==================================
咔咔。叮叮。
時間過咗好耐,我同阿偉一直坐咗喺後坐,無言以對,冇任何交流,但係肩並肩。
「阿仁,你會唔會想去廁所?」
人驚就會急屎急尿,太驚甚至會失急。但係出奇地,我呢刻冇呢種感覺。
「唔會,你呢?」
「我都唔會。」
「咁你又問?」
口痕呀?
「我哋坐咗喺呢架電車咁耐,正常坐長途車都會想落車去廁所啦。」
用「長途車」形容電車,真係第一次。
「喂,其實呢,阿仁你有冇問過呢堆嘢︰你哋係真定係假?」
你呢個問題真係弱智。
「你唔好問一個昏迷緊嘅人死咗未?你點分呀?」