[愚人節驚慄呈獻/有選項] 我被困喺一架去九龍嘅電車上

九龍，有電車；港島，都有電車。即使唔鐘意，我覺得自己走唔出電車嘅範圍。愈唔鐘意，就愈係見到，見到你心都煩埋；想離開視界，但係無處容身。

夜半嘅呢刻，電車尾班車…我都唔記得，可能已經開出。九龍人，又點會記得電車時間？就好似港島人唔會記得輕鐵時間表一樣。

但係我依然向嗰一個電車站走。嗰一個，所有嘅起點走。

跑馬地係一個有錢人嘅地方，唔少鬼佬、住洋樓養番狗嘅小康之家、大戶人家落戶喺度。

有一隻流浪狗垂頭衰氣咁走，我隨手拎起咗支棍。

「汪汪！」

叫聲唔係嚟自隻狗，而係我。

「汪汪汪！」

隻狗聽到我嘅叫聲即刻抬起頭，見到我衝向佢嗰度甚至走夾唔抖。

嘩屌，原來做呢啲事都幾正，怪唔之得琴日會俾狗吠。

我拎住支棍追住隻狗跑，跑跑下終於到咗我嘅目的地──跑馬地電車總站。

隔住一條馬路，我見到有一對情侶喺電車站等緊車。

我努力

唔覺唔覺，差唔多結局了

呢個時間都有人等車？

「咦…佢哋個樣…」

都係戴番個口罩先行過去。

「喂阿仁，你睇下，嗰個風火輪你都有架。」我行到過去，聽到個女仔同男仔咁講。

又會咁橋，對面個男仔又係叫阿仁。

「有又點，你都唔陪我一齊踩。」

「我唔夠膽上去呀！下次你教我！」

「好，我捉住你對手慢慢教你！」

乜風火輪可以用嚟溝女咩？原來可以咁玩。

邊講，對面個女仔拎咗支嘢出嚟飲咗啖。

「你真係好鐘意飲阿布泰嘅呢隻糖水。」男仔講。

「唔係呀！呢支叫『冰糖燉檸檬』，好飲呀！」

真係溫馨。

「小姐，請問你識唔識呢個人架？」

我舉起電話，俾咗一個人嘅大頭相佢睇，個女仔嚇到面青，個口一開一合，望咗吓佢男朋友又望番我部電話。

張相，係阿穎識嘅有錢MK。

出咗

推推

推

迴光反照見到自己啲過去?

巴打你睇得出係見番「自己」

呢個位同之前「有無限個鄧麗欣」有關係，鄧麗欣同鄧麗欣都有交流架，恐怖+懸疑成份比較重

「咦？你哋原來識架？」男仔問女仔。

「點呀？你識唔識佢架？」我重覆問題。

「佢個樣五顏六色，我先唔識。」女仔以為我聽唔到，回咗男仔一句。「做咩咁問？你識呢個人？」然後佢反問我。

「我做過佢同學，之前見佢成日喺網上面講起一個女仔，仲俾埋相所有人睇，我見有啲似你，咪嚟問下。」我對住佢驚慌失措嘅表情講。「我好憎佢架，想睇下有冇咩材料八到咁啫。」

「…」對面個女仔完全呆咗，答唔到任何嘢。

「做咩呀阿穎，唔識佢咪答唔識。」男仔講。

「我好似見過佢，佢成日纏住我！我想轉工，叫佢唔好再煩住我！我唔想同佢有任何關係！」女仔激動咁講。

原來呢邊廂咁幸福。

「原來係咁，我明啦。咁我去唱衰佢先，唔阻兩位啦。」我望住龜速駛嚟嘅車講。

「咦？阿仁，乜港島有去又一村嘅電車架咩？」女仔同我望住同一個方向講。

「嘩，真係唔知喎，好似幾正，不如搭吓？」男仔拉起女仔嘅手，有少許雀躍咁講。

「唔好！」我出手擋住想上車嘅兩位。「唔好上從來冇出現過嘅車，去九龍嘅電車，你有聽過、有搭過咩？」

「咁…我哋又真係未聽過未搭過。」對面嘅情侶互望咗一眼。

「你連九龍嘅路軌都未見過啦，上車係因為好奇心？咁如果真係去咗九龍，咁點？」

「咁又係，九龍真係冇可能有電車架喎。」男仔搲頭。

「所以，你唔好上呢架車。」我轉身，行咗去車尾上車口。

「咁你又上？你見過九龍嘅電車同路軌咩？」女仔喺後面大叫。

「我真係見過，同你哋嘅認識唔同，你會唔會貪方便上嚟同我坐？」

「莫名奇妙。」

「我好想去一個地方，我覺得呢架車可以載我去目的地，所以我上車。」

「又一村？搭地鐵巴士都得啦，行番出銅鑼灣，想去邊都得。」

「唔係又一村，係有電車軌嘅又一村。」

對面又靜咗。

「你成日上呢架車？」男仔問。

「唔係，我都係第二次搭。」

「呢架車真係去到又一村？」

「都話去到，去到有電車軌嘅又一村。」我邊講，邊伸手除口罩。

「等等！」正當我提起腳，男仔又截住我。「你好似好熟我哋咁，又話搭過九龍嘅電車，呢樣嘢本來就冇出現過，點會搭過！你係咩人！」

男仔嘅女朋友，已經驚到縮埋去男仔身後。呢個男仔好有男子氣概呀。

「我叫阿仁。」

「阿仁……？」個女仔唞咗吓大氣。「呀───────！！」

「如果你覺得一時無聊嘅好奇心係值得滿足，你追上嚟，我哋車上見，一齊去又一村，有電車軌嘅又一村。」

聽完我自我介紹，後面嘅女仔好似明白咗啲嘢，無間斷咁尖叫，而男仔喺短短嘅對話完咗之後，嚇到講唔到嘢。

我唔知佢兩個發生咩事，我只係知道呢度已經冇我嘅事。我提腳，踏上眼前去九龍嘅電車。

時──

收埋口罩落袋，我上咗上層。

咯－咯－咯－

消失喺情侶嘅視線。

(完)

sad end

會唔會補埋上車結局/後續？

後記︰

完故撒花～唔覺唔覺完咗兩個故事鳥。

希望各位享受呢次電車之旅。

寫嘅時候，我好享受同讀者嘅互動，一問一答好有讀書組嘅感覺，多謝各位支持，你哋嘅支持令我有動力走到最後。

呢個故事係我某日搭巴士嘅時候對住啲玻璃窗苦苦諗出嚟。我一直希望做到︰小說故事唔止停留喺書頁上，讀者合埋書，可以帶住一份影響力回到生活。目標好難，我會努力做好！



故事嘅修改版會喺Penana同紙言發佈，希望各位可以去penana每章點個like支持吓，讀者每一個反應都係我嘅寫作動力

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

廣告時間︰

除咗呢個比較簡單嘅故事，我仲寫緊另一個比較寫實、思考成份高嘅故事。如果讀者想思考一下人生種種，我想推自己嘅故事︰

Penana: https://www.penana.com/story/59387/勵志-命運的顏色-一個書寫障礙患者的故事
紙言: https://www.shikoto.com/authors/39613.html

寫作形式︰
真人真事改編、半日記

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

感謝睇到嚟最後嘅你！

節日故事，我哋後會有期！

另一個結局，如果而家寫，我擔心同「唔上車」嘅結局內容重疊而影響效果，而且而家未有打算寫埋，因為呢個始終都係選項故

至於後續，應該唔會出，唔想寫爛

感謝你關心故事內容

死火，可能我資質遲鈍，我唔太明
甘即係主角去左異度空間，而佢又無法子返去，最後佢決定放棄
任由命運去決定，所以佢坐返上去繼續漫無目的旅程？
佢見到平行時空的自己是否代表其實佢死鬼左？
佢落番車開始我就開始唔明了。
"鄧麗欣"話尼部電車適合佢，即睇死主角都係會放棄"治療"返返上去，
因為主角本身都係無方向的人？
即係主角佢害死左兩個FB，再放棄人生地繼續係異度空間生活下去？

蠢人留名等解說

感謝睇得咁認真

個故事有抽象嘅地方，做法都有可以斟酌嘅地方，我只係寫阿仁點揀

答問題︰

阿仁察覺到自己番唔到去而有放棄念頭，係啱嘅，check阿偉電話記錄嗰部份就係咁解。

阿仁係冇得選擇留喺「異空間」定番番去，佢一定係留

佢係咪死咗，其實內文間接答咗。有一個問題係冇人問過，但係問得過︰阿偉同阿芝出現過而到最後死咗/唔見咗，咁作為「我」嘅阿仁呢？應該有答案？

最後趟電車係咩嚟，有複數讀者問過。咁作為作者嘅我呢，就唔打算好完整咁解個故事，我想讀者都諗吓︰點解明明好想走，到最後又會番番去/留喺度？現實世界又有冇呢啲情況？

希望你「享受」呢次電車之旅

所有鄧麗欣都係同一個人？因為由現實世界入咗異世界之後嘅娛樂只有搭電車？佢話曾經認識但唔係宜家，係因為電車上所有嘅人都係唔同時候上電車嘅自己？
Btw，寫得好有趣，好想諗明

多謝你覺得個故寫得唔錯，我刻意唔用傳統寫法的，我花咗好多功夫喺表達上面


點樣叫做「同一個人」？你講身份，個體，定係其他嘢？
佢哋有一模一樣嘅外表，但係性格有唔同 (有啲有禮貌，有啲講粗口)，而且彼此可以傾偈。算唔算答咗你嘅問題？


「曾經，唔係而家」，呢句係細位嚟。有啲立場寫咗先︰呢句嘢唔係九唔搭八
俾多少少設定資料︰成個故事，阿欣(唔係其他鄧麗欣)好明顯係知道得最多
呢句嘢拍埋落去阿仁阿偉電話記錄睇，就開始變得有意思+對題，你諗嘅方向係正確
不過呢句同阿仁係冇任何關係，只係設定上一致而出現嘅台詞，所以唔重要，因為後面阿仁阿偉嘅互動更出


點解會搭呢架電車，牽涉到點詮釋個故事，呢個問題，我選擇留番俾讀者答

電車上所有人最後都會變成鄧麗欣同万刀甲？ 「曾經，唔係而家」呢句係指佢地現實世界係認識嘅，但上咗電車，進入咗異世界，所以唔再認識？

另外想問，係咪因為阿穎都上咗電車，所以男主角先見到等電車嘅情侶？

電車上所有人最後都會變成鄧麗欣同万刀甲？
->唔明點解有呢個想法


「曾經，唔係而家」呢句係冇俾足夠資料判斷件事嘅來龍去脈，因為由始到終得一句
我咁問︰點樣叫做識？傾過偈叫唔叫識？
單純呢句，只係一定知道︰阿欣同鄧二唔係第一次見面


情侶出現同阿穎冇關
阿穎係屬於另一個結局