[短篇/懸疑故] 飛髮定剃頭 （想追謎底就俾負評）

點解藍色樣

黑雨唔洗返工推

加速緊加速緊
呢對新人故事收尾，又快到下一個人來理髮了

收到，趁黑雨打稿先

多謝你願意睇埋魚師，樓豬愛你

多謝欣賞！可以篇篇負皮架，連登寫故如果有日負皮到隱藏埋，大成就嚟

（十五）

神仙二人組不再理會我，帶著了哥轉身就走。

我對呀慧的哭聲聽不下去，想行遠點，但路就只有一條，唯有保持住幾步距離跟在他們後面行。

「既然都搵咗文殊師利飛髮，屍體已經可以好好睇睇咁見親人，唔求得更多，你知無？」我聽到小妹妹對了哥說。

文殊師利。我才知道文師傅原來是指文殊菩薩，難怪師傅被人當單字姓文時會屌哂鬼。

「多謝佛爺！人靚聲甜！心善人靚！」了哥再賣口乖。「多謝Raydon，仁心仁術！妙手仁心！」

我都話覺得這隻元神了哥有點傻下傻下。

「真係吖，你氹得我地再開心都唔可以額外對你好架嘛，一係咁啦，俾你答多我一次，你係咪好人啊？」

「正一衰人！衰到貼地！」了哥答。

我詫異，由唔係好人變成衰到貼地，甚麼玩法，兩次答案的差距也太遠。

說到遠，我也行得距離殮房夠遠，現在剛好聽不出呀慧的哭聲，我便停下腳步，目送神仙與了哥繼續上路，這時小妹妹轉身望了我一眼，簡短說句：「再傾。」

我哪敢再傾，又哪敢唔傾呢！

這時我耳邊傳來了師傅的催促聲，「返嚟啦，唔洗做啊？叫你送客唔洗陪到家屬喊完嘅。」

「但我咁走咗會唔會有頭無尾架？」我對客人的新娘始終放不下心。

「你想點收尾啦！你同佢講魚師元神六條魚？你自己都唔知自己講乜柒啦！」

「我想同佢講，神仙會帶佢去英國做炸魚薯條。」

「哎吔！你仲薯頭薯腦添啊！介紹人哋去見魚師害撚人幾世！返嚟啦！有乜仲想同佢講一陣你實會再見到佢！」

師傅講得有道理，況且他又說我會再見到客人新娘，雖然不知道師傅肯定的原因，但我也沒有理由不聽師傅講。

好徒弟要聽師傅話，我講聲知道，就舉腳起步，師傅再說：「唔洗嘥腳骨力啦，我教你用閻摩降嚟身劍合一。」

這時我心中覺得師傅算是正式認我做徒弟了。

諗起收音機講到果位叫阿含唔知咩的劍俠可以一拋劍就連埋人飛落山，我躍躍欲試：「我想學，應該點做？」

「嗱，你本身唔熟刀，所以一定要唸咒，你一陣拋起把刀，係刀飛走之前就要講完，等把刀煞掣回頭接你走。」

「無問題！咒語點講！」

「請寶貝轉身！」

「吓？」

「聽唔到咩！請寶貝轉身！」那時我未考究，原來封神榜裡面陸壓真君使飛刀時都是念這句咒語的。

「師傅，一定要書面語架？要叫寶貝咁？」

「咁你叫定唔叫啫？唔叫我就收返把刀，你自己行返嚟好，飛的好。」

「叫叫叫！」我立即把閻摩降向天一拋，用不顧羞恥之心的大聲音量喊道：「請寶貝轉身！」

下一剎那，我又來到了理髮鋪門外，心有餘悸。

理髮舖門邊的白藍兩色花柱不斷轉上，我順住抬頭望望舖頭招牌，招牌白底藍字，寫住「上海街理髮」五個字。

我覺得心有餘悸，倒不是因為飛劍飛得太快，而是因為在電光火石的一剎那，我與剃刀融為了一體。

在那裡我照見了輪迴，輪迴也照見了我。

講句人聽得明的說話，我看見了那個叫Mandy的女人的前世⋯⋯

啱啱好出文

話時話大家G唔G香港真係有間陸壓古廟

樓豬上去想實地考察，點知已經太晏，人哋都閂咗門鳥，叔叔爬山坡不行鳥

有相為證，叔叔我都想學身劍合一

推推推

我諗未必有太多人知道陸壓有幾勁

你都提醒咗我，可以補充返資料

故事入面唱嘅《You belong to me》就係呢首
https://youtu.be/zQfF84ackMM

翻唱都勁正
https://youtu.be/murYvyEzpUM

睇鬼片nun果陣有幕收音機自己著咗就係播呢首，樓豬認出咩歌，成個恐怖氣氛無哂

***

另外講吓今集提到嘅陸壓，等我插幅圖先：


陸壓係封神榜入面幫手討伐商朝嘅神仙，佢有一個葫蘆叫斬將封神飛刀，斬敵果陣，葫蘆會飛出一道三丈高微光，光入面會有一個「物件」，有眼有翼（太抽象不如想像成有翼嘅人頭），之後個飛人頭對眼會發光，釘實你個頭（書入面寫釘住泥丸宮），之後陸壓講句「請寶貝轉身」，飛人頭轉一圈，敵人個頭就會跌落地

後來法寶俾咗姜子牙，妲己都係死係飛刀之下

深夜推詭異故

負皮哂啦 出文呀

樓豬有寫文的，不過要講到典故，怕大家睇到1999，所以又刪又寫，改到宜家

對唔住，樓豬剃自己頭謝罪

有文了

多謝推文，樓豬抵打，你地鞭打我啦

絕不棄故

推呀