一個A0毒L和O4女神的故事 (3)

1001 回覆
138 Like 10 Dislike
2021-05-02 09:06:31
餐你老母
btw agger
2021-05-02 09:07:31
Agger ur bitch
2021-05-02 09:08:16
仆街, 追文追到咁貼嘅
2021-05-02 09:09:09
quote文狗死全家
又block多隻quote文狗
2021-05-02 09:48:37
push
2021-05-02 11:37:52
可唔可以加速
2021-05-02 11:38:33
樓主係咪真人真事?
2021-05-02 11:53:01
我要文阿
2021-05-02 12:00:36
要加速就唔好不推文啦
2021-05-02 12:01:34
加速
2021-05-02 12:02:11
文呢
2021-05-02 12:17:21
第五十七章 我,杜希晴,好鍾意你,鄧逸康呀!

「唔好走!」阿康聽到Athena的聲音,而自己的手,正被Athena緊握著。

阿康回頭一望,發現Athena睜開了眼,而且跟自己一樣,正流著眼淚。這樣看來,Athena剛才可能只是假裝睡覺,而且全程也聽到阿康的心底話。

Athena從沙發上起來,站在阿康的面前,而且仍拖著阿康的手。

Athena︰「做乜你仲要同我講sorry喎?明明係我對你唔好,應該係我同你講sorry,做乜係你同我講喎?」

面對Athena的問題,阿康不懂回答。

Athena︰「Sorry呀阿康!我承認,喺呢段時間,我係冷落咗你,係我唔好,但並唔係我唔鍾意你,而係我有太多嘢要諗。」

阿康聽到Athena說並不是不喜歡他,心裡有些激動,緊緊地捉住Athena的手。

Athena︰「係我嘅懦弱令到你受傷害!」

阿康:「做乜你咁樣講呀?」

Athena︰「阿康,希望你聽咗之後唔好嬲。你嘅身份係比較特殊,因為你三年前對我造成過傷害,呢件事好多朋友都知。當時我當眾同你講過,我係呢一世都唔會同你喺埋一齊,叫你唔好痴心妄想。我仲講過好多難聽嘅說話!」

阿康:「我記得。」

Athena︰「當然,呢大半年之間,我同你發生過好多事,經歷咗好多嘢,三年前嘅你,我已經忘記得一乾二淨。但係對於我好多朋友嚟講,你仍然仲係嗰個,淨係識得騷擾我、跟蹤我嗰個變態佬。」

阿康:「我明白。」

Athena︰「其實我並唔係冇公開過我哋嘅戀情。我已經將我同你拍拖嘅事,講咗俾我三個好姊妹,同埋另外幾個比較熟嘅朋友知。除咗Esther同Chloe係贊成之外,其餘嘅人都好唔睇好我哋嘅戀情。」

聽到這裡,阿康終於明白,Athena要顧慮的事比自己多。Athena的生活圈子比較廣,並不像宅男性格的自己,而且她有很多朋友仍然認得自己,Athena將來所承受的壓力,一定會很大。阿康從來都沒想過這點,只懂埋怨Athena不喜歡自己。

Athena︰「仲有,之前兩次約會都去唔成,都係因為我同你身邊嘅人有事。雖然我唔信呢啲嘢,但事情實在太巧合,我都有擔心過,唔好嘅嘢會唔會陸續有嚟。」

Athena續說:「所以我成日都喺度諗,究竟我哋應唔應該喺埋一齊呢?我諗咁多,顧慮咁多,係咪我唔夠愛你先會係咁?不知不覺之間,我就冷落咗你,仲要逃避同你溝通,令到你呢三個禮拜咁唔開心。」

Athena放開了阿康的手,並緊緊擁抱著阿康。

Athena︰「係我唔好,我用咗旁人嘅目光同感覺,去判斷呢段戀情係啱定係錯,我咁樣做,對你實在太唔公平!」

阿康:「呢啲唔重要㗎,我淨係想知道,你依家個心係點諗。」

Athena放開了阿康,再一次捉住阿康的手,正面望著阿康。

Athena︰「其實有啲嘢我本來唔想講,但係……我……我唔想瞞你。我知,我知道你為我做咗好多嘢,受過好多傷害,呢啲我係完全感受得到,完全知道。如果係其他條件比你好嘅男仔對我做同一樣嘅嘢,我考慮嘅嘢就唔會咁多,可能已經一早開始咗戀情。Sorry呀阿康,我覺得我好自私……」

阿康:「Athena,過程真係唔重要。我唔介意你將我同其他男仔比,我淨係想知道,你願唔願意同我一齊行落去?」

二人互相對望。

阿康很想Athena說願意。他不知Athena說這番話的目的,是否想表達「你很好,但好多因素令我們不能走在一起」。他本來已打定輸數,選擇離開,但聽罷Athena的解釋後,他覺得二人仍有機會,可以開開心心地一起生活下去。

他期望Athena會給他一個理想的回覆。

Athena︰「阿康!」

阿康沒有回應,只繼續用最真切的態度,望著Athena,並等待她的回覆。

Athena︰「對唔住呀!」

阿康聽到Athena說對不起之後,心情再一次跌進了谷底。為何上天要給他一次機會,又再一次令他絕望。

Athena︰「你唔好咁快就唔開心啦,我未講完㗎!我同你講sorry,係因為我真係冇好似你鍾意我咁樣咁鍾意你,真係冇得比。但係,我今晚聽完你嘅真心說話之後,我好感動,令我覺得我唔可以再錯過你。我依家可以好肯定咁同你講……我都好鍾意你㗎!」

阿康第一次親耳聽到Athena對自己說喜歡自己,感覺有點不真實,所以未能及時作出反應。

Athena︰「阿康?」

阿康:「你……可唔可以講清楚啲最後嗰句?我聽得唔清楚!」

Athena︰「我,杜希晴,好鍾意你,鄧逸康呀!我好想繼續同你喺埋一齊呀!咁樣夠清楚未呀傻佬!」

阿康立即緊抱著Athena!

阿康終於聽到Athena這句真心說話。他需要的是一個肯定,他要確保Athena跟他拍拖,並不是感激,而是真的有愛的感覺。

擁抱過後,Athena拿出一個紙袋,遞給阿康。

Athena︰「送俾你㗎!」

阿康:「送俾我?」

Athena︰「係呀,好出奇咩?女朋友送禮物俾男朋友,好平常喳嘛!」

阿康現在聽到Athena的每句說話,也感到甜蜜。

阿康望著那個紙袋,好像有印象在哪裡見過。對,昨日在尖沙咀碰見Athena時,那個外國男人拿著的就是這個紙袋。

Athena︰「我記得你講過你曾經有過呢套figure,但之前幫我籌錢所以賣咗。我上網見有人放賣,仲要唔貴,於是特登買嚟送俾你。」

阿康:「原來係咁!」

Athena︰「咩事呀?」

阿康:「你幾時同賣家交收㗎?」

Athena︰「吓?咪琴日喺尖沙咀做緊嘢嘅時候,順便同賣家交收囉!」

阿康:「喺邊度交收呀?」

Athena︰「做咩者?問長問短!人哋送嘢俾你仲要質問人!」

阿康:「呢樣嘢好重要㗎,你答咗我先啦!」

Athena︰「尖沙咀macro polo個大堂呀,有個喺香港做嘢嘅外國人要返老家,所以平賣佢喺香港嘅figure,所以先賣咁平喳!講完喇,你可唔可以講我知究竟咩事?」

阿康:「琴日我喺尖沙咀見客,見到你同個老外行咗入酒店,我仲以為你俾帽我戴!」

阿康誠實地跟Athena說,自己懷疑Athena讓他戴帽的事。

Athena︰「你做乜琴日唔問我,唔同我攪清楚喎?其實我同個外國人交收套figure,前後只係用咗五分鐘,之後我就返返去商場繼續做嘢喇,Chloe同其他同事都可以証明到……」

阿康:「唔使講喇,我信你呀!雖然我之前真係有少少懷疑過自己戴帽,但我諗清楚之後,對你都係信任多過懷疑。」

Athena︰「攪到你屈屈埋埋咗成晚,你琴晚肯定好唔開心。其實我哋雙方都唔夠坦白去解決問題,如果你想我坦白,你都要對我坦白㗎,如果有咩懷疑,你記得要同我講呀,唔好收收埋埋㗎!」

阿康:「知道喇!Athena,你實在太靚喇,同你拍拖嘅安全感真係會比較低,因為你點都會有好多狗公圍住喺你身邊,有時我又真係好難唔懷疑咁多。」

「我應承你,只要我feel到有男性對我有意思,我都會拒絕,唔俾佢哋埋身,心裡面只係得你一個,好冇?」Athena再次捉住阿康的手,真誠地說出這番話。

阿康立即點頭。

阿康今晚的心情,就好像坐過山車一樣,由谷底反彈,之後又跌回谷底,最後終於停在高處。得到Athena肯定這段戀情之後,阿康的心情仍未能完全平復下來。

Athena︰「做咩呀你,呆咗咁樣!」

阿康:「你摸吓我個心!」

Athena將右手放在阿康胸前。

Athena︰「你個心做乜跳得咁快?」

阿康:「當初諗住要離開你,點知俾我知道你真係鍾意我,之後你又同我講sorry,以為你會放棄同我一齊,但最後你又接受咗我。個心臟弱啲都頂唔順!」

「呵番呵番,唔好頂唔順!」Athena在阿康胸前拍了幾下。

「舒服晒!」阿康一副陶醉的樣子。

Athena︰「我心跳都好快㗎,你估得你一個緊張咩,我都掙扎咗好耐㗎!」

阿康也將手放在Athena胸前,感受她的心跳。
2021-05-02 12:21:13
咁咪好囉
2021-05-02 12:22:30
2021-05-02 12:22:36
我除埋褲你又停
2021-05-02 12:24:09
2021-05-02 12:24:56
2021-05-02 12:26:32
athena突然間咁好
2021-05-02 12:27:10
就像股票反彈
2021-05-02 12:29:37
阿康:「當初諗住要離開你,點知俾我知道你真係鍾意我,之後你又同我講sorry,以為你會放棄同我一齊,但最後你又接受咗我。個心臟弱啲都頂唔順!」

我個心睇完篇文都係
2021-05-02 12:32:13
啊康冇得屌一賠1.1
有得屌1賠30
2021-05-02 12:34:29
獻出你的心臟吧
2021-05-02 12:36:34
2021-05-02 12:41:13
又嚟呀Ching
Sasageyo!
2021-05-02 12:41:46
要破處了
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台潮流台上班台財經台房屋台飲食台旅遊台學術台校園台汽車台音樂台創意台硬件台攝影台玩具台寵物台軟件台活動台電訊台直播台站務台成人台黑 洞