主要方法有兩個, 你睇下邊個會快啲, 參考圖係2020年我自己寫嘅題解。
題目
1. 畫圖 (我會用嘅方法)
搵齊所有截距, 畫圖, 標示區域。
最小值喺左下角, 計左下角 (可多於一個), 計值, 比較, 做完。
呢個方法嘅好處係乜都做到(假設無整數限制), 無伏。 壞處要學生練習畫圖, 唔熟手會搞好耐, 呢類題我通常都要25-60秒左右。
2. 唔畫圖計交點(實有補習佬咁樣教, 但我唔建議)
計晒所有交點, 總共最多有 4C2 = 6 個, 逐個交點測試是否符合所有不等式。
就算得三條式都要試, 因為個區域唔一定係個三角形, 可以係側邊無限大嘅位。
比如話圈住呢點就唔符合x>=0 呢個條件, 唔可以用嚟做答案。
呢個方法嘅壞處係多學生會有錯誤概念:
以為三條線圍出三角形, 三個交點都係答案; 或者以為四條線圍出嚟一定係四邊形咁。
好彩考評局唔玩嘢嘅話, 你可能會以為咁做好快有答案; 但相反如果要執正嚟做, check點嘅過程隨時仲煩過畫圖, 所以我唔會用。