以前住柴灣公屋 (而家未拆, 超過三十年, 做咗中轉站), 係好舊, 一板過嘅大廈, 即係中間同尾有 lift, 頭中尾有樓梯, 走廊一條到尾, 好長嘅, 左右兩邊對住一層共40多戶左右 (係咁上下啦)
其實我本身無陰陽眼嘅, 我媽媽都有問過人 (果陣我應該好細), 我出世果日同個時辰都幾陽吓~~~所以我同佢哋緣份極淺~~~~
但可能細個住果度太過陰森, 所以都有好多單..
p.s. 我以前晌舊壇都分享過(好似係), 同埋晌其他forum 有分享過, 所以可能有人會覺得熟口面都未定, 但全部都係我100%真人真事真經歷
講第一單先 (下個reply 講, 費事太長)
正午出世
不過出世嗰時算係半難產, 所以由細都有孽緣
點為之半難產
我只係知道我媽陣痛咗超過30鐘先生到我出嚟, 因為咁被佢話咗好多年
陰森公屋事件4 - 嫲嫲叫我？
相信好多人都聽過, 如果突然有人從後叫你, 千祈唔好應, 否則.....
話說有一日我放學返屋企, 當時應該屋內無人, 因為我要自己摷鎖匙開門~
而我亦好肯定走廊無人 (之前提過, 我住嘅公屋係好舊嗰款, 走廊長長一條過, 無轉角位, 加上我住果個單位唔係晌樓梯 (無防煙門) 附近嘅, 所以無可能有人晌附近伏我~
咁我晌書包摷緊鎖匙嘅時候, 突然聽到嫲嫲(佢當時仲在生嘅, 但把聲真係好似佢) 叫我個名(中文名)...雖然我當時無回應, 但都忍唔住擰轉少少頭望下, 但成條走廊都無人...咁, 究竟係邊個叫我?
不過好在, 後來都無咩話怪事發生~~~但我亦相信當時嘅我唔係幻聽...因為係好清楚好近咁晌我身後咁嗌我的, 把聲同語氣我到而家都仲記得~~~
正午出世
不過出世嗰時算係半難產, 所以由細都有孽緣
點為之半難產
我只係知道我媽陣痛咗超過30鐘先生到我出嚟, 因為咁被佢話咗好多年
陣痛咗三日, 未出娘胎本來判定咗做死胎, 叫我屋企唔好有太大希望, 點知拎到出嚟識喊
陰森公屋事件4 - 嫲嫲叫我？
相信好多人都聽過, 如果突然有人從後叫你, 千祈唔好應, 否則.....
話說有一日我放學返屋企, 當時應該屋內無人, 因為我要自己摷鎖匙開門~
而我亦好肯定走廊無人 (之前提過, 我住嘅公屋係好舊嗰款, 走廊長長一條過, 無轉角位, 加上我住果個單位唔係晌樓梯 (無防煙門) 附近嘅, 所以無可能有人晌附近伏我~
咁我晌書包摷緊鎖匙嘅時候, 突然聽到嫲嫲(佢當時仲在生嘅, 但把聲真係好似佢) 叫我個名(中文名)...雖然我當時無回應, 但都忍唔住擰轉少少頭望下, 但成條走廊都無人...咁, 究竟係邊個叫我?
不過好在, 後來都無咩話怪事發生~~~但我亦相信當時嘅我唔係幻聽...因為係好清楚好近咁晌我身後咁嗌我的, 把聲同語氣我到而家都仲記得~~~
試過好多次, 但啲地點、人物、稱呼錯晒, 即係喺學校會出現我老豆把聲或者老細叫我乳名甚至公司有我阿爺把聲但叫緊我英文名之類
不過係有試過遊緊魂嗰時因為咁回一回魂先應得切老師/老細, 所以當佢幫我算
6,7 支針
咁你有無拮親? 點發現㗎?
我阿嬤幫我聯嗰陣發現嘅
冇拮親 但嗰排瞓得唔太好
同埋我阿媽最後都冇事，師傅幫佢搞掂咗，佢都肯食安眠藥，好咗好多
唔係聯完之後有針出現咩? 聯完又聯???
又分享下先, 好常遇到, 不過太濕碎所以好少講
之前講過我屋企明明喺走廊尾但成日有人行過嚟又冇行返轉頭就消失咗, 其實屋企入面有時都會遇到, 好似之前另外講過細個聽到兩個阿叔傾計
有陣時屋企得自己一個, 沖涼嗰時怕凍閂埋門沖, 沖沖下會聽到個廳有聲, 好似平時屋企人返嚟然後行去梳化嘅聲, 頭幾次嗰時聽到冇咩為意, 沖完涼出去就發現屋企根本冇人, 之後就算屋企人返到問佢哋都冇人前頭返一返過嚟再出去, 但發生得愈嚟愈多就覺得奇怪, 驚住唔知係咪有賊, 於是再聽到就會停一停水, 聽清楚啲, 甚至開門去睇, 多數時候都係冇人, 有幾次撞過真係屋企人返, 所以肯定係同一種聲, 但唔知係咩"人"
都試過開住門沖, 又聽到有聲, 熄水伸個頭出去裝, 又係冇人
有時屋企人如果一早要出門口, 而我嗰日係留喺屋企, 又煮咗啲嘢食費事我唔知, 就會入房拍醒我同我講, 如果趕時間有時拍醒我之後, 會一路執袋/換衫一路大嗌入嚟同我講, 試過幾次屋企人返到嚟屌我唔食屋企飯走去叫外賣, 我咪話佢冇同我講, 但佢真係噏得出成個對話, 仲話我成個過程都坐咗起身望住佢哋, 而我一啲記憶都冇
仲試過有時我喺房, 嗌出廳叫屋企人幫我拎啲嘢入房, 聽到佢應"等陣, 未搵到"之類, 但隔咗好耐都未拎入嚟, 行出房就見到佢瞓得好稔唔似有幫我搵過嘢/已經出咗門口, 咁頭先係邊個叫我等陣?
會唔會係早過你已經住係到架喇.. 有無做咩擺明嚇你或者傷害你既事？
冇可能, 當年呢到新起第一批入伙的
試過有隻如果計顏色論應該係冇惡意嘅, 被我發現好似對我老母有啲不善, 然後佢發現到我發現佢, 之後做過啲嘢嚇我, 不過我冇理佢, 幾日後佢就走咗, 感覺上佢只係路過此地
因為係近年發生, 佢未嚇我前我已經live報導過每日進展俾班朋友知, 所以講詳情即變自爆, 唔係有心唔講, sor
好想知..
想知詳細等pm功能出咗再私下講
大致上係有日老母做廳長, 咁啱我間房望到張梳化, 熄晒燈入房瞓嗰時見到老母側邊有個人, 肉眼淨係見到團光見唔到外型, 但感覺對方係條女, 以為自己睇錯所以望多咗陣, 佢就拎轉個人對住我嗰邊, 我仲覺得自己諗多咗冇理到, 第二日(定好似隔多日)咁啱有班fd講起自己懷疑撞鬼, 我咪講咗單嘢, 過咗幾日佢開咗我房門入咗嚟, 搵嘢掟到我醒咗一下, 不過太攰冇理到佢, feel到佢踎咗喺半空笑住睇我反應, 我就鬧咗句粗口再瞓返, 第二日開始走咗出廳做廳長, 做咗一個禮拜肯定佢走咗先返房瞓
我前果排狂甩頭髮，甩到有好幾個大窿。(半個手掌大）
睇西醫話呢d鬼剃頭自己會好，
中醫就話血氣唔夠，要慢慢調理。
上網睇話呢d係情緒問題，咁果排我係好鬱燥，日日日喊咁，成日都好唔開心，然後愈甩愈驚愈有壓力
跟住我阿婆幫我問鄉下好出名既神婆。
阿婆咩都未問，神婆就話我而家甩髮甩得好勁wor
然後佢話我係中學個教堂惹到d梳起唔嫁既「師姑」番黎。
我媽就覺得好奇怪，雖然我果間係天主學校，但邊有教堂
然後就走黎就問我，我聽完o哂咀。
因為雖然我學校係無教堂，但我學校係劃左d地方做聖母修道院，俾學校d修女係果邊住。
而我中一二果陣上聖經課，有次係參觀修院，修院裡面有間房仔真係要黎做小教堂，仲有聖水。
我聽完打哂冷震，鄉下果個神婆真係好勁 講到我甩髮仲要「睇」到我學校既修道院同修女
分享多個
上個po提過tko以前好陰,
導致屋企有朋友仔搞事。
個陣除左搞我地一家四口,
仲累左表妹
表妹細我一年, 細個個陣成日入黎我度同埋我兩姐弟玩.
平時玩到咁上下我媽就會幫佢沖涼再等舅父舅母黎接表妹返屋企。
有晚我媽如常抱佢入廁所準備沖涼,
點知入去無耐表妹就喊得好厲害,
打死都唔肯入去廁所,
話浴缸角落有隻黑貓
我地無養任何動物, 加上我媽好驚貓,
無可能有隻貓係度。
不過我知隻貓係點, 雖然無親眼見過但細個成日夢見浴室有隻長毛綠眼既黑貓伏係角落
我估表妹見到既係同一隻
咁好啦, 佢喊得太勁又開始夜,
所以舅父舅母就接佢返屋企先幫佢沖涼。
點知上年同舅父講開呢單先知隻貓跟左佢地返去當時係青衣既屋企
舅父話個成家返到屋企已經9點幾,
諗住抱表妹去沖涼,
點知表妹仲係驚魂未定, 喊住唔肯沖,
舅父就問佢: 頭先係姑媽度見到乜丫?
一問完全屋就 “啪!”一聲停哂電
舅父本身唔信有鬼,
諗住跳掣啫開返就無事,
點知check左錶箱竟然無跳掣
個下舅父話堅驚就拿拿聲帶住老婆仔女落樓去管理處,
保安check過哂其他單位都無停電,
最後唔知係樓下等左幾耐先膽粗粗上返樓
之後點呀
保安陪上樓見有返電咪繼續住
不過舅母本身個人好聚陰
唔知係咪個次開始搞到佢個人神神化化/上左佢身,
因為佢都幾迷信,
又買水晶又買觀音,
但反而越黎越陰
無耐仲話要搬去荃灣,
第一次上個間屋真係O左咀,
成個廳個大窗對住成山墳境
個間屋住左隻猛鬼 (下個回覆講)
而舅母都變左另一個人咁:
越買越多神怪野、又唔理2個表妹搞到佢地成個乞衣咁、塊面好灰白...
加上舅父經常留係澳門做野,
最後離婚收場。
宜家淨係得細表妹會見下佢,
不過細表妹話舅母已經好古怪,
越搬越遠: 荃灣>深井>元朗>屯門(發電廠附近)
仲要好驚見人, 日光日白都要全屋閂窗簾黑忟忟
可唔可以講下你舅母畀嘢上身單嘢
我前果排狂甩頭髮，甩到有好幾個大窿。(半個手掌大）
睇西醫話呢d鬼剃頭自己會好，
中醫就話血氣唔夠，要慢慢調理。
上網睇話呢d係情緒問題，咁果排我係好鬱燥，日日日喊咁，成日都好唔開心，然後愈甩愈驚愈有壓力
跟住我阿婆幫我問鄉下好出名既神婆。
阿婆咩都未問，神婆就話我而家甩髮甩得好勁wor
然後佢話我係中學個教堂惹到d梳起唔嫁既「師姑」番黎。
我媽就覺得好奇怪，雖然我果間係天主學校，但邊有教堂
然後就走黎就問我，我聽完o哂咀。
因為雖然我學校係無教堂，但我學校係劃左d地方做聖母修道院，俾學校d修女係果邊住。
而我中一二果陣上聖經課，有次係參觀修院，修院裡面有間房仔真係要黎做小教堂，仲有聖水。
我聽完打哂冷震，鄉下果個神婆真係好勁 講到我甩髮仲要「睇」到我學校既修道院同修女
之後呢 果個師姑係咩人
放工前post 多個
陰森公屋5之鬼腳
當時屋企嘅間格係四方屋大門晌左邊, 一入門口右邊約四呎位間咗一間房, 入門直行就係廳, 之後出騎樓~~~(舊式公屋, 大門約腰以下有個信箱口位, 從果個窿位只可以望到大門後屋內約2-3呎左右嘅位置 (地下)
當時部電視係背住騎樓果幅牆嘅 (同大門大約相距10尺), 而當日約咗個有線師傅嚟裝電視, 咁因為我果陣都仲係讀緊書, 而媽媽當日唔得閒出咗街, 就叫咗我呀姨上嚟幫眼望望~~
當時我好記得係夏天嘅下午, 因為在家嘅關係, 我哋三姊弟都係著住短褲嘅~~而師傅就係著黑色牛仔褲~~
呀姨嚟到拍門時, 師傅已經到咗一陣, 仲晌電視機位 set 緊嘢 (我哋三姐弟企晌師傅側邊睇, 直到呀姨拍門我先行去開門, 其他人位置不變)
點知呀姨一入屋就笑笑口問我: 你男朋友嚟咗呢? (當時我有拍拖, 屋企人都知, 但果日男朋友就係無嚟到~~~)我話無啦咁當然~
呀姨嘅反應係唔信, 然後問係咪入咗房, 咁我都即打開房門以證清白, 真係無人~~ 咁之後呀姨都無再講啲乜~~
唔記得係整機後, 定過幾日同呀姨飲茶時佢先講啦~ 總之佢話當日佢嚟到我屋企門口, 晌拍門之前, 佢見到一對著住”藍色”牛仔褲嘅腳 (信箱口位睇唔到上身) 行咗去我房嘅方向, 所以佢當日先會同我有以上嘅對話~~
咁果對藍色牛仔褲嘅腳係點嚟嘅呢??? 當時我三姐弟都短褲, 而整機師傅當時一直晌廳嘅最入位置, 即信箱口一定望唔到咁入, 同埋師傳根本一直晌果個位無行開過, 而佢條褲仲係黑色嘅添!!!
補圖
中學有一次去廁所開大
一入到去就一人個都冇 咁就求其入左中間個廁格
記得好似唔太順暢 要慢慢屙
咁個廁所就幾舊下 入廁所個門一開都會出聲
咁一直去都無聽到聲
屙屙下突然就聽到除左我個廁格外其他所有廁格同一時間沖廁
嗰時第一時間諗學校幾時咁先進識自動沖廁
就無理到繼續屙 終於屙完之後一出去見到有個學生係尿兜前
心諗點解聽唔到開門聲 可能係沖廁嗰時入嚟
唔記得咩樣好普通學生一個
就照行過佢 行過時聽到佢同我講野 但聽唔清楚冇理到
因為間學校都多飛仔 所以唔識多數都唔理
行去洗手時佢又行埋嚟同我講野 今次終於聽清楚佢講咩
佢問我"驚唔驚呀你?' 類似說話 唔記得太清楚
心諗無啦啦驚咩 冇答到佢就出左去
跟住一路行返課室 一邊覺得奇怪 番到去就問同學學校幾時識自動沖廁 當然個個都話冇呢個功能
之後會諗係咪比人整蠱
但如果係比人整蠱應該點都有聲發出 但屙屎期間一直都好靜
勿相認
點解咁少人既
唔係咁多人撞鬼架姐
分享多個
上個po提過tko以前好陰,
導致屋企有朋友仔搞事。
個陣除左搞我地一家四口,
仲累左表妹
表妹細我一年, 細個個陣成日入黎我度同埋我兩姐弟玩.
平時玩到咁上下我媽就會幫佢沖涼再等舅父舅母黎接表妹返屋企。
有晚我媽如常抱佢入廁所準備沖涼,
點知入去無耐表妹就喊得好厲害,
打死都唔肯入去廁所,
話浴缸角落有隻黑貓
我地無養任何動物, 加上我媽好驚貓,
無可能有隻貓係度。
不過我知隻貓係點, 雖然無親眼見過但細個成日夢見浴室有隻長毛綠眼既黑貓伏係角落
我估表妹見到既係同一隻
咁好啦, 佢喊得太勁又開始夜,
所以舅父舅母就接佢返屋企先幫佢沖涼。
點知上年同舅父講開呢單先知隻貓跟左佢地返去當時係青衣既屋企
舅父話個成家返到屋企已經9點幾,
諗住抱表妹去沖涼,
點知表妹仲係驚魂未定, 喊住唔肯沖,
舅父就問佢: 頭先係姑媽度見到乜丫?
一問完全屋就 “啪!”一聲停哂電
舅父本身唔信有鬼,
諗住跳掣啫開返就無事,
點知check左錶箱竟然無跳掣
個下舅父話堅驚就拿拿聲帶住老婆仔女落樓去管理處,
保安check過哂其他單位都無停電,
最後唔知係樓下等左幾耐先膽粗粗上返樓
之後點呀
保安陪上樓見有返電咪繼續住
不過舅母本身個人好聚陰
唔知係咪個次開始搞到佢個人神神化化/上左佢身,
因為佢都幾迷信,
又買水晶又買觀音,
但反而越黎越陰
無耐仲話要搬去荃灣,
第一次上個間屋真係O左咀,
成個廳個大窗對住成山墳境
個間屋住左隻猛鬼 (下個回覆講)
而舅母都變左另一個人咁:
越買越多神怪野、又唔理2個表妹搞到佢地成個乞衣咁、塊面好灰白...
加上舅父經常留係澳門做野,
最後離婚收場。
宜家淨係得細表妹會見下佢,
不過細表妹話舅母已經好古怪,
越搬越遠: 荃灣>深井>元朗>屯門(發電廠附近)
仲要好驚見人, 日光日白都要全屋閂窗簾黑忟忟
講返荃灣間屋,
間屋個floor plan係咁
梳化背向大門,
當時張梳化有腳撐起,
所以掂到梳化底既.
故事係舅父講,
佢話有次返香港過weekend,
零晨側訓係梳化睇歐聯,
佢話個個都入哂房訓覺,
得佢一個係廳熄哂燈睇波。
睇睇下佢眼角睇到梳化後面有個人形,
無耐feel到有人摸佢
由腳掃到上手臂,
掃完無耐隔2個字又掃,
個下已經嚇到舅父死死下,
想起身又發現郁唔到,
呢個時候身後個影唔見左,
諗住鬆口氣...
點知原來個影慢慢穿個梳化底走去舅父面前,
個下舅父瘋狂內心爆粗
個影先消失, 佢就郁得返
就係咁舅父信世界上有鬼
名副其實見過鬼怕黑
三. 早幾年阿公過咗身，葬佢嗰陣有啲儀式我阿媽要特別注意，因為好似佢個八字相沖。但好似因為做得唔好，最後我阿媽賴咗嘢。
阿公葬咗之後，無幾耐阿媽就開始更年期。睇極醫生都唔好，又話每晚都瞓唔著，好似畀火燒咁，但係唔肯食安眠藥。持續好幾個月，見我阿媽日日都好燥。
跟住我阿嬤好迷信，又即刻去問米，佢話搵開嗰啲都有啲功力。但去搵嗰陣，嗰人話直接唔洗嚟問啦，叫我阿嬤儘量畀啲好嘢食我阿媽就算，言下之意係無得救。
有一次阿嬤係廚房，阿媽突然背後攬住我阿嬤，講曬遺言，交低身後事咁。我阿嬤喊到仆街，但佢堅持搵啲師傅幫手。
最後好彩搵到個師傅幫到手，嗰師傅話同阿嬤傾緊嗰陣，我阿公係隔離揸住把刀好惡咁企係度，好似話想帶走我阿媽。
雖然我對師傅依個講法有啲懷疑，因為始終屋企人，唔會咁對我阿媽呱。但事情就係咁巧合，阿公葬完，我阿媽就出事。
