貼題 (不負責任)
以下內容純屬個人見解， 實有啲嘢係好general好廢話。
驟眼所見今年嘅卷好似因為學生嘅程度而調整咗， 易咗， 打破咗自己嗰屆一定係最難嘅定律
數學照計都唔會例外
SECTION B 乙部
先嚟嘅都會係15、16嘅概率 + 統計 (離差)
概率考排隊 (近年都係抽波考組合多， 無乜玩排序)， 但呢個問法同MC唔會爭得好遠， 無乜貼嘅價值。
統計都係玩標準分， 改下啲分咁樣， 喺CUT課程之前可能會考你抽走/加插一個等於平均值嘅數據， 會有咩變化， 順手拉埋去標準分度。
Q17 軌跡 + 圖像變換
軌跡喺長題未玩過拋物線 (二次函數)， 如果出喺乙部就可以連埋圖像變換一齊玩。 先嚟配方法， 跟著求其郁下個圖整個新函數出嚟， 頂點形成三角形， 再問四心。
Q18 3D
通常都係考線面交角或者面面交角， 無咩新意， 上年兩樣都有， 所以今年唔知會點玩， 個人覺得都係玩返摺紙同面面交角。
Q19 圓 + 坐標幾何
圓嘅題目有樣嘢煩， 通常一出就好長， 擺喺尾嘅機會都大。 乙部嘅圓形問法基本上都係得一種， 就係將直線方程掉入個圓度， 然後考返晒你二次方程嘅知識， 計答案、 判別式或者兩根之和/積。
溫熟啲四心， 近年都好鍾意咁樣加插入長題度。
自己覺得GS就算出都會係短題， 唔會似 2012、 2013 或者會考嗰啲。
你睇返2012， 考咗唔同時間開始嘅GS； 2013 考咗唔係年頭開始嘅GS， 避免學生鳩背借錢還錢嘅模式答題。 兩種問法都係刻意同會考做區分。 出題者呢個諗法唔出奇， 始終都係中六嘅考試， 要同中五有分別。 但個人覺得考評局嘅創意去到呢度停咗步， 避唔到學生鳩背會考GS題就過到關嘅玩法。
概率出Killer題嘅機會同樣唔高， 都係講緊平衡返M1同非M1學生嘅權益， 正如你唔會見到啲比較痴線嘅trigo題目。
SECTION A(1) A(2)都無咩好貼㗎喇， 嚟嚟去去都一樣。 睇返#1啲general建議。
