[愚人節驚慄呈獻/有選項] 我被困喺一架去九龍嘅電車上

「點算…」

我隻手指喺「接聽」上面停咗，隨住電話響咗成分鐘，鈴聲消失喺我空無一人嘅屋企。

當我以為我做咗個啱嘅決定嘅時候，阿穎俾咗個message我，係一個voice message。

「喂阿仁，冇嘢呀嘛？」

「冇嘢，做咩呀？」唔聽電話嘅我，選擇回voice message。

「今日搵咗你好耐，搵極都搵你唔到呀，我幾驚你有事。」

「我…閂咗機，冇事。」

本來，我以為已經有新歡嘅阿穎唔會再回我，點知我放低部電話，佢再俾message我。

「你真係冇事？」

阿穎做乜嘢？佢好奇怪喎？

「可以有咩事。係呢，今日你有冇見過阿偉或者阿芝呀？」

阿穎是咪姓潘？

主角都唔係叫阿佳

然後，一直在線嘅阿穎，冇覆我message。

「阿穎？」

錄音中…

好彩對面有反應。

等咗好一段時間，終於見到回覆。

「我就係為呢件事搵你架。阿偉出咗意外，佢屋企人一直唔見佢出廳，入房發現佢…暴斃…急救員當場證實死亡。阿芝…阿芝佢…失蹤，完全冇人搵到佢。佢朋友打俾我問行蹤，阿芝嘅家人、同學、朋友全部人都搵唔到佢，阿芝成日去嘅嘅地方都唔見佢，報警之後搵咗成日，得個桔。」

一個死咗，一個失蹤…

「阿偉佢大概死咗幾耐？」

「新聞話大約一日。」

有文

「咁阿穎你搵我做咩？」

「因為阿偉嘅電話有過同你嘅接通記錄。」

竟然…

「所有人都搵緊你呀！你呢個時候嚟閂電話！」阿穎薄責我。

冇用架，我開定閂電話都冇用架。

「我哋全部人都想知道你哋講咗啲咩呀！」

「鬼故。」

「咩話？兩個男人半夜傾電話講鬼故？不如話傾咸濕電話啦？」

「唔係其他，真係鬼故。」

「咩鬼故呀？講嚟聽吓？」

「有冇聽過︰九龍嘅電車呀？」

「痴線，九龍邊有電車架？」

「有，只係你未見過，當佢出現喺你面前，你就會相信。」

好好瞓呀

好好睇，要時打太快，支持

唔係批鬥呀

要時
好譚仔阿姐feel

比主角打完電話邀請入佢個世界就會死?
然後個靈魂就會去到主角而家嗰個世界?

但係都諗唔明點解要咁多個阿欣同埋萬刀甲

留名

「呢個就係鬼故？」

「係，佢出現喺你面前而你選擇上車嘅話，故事就會開始。」

「但係你哋講電話點解會講到呢啲…你咁講又好似上過九龍嘅電車咁…」

「我都唔明。」諗起琴日打俾阿偉發生嘅事，我打斷咗阿穎嘅說話。「有啲嘢，唔需要講得明明白白。我咁講完，阿偉就明。」

「吓？！你咁講警察點會信呀！阿仁你唔好玩啦！而家係命案呀！」

「你嚟一次九龍，如果你見到九龍嘅電車，你就明架啦。」

我閂咗部不斷震嘅電話，拎起我嘅風火輪，走咗出去夜遊九龍。

巴打好認真睇故事，好彩絕大部份故事橋段都有得用設定解釋

本身我唔打算寫個完整嘅解出嚟，後面係有一套邏輯，阿仁都唔係好知，但係阿欣知，所以佢一直食花生

答問題，其實巴打你個思路好近︰

1.打電話係其中一個手段，個「邀請」其實仲可以用其他方式提出

2.第2句都好接近，我嘅設定上唔用「靈魂」，而係叫個過程做「不可逆嘅走入」(阿仁的確喺電車上面見到阿偉) -> 按此思路，其實阿仁係搵得番阿偉 (呢個純粹係設定上可能做到)

3.點解揀鄧麗欣+万刀甲就冇得解嘅，但係點解有好多個佢哋就有得解嘅，呢部份係有啲現實描寫喺裡面，個解讀可以有好多種，結局同呢個位有好大關係
(就住第3點，其中一個結局一定睇到你搲晒頭)

多謝支持

有時，又唔小心打錯

樓主寫咁多個故真係好
我會追晒佢

Pish

咁好睇使乜講

期待結局

16章 - 愚人節見面

幾年前，開始興起一樣代步工具叫「風火輪」。

風火輪相當特別，快過一架單車，貴過一架單車；同電車嘅速度係冇得比，但係唔洗考牌。我哋係行人路上面嘅駕駛者。

仲記得，呢樣代步工具未出名嘅時候，我喺夜晚嘅石硤尾見過有個人喺眼前高速飄過，真係嚇親，仲以為有鬼。點知今日，我踏住風火輪，喺滿是上落斜嘅石硤尾「飄過」。夜半腳踏風火輪，嗰種風馳電掣嘅感覺係普通散步、喺大尾督踏單車落斜都俾唔到你。

香港，有唔少地方係絕大部份面積都係住宅嘅地方。石硤尾到樂富就係例子，除咗住宅大廈，基本上就只有公園、學校，仲有每個區一個咁大把嘅大商場，除非去探朋友，如果唔係根本唔會去。食嘢都會揀去九龍城、深水埗啦。沙漠一樣嘅石硤尾，唯一特別嘅地方係啲樓比較矮、空氣比較好，所以去散步真係唔錯。唔係喎，如果想見識一下猛鬼戲院，又一城戲院都可以係一個「朝聖」地點。

多謝支持香港嘅作者

夜靜處處，只有我腳下嘅風火輪摩打聲。

穿過幾條橫街窄巷，嚟到達之路，又一城。

「我記得電車總站係又一村，架車點樣爬咁斜嘅坡呀？登山纜車呀？」望住地下嘅電車路軌，我嘅視線追住路軌南行方向消失嘅一點。

算啦，唔理，反正我已經落咗車。牛唔飲水唔撳得牛頭低，人唔上車唔逼得佢上車。

我沿住電車軌爬上達之路，再由歌和老街「飄」去浸會大學方向。一路「飄」，我一路望住東西行車線之間嘅街燈，今日雖然都係有霧，但係感覺比琴日好少少，即使一盞又一盞嘅燈仍然有鬼火嘅感覺。

「不如再試下影一張。」

嚟到琴日我同阿偉、阿芝落車嘅地方，我又舉機影相。同預期一樣，一早已經「壞咗」嘅電話，影唔到啲咩。

「我哋琴日，唔係一齊上咗車咩？」

明明我哋三個嘅經歷係咁真實，點解好似又一城戲院鬧鬼咁︰上過報紙，但係冇人明白發生咩事？甚至而家有兩個人從此消失咗。點解剩係得我一個仍然留喺度？

聽日星期三夜晚會放選項出嚟