一個A0毒L和O4女神的故事 (3)

1001 回覆
142 Like 11 Dislike
2021-05-05 11:14:45
好辛苦呀
我要沖涼文呀
2021-05-05 11:17:20
第六十章 全世界嘅人都知道我同你拍緊拖㗎喇

阿康和Athena,渡過了一個接近完美的初夜。

翌日早上,Athena醒來,發現阿康不在身旁。

她穿回衣服後走出大廳,嗅到了香味,於是立即走進廚房。

「早晨!」Athena從後抱著正在煮早餐的阿康。

「早晨呀!你醒喇?做乜唔瞓耐啲?」

「醒咗見你唔到,就即刻掛住你啦,點瞓得返喎?」

阿康聽到Athena的甜蜜語句,立即笑逐顏開。

「快啲刷牙洗面啦,我就嚟煮好㗎喇!」

Athena梳洗後,發現早餐已被放好在飯桌之上。

「整得好靚呀!」這是Athena對阿康煮的早餐的第一個評語。

阿康預備了一個all-day breakfast,有太陽蛋、德國腸、煙肉、薯餅、粟米、蕃茄和沙律菜,非常豐富,而且放置得很美觀,真的很有餐廳水準。

阿康:「梗係啦,話晒以前都做過cafe,對我嚟講唔太難。仲有一樣!」

阿康從廚房端來兩杯咖啡。

Athena︰「好得意呀!」

阿康沖了Cappuccino,並在表面加了一隻立體的柴犬綿花糖。

Athena︰「點解你一個朝早可以預備到咁多嘢嘅?」

阿康:「咩一個朝早呀,我預備咗好耐㗎喇,每晚我嚟到你屋企,我唔係淨係煮晚飯俾你食㗎,我係不停幫你個廚房補給啲食材㗎!你廚房咩都冇,真係嘥晒個咁好嘅廚房!」

Athena︰「嘻嘻!咁你多啲過嚟啦,我無任歡迎㗎!」

阿康:「你梗係無任歡迎啦,坐定定就有得食。」

Athena伸一伸舌頭。

阿康:「我入去廚房攪埋啲手尾先,你食住先啦!」

Athena︰「你整得咁靚,我有排影相啦,等埋你先食啦!」

Athena主動親一親阿康,阿康便返回廚房。

沒多久,阿康處理好廚房的事情後,他聽到自己的手機不斷發出響聲。他以為有人打電話給自己,但又不是來電鈴聲,而是信息聲音。

阿康準備拿起手機,留意到旁邊的Athena陰陰咀笑著。

阿康:「做咩事呀,你攪啲咩嚟?」

Athena︰「無嘢呀!」

阿康發現,自己分別在IG和Facebook入面,被Athena標註在新的相片當中,相片是阿康親自煮的早餐,caption是「一個甜蜜的早上」。同時,他收到Athena在Facebook的關係請求,是將感情狀況變成跟阿康「戀愛中」的請求。

剛才連續的信息聲,是雙方朋友在帖子上留言的通知信息。

阿康:「Athena!」

Athena︰「已經公開晒喇,全世界嘅人都知道我同你拍緊拖㗎喇!你呀,要對我好啲呀!」

阿康:「我又點會對你唔好喎!」

阿康親了Athena一下。

阿康昨晚曾說過Athena沒有公開他們的戀情。為了增加對阿康的安全感,Athena選擇正式公開二人的戀情。

擺脫了地下情之後,阿康之前感到的所有不快,都一掃而空。他可以明正言順地拖著Athena的手,在街上拍拖,也可以跟認識的人說Athena是他的女朋友,不再需要偷偷摸摸。

阿康身邊的人,包括他的三個好朋友Dylan﹑Patrick和家俊,以及同事肥媽、Rachel和Johnson,都不約而同地替他高興,又恭喜他終於擺脫A0,可以跟自己喜歡的人拍拖。

相反,Athena那方的朋友則大相逕庭。除了Esther和Chloe之外,幾乎所有認識Athena的人,都感到相當驚訝,概嘆Athena為何要找一個質素如此低的男生做男朋友。儘管在Facebook上也有人恭喜Athena拍拖,但留言人數遠比以前的戀情少,而且只是門面的恭喜說話,並不真心。

在這星期,Athena收到很多朋友的問候。當然,絕大部分的傾談內容,都是詢問Athena為何會挑選阿康為男朋友。有些朋友是善意的,知道Athena和阿康經歷過很多,最終也祝福他們;另一些朋友,猶其是知道阿康曾在三年前騷擾過Athena的那些朋友,到現在也不相信Athena會選擇跟一個加害者拍拖,以為她有「斯德哥爾摩症候群」。

Athena公開戀情只有一個星期,她心理上已開始感到疲倦。

**********

阿康和Athena這雙情侶,將來一起渡過的日子,註定不會安穩。除了Athena的朋友外,反應最大的,當然是Fred。

Fred一直以為,Athena是自己的囊中物,不料被阿康捷足先登。公司之內已經眾說紛紜,很多同事也以為Athena會跟Fred拍拖,但Athena最終竟選擇了其貌不揚的男生。很多人都私底下恥笑Fred,竟然輸給一位如此低質的男生。

某天,Fred終於按捺不住,午飯時間找Athena講數。

Fred︰「OK,Athena,我已經唔係再想糾纏喺我同你之間嘅事,你同另一條仔拍拖我都冇意見,但你揀都揀個正常啲吖!本來我同你喺公司已經傳到去拍拖呢個地步,依家你同條毒撚拍拖,即係落我面,依家我喺公司咩面都冇晒喇!」

Athena︰「你可唔可以尊重一下我男朋友,同埋尊重一下我呀!」

Fred︰「你同我講尊重!你唔受溝就唔好嘥我時間啦!之前明明好地地,你又會喺短時間內對我唔揪唔睬。你究竟想點呀!」

Athena︰「我係唔會鍾意一個冇愛心、態度差同人前人後兩個樣嘅人囉!我見到你依家咁對我嘅態度,我好慶幸我及早發覺,冇同你喺埋一齊,如果唔係,我會後悔莫及。」

Fred︰「哼,你都算賤,將啲罪名推晒俾我,好似覺得自己完全冇做錯咁!我係唔會再同你喺同一team做嘢㗎喇,你識趣嘅就自己同公司申請調組,唔好煩到我。」

「我同老細講咗喇,我同Athena會調去Matthew嗰組。我完全估唔到,你會咁樣同Athena反面,你可唔可以唔好咁樣衰呀,俾返少少風度啦!」Chloe前來找Athena,恰巧聽見二人的部分對話,於是便開口幫Athena解圍。

「OK,遲啲你哋兩個喺公司見到我,好同我彈開,唔好俾我見到你哋!」Fred講完此句後,便拂袖而去。

Chloe見Fred已走,便立即擁抱Athena。

Chloe︰「我睇錯咗佢,賤Fred自己衰心地差,依家又無端端搵你講數!冇事㗎Athena,有我喺度!」

Athena︰「多謝你呀Chloe,你真係好好!」

Chloe︰「你有咩記住唔好收收埋埋呀!我係無限量支持你同阿康㗎!」

Athena立即用抱抱回敬Chloe。

**********

某一晚,阿康和Athena外出吃晚飯。

餐廳之內,不少食客也偷望他們二人。有人更與同行者竊竊私語,對二人評頭品足。

這也不難理解。一個高挑美女,和一個相貌平凡的男人拍拖,一定會惹人爭議。旁人一定會有無限想像,覺得男的一定很富有,女的很貪錢。如果不是,那肯定是男的捉到女的痛腳,女的受到威脅才被迫跟男的一起。

抑或是,男的有個人之處,令女的不能自拔;還是女的有絕症,男的陪她走完最後的路云云。總之,當醜男和美女拍拖的時候,總會是不正常的關係。

當然,阿康和Athena,在決定拍拖之前,已經想像到會有此等情況出現,猶其是Athena,才會出現最初拍拖時的那段迷茫期。但Athena已經想清想楚,她決定了跟阿康拍拖,就不會再理別人的目光,一心一意跟阿康一起。

「喂,三點鐘方向!」

「嘩,唔係咁大嘥呀!」

「妖,講呢啲,可能係真愛呢!」

「梗係啦,唔係真愛點一齊呀!」

一雙情侶在餐廳裡路過阿康二人的座位時,竊竊私語地對話,但對話的聲量,足以令阿康他們聽見。

阿康顯得有點沮喪。

Athena︰「阿康?」

阿康:「吓,做咩呀?」

Athena︰「你,冇嘢吖嘛?」

阿康:「冇嘢。我係聽到頭先對情侶嘅對話,佢哋已經講得好溫和㗎喇,我冇嘢。我擔心嘅只有你。」

Athena︰「我都冇嘢,我唔會理人點講。由我決定要公開戀情嗰日起,我已經預咗會有呢一日,一定會聽到好多閒言閒語。我唔會再理其他人點睇我哋,佢哋唔會再影響到我,只要我知道,你鍾意我,我鍾意你,已經夠喇!」

「Athena!」阿康聽到Athena愛的宣言,心裡很感激對方,立即緊握Athena雙手。

阿康:「我應承你,我會盡我最大嘅努力去照顧你,去對你好,我會用時間去証明我做得到,等睇死我哋嘅人收聲。」

正當二人互相表達了堅定的決心,以為任何事情也阻不到二人之際,Athena發覺在其中一個朋友的IG上,出現了三年前Athena當眾拒絕阿康的片段。
2021-05-05 11:18:12
冇沖涼文喇
自己FF個情境啦
2021-05-05 11:23:12
肯定係sophie
2021-05-05 11:25:28
hmd真係識到男女朋友咩
2021-05-05 11:31:12
條八婆
2021-05-05 11:37:44
2021-05-05 11:41:51
頂撚住啊康哥,三年前過咗去㗎喇
2021-05-05 11:50:48
Push
2021-05-05 12:01:57
一段片姐唔好諗唔開
2021-05-05 12:03:08
加油呀唔好放棄
2021-05-05 12:43:45
Rachel呢刻咩心情
2021-05-05 12:51:45
好辛苦啊
我再要文啊
2021-05-05 12:57:01
那沖涼個次不就是中出?
該不會甘環保重環再用吧?
2021-05-05 12:59:52
athena咁多 cls fd嘅?明明好眉好貌心地唔差,但啲fd都係用心不良嘅?(Esther,Chloe 例外)
2021-05-05 13:17:37
一集就要阿康由天堂直插入地獄!?
2021-05-05 13:17:40
靚女自然會有好多想得到佢既人係度搞小動作
其實係哩篇裡面已經突顯到好多女神既fd都好唔睇好呢段關係
2021-05-05 13:49:30
問題係嗰啲cls fd裡面有女仔喎,唔通佢哋係gl
2021-05-05 14:02:42
睇到公開關係呢度 諗起另一個故
因為唔夠膽公開最後不歡而散
2021-05-05 14:04:57
文中間嘅Athena 心理上已感到疲倦⋯再加最尾段片似會傳到全世界都知⋯阿康加油啊
2021-05-05 14:11:23
2021-05-05 14:15:39
但又唔抗拒個靚女有靚仔男朋友
2021-05-05 14:19:12
2021-05-05 14:21:18
我接受到康做男朋友
但好難接受同康搞野
2021-05-05 14:26:45
啱啱都想講
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台潮流台上班台財經台房屋台飲食台旅遊台學術台校園台汽車台音樂台創意台硬件台攝影台玩具台寵物台軟件台活動台電訊台直播台站務台成人台黑 洞