［靈異撚］分享靈異經歷 (2)

放工前post 多個
陰森公屋5之鬼腳

當時屋企嘅間格係四方屋大門晌左邊, 一入門口右邊約四呎位間咗一間房, 入門直行就係廳, 之後出騎樓~~~(舊式公屋, 大門約腰以下有個信箱口位, 從果個窿位只可以望到大門後屋內約2-3呎左右嘅位置 (地下)

當時部電視係背住騎樓果幅牆嘅 (同大門大約相距10尺), 而當日約咗個有線師傅嚟裝電視, 咁因為我果陣都仲係讀緊書, 而媽媽當日唔得閒出咗街, 就叫咗我呀姨上嚟幫眼望望~~

當時我好記得係夏天嘅下午, 因為在家嘅關係, 我哋三姊弟都係著住短褲嘅~~而師傅就係著黑色牛仔褲~~
呀姨嚟到拍門時, 師傅已經到咗一陣, 仲晌電視機位 set 緊嘢 (我哋三姐弟企晌師傅側邊睇, 直到呀姨拍門我先行去開門, 其他人位置不變)

點知呀姨一入屋就笑笑口問我: 你男朋友嚟咗呢? (當時我有拍拖, 屋企人都知, 但果日男朋友就係無嚟到~~~)我話無啦咁當然~
呀姨嘅反應係唔信, 然後問係咪入咗房, 咁我都即打開房門以證清白, 真係無人~~ 咁之後呀姨都無再講啲乜~~

唔記得係整機後, 定過幾日同呀姨飲茶時佢先講啦~ 總之佢話當日佢嚟到我屋企門口, 晌拍門之前, 佢見到一對著住”藍色”牛仔褲嘅腳 (信箱口位睇唔到上身) 行咗去我房嘅方向, 所以佢當日先會同我有以上嘅對話~~

咁果對藍色牛仔褲嘅腳係點嚟嘅呢??? 當時我三姐弟都短褲, 而整機師傅當時一直晌廳嘅最入位置, 即信箱口一定望唔到咁入, 同埋師傳根本一直晌果個位無行開過, 而佢條褲仲係黑色嘅添!!!

放工前post 多個
陰森公屋5之鬼腳

當時屋企嘅間格係四方屋大門晌左邊, 一入門口右邊約四呎位間咗一間房, 入門直行就係廳, 之後出騎樓~~~(舊式公屋, 大門約腰以下有個信箱口位, 從果個窿位只可以望到大門後屋內約2-3呎左右嘅位置 (地下)

當時部電視係背住騎樓果幅牆嘅 (同大門大約相距10尺), 而當日約咗個有線師傅嚟裝電視, 咁因為我果陣都仲係讀緊書, 而媽媽當日唔得閒出咗街, 就叫咗我呀姨上嚟幫眼望望~~

當時我好記得係夏天嘅下午, 因為在家嘅關係, 我哋三姊弟都係著住短褲嘅~~而師傅就係著黑色牛仔褲~~
呀姨嚟到拍門時, 師傅已經到咗一陣, 仲晌電視機位 set 緊嘢 (我哋三姐弟企晌師傅側邊睇, 直到呀姨拍門我先行去開門, 其他人位置不變)

點知呀姨一入屋就笑笑口問我: 你男朋友嚟咗呢? (當時我有拍拖, 屋企人都知, 但果日男朋友就係無嚟到~~~)我話無啦咁當然~
呀姨嘅反應係唔信, 然後問係咪入咗房, 咁我都即打開房門以證清白, 真係無人~~ 咁之後呀姨都無再講啲乜~~

唔記得係整機後, 定過幾日同呀姨飲茶時佢先講啦~ 總之佢話當日佢嚟到我屋企門口, 晌拍門之前, 佢見到一對著住”藍色”牛仔褲嘅腳 (信箱口位睇唔到上身) 行咗去我房嘅方向, 所以佢當日先會同我有以上嘅對話~~

咁果對藍色牛仔褲嘅腳係點嚟嘅呢??? 當時我三姐弟都短褲, 而整機師傅當時一直晌廳嘅最入位置, 即信箱口一定望唔到咁入, 同埋師傳根本一直晌果個位無行開過, 而佢條褲仲係黑色嘅添!!!

補圖

小學嗰時放學會去舅母屋企做功課，等老母放工接我走。有次老母叫我自己落樓，當時都唔係好晏大約傍晚六至七點，我入lift好肯定得我一個，落咗幾層樓之後竟有人出lift，自此我就叫老母上樓接我走直到小學畢業，之後都冇再踏入嗰層樓。

試過有幾段唔同既經歷 有恐怖有唔恐怖 一次過打曬
好多朋友都知 勿相認

細細個開始 就已經發現好奇怪野發生係自己身上
果陣仲係幼稚園同初小年紀 同阿爸阿媽一齊訓
我就習慣訓最入面靠牆既
平時訓訓下就會覺得有d雜音
類似平時係圖書館溫書有人細細聲傾電話果類
咁我就跟住d聲去搵來源
發現係牆入面發出 咁我就靠近去聽啦
每次都聽到兩把唔同聲係到鬼食泥'疑依淫淫'
起初以為隔離屋傾計 大個發現傳音根本冇咁犀利
記得有套韓國恐怖電影講埋屍係牆入面
唔知關唔關事

未打完禁錯制

唔知大家信唔信背後靈
細個好記得係小四
果陣一直都好怕黑 同自己一個
返到屋企係要開曬全屋既燈先
係連廚房廁所果d都要開 即使係房睇唔到
之後就捐入被竇入面等屋企人返黎
連尿都唔敢屙 因為怕廁所
連搭lift都要等有人先敢一齊上
相信怕黑既巴絲都知黑果種恐懼有幾誇張

咁有一次發夢夢見阿爺（我未出世佢已經走左）
夢醒之後感覺身邊多左樣野 好有安全感
唔識形容係d咩 非實體 又睇唔到（氣體？）
意識話比我知佢係爺爺
自此之後 我就冇再怕過黑
屙尿唔怕黑 唔怕自己搭lift
老子什麼鬼都不怕
係空閒時我會對住果舊野傾計
佢唔會發出聲音但係會直接傳到心靈
類似耶撚同上帝溝通feel
不過只限身邊冇人我先會搵佢講野
我唔想比人知呢樣嘢
因為細路講呢d通常會比老母打
之後話亂講野/講大話
所以一直都冇同人講

呢件事維持整整一年
有一次發夢醒左之後
覺得好凍好空虛
然後係咁對住空氣講野冇人理
然後先知'爺爺'又離開左
又再開始怕黑..

到大個同d神婆傾計
佢就估可能係附近有老人家去世
見有小朋友得意先過黎陪下傾計
雖然佢有機會唔係我爺爺
但係好多謝果一年入面陪住我長大
陪住我成長為男子漢

睇到有少少眼濕濕

終於睇哂兩個post

試過有幾段唔同既經歷 有恐怖有唔恐怖 一次過打曬
好多朋友都知 勿相認

細細個開始 就已經發現好奇怪野發生係自己身上
果陣仲係幼稚園同初小年紀 同阿爸阿媽一齊訓
我就習慣訓最入面靠牆既
平時訓訓下就會覺得有d雜音
類似平時係圖書館溫書有人細細聲傾電話果類
咁我就跟住d聲去搵來源
發現係牆入面發出 咁我就靠近去聽啦
每次都聽到兩把唔同聲係到鬼食泥'疑依淫淫'
起初以為隔離屋傾計 大個發現傳音根本冇咁犀利
記得有套韓國恐怖電影講埋屍係牆入面
唔知關唔關事

未打完禁錯制

唔知大家信唔信背後靈
細個好記得係小四
果陣一直都好怕黑 同自己一個
返到屋企係要開曬全屋既燈先
係連廚房廁所果d都要開 即使係房睇唔到
之後就捐入被竇入面等屋企人返黎
連尿都唔敢屙 因為怕廁所
連搭lift都要等有人先敢一齊上
相信怕黑既巴絲都知黑果種恐懼有幾誇張

咁有一次發夢夢見阿爺（我未出世佢已經走左）
夢醒之後感覺身邊多左樣野 好有安全感
唔識形容係d咩 非實體 又睇唔到（氣體？）
意識話比我知佢係爺爺
自此之後 我就冇再怕過黑
屙尿唔怕黑 唔怕自己搭lift
老子什麼鬼都不怕
係空閒時我會對住果舊野傾計
佢唔會發出聲音但係會直接傳到心靈
類似耶撚同上帝溝通feel
不過只限身邊冇人我先會搵佢講野
我唔想比人知呢樣嘢
因為細路講呢d通常會比老母打
之後話亂講野/講大話
所以一直都冇同人講

呢件事維持整整一年
有一次發夢醒左之後
覺得好凍好空虛
然後係咁對住空氣講野冇人理
然後先知'爺爺'又離開左
又再開始怕黑..

到大個同d神婆傾計
佢就估可能係附近有老人家去世
見有小朋友得意先過黎陪下傾計
雖然佢有機會唔係我爺爺
但係好多謝果一年入面陪住我長大
陪住我成長為男子漢

睇到有少少眼濕濕

好溫暖
佢生前一定好好人

點解咁少人既

推
死灰復燃

lm

留名

中學有一次去廁所開大
一入到去就一人個都冇 咁就求其入左中間個廁格
記得好似唔太順暢 要慢慢屙
咁個廁所就幾舊下 入廁所個門一開都會出聲
咁一直去都無聽到聲
屙屙下突然就聽到除左我個廁格外其他所有廁格同一時間沖廁
嗰時第一時間諗學校幾時咁先進識自動沖廁
就無理到繼續屙 終於屙完之後一出去見到有個學生係尿兜前
心諗點解聽唔到開門聲 可能係沖廁嗰時入嚟
唔記得咩樣好普通學生一個
就照行過佢 行過時聽到佢同我講野 但聽唔清楚冇理到
因為間學校都多飛仔 所以唔識多數都唔理
行去洗手時佢又行埋嚟同我講野 今次終於聽清楚佢講咩
佢問我"驚唔驚呀你?' 類似說話 唔記得太清楚
心諗無啦啦驚咩 冇答到佢就出左去
跟住一路行返課室 一邊覺得奇怪 番到去就問同學學校幾時識自動沖廁 當然個個都話冇呢個功能
之後會諗係咪比人整蠱
但如果係比人整蠱應該點都有聲發出 但屙屎期間一直都好靜

勿相認

點解咁少人既

唔係咁多人撞鬼架姐

諗返起都覺得好不可思議
件事係小學時期發生
個陣返大陸係我呀婆屋企住
我就係廳到玩電腦,隔離係落地玻璃
玩玩下我望左一望出面,見到竟然有架紅色好中式既火車係天上面行
仲要隱約見到好多黑色既人影係車廂入面
我即刻叫其他人過黎睇,但叫到佢地過黎個陣已經咩都無曬
個種震撼到而家都記得

諗起小倩動畫版

陰公，我好明白 被責真係好恐怖
以前只係聽人講被責郁唔到好驚又出唔到聲
有次係宿舍訓試左一次
個晚訓訓下醒左
突然見到對面牆上面有白色一陣煙咁
見完都未黎得切驚
成個身即刻郁唔到，又講唔到野，勁驚勁無助
跟住我駁命大叫大叫大叫成個人出盡力大叫
最後就突然叫到出聲，就無事
雖然咩都見唔到，但真係好驚

係呀, 被責真係好驚, 就算見唔到都超驚

陰公，我好明白 被責真係好恐怖

以前只係聽人講被責郁唔到好驚又出唔到聲

有次係宿舍訓試左一次

個晚訓訓下醒左

突然見到對面牆上面有白色一陣煙咁

見完都未黎得切驚

成個身即刻郁唔到，又講唔到野，勁驚勁無助

跟住我駁命大叫大叫大叫成個人出盡力大叫

最後就突然叫到出聲，就無事

雖然咩都見唔到，但真係好驚

agger

被責真係超驚...見唔到都一樣驚..
我想像唔到如果見到會係點

我聽過有人話被責見到, 面對面咁

我之前去exchange，宿舍係一人房，有埋個細細既洗手間，所以都幾大間。我份人不嬲都無乜安全感，所以訓覺個陣會開著洗手間盞燈，成半個sem，晚晚都係咁。

咁有一晚我如常訓覺，突然聽到砰砰聲。初頭都無留意，繼續訓。啲聲無停過，我諗都係啲街童玩野拍窗啫，然後我就突然記起我住緊一樓 嚇到我立刻用被cum住自己。啲聲越拍越大力，後尾佢仲大聲叫我個名，叫我比佢入去 驚到痴左線又唔敢望發生咩事














第二朝訓醒，膽粗粗問下啲同學，先知前一晚有人飲醉酒，見到我著左洗手間燈以為我未訓 於是條友爬上一樓叫我起身痾夜尿

痴線, 會嚇死

其實好多博物館都有朋友仔周圍走,
香港大部分館我都參觀過,
歷史博物館講水上人個一區feel到有,
但能量唔強。
最強一定係筲箕灣海防博物館
仲要係防空洞個度。
小學同中學都參觀過一次,
每次係防空洞個位就會頭暈,
行得越入周圍空氣就越凍,
然後個頭會劇痛。
2次都係咁
自此唔敢再去個度

我好耐之前同朋友去過, 又無feel 到啲咩喎 (好彩)!

留名

分享多個

上個po提過tko以前好陰,
導致屋企有朋友仔搞事。
個陣除左搞我地一家四口,
仲累左表妹

表妹細我一年, 細個個陣成日入黎我度同埋我兩姐弟玩.
平時玩到咁上下我媽就會幫佢沖涼再等舅父舅母黎接表妹返屋企。
有晚我媽如常抱佢入廁所準備沖涼,
點知入去無耐表妹就喊得好厲害,
打死都唔肯入去廁所,
話浴缸角落有隻黑貓

我地無養任何動物, 加上我媽好驚貓,
無可能有隻貓係度。
不過我知隻貓係點, 雖然無親眼見過但細個成日夢見浴室有隻長毛綠眼既黑貓伏係角落
我估表妹見到既係同一隻

咁好啦, 佢喊得太勁又開始夜,
所以舅父舅母就接佢返屋企先幫佢沖涼。
點知上年同舅父講開呢單先知隻貓跟左佢地返去當時係青衣既屋企

舅父話個成家返到屋企已經9點幾,
諗住抱表妹去沖涼,
點知表妹仲係驚魂未定, 喊住唔肯沖,
舅父就問佢: 頭先係姑媽度見到乜丫?
一問完全屋就 “啪!”一聲停哂電

舅父本身唔信有鬼,
諗住跳掣啫開返就無事,
點知check左錶箱竟然無跳掣
個下舅父話堅驚就拿拿聲帶住老婆仔女落樓去管理處,
保安check過哂其他單位都無停電,
最後唔知係樓下等左幾耐先膽粗粗上返樓

之後點呀

留名

留名

推

分享多個

上個po提過tko以前好陰,
導致屋企有朋友仔搞事。
個陣除左搞我地一家四口,
仲累左表妹

表妹細我一年, 細個個陣成日入黎我度同埋我兩姐弟玩.
平時玩到咁上下我媽就會幫佢沖涼再等舅父舅母黎接表妹返屋企。
有晚我媽如常抱佢入廁所準備沖涼,
點知入去無耐表妹就喊得好厲害,
打死都唔肯入去廁所,
話浴缸角落有隻黑貓

我地無養任何動物, 加上我媽好驚貓,
無可能有隻貓係度。
不過我知隻貓係點, 雖然無親眼見過但細個成日夢見浴室有隻長毛綠眼既黑貓伏係角落
我估表妹見到既係同一隻

咁好啦, 佢喊得太勁又開始夜,
所以舅父舅母就接佢返屋企先幫佢沖涼。
點知上年同舅父講開呢單先知隻貓跟左佢地返去當時係青衣既屋企

舅父話個成家返到屋企已經9點幾,
諗住抱表妹去沖涼,
點知表妹仲係驚魂未定, 喊住唔肯沖,
舅父就問佢: 頭先係姑媽度見到乜丫?
一問完全屋就 “啪!”一聲停哂電

舅父本身唔信有鬼,
諗住跳掣啫開返就無事,
點知check左錶箱竟然無跳掣
個下舅父話堅驚就拿拿聲帶住老婆仔女落樓去管理處,
保安check過哂其他單位都無停電,
最後唔知係樓下等左幾耐先膽粗粗上返樓

之後點呀

保安陪上樓見有返電咪繼續住

不過舅母本身個人好聚陰
唔知係咪個次開始搞到佢個人神神化化/上左佢身,
因為佢都幾迷信,
又買水晶又買觀音,
但反而越黎越陰

無耐仲話要搬去荃灣,
第一次上個間屋真係O左咀,
成個廳個大窗對住成山墳境
個間屋住左隻猛鬼 (下個回覆講)
而舅母都變左另一個人咁:
越買越多神怪野、又唔理2個表妹搞到佢地成個乞衣咁、塊面好灰白...
加上舅父經常留係澳門做野,
最後離婚收場。

宜家淨係得細表妹會見下佢,
不過細表妹話舅母已經好古怪,
越搬越遠: 荃灣>深井>元朗>屯門(發電廠附近)
仲要好驚見人, 日光日白都要全屋閂窗簾黑忟忟

追Post見到有巴打話曾經試過唔知做乜行出馬路

我又想分享今年發生既事, 但唔係我身上, 係我姨身上, 我係目擊者



有次同我啲親戚去錦田圍村食完盤菜, 之後行去錦上路西鐵站

條路都好黑(我表哥個仔細細個有陰陽眼, 經過呢條路都會大喊, 話好恐怖好恐佈)

中間有條馬路, 我地企咗係度等綠燈過去對面

我姨突然自己行咗出馬路, 我地叫都叫唔住, 對面既人都大叫佢唔好行

有架車係好高速黎緊, 我地反應唔切只可以大叫:XX, 睇車啊

我姨突然拎轉個頭望我地, 但我姨媽同我見到佢個樣好似變咗個阿婆咁, 塊面好白

我姨最後好似反應過黎後退一步, 架車先撞佢唔到, 係佢身前10CM左右駛過, 佢行遲半秒都一定撞死

佢事後話完全唔知點解自己行咗出去, 呢下真係嚇到仆街

好恐怖呀

我都試過見過一個細路, 突然大叫同好曳, 我望住佢個樣, 同佢平時好唔同, 好似第二個人咁, 個笑容仲好奸嘅

放工前post 多一篇先~

仍然係陰森公屋 : 家有女鬼?



呢單嘢印象中我應該仲讀緊中學....咁我細個, 爸爸都仲在生時, 由於父母要搵食, 當時就將我交咗俾包租公兩公婆湊嘅, 而佢哋都係膝下無兒女, 但又好鍾意小朋友, 所以最終同我媽媽上咗契, 我係契孫女~~





話說我契公契婆佢哋住果度要拆而佢哋都上埋樓 (印象中好似係呢段時期, 唔太肯定), 佢哋入伙前嚟我屋企小住咗幾日~~~(當時契公瞓廳 sofa, 我哋全家連契婆瞓房, 全家=媽媽+我+弟妹, 爸爸已經過咗身好耐)



咁我契婆無做嘢架啦, 而契公就做看更~



有一日, 朝早五點左右, 契公話有人拍佢, 咁佢以為係我契婆叫佢起身返工, 所以佢就成個人坐咗晌身.....不過, 契婆佢就見唔到 (因為根本未起身), 但就見到有隻長髮白袍嘅女鬼晌佢面前, 慢慢咁消失....



當時我契公就覺得應該係我爸爸晌下面另娶, 帶返嚟俾我哋見吓咁 (因為佢話我哋有神位, 正常要祖先先可以入屋)



雖然呢單唔是我親身經歷, 但都係晌我舊居度發生嘅霝異事件之一

帶比佢見.. .嚇都嚇死

我唔覺得契公好驚呀, 但好似佢哋搬咗去新屋之後先講返..
我唔太記得了....不過住晌間咁嘅屋, 都咪話唔驚呀~

間屋係即使朝早都好暗, 開咗燈都覺得好暗咁...
之前外牆同內牆 (走廊) 都係油粉紫色好靚..
有一年七月節前無啦啦轉晒做青綠色
即刻更陰咁嘅感覺