［靈異撚］分享靈異經歷 (2)

唔知你地去西九龍中心會唔會有種好不安既感覺
我次次去都覺得好唔妥, 講唔清楚嗰種感覺, 但就係好唔舒服, 尤其係美食廣場嗰層, 但一走出個商場就冇事

嗰度好似話幾猛

西九係有野
尤其美食廣場個位
我好多fd一入去就唔舒服
佢話一過去就好大壓迫感 透唔到氣

睇睇下巴絲嘅分享，我醒起十幾年前有單解釋唔到嘅事。嗰時仲好細個，好鍾意玩遙控車，有一晚訓訓下覺聽到個廳好嘈，嘈醒曬我同屋企人，我行出房見到我部紅色遙控車自己係度走黎走去，我老豆當時反應好快，即刻跑過去拎起架車，仲電芯都拎埋出黎，佢同我媽咪講可能係其他單位既住戶有同款既玩具，所以干擾到部車，叫我同媽咪早少少休息，唔洗擔心。

但我當時留意到我老豆出曬汗，分明係有野嚇親佢，我頂唔著個好奇心，所以我一起身就去搵老豆問佢尋晚係唔係有咩事，佢起初吞吞吐吐，好似唔想講我知，我再三追問之下，佢先同我講如果架玩具車真係俾隔離屋干擾而自己行嘅話，點可能可以圍著張食飯枱轉咁多個圈而一下都唔撞到其他野，架玩具車分明係有人控制緊嘅，我聽完之後直頭由個心寒出黎

以前聽朋友講過細個嗰時某晚聽到個廳有啲聲嘈醒咗佢, 想出去睇但見到房門有個人望住佢所以唔敢出去, 合返埋眼扮瞓, 點知第二朝起身見到個機械人玩具企咗喺房門口

玩具呢啲真係好驚~
全部掉晒佢好定點好

講開有條路, 講多個

幾年前啱啱返宜家份工個陣係公司走廊遇過朋友仔.

我間公司好近大酒店,
加上老細係後生仔唔信邪
所以入伙無燒豬還神,
同事個個都話有污糟野,
仲成日病 (我入左黎做真係成日病)

我地去廁所要行出走廊,
推開右手邊既防煙門先入到去.
記得個陣係3,4月左右,
我長期都會見到有個女仔望住個防煙門.
佢係白色裙、短啡色既頭髮,
佢下半身都係牆入面.
永遠都見唔到樣, 淨係望住道門.
佢望左成4個星期都仲係度.
而我又唔知哪兒來的勇氣,
有日忍唔住撥下佢
之後佢就消失左.

但我一返埋位就暈左兼call左白車入醫院

住村屋，有次夜晚（十一二點）冇啦啦聽到附近有人播緊粵曲，好細聲，陰陰寒寒。



頂佢最後發現原來係廢老。

我都試過, 住柴灣陰森屋嗰陣, 有一次夜返屋企, 經過公園果陣見到嗰啲涼亭入面有個全身白, 連面都好白嘅呀伯坐晌度....嚇到我呢...

但之後都再有見過嗰個呀伯, 先發現完來佢只係皮膚好白...

(不過係白到好似俾人灑過麵粉落面度咁..)

仲未追完1但都想分享下，細個住唐樓，2間大房，一間係我同父母一齊瞓，夠放1張雙人1張單人，另一間就做工人房。
咁間工人房係走廊個面，走廊盡頭就係廁所，細細個夜晚去廁所驚既原因係經過間工人房，梗係覺得有種唔舒服會驚既感覺
父母就話見過有白煙由間房飄出嚟
而我細個大約5-8 歲左右成日都會發同一個夢，夢見我自己係屋企，有一家人會係工人房度踩住暴走鞋咁出嚟（細個以為暴走鞋原因係佢地腳無行...大個諗返其實係飄 ） 佢地有大有細，個樣勁恐怖，成身既顏色可以用紅色藍色綠色嘅泥膠混合個種嘔心嘅顏色形容，但佢地無惡意仲會同我玩，但我都要歸納為惡夢因為佢地個樣太恐怖
我姨媽嚟我屋企住幾日瞓個間房都同我老母講有鬼..
然後就係我太婆中風，暫時搬嚟我地度比工人照顧佢，有一日佢係間房度發癲，但中風跟本唔知佢想講咩，我老母都估到好嬲，然後佢大叫：係咪有鬼啊!?!?!?
我太婆用盡佢既力答：係！！！
我老母就講哂粗口叫佢地唔好嚇太婆
舊屋真係一間鬼屋 好彩無搞我，但我搬左新屋終於明白屋企安淨個種感覺，自己一個係屋企都唔會心虛唔會驚，但舊屋個陣係會驚自己係屋企，種感覺係唔同

紅字超認同...

但即使新屋都要睇緊啲唔好俾嘢嚟

講返上頁提過既藍田鬼屋.

原本以為安左三舅父上位就一天都光哂,
點知我婆同表弟去公園玩個陣俾一個中老鬼跟左返屋企.

呢隻野一開頭都係玩個啲:
半夜係廳行到房門口、
搞啲聲響出黎、
我公去廁所就覺得鏡入面有人啤住佢咁.

直到一個陽光普照既中午,
我婆同個孫係主人房用啲牛龜電視睇緊都市閒情,
睇睇下訓著左.
訓訓下表弟突然喊得好勁,
我婆就醒左, 一望表弟就嚇左嚇,
表弟塊面上有3條抓痕
同時間個電視“啪”一聲熄左,
有個好惡既中年男人係電視屏度同我婆對望左幾秒 , 然後消失左

因為個次傷害左表弟,
我姨覺得間屋都係招陰,
唔敢再住, 所以好快搬走左.

後話: 之後有個鬼佬一條友租左, 但住左一個月就唔肯續租

主動跟返屋企真係好驚
連鬼佬都頂唔順, 我諗都好猛吓

但之後仲有無見過嗰個婆婆出現? 定嗰個單位有無特嘢出現?(如無幾耐要點白蠟燭之類)

無印象
漆黑中絲打仲有冇故分享

有呀, 啱啱洗完版, 而家分享

睇睇下巴絲嘅分享，我醒起十幾年前有單解釋唔到嘅事。嗰時仲好細個，好鍾意玩遙控車，有一晚訓訓下覺聽到個廳好嘈，嘈醒曬我同屋企人，我行出房見到我部紅色遙控車自己係度走黎走去，我老豆當時反應好快，即刻跑過去拎起架車，仲電芯都拎埋出黎，佢同我媽咪講可能係其他單位既住戶有同款既玩具，所以干擾到部車，叫我同媽咪早少少休息，唔洗擔心。

但我當時留意到我老豆出曬汗，分明係有野嚇親佢，我頂唔著個好奇心，所以我一起身就去搵老豆問佢尋晚係唔係有咩事，佢起初吞吞吐吐，好似唔想講我知，我再三追問之下，佢先同我講如果架玩具車真係俾隔離屋干擾而自己行嘅話，點可能可以圍著張食飯枱轉咁多個圈而一下都唔撞到其他野，架玩具車分明係有人控制緊嘅，我聽完之後直頭由個心寒出黎

哇屌 好撚心寒

仲要紅色

馬來西亞雲頂真係幾猛下
細個個陣同屋企人去
同行有2個團友係一對老夫婦 阿公阿婆黎
同我地都有講有笑
夜晚住雲頂酒店住係我地房隔離
隔日出發個陣細細聲問我地琴晚訓教有冇咩事發生
原來琴晚訓教個陣feel 到張被濕濕地
以為咩事 係咪天花板滴水
結果發現被中間有一點紅色
之後由中間越滲越大
成張被都係血
一望發現床尾有個成面血既女鬼睥住佢地
望返自己老公 訓緊
但發現老公個樣開始變做女鬼個樣
之後即刻合埋眼扮冇事訓教

而家講返起都好撚驚

好在唔係今年去馬來西亞前睇你呢個故啫
呀婆咁堅仲可以繼續晌變緊女鬼樣嘅公公隔離扮瞓嘅~

係 個陣聽佢講都覺得痴線
但大個諗返 除左扮訓仲可以做咩
冇理由一巴車落女鬼樣既老公到
加埋個陣係旅行團 聽日要早起集合
拿拿聲合埋眼訓算

我最驚係呢啲瞓晌隔離嘅另一半, 突然變咗唔知是咪另一半

講開有條路, 講多個

幾年前啱啱返宜家份工個陣係公司走廊遇過朋友仔.

我間公司好近大酒店,
加上老細係後生仔唔信邪
所以入伙無燒豬還神,
同事個個都話有污糟野,
仲成日病 (我入左黎做真係成日病)

我地去廁所要行出走廊,
推開右手邊既防煙門先入到去.
記得個陣係3,4月左右,
我長期都會見到有個女仔望住個防煙門.
佢係白色裙、短啡色既頭髮,
佢下半身都係牆入面.
永遠都見唔到樣, 淨係望住道門.
佢望左成4個星期都仲係度.
而我又唔知哪兒來的勇氣,
有日忍唔住撥下佢
之後佢就消失左.

但我一返埋位就暈左兼call左白車入醫院

成日見到仲敢去廁所, 然後仲要伸手撥...

講開有條路, 講多個

幾年前啱啱返宜家份工個陣係公司走廊遇過朋友仔.

我間公司好近大酒店,
加上老細係後生仔唔信邪
所以入伙無燒豬還神,
同事個個都話有污糟野,
仲成日病 (我入左黎做真係成日病)

我地去廁所要行出走廊,
推開右手邊既防煙門先入到去.
記得個陣係3,4月左右,
我長期都會見到有個女仔望住個防煙門.
佢係白色裙、短啡色既頭髮,
佢下半身都係牆入面.
永遠都見唔到樣, 淨係望住道門.
佢望左成4個星期都仲係度.
而我又唔知哪兒來的勇氣,
有日忍唔住撥下佢
之後佢就消失左.

但我一返埋位就暈左兼call左白車入醫院

成日見到仲敢去廁所, 然後仲要伸手撥...

巴打根本玩命 其實係咪想溝"人"

舊公司2之身後高速飄過的白影

晌呢間公司第二次算係遇到嘅靈異事件~

是咁的, 有一日, 老闆開會未返, 我同啲同事因為無咩嘢做, 就晌度吹水啦~

嗰時 office 環境好 free 下, 唔會話有啲咩經理走出嚟話人之類…我哋可以離開座位吹水, 得閒叫吓下午茶咁, 好鬼正~

呢日我企晌兩個 sales 嘅位都吹水, 個格局係佢哋背後係牆, 我面對佢哋, 背後係走廊位 (即位同位之間嘅走廊)

正當我哋吹到興高彩烈嘅時候, 我突然眼尾見到有個白色影高速晌我身後右邊"閃"過去左邊 (但其實呢個只係方向, 即右邊飛埋嚟, 但左邊唔見出現)

當時我即刻成個人擰轉身望望左, 望望右咁, 但咩都無 (左邊係老闆房, 但老闆不在房以關埋門鎖咗嘅)…由於咩都見唔到, 我只係 “咦” 咗一聲, 乜都無講….我"咦"完之後, 呢兩位 sales 同事就同一時間(真係一齊開口問)問我係咪見到白影飄過…(佢兩個都有陰陽眼)

正當我哋講緊呢個白影時, 其他同事都走過嚟 (約5 米外遠) 話佢哋都見到白影….但問題係, 嗰日唯一著白衫嘅會計小姐一直晌 office 右邊間房無出過嚟….咁我哋全 office 都見到嘅白影係…?

舊公司2之身後高速飄過的白影

晌呢間公司第二次算係遇到嘅靈異事件~

是咁的, 有一日, 老闆開會未返, 我同啲同事因為無咩嘢做, 就晌度吹水啦~

嗰時 office 環境好 free 下, 唔會話有啲咩經理走出嚟話人之類…我哋可以離開座位吹水, 得閒叫吓下午茶咁, 好鬼正~

呢日我企晌兩個 sales 嘅位都吹水, 個格局係佢哋背後係牆, 我面對佢哋, 背後係走廊位 (即位同位之間嘅走廊)

正當我哋吹到興高彩烈嘅時候, 我突然眼尾見到有個白色影高速晌我身後右邊"閃"過去左邊 (但其實呢個只係方向, 即右邊飛埋嚟, 但左邊唔見出現)

當時我即刻成個人擰轉身望望左, 望望右咁, 但咩都無 (左邊係老闆房, 但老闆不在房以關埋門鎖咗嘅)…由於咩都見唔到, 我只係 “咦” 咗一聲, 乜都無講….我"咦"完之後, 呢兩位 sales 同事就同一時間(真係一齊開口問)問我係咪見到白影飄過…(佢兩個都有陰陽眼)

正當我哋講緊呢個白影時, 其他同事都走過嚟 (約5 米外遠) 話佢哋都見到白影….但問題係, 嗰日唯一著白衫嘅會計小姐一直晌 office 右邊間房無出過嚟….咁我哋全 office 都見到嘅白影係…?

我見過類似, 但係黑影
通常呢類朋友仔能量唔係咁強
唔會發冷或頭痛

有冇人坐車見過

我都有類似上面既經驗, office 有多個人出現

我公司舊office係中環, 嗰橦大廈都好陰森, 廁所又係要行出走廊, 走廊燈同廁所燈係八點後會熄一半, 有次去去下廁所無啦啦熄燈俾佢嚇到仆街 有同事試過夜晚去廁所聽到小朋友笑聲

我地成日要係公司通宵OT，有次我地OT時圍圈傾食咩宵夜, 諗咗好耐都諗唔到食咩, 上司就話: "問問A 啦, 佢啱啱入咗pantry喎", 但係呢個時候, 我地就聽到A係另一邊走出黎, 話佢啱啱先去完洗手間返黎, 冇入過去pantry

大家成晚都唔敢再入去Pantry, 寧願渴死都唔入去斟水飲

趁唔太忙, 打多個先:

舊公司3之飲水機旁的白衣男

呢次可算係我人生中唯一一次見鬼時都知佢係唔係人嘅靈異經歷嚟…

晌呢間公司做嗰陣間中都會 OT 下…以前啲老闆比較有人情味, 唔係必要都唔會叫你 OT, 而且 OT 好多公司都係有OT錢的 (唔會好似而家咁, 準時放工係罪, 無償 OT 是應份的)

有一晚, 得返我同一位靚仔 designer 同事晌公司 OT(無甜)…我諗大約 OT 到八點幾左右啦, 就打算放工一齊鎖門走人~

當時 Office 要經過隔離工場單位先出到大門口嘅, 咁designer 同事就企晌大門口等我, 我就去熄女廁嘅燈同士多房嘅燈…

男女廁設晌工場入面嘅, 而 toilets 對住嘅係一間士多房 (Office 裝修過, 擴大咗工場縮細咗office 範圍, 士多房嘅前身係會計小姐間房), 士多房門口放咗部水機, 水機嘅右手邊方向行十步左右就係大門口了….

咁當我熄完女廁嘅燈, 正準備轉身行埋去熄埋士多房燈時, 見到士多房門口水機隔嚟, 有個全身白色, 垂頭, 隻手都垂低, 睇唔清五官嘅男人企咗晌度…

我扮無事發生咩都睇唔到咁, 微笑住咁行咗去大門, 同 designer 同事講: 麻煩你去熄士多房燈吖~

Designer 同事無發現我有唔妥, 好爽快去熄咗燈就出返嚟鎖門同我一齊落樓…

等緊 lift 嘅時候, 我忍唔住話佢知水機隔離見到嘢嘅事, 即刻俾佢 ..

其實果時好蠢, 大可以扮唔記得, 即刻鎖門走人就算, 點解要堅時熄燈呢? (可能太細個, 驚唔熄晒燈第二日俾人鬧 )

舊公司2之身後高速飄過的白影

晌呢間公司第二次算係遇到嘅靈異事件~

是咁的, 有一日, 老闆開會未返, 我同啲同事因為無咩嘢做, 就晌度吹水啦~

嗰時 office 環境好 free 下, 唔會話有啲咩經理走出嚟話人之類…我哋可以離開座位吹水, 得閒叫吓下午茶咁, 好鬼正~

呢日我企晌兩個 sales 嘅位都吹水, 個格局係佢哋背後係牆, 我面對佢哋, 背後係走廊位 (即位同位之間嘅走廊)

正當我哋吹到興高彩烈嘅時候, 我突然眼尾見到有個白色影高速晌我身後右邊"閃"過去左邊 (但其實呢個只係方向, 即右邊飛埋嚟, 但左邊唔見出現)

當時我即刻成個人擰轉身望望左, 望望右咁, 但咩都無 (左邊係老闆房, 但老闆不在房以關埋門鎖咗嘅)…由於咩都見唔到, 我只係 “咦” 咗一聲, 乜都無講….我"咦"完之後, 呢兩位 sales 同事就同一時間(真係一齊開口問)問我係咪見到白影飄過…(佢兩個都有陰陽眼)

正當我哋講緊呢個白影時, 其他同事都走過嚟 (約5 米外遠) 話佢哋都見到白影….但問題係, 嗰日唯一著白衫嘅會計小姐一直晌 office 右邊間房無出過嚟….咁我哋全 office 都見到嘅白影係…?

我見過類似, 但係黑影
通常呢類朋友仔能量唔係咁強
唔會發冷或頭痛

其實發冷, 頭痛, 起機皮呢啲我都好似無試過(touchwood)

有冇人坐車見過

沒有

唔想見唔好俾我見thank you

我都有類似上面既經驗, office 有多個人出現

我公司舊office係中環, 嗰橦大廈都好陰森, 廁所又係要行出走廊, 走廊燈同廁所燈係八點後會熄一半, 有次去去下廁所無啦啦熄燈俾佢嚇到仆街 有同事試過夜晚去廁所聽到小朋友笑聲

我地成日要係公司通宵OT，有次我地OT時圍圈傾食咩宵夜, 諗咗好耐都諗唔到食咩, 上司就話: "問問A 啦, 佢啱啱入咗pantry喎", 但係呢個時候, 我地就聽到A係另一邊走出黎, 話佢啱啱先去完洗手間返黎, 冇入過去pantry

大家成晚都唔敢再入去Pantry, 寧願渴死都唔入去斟水飲

我覺得聽到小朋友笑聲呢吓恐怖啲

有冇人坐車見過

有關於巴士, 係我老豆講

老豆係做巴士維修,
佢話最猛係巴士跌左落汀九橋個單,
當年架車拖返去警察車廠檢驗拎哂證據之後, 都會還返俾巴士公司.
因為一架巴士好貴,
如果唔係爛到無得再整,
公司膠層會要求班細既修復架車再用.

個架車係維修過程已經好唔順利.
老豆話天未黑已經有層霧圍住架車,
入左黑啲霧更加濃,
仲會好寒, 又聽到有人嗌

整返好之後架車揸返同一條線,
但每星期都會有意外, 例如撞到燈柱, 失控炒左上行人路咁,
老牌司機個個都唔肯揸個架車,
得啲乜都唔知既新仔揸,
但都有意外,
最後巴士公司詢眾要求劏左架車先無事.

話時話我都試過好多次有「人」返屋企喎
如果唔係有巴打講起我會覺得好普通，因為成日發生
我係廢青嚟嘅，有時會全日留喺屋企頹下，好多時沖沖下涼都聽到有人開大閘開門，仲閂返門添
第一次嗰隻嘭門 我以為二家姐同男朋友鬧交，急急腳抹身出去食花生，點知無人喺屋企，但聽聲係閂咗出面個閘先閂大門

有冇人坐車見過

有關於巴士, 係我老豆講

老豆係做巴士維修,
佢話最猛係巴士跌左落汀九橋個單,
當年架車拖返去警察車廠檢驗拎哂證據之後, 都會還返俾巴士公司.
因為一架巴士好貴,
如果唔係爛到無得再整,
公司膠層會要求班細既修復架車再用.

個架車係維修過程已經好唔順利.
老豆話天未黑已經有層霧圍住架車,
入左黑啲霧更加濃,
仲會好寒, 又聽到有人嗌

整返好之後架車揸返同一條線,
但每星期都會有意外, 例如撞到燈柱, 失控炒左上行人路咁,
老牌司機個個都唔肯揸個架車,
得啲乜都唔知既新仔揸,
但都有意外,
最後巴士公司詢眾要求劏左架車先無事.

跌落橋都仲維修得返
好在之後啲意外都唔算大事

我都分享一個關於我屋企人嘅，話說我阿爸阿媽啱啱結婚嗰陣佢地去左泰國旅行。交代返小小，我爸嗰陣已經學左神功好耐，好似十六七歲已經有學。係酒店嗰陣都冇野，但係到夜晚訓教嘅時候，我媽feel到有人責住佢，之後仲想拉佢落牀，但佢又郁唔到，最後唔知點樣一掂到我爸佢就醒左，我媽都即刻冇事，可能知我爸識神功咁，之後就即刻封牀，我媽就冇再比野搞

話時話我都試過好多次有「人」返屋企喎
如果唔係有巴打講起我會覺得好普通，因為成日發生
我係廢青嚟嘅，有時會全日留喺屋企頹下，好多時沖沖下涼都聽到有人開大閘開門，仲閂返門添
第一次嗰隻嘭門 我以為二家姐同男朋友鬧交，急急腳抹身出去食花生，點知無人喺屋企，但聽聲係閂咗出面個閘先閂大門

會唔會係隔離屋太應聲呀?

btw 紅字

我都分享一個關於我屋企人嘅，話說我阿爸阿媽啱啱結婚嗰陣佢地去左泰國旅行。交代返小小，我爸嗰陣已經學左神功好耐，好似十六七歲已經有學。係酒店嗰陣都冇野，但係到夜晚訓教嘅時候，我媽feel到有人責住佢，之後仲想拉佢落牀，但佢又郁唔到，最後唔知點樣一掂到我爸佢就醒左，我媽都即刻冇事，可能知我爸識神功咁，之後就即刻封牀，我媽就冇再比野搞

封咗酒店張床
點封