[愚人節驚慄呈獻/有選項] 我被困喺一架去九龍嘅電車上

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

咔咔。叮叮。

時間過咗好耐，我同阿偉一直坐咗喺後坐，無言以對，冇任何交流，但係肩並肩。

「阿仁，你會唔會想去廁所？」

人驚就會急屎急尿，太驚甚至會失急。但係出奇地，我呢刻冇呢種感覺。

「唔會，你呢？」

「我都唔會。」

「咁你又問？」

口痕呀？

「我哋坐咗喺呢架電車咁耐，正常坐長途車都會想落車去廁所啦。」

用「長途車」形容電車，真係第一次。

「喂，其實呢，阿仁你有冇問過呢堆嘢︰你哋係真定係假？」

你呢個問題真係弱智。

「你唔好問一個昏迷緊嘅人死咗未？你點分呀？」

最後係咪會變盜夢空間

唔會嘅，呢個故事冇參考過其他作品

「咁…」

「或者阿偉你去問下呀，睇吓佢哋點答。反正佢哋答『係』定『唔係』，都唔會有意思。」

何況類似嘅問題我問過。

「呀呀呀呀呀───！！！點算呀！！！我想走呀！」阿偉抱頭崩潰。

其實你嚟做咩？呢刻我真係想問佢。

「喂阿偉。」

「想點呀仁渣！」

「你求先上嚟嘅時候呢，有冇留意過你上咗幾多層樓梯？」

「一層囉，咁電車係得一層呀。咪住，唔通…」

阿偉好似發現咗我問呢個問題嘅原因，冇辦法完成整句話。

「係喎，點解會咁嘅？」阿偉又搲咗下變成雀巢嘅頭講。

「個好奇怪嘅地方係︰上嚟只係要一層；上到嚟就落唔番去；嘗試離開呢層，就會不斷回到同一個地方，阿偉你嚟咗之後仲多咗層，我求先見唔到万刀甲；外面睇出去，係幾層樓嘅高度……要數，真係可以數到好多古怪嘅地方。」

「你咪講廢話啦仁渣，我夠知呢度古怪啦，我而家直頭想打鑊金嘅你呀，你唔好再迫我呀，我就快爆架啦！」

「嗱，阿偉，我問你。你求先喺外面見到呢架電車，係點嘅樣？」

「嘩…點嘅樣…咪電車囉，電車都係咁嘅樣架啦？可以有咩樣？」

「仔細少少問，你見到架車有幾多層？」

「咪一層囉，電車係得上下層之分，香港有更高嘅交通公具…」

「如果係咁，咁點解呢層仲有一道往上層嘅樓梯？我哋求先落一層，又點解唔係下層？」

阿偉開始明白我講嘅違和感，用常理解唔通嘅各種各樣不協調。

繼續繼續

「阿違，你去睇吓車外面。」我指住個車窗講。

行咗埋車窗嘅阿偉，個樣同鄧二真係完全一樣︰一就位，就冇再郁過。

「呢度想點？」同鄧二全無回話有唔同，阿偉總算拋咗個問題出嚟。「今日係愚人節，本來我都唔係好信呢啲嘢。原來求先你條仁渣講嘅幾層樓高嘅電車，係真架。」

我望住阿偉嘅背影，心裡面繼續好冷靜咁諗嘢。

「我…真係唔明…我真係講唔出，我總係覺得有啲嘢我係要問，但係問唔出…」

「有啲嘢要問？」我接話反問仍然接受唔到現況嘅阿偉。「『我哋究竟喺邊度？』呢個係咪你想問嘅問題？」

「係囉…究竟呢度係邊度嚟？」

嗱，就係咁。

「阿偉你求先喺底層，見唔見到啲咩古怪嘢？」

「古怪嘢？唔…冇喎。」

「唔覺得突然好大霧咩？」

「我出嚟嘅時候已經好大霧，唔好玩啦。」

「即係冇異樣，我求先坐下層都唔太覺得有咩唔妥。」我回憶。

「即係點？喺下層係唔會發現異樣？」阿偉回過頭，雙眼充滿期待。「你係咪想咁講？」

「如果有個人喺下層叫上嚟，咁會發生咩事？」

阿偉諗咗陣，雙眼突然睜到好大望住我。

「屌！係喎！仁渣你咁醒嘅！」

「電車出面，以至電車下層都係正常，但係上咗一層個世界就唔同咗。」我敲咗兩下樓梯嘅牆。「個交點，就係呢條梯。我可唔可以咁講？」

阿偉大力點咗兩下頭。

「點解你可以咁冷靜嘅？我慌到傻咗！」

「唔知點解…就諗到…」

話說說好的選項呢?

Lm

仲未有得選，係咪未入戲肉

12章 – 失控

點解喺呢個理應理性全失嘅時候，我仍然可以諗到應對方法？

講真，我都唔明。

本來，我同阿偉嘅反應係一模一樣，但係坐多陣，望住咁多鄧麗欣物體嘅背脊、幾樓高嘅風景高度、影唔到相嘅世界……唔知點解，就可以諗到嘢，冰冷地、客觀地。

我望向旁邊嘅阿欣，本來覺得佢唔會對我同阿偉嘅對話有興趣，佢哋冇動機咁搭呢班車、去唔知咩地方、唔知點解落車、又好似成日搭呢班從來冇出現過嘅九龍電車……點知道…

「…」「…」

阿欣，原來一直望住我同阿偉。

「…」「…」

一直望住我哋。

「…」「…」

一直…

「…」「…」

望住我哋…

「…」「…」

笑笑口。

「…」「…」

有咩好笑？

「阿欣，你笑咩？」

「『唔錯』。我咁諗啫。」

「你哋係知道發生咩事嘅，係咪可以咁理解？」我嘅思考速度好似愈嚟愈快。

「喂，阿仁，唔好理佢啦。」阿偉拉咗我隻手幾下，叫我唔好理好似人偶一樣同其他乘客有一樣面孔嘅「阿欣」。

「我好想睇你有咩行動。」

故事已經過咗一半，大綱上我安排咗選項喺一個怪異到爆嘅地方度出現，符合呢個故事嘅風格，選項出現嘅幾章之前會出提示

感謝各位記得呢個故有選項

想睇？我嘅行動？

「你哋究竟知唔知自己做緊乜、講緊乜？」

「知。」阿欣冇轉過表情講。「因為我哋都問過。」

問…過…？

「我哋所有人，都問過。」

呢刻，我突然覺得阿欣精緻嘅笑容…

相當討厭。

「問過？問邊個？」

「嘻。」

雖然個樣好靚，成日講啲唔講啲真係好乞人憎。

「屌你老母！」

阿偉好似頂唔住壓力，聽咗阿欣嘅不明說話，失控衝上前，捉住阿欣如瀑布嘅長髮，撼落車牆上面。

「你唔好撚惹我哋好冇呀！我哋而家好忙，你班撚樣唔想落車我哋想落呀！你哋唔好好似睇現場動物表演咁享受我哋驚嘅反應啦仆街，你知唔知…！」

呯！

「知唔知…！」

呯！

「知唔知…！」

呯！

「知唔知…！」

呯！

「知唔知我哋真係好撚忙架屌你老母！」

突然間咁暴戾
係咪好似啲克蘇魯神話設定咁
理智值下降緊


p.s.聽日唔撚想返工呀

「知…」血流披面嘅阿欣，口吐鮮血。

原來佢哋會流血。

「咁知你班撚樣又惹我哋？係咪覺得我哋兩個好蝦呀！屌你老母！屌你老母！屌你老母！」

呯！呯！呯！

「喂阿偉，停手啦，我哋快啲走好過啦。」我撳住打人打到呼吸不順嘅阿偉講。

阿偉放開阿欣嘅長髮，阿欣應該俾人打到不似人形，貼住血跡斑斑嘅牆，冇再郁過。

「咁而家要點做？」阿偉問。

「有冇識人住呢九龍塘、樂富嗰頭？」

「冇喎，仲要咁夜，啲人瞓晒啦。」

「上莊啲人呢？有冇識啲不夜天嘅莊員呀？」

「冇喎…有咩莊係不夜天？」

你條友真係食懵咗，大學有咩不夜天嘅莊都唔記得。

「學生報之類呢？」

「學生報…阿芝囉，佢出名日夜顛倒、唔上朝早堂架嘛。」

係喎！好！就搵佢！

其實上一章阿偉已經講佢就快爆，亦有好多崩潰嘅表現 (例如怪叫、冇辦法冷靜)，阿欣講嘅嘢咁啱引爆阿偉嘅情緒咁解



阿偉同阿仁係接近兩個極端嘅人，一個由始到終都接受唔到，一個可以慢慢適應。如果一個人可以適應到極端怪異，要點評價呢個人？阿欣就係想做呢樣嘢而俾人打



至於克蘇魯神話，果然連登仔有高手，估唔到有人睇呢個作者
我有睇過克蘇魯神話，但係冇參考過，個佈局都有唔少分別 (冇反社會角色、冇精英角色、最清醒嘅只係一個啱啱帶帽嘅學生，亦都冇宇宙意粉怪物)，我只係用日常見慣嘅嘢去砌一個怪到爆嘅感覺，背後套邏輯同想講嘅嘢我都係自己諗

係呀
佢嘅火爆情緒一開始就有鋪排
我自己穿鑿附會去克蘇魯背景啫

之所以諗到克蘇魯
主要係兩個調查員(阿偉阿仁)
一開始仲可以正常溝通到

但係見到呢啲不可名狀嘅恐怖
明顯冇乜理智值嘅阿偉
隨著故事嘅推進越嚟越暴戾

一開始仲講到兩句,
見到班阿欣就開始唔對路,
落到去見到万刀甲開始連朋友都鬧,
去到後面嘗試理解件事嗰陣直接動武

成件事就好似玩緊trpg咁
理智值低嘅角色一步一步咁發癲
甚至嘗試去理解件事嘅時候
因為理智值低反而更加泥足深陷

你後面寫嘅走向就係克蘇魯神話嘅特色 (我記得)

佢嗰種signature級嘅寫法太有層次，真係好易認

沙耶之歌就咁嘅方式推進