一個A0毒L和O4女神的故事 (3)

1001 回覆
138 Like 10 Dislike
2021-05-01 13:54:22
好辛苦呀
我要文呀
2021-05-01 14:18:58
好辛苦呀
我要文呀
2021-05-01 15:19:32
拋西瓜.jpg
2021-05-01 16:30:34
好辛苦呀
我要文呀
2021-05-01 16:41:39
好辛苦呀
我要文呀
2021-05-01 16:41:54
樓主呢
2021-05-01 16:55:59
用左大半日返工時間黎追文 竟然仲未完
2021-05-01 17:12:11
第五十六章 其實你究竟有冇鍾意過我?

翌日,原本阿康打算準時收工,怎料公司臨時有客戶要求明天交計畫書,阿康要加班完成,來不及買餸煮飯。Athena說不要緊,叫阿康晚一點才來,她會自己買外賣。

完成工作後,阿康搭上那架他最喜愛的、晚上九時開出的33號巴士,坐在上層中間右排的靠窗位置。這個位置也是他最喜愛的,每次搭巴士,都會選擇這個位置。

他戴上耳機,開啟音樂串流app,隨機播放近期他喜歡的歌。第一首播放的歌,就是「時光倒流一句話」。

阿康一邊聽,一邊感觸良多。他覺得歌詞的內容,正正反映了他現在的心聲:

「能重做時光只需倒流一句話就足夠」

他想返回過去,收回表白,繼續跟Athena做朋友。現在二人只是有名無實的情侶,比之前的朋友關係更不濟。

只可惜,這是現實。不是流行曲,不是電影,不是小說,「時光未許倒流」。

究竟今晚跟Athena攤牌後,二人會否反臉收場,做不回朋友?Athena是否真的做了對不起自己的事?

**********

還未吃晚餐的阿康,自行買了外賣上Athena家吃。入屋之時,Athena正在聚精會神地看韓劇。

基本上,打從阿康踏入大門起計,Athena只跟阿康打了一聲招呼,之後便繼續專心地看韓劇。阿康也習以為常,而且有時女生看韓劇,真的會很投入,阿康沒有怪她。

阿康一邊吃,一邊望著Athena。他發覺Athena看電視時看得很開心,遇到笑位時會大笑,真情流露。這樣的Athena,是阿康一直喜歡的模樣。

劇集播放完畢,Athena走過來飯廳,坐在阿康旁邊。此時,Athena又變回木無表情、似是要應酬阿康的樣子。阿康看不到她有一絲快樂。

Athena︰「食完就沖涼啦!你有冇帶衫換?」

阿康:「有呀!」

Athena︰「咁我唔理你喇,你自便啦,我過返去睇電視喇!」

說罷,Athena自行走回沙發位置,繼續看電視。

阿康一直思考著,今晚究竟會怎樣渡過?他要怎樣開口?他們會否大吵一場,最終反臉收場?

**********

阿康洗澡後,戰戰兢兢地離開浴室,並步向客廳方向。他發現,Athena已在沙發上睡著。

「Athena?」阿康輕聲呼叫她,但她沒有反應,還發出微量的鼻寒聲。

阿康沒料到,今晚竟會這樣平淡地完結。

他先關掉電視,然後從睡房裡拿出一張被子,為Athena蓋好。最後,他坐在Athena身旁的椅子上,近距離望著Athena。

Athena的睡相,很可愛。之前他曾在曼谷公幹時,連續兩晚這樣子觀察Athena睡覺時的模樣。這令他不禁想起以前和Athena所經歷的種種往事。

他與Athena經歷了很多。他以為二人的感情會很穩固,但事實竟如此薄弱。

明明表白那晚,Athena很真誠地答應自己的追求,但往後這兩個多星期,Athena竟單方面變得冷淡,感情無聲無色地轉變了,而且更出現疑似偷食事件。雖然到目前為止,阿康也不相信Athena會做出對不起自己的事,但Athena突然變了,是事實。

原本阿康今晚想跟Athena攪清楚到底發生何事,但Athena睡著了,而且流露出可愛的一面。他不忍心弄醒Athena,並對她作出質問。

「Athena,我真係好鍾意好鍾意你!」

既然阿康無意弄醒Athena,他唯有在Athena身旁,輕聲地說出自己的心聲,並且開啟手機,按著WhatsApp的錄音鍵。

「自從見返你之後,其實好快,我已經確認咗自己仲係好鍾意你,但係我唔知我可以做到啲乜。我只可以選擇喺你身邊默默咁照顧你、支持你,但又唔可以俾你知我鍾意你,其實真係好痛苦。但呢幾個月以嚟,只要見到你,幾痛苦都會變為甜蜜。」

「睇返轉頭,我真係好想面前有一部時光機,可以返返去三個禮拜之前,收返我同你嘅表白。我希望我哋可以維持朋友嘅關係,至少,我可以留喺你身邊,而且我同你,都係開心嘅。」

「當我哋正式拍拖之後,我發覺我哋兩個人之間嘅距離反而比以前仲遠咗。你對我嘅冷淡,同埋一直都唔肯公開我哋嘅關係,初時可能真係因為你媽咪,但係……但係有啲嘢真係呃唔到人。你同我一齊嘅時候,我見唔到你有開心過。」

阿康說到這裡,終於忍不住,留下了男兒淚。

「我真係好唔想接受呢個現實,我一直都好想問你,我哋之間究竟……究竟發生咗啲咩事,但我一直都喺度逃避,我相信你都係一樣。」

「但我依家應該要知道,你……你當初答應我嘅追求,純綷係當晚嗰一剎那嘅感激,感激我喺你最需要錢嘅時候,能夠伸出援手。感激過後,你就發現自己根本冇鍾意過我。」

「點解我當初要改變初衷,要夾硬將我哋嘅關係,由朋友變成戀人呢?Athena,其實你究竟有冇鍾意過我?就算係一秒……一秒都好吖,我都會覺得安慰。」

當然,這條問題,阿康不會得到答案。

「其實……其實你唔使答,我都已經知道答案。」

阿康已經盡量抑壓自己的情感,奈何淚水仍然不斷湧出。

「Sorry呀,其實嗰晚……其實嗰晚根本就唔適合同你表白。你媽咪當時又未做手術,生死未卜,而且……唉,借錢咪借錢囉,點解我要講我鍾意你喎!好似道德綁架咗你咁,迫你做咗一個錯嘅決定,好似迫你接受我一樣。唔鍾意就係唔鍾意,根本就迫唔嚟!」

「雖然呢三個禮拜,我同你拍拖以嚟,你都好似冇開心過,但係……但係我係開心多過唔開心㗎!我每日返工都會諗住你,就算做嘢幾辛苦都好,只要諗起放工之後,可以見到你,同埋煮你鍾意食嘅嘢,我就會覺得好開心。」

阿康用手抹乾眼淚,然後深呼吸,準備說出今晚最不想開口的一句話。

「Athena,我哋一直都喺度逃避,咁樣真係冇辦法解決問題,我哋兩個只會越嚟越痛苦。我唔想再增加你心理上嘅壓力同煩惱,分手啦!雖然好唔捨得,但呢個係解決問題嘅唯一方法,你亦都唔需要日日咁樣愁眉苦面,可以開開心心咁過返你嘅生活。」

阿康放開了手機的錄音鍵,錄音自動傳送到Athena的WhatsApp。臨走時,阿康將頭哄在Athena面前,想在她的額頭上吻一下,但最後又停住了。他覺得,算了吧,一切也應結束,無謂再做多餘的事。

「我走喇。唉,真係好似發咗場夢咁,不過,個夢應該要醒。希望我哋可以做返朋友啦,雖然我覺得冇乜可能!」說罷,阿康回頭,準備離開。

「唔好走!」阿康聽到Athena的聲音,而自己的手,正被Athena緊握著。
2021-05-01 17:16:44
R哂頭,搞乜春呀條女
2021-05-01 17:16:50
Ex個名 唔好走
2021-05-01 17:21:26
牙康
2021-05-01 17:25:45
又係呢啲位停
2021-05-01 17:32:48
dllm又停呢啲位
2021-05-01 17:36:03
會唔會係發緊夢同以前好鐘意既ex講呢,之後阿康又誤會係同佢講
2021-05-01 17:41:12
會唔會太tvb?
2021-05-01 17:45:39
似架啦
真係鍾意康仔點會仲冷淡過之前呀
2021-05-01 17:46:33
兩個都心地好 價值觀又夾
2021-05-01 17:46:55
個人認為放假應該出多兩篇文以表誠意
2021-05-01 17:49:44
Push
2021-05-01 17:50:34
我都覺 應該係:唔好走 Thomas
2021-05-01 17:52:07
但雅典娜差啲為錢出賣自己 雖然康仔唔介意 但如果係我 我心入面會有條刺喺度
2021-05-01 17:52:53
雖然好慘 但又符合番毒撚嘅一般遭遇
2021-05-01 17:57:40
51節 可唔可以加多更
好頂癮啊
2021-05-01 17:57:42
我又大大聲咁屌左出黎,又係呢啲位停 我好難受
2021-05-01 17:59:29
唔好走我比你屌呀
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台潮流台上班台財經台房屋台飲食台旅遊台學術台校園台汽車台音樂台創意台硬件台攝影台玩具台寵物台軟件台活動台電訊台直播台站務台成人台黑 洞