原本打好哂禁post, 點知乜都無
90年代初姨丈去左外國讀書,
阿姨帶住2歲既表弟租左藍田一間屋度
不過太猛, 住左好短時間就毀約提早搬.
故事(一)
阿姨同我婆(間唔中上去幫手湊孫)入住無耐已經覺唔妥,
半夜個個返哂房但聽到廚房有人搞碗碟,
我姨甚至睇住房門鎖自己慢慢扭開...再開門...
但從來都見唔到人入黎
故事(二)
我姨間主人房係走廊尾,
佢一開房門就會見到大廳個半張梳化同半幅牆,
大廳度有塊好大既窗+有個窗台.
而窗外街景啲光影會投射哂係幅牆上.
有晚半夜阿姨想去廁所,
一開房門就見到幅牆上有個男人坐係窗台既影.
故事(三)
我婆有晚過夜,一個人係另一間房訓,
訓訓下俾鬼責,
仲要抱起左佢,
掙扎左一陣度力開始消失,
我婆先撻返落床.
故事(四)
大表姐有次黎借宿一宵做廳長,
訓到半夜聽到廚房有聲,
覺得有人望住佢,
又係度行黎行去,
嚇到佢第二朝一早走人
由於太猛, 我媽就同我姨去左問米,
問米婆話個隻唔係普通既遊魂野鬼,
而係我三舅父,
三舅係2歲個陣病死左,
我婆求其葬左佢, 無碑又無拜過佢,
三舅就變左無主孤魂,
一直係下面長大同俾人恰.
問米婆話佢去過哂所有兄弟姐妹屋企
(宜家諗返唔知當時我係鏡見到既青面鬼(見po一)係咪佢),
但就因為我婆家有祖先同土地就入唔到去.
今次佢係咁啱係下面遇到我姨丈已故既一位親人,
個親人就帶左三舅去左我姨到.
而佢只係想引我婆注意,
想我婆記得佢都曾經存在過.
想我地列佢入祖先位就唔再搞佢地.
最後都有安佢上位.
本來以為告一段落,
點知我婆去左樓下公園同表弟玩個陣惹左個仲惡既返去
呢個下次再講
你三舅父好慘
） 佢地有大有細，個樣勁恐怖，成身既顏色可以用紅色藍色綠色嘅泥膠混合個種嘔心嘅顏色形容，但佢地無惡意仲會同我玩，但我都要歸納為惡夢因為佢地個樣太恐怖
好彩無搞我，但我搬左新屋終於明白屋企安淨個種感覺，自己一個係屋企都唔會心虛唔會驚，但舊屋個陣係會驚自己係屋企，種感覺係唔同
) 
