔可以,再出多個平行時空比肥媽同阿康一齊
2021-04-30 09:37:29
Athena屌蝦毒撚
2021-04-30 09:45:46
睇錯左今朝瞓左醒唔返
2021-04-30 09:47:25
惡撚到
2021-04-30 09:48:42
Push
2021-04-30 09:53:41
push
2021-04-30 10:00:43
2021-04-30 10:00:45
加油樓主
2021-04-30 10:12:39
第五十五章 我信佢冇做啲對唔住我嘅嘢

在接下來的一星期,藍詠珊康復進度比預期好,何醫生決定讓她出院,只需定期覆診便可。

回家後,Athena決定親自下廚,慶祝母親出院。

Athena其實不善下廚,幸好阿康經電話教導Athena,才順利完成。

藍詠珊吃了一件雞塊,覺得味道很好。

Athena︰「好唔好食呀媽咪?」

藍詠珊:「好食呀!廚藝唔錯!」

Athena︰「你係第一次讚我廚藝好呀!」

藍詠珊:「我邊係讚你,我讚阿康喳嘛!」

Athena︰「吓!」

徐宏志:「你頭先喺廚房講電話講得咁大聲,係人都聽到你向阿康求救啦!」

Athena向父母伸了一下舌頭。

藍詠珊:「幾時帶阿康上嚟食飯呀?」

Athena︰「吓,你講咩呀?」

藍詠珊:「仲扮嘢,你哋唔係拍緊拖咩?」

Athena︰「邊有呀!」

徐宏志:「上次你喺醫院攬得佢好實㗎喎!」

Athena︰「當時擔心媽咪,一時激動嘛!」

藍詠珊:「其實阿康對你點,我同爸爸又點會唔知。我知道阿康係賣咗佢儲咗好多年嘅玩具嚟籌錢,為嘅係我嘅手術費。佢肯成副身家俾晒你,幫我去醫好呢個病,事問一個朋友,就算有幾好嘅朋友,又點可能做得出呢啲事呢!」

Athena︰「你唔係唔鍾意阿康咩,之前你好似唔係咁想我同佢有進一步嘅關係。」

藍詠珊:「我當初係嫌過佢個樣生得唔好,嫌過佢襯你唔起。但係經歷咗咁多嘢之後,我依家只係想你幸福,而阿康係一個值得信賴嘅男仔,而且我知佢對你好好,亦都好鍾意你,事事以你為先。我收返之前講過嘅嘢,如果你都鍾意阿康,我係絕對唔會反對你哋兩個喺埋一齊㗎!」

Athena︰「媽咪,我知點做㗎喇!」

Athena決定跟阿康拍拖之前,曾擔心會遭母親反對。現在知道母親開綠燈,原本應該值得慶賀,但Athena心裡沒有這種感覺。

**********

這段時間,阿康如常每晚都到Athena的家,為她下廚和打點家裡的事。阿康覺得,Athena未肯公開戀情,只有來Athena的家,他才有機會跟Athena見面,他會很珍惜這些機會。

阿康特別留意Athena的神情。每次他偷望Athena,總發現她會心不在焉,好像有很多心事。但每當問她的時候,她就表明沒有問題,只推說自己疲倦。

這星期,阿康比之前更確認這一點,就是,Athena並不喜歡自己。阿康覺得,Athena後悔答應與他一起,而當時Athena之所以答應他的追求,只是出於感激,其實可能對他並無愛意。

阿康很想攪清楚,但又不想接受現實,怕Athena會跟他講分手,所以一直不肯跟Athena坦承相對,只有盡量拖延。

**********

某天,阿康跟Johnson一同外出見客。正當他們經過尖沙咀一酒店門口之時,阿康看見Athena。阿康欲與Athena打招呼之際,他看見Athena跟著一個外國男人,步入酒店大堂。

阿康也想入內問清楚Athena所謂何事,但看不見Athena的Johnson,催促阿康要行快一些,以免見客遲到。公事為重的阿康,唯有加快腳步,目送Athena離開自己視線範圍。

工作完成後,Johnson叫阿康不需回公司,可直接回家休息。

回家途中的阿康,一副心不在焉的樣子,一直想著剛才的事。為何Athena會身在尖沙咀?是否她的客戶有活動在尖沙咀舉行?為何她會跟那位老外進入酒店?一想到這裡,阿康便不敢再想下去,連忙搖頭,希望自己不要亂想。

突然,汽車的響號聲在他旁邊響起,他才驚覺自己原來已步出了馬路,一輛客貨車正駛近他。幸好司機及時煞停汽車,在阿康不足一呎的距離前停下。

「我屌你老母呀,你點過馬路㗎!」

「Sorry,sorry呀!」

客貨車司機責罵阿康幾句之後,也不繼續糾纏下去,隨即離開現場。

事情被剛路過的王婆婆看到。

王婆婆:「做咩呀你,神不守舍嘅你!」

阿康:「王婆婆,我唔知點講好。我已經同我鍾意嘅人喺埋一齊,但係一啲拍拖嘅感覺都冇,而且我仲見到佢跟咗個男人入酒店。」

王婆婆:「咁你信唔信佢吖!」

阿康:「我信,我信佢冇做啲對唔住我嘅嘢!」

王婆婆:「咁咪得囉,你哋經歷咗咁多嘢,先可以喺埋一齊,唔可以因為少少嘢而懷疑佢,要互相信任。你都講佢媽咪有病,你應該要體諒佢,喺佢身邊支持佢。」

王婆婆永遠都會向好的方面去想,阿康也明白她的用意。當然,這樣並未能釋除阿康的疑惑。

回家後,阿康決定跟兄弟們傾訴。雖然阿康已預知他們會一面倒講Athena壞話,但也照樣在WhatsApp群組中盡訴心中情。

家俊:
「其實 事實擺在眼前
港女鍾意食洋腸是常識吧
好地地返工時間唔去做嘢
係同條鬼佬入酒店
你覺得會有其他原因?」

阿康:
「可能佢今日真係去尖沙咀有嘢做呢
佢喺公關公司做 有event要周圍去
一啲都唔出奇」

Patrick︰
「酒店event? 個客係鬼佬?
個event喺酒店房入面攪?」

阿康:
「你唔好咁講啦」

Patrick︰
「係兄弟先講心嗰句 佢唔想同你親熱 因為喺出面已經食飽咗」

Dylan︰
「你哋又唔好諗得太負面
athena喺呢個朋友圈入面嘅評價一直都好好
唔會周圍去玩
不過 就算athena冇做啲對唔住你嘅嘢
佢亦都唔見得好鍾意你」
「唉 兄弟一定會撐你撐到底🍻」

當晚,阿康沒有到Athena家,這是二人拍拖以來首次。阿康推說今天工作很累,想早點休息,所以不來Athena家。

阿康繼續在WhatsApp和Athena對話。

阿康:
「今日做嘢順唔順利呀!」

Athena︰
「都ok啦 今日出去跟個新event嘅嘢 都順利」

阿康:
「你今日唔喺公司?」

Athena︰
「係呀 我全日都喺尖沙咀攪新event嘅嘢」

阿康:
「係室外定室內嘅event?
室外就麻煩啲喎 今日落過一場雨
嚟緊幾日都有雨」

Athena︰
「係商場event嚟㗎 唔使擔心呀
更何況我今日全日都留喺商場入面
冇淋濕身呀」

阿康一直在套Athena說話,希望找到甚麼蛛絲馬跡,以証明Athena沒有做對不起自己的事。但他一見到Athena提及自己今日沒有離開商場,而阿康又在今天見到Athena去過酒店,足以証明,Athena有事隱瞞他。

霎時間,阿康的心很痛,而且感到無比痛楚。他不明白自己做錯了甚麼,明明自己對Athena已經好得無可再好,為她犧牲很多,莫非在對方眼中,自己真的是一個可有可無的人?為何對方要做一些背叛自己的事?

明明已經開始拍拖,但為何阿康感受不到戀愛的感覺?Athena面對自己的時候,表演得很客氣,完全沒有親密的感覺,拒絕做親密的舉動,甚至比正式拍拖之前更生疏。

要解釋這一切現象,阿康只能歸納出一個他假設過的原因:Athena根本不喜歡自己,而且有可能做了對不起自己的事。

Athena︰
「喂 咁你聽晚上唔上嚟我屋企呀」

阿康:
「上」

Athena︰
「好
你煮飯?」

阿康:
「好 我煮」
「同埋 我聽晚想喺你屋企過夜 好唔好?」

面對阿康這條問題,Athena沒有立即回覆,還下了線。而阿康也不知道,自己為何會在此情況下要求去Athena家過夜,可能他想攪清楚自己與Athena之間的關係,所以有此要求吧。

直至十五分鐘後,Athena才回答一句:「你鍾意啦」。看來,Athena不太願意阿康在自己家過夜,但最終也勉強答應了。
2021-04-30 10:13:05
只能夠說其實都係普通女仔一個
都有佢嘅特別特色
但其實又唔係咁特別
2021-04-30 10:21:06
而家仲好似衰過之前未追到嘅時候
2021-04-30 10:21:55
睇到有d燥
佢想點撚樣呀,一時確定阿康係岩自己
一時又無開心感覺
2021-04-30 10:25:08
準備分手嘅前奏。
都叫做試過係埋一齊,阿康都叫做成功過。
Athena都叫做俾咗機會。錢又還咗,恩又叫報咗。
大家努力過,唔啱就係唔啱。
分手放過對方,俾對方過返適合自己嘅人生,搵個適合自己嘅對象。不枉啦。
2021-04-30 10:30:50
反而呢度我覺得樓主寫得幾好
雖然阿康好慘 但係感覺事情咁樣發展其實先至係貼地同寫實
2021-04-30 10:33:18
2021-04-30 10:34:18
Push
2021-04-30 10:35:25
劇情好貼地 證明對一個人好係感動到佢 但唔會令人愛上佢
2021-04-30 10:35:52
毒撚始終都係毒撚嘅故事
2021-04-30 10:52:51
阿康值得更好
2021-04-30 10:57:14
唉,雖然有文係Good morning。
不過覺得好bad morning

啱先樓上一句: 證明對一個人好係感動到佢 但唔會令人愛上佢

好L中
2021-04-30 11:00:14
感動還感動
好感還好感
2021-04-30 11:01:54
樓主寫得幾真實,唔係點會有咁多愛情悲劇
2021-04-30 11:06:37
樓主呢寫好現實寫得 我諗好多人都經歷過呢啲事 包括我

繼續加油 寫好佢
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台潮流台上班台財經台房屋台飲食台旅遊台學術台校園台汽車台音樂台創意台硬件台攝影台玩具台寵物台軟件台活動台電訊台直播台站務台成人台黑 洞