[愚人節驚慄呈獻/有選項] 我被困喺一架去九龍嘅電車上

283 回覆
43 Like 3 Dislike
2021-04-09 19:52:49
14章 - 落車

叮叮。

我同阿偉已經等到謝晒皮,由原本仲會互相問候下,到而家完全唔想講嘢;眼前有阿欣接近浴血嘅睡姿,我同阿偉只係望住地板,對身邊嘅事全無興趣。

阿偉係期待阿芝嘅到來,因為終於可以離開呢度。而我…

咔咔。叮叮。

等咗幾個字,電車第唔知第幾多次停低。

「阿芝!」阿偉對住無盡嘅樓梯大叫,又伸個頭望落去地面。

「…」

但係,仍然冇人應,就只有上上落落嘅鄧麗欣物體。

咯-咯-咯-咯-

阿偉望住啲複製人喺眼前走過,消失,又有新嘅複製人出現,而自己只可以留喺原地,望洋興嘆。

「唉…」阿偉失望而返,又坐喺我旁邊。「阿芝你幾時嚟呀…」
2021-04-09 22:34:19
「…」

「阿仁,你冇反應嘅?」留意到我冇任何熱切期待嘅舉止,阿偉問。

「阿芝嚟就自然叫我哋啦,唔係每次停車都係希望出現。」

「阿仁你真係好冷靜,我開始搵到你勁嘅地方。」阿偉正眼望住我雙手撐住大脾嘅坐姿講。「你冷靜到搵到破綻。」

「落到去先再講廢話啦,你估一定得架咩。」

「唔會唔得嘅,如果我留喺下層,大不了跳窗都得啦。」

「跳窗?你而家都可以架。」

「講笑咩!呢度成幾樓高,我未想死住呀。」



「阿偉,而家冇咩做,不如我問你一個問題。如果,如果啫,如果你跳落去而你唔會痛,你會唔會跳?」我望住隨住車身震動嘅車窗玻璃講。

「你叫我而家跳窗?」阿偉嘗試揣測我嘅問題用意。
2021-04-10 00:36:58
會唔會最後全部都係一場夢嚟㗎

樓主既然有睇開克蘇魯
有冇睇過夢之階梯之類嘅概念
2021-04-10 14:28:06
「唔係,當搵啲嘢講下,冇咁驚。」我好自然咁拍咗兩下阿偉嘅膊頭。

「如果跳落去唔痛呀…」阿偉認真諗咗陣點答。「唔痛,即係唔會死啦。咁高跳落去就係驚死先唔做,死唔去我跳呀。」

「咁其實,我建議你跳落去。」

「反正唔會…阿仁你講咩話?」阿偉講講下嘢突然問。

「咩呀?我有講嘢咩?」我突然抬高頭問。

「明明就好快講咗句!」

「你太緊張啦。」

「真係冇?」

「冇呀,你個痴線佬!」

叮叮。

電車又停低,阿偉又走過去樓梯方向。

「阿芝!到未呀!」

「阿偉算啦,阿芝會叫我哋…」

「喂阿仁…條樓梯…」阿偉一邊望落去下層方向,一邊向我招手。「我見到盡頭呀!」

「吓?!唔係掛?!」我即刻企咗起身。
2021-04-10 14:33:56
咁可以期待一吓個結局
我寫嘢條路可能比較難捉


夢之階梯睇過啲人試玩,隻game唔係意粉怪物大集匯咩
2021-04-10 14:45:49
感謝各位喺penana俾like,我求先發現我上咗熱門榜,多謝各位支持
2021-04-10 14:58:46
期待
點會唔期待

係呀
不過裏面啲選項真係好無厘頭
淨係計無厘頭嘅程度差唔多拍得上你個故
不過都係你個故正啲
2021-04-10 18:35:12
「阿仁阿偉,快啲落車啦!」下面傳嚟阿芝把聲。

「屌,阿仁你係啱架!你真係好撚醒!走啦!」

「先生。」

我企喺身準備衝落樓梯嘅時候,一直趴喺度嘅阿欣終於出聲。

唔通佢同我講「再見」?我唔想同佢再見喎,佢俾人打到不似人形,破咗相啦,同埋自今日起,我諗我對明星樣都有種抗拒。我停低咗腳步,心入面咁諗。

「先生,你錯啦,其實條樓梯並唔係你諗咁樣。」阿欣講。

「但係我哋而家的確走到,咁你點解釋?」

「點解釋?唔需要解釋。你都知道條樓梯並唔係咩分水嶺。」

「我唔理你,我哋而家走!」

「其實你好適合留喺度呀,點解要走?」
2021-04-10 18:39:26
你講起隻game,我記得啲人玩夢之階梯搵到好多笑話,例如主角上咗鑽石公主號打怪物,又有飲奶茶加香草。啲人覺得個作者好潮



多謝巴打讚賞
2021-04-10 19:08:29
Lm
2021-04-10 22:04:28
2021-04-11 00:12:15
「你想我留喺度陪你哋癲呀?我本來唔屬於呢度,我一直都想走架!」

「你求先都大約知道發生咩事,因為你已經係呢度嘅人。你走咗,你一樣會想番嚟。」

呢個時候,全程冇望過我同阿偉嘅鄧二,擰轉頭望住我。而前座嘅鄧麗欣物體亦都不約而同望過嚟。

我一直坐後座,就係唔想見到呢個畫面…

「此心安處是吾鄉,你求先唔係好安心咩?」成面血嘅阿欣終於抬起頭,對住我莫名奇妙咁笑。

我屌…屌晒你哋…

「阿仁做咩呀!仲唔落嚟!」下層嘅阿偉大叫。

「哈哈…哈哈哈哈哈哈────!!!」

「你哋痴線架!」
2021-04-11 01:36:22
無線不斷照向我嘅複製人目光,我衝落下層,非法跳過入閘口。三個人嘅驚魂之夜,睇個樣都可以告一段落,除咗異常大霧之外,我終於見到常見嘅九龍塘景色。

「呢度係歌和老街呀!我哋終於落番嚟啦!多謝你呀阿芝!」阿偉仰天長嘯。

同埋…

地上嘅電車軌。

「如果唔係親眼見到,我真係唔信九龍有電車。」望住地上面嘅電車軌坑,阿芝講。

「細節唔重要,快啲番屋企啦!」阿偉拉住我哋兩個講。「好想瞓番覺好嘅!」

「唔係喎,求先嚟嘅時候都一直諗唔明。」仍然留喺原地嘅阿芝,望住路軌講。「點解成條軌會突然出現?」

四月嘅半夜,大霧嘅而家,吹過嘅冷風,份外陰森。

「冇可能出現嘅嘢突然間出現,呢個九龍仲係我哋識嘅九龍咩?」

「阿芝,你肯定條路軌係突然出現?」

「係,我今朝先嚟過,嗰時都未見有路軌。」

我哋三個望住對方,反應唔到。

「咁即係話…」我吞咗個推論。

「條路軌突然爆出嚟,或者…」

或者…

或者…

或者…
2021-04-11 09:21:08
2021-04-11 10:32:46
白汁有啲雞皇
2021-04-11 10:34:46
玩謝麥高維治
2021-04-11 10:39:46
啲對白有少少似魚生故
2021-04-11 15:55:49
2021-04-11 19:08:48
15章 – 消失

「而家幾點…?」

擘大雙眼,眼前冇半點光。我伸手摸咗床頭幾下,望咗眼電話時間。

「吓?原來我瞓咗成十幾個鐘?」

琴日,唔係…正確嚟講都係今日。四月一日清晨,我番到屋企就攤上張床,有少少接受唔到世界變得太快。我望咗一下床邊嘅窗,係我睇咗十幾年嘅高度;打開電話睇咗陣相,見到熟悉嘅臉孔。但係當我喺相簿拉落啲啲…

「…」

映唔出自己嘅自拍照、甚至見唔到輪廓嘅車外風景,仍然留咗喺我部電話裡面。我開著燈,即刻嚟一張自拍,又影下房裡面嘅擺設。

「乜都睇唔到…」我睇住相機功能好似失效嘅電話,放棄影相。

可能,一覺醒番,所有嘢都變番好呢?

再打開眼,天,仍然係漆黑一片。
2021-04-11 20:56:41
巴打你講邊個魚生故?
2021-04-11 21:06:09
[短篇/恐怖故] 魚師 (恐怖好睇就俾負評/唔恐怖就比正評)
https://lih.kg/2273887
- 分享自 LIHKG 討論區
2021-04-11 21:56:26
好正
2021-04-12 00:01:40
「阿媽?阿爸?」

嚟到父母間房,對住空空如也嘅床,轉過身,走番出去。

人生第一次半夜先起身刷牙洗面,之後又影咗幾張失敗嘅相,猶豫緊好唔好打電話。

「我諗阿芝同阿偉都可以打俾佢哋嘅。」

嗶────

阿芝,打咗三次俾佢,唔通。

嗶────

阿偉,打咗五次俾佢,唔通。

咁打俾其他人?阿穎呢?

「不如…算啦…」

我望住鏡入面嘅自己,眼前嘅世界既熟悉又失真,瞓之前奇怪嘅感覺冇消失過,只係我一直唔覺得驚、個人驚唔起。

我望住電話長長嘅通訊錄,拎唔起勇氣打俾其他任何人。我知道,如果我打俾佢哋,佢哋或者會接電話,然後大概會出嚟見我一次。

「但係之後…」

所以,我猶豫。

嗶嗶嗶嗶───

「咦?」

我唔諗住再打俾人嘅時候,竟然有電話打入。

連絡人︰阿穎。
2021-04-12 00:02:54
如有雷同,實屬巧合
2021-04-12 00:03:37
有讀者欣賞,不枉我諗咗咁耐
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞