［靈異撚］分享靈異經歷 (2)

話時話我都試過好多次有「人」返屋企喎
如果唔係有巴打講起我會覺得好普通，因為成日發生
我係廢青嚟嘅，有時會全日留喺屋企頹下，好多時沖沖下涼都聽到有人開大閘開門，仲閂返門添
第一次嗰隻嘭門 我以為二家姐同男朋友鬧交，急急腳抹身出去食花生，點知無人喺屋企，但聽聲係閂咗出面個閘先閂大門

Welcome home

有冇人坐車見過

有關於巴士, 係我老豆講

老豆係做巴士維修,
佢話最猛係巴士跌左落汀九橋個單,
當年架車拖返去警察車廠檢驗拎哂證據之後, 都會還返俾巴士公司.
因為一架巴士好貴,
如果唔係爛到無得再整,
公司膠層會要求班細既修復架車再用.

個架車係維修過程已經好唔順利.
老豆話天未黑已經有層霧圍住架車,
入左黑啲霧更加濃,
仲會好寒, 又聽到有人嗌

整返好之後架車揸返同一條線,
但每星期都會有意外, 例如撞到燈柱, 失控炒左上行人路咁,
老牌司機個個都唔肯揸個架車,
得啲乜都唔知既新仔揸,
但都有意外,
最後巴士公司詢眾要求劏左架車先無事.

似班死難者唔想再俾架巴士累其他人

有冇人坐車見過

有關於巴士, 係我老豆講

老豆係做巴士維修,
佢話最猛係巴士跌左落汀九橋個單,
當年架車拖返去警察車廠檢驗拎哂證據之後, 都會還返俾巴士公司.
因為一架巴士好貴,
如果唔係爛到無得再整,
公司膠層會要求班細既修復架車再用.

個架車係維修過程已經好唔順利.
老豆話天未黑已經有層霧圍住架車,
入左黑啲霧更加濃,
仲會好寒, 又聽到有人嗌

整返好之後架車揸返同一條線,
但每星期都會有意外, 例如撞到燈柱, 失控炒左上行人路咁,
老牌司機個個都唔肯揸個架車,
得啲乜都唔知既新仔揸,
但都有意外,
最後巴士公司詢眾要求劏左架車先無事.

汀九部巴士放左係小濠灣幾年先劏 無出黎
巴士料我有幾單
晏d打

仲有好多單, 屯門廠成日鬧鬼同有伙計死係廠

發生咩事

自己住個頭always 有人自殺
鬼節個排
凌晨3點返到屋企 咁搭lift 啦 自己就住低層既
撳完就係到撳電話 撳左陣 發現仲未到 咁就望一望啦
原來仲係地下 個時心諗可能眼訓姐
跟住真係撳左自己住個層
又撳電話啦 點知上左去19樓
仆街個時已經諗到有d唔對路
咁就關門落返地下打算
第一次 關到一半 好似有人撳lift 咁自己開返
當時已經寒一寒 又淆底唔敢伸個頭出去望
等左陣又無人入
第二次關門 又關到一半 今次仲撚痴線 好似平時關門夾到野咁
自己彈開
仆你個街我臉都青鳩埋
跟住最終關撚到門
落到地下 諗住出lift 抖下
個看更同我講部lift有問題
咁跟住我又搭lift 返自己個層
事後同fd講返 佢話個看更 其實會唔會係呃鳩我

有時閉路會影到啲肉眼睇唔到嘅嘢

我本身體質就係敏感個類
細個爺爺走個陣 某一晚都係得我見到佢
但連我屋企人都無見到
搬左屋之後 我成日覺得間屋有野
所以一直都好驚(當然依家大個左就無咁驚啦)
我都俾鬼責過幾次
第一次係我前一晚係鏡到反映 見到一個男人樣

我屋企係有個長身衣櫃 一打開有塊全身鏡
會反映到我間房
我就係見到有個男人係我房窗外
但我住13樓 無可能會係窗外
於是就同自己講 睇錯姐

點知第二朝就俾鬼責......

詳細遲啲先講
仲有啲係我朋友係我屋企遇到嘅怪事
仲有我去人地屋企 同住酒店嘅事
真係好驚酒店 硬係覺得好恐怖

去人哋屋企嗰啲
係人哋屋企本身有, 定你帶埋去

我去過兩個fd屋企遇到 都係佢地本身有
我諗唔會啲朋友仔咁鍾意我 跟埋我上人地屋企掛
但睇番上面巴打講話有帶埋翻屋企

有次我出去後樓梯dum垃圾個時開防火門見到有個女人白影係我身邊經過
仲咯咯聲笑咁同我講唔該...
我即刻9秒9跑番去

...會唔會帶左番屋企

之後屋企有冇怪事?

去人哋屋企嗰啲
係人哋屋企本身有, 定你帶埋去

我去過兩個fd屋企遇到 都係佢地本身有
我諗唔會啲朋友仔咁鍾意我 跟埋我上人地屋企掛
但睇番上面巴打講話有帶埋翻屋企

有次我出去後樓梯dum垃圾個時開防火門見到有個女人白影係我身邊經過
仲咯咯聲笑咁同我講唔該...
我即刻9秒9跑番去

...會唔會帶左番屋企

巴打你都幾陰
屋企裝土地公感覺安心啲 (好似係

老母唔信呢啲野 有次真係係房撞到鬼同佢講
佢鬧番我轉頭
話我成日夜訓 㩒手機

好彩(?)同屋企人講好似撞鬼, 佢哋嘅反應多數係
“咁啱嘅, 我都試過喎”

今朝講過分享吓巴士野
我係去外國之前係兩間巴士公司做過吓全職
都聽過d師兄講而係我入職前都遇過

之前都講過
我見到既好多時都係一個人樣 所以當時全完全唔驚
依次應該係我第一次有印象見到
當時我坐尾班巴士由火車站翻屋企(其實都係幾個站
當時我排頭
後邊有幾個男仔同唯一一個女仔(睇落十幾廿歲 似大學生 你自己估係邊個火車站
因為係唯一既女仔 所以印象好深刻
上車之後 我就坐下層
第一 二 三 四個站都分別落左一個男仔
而未有女仔落過車
再下個站已經係尾二站(我落車既站
唔知個司機心急定點
問我樓上有無人
咁我咪上樓上行一次
話佢知無人
當時個心都未意會到咩事
個司機就講左句
咁咪落少左個人囉?
我話 係Wo 個女仔呢?
結果我都無事翻到屋企
究後諗翻 個日過左11點係唔知七月初一定十四黎

仲夠膽講少咗個

細個成日見到鬼
分享下其中一單
小學個時有一晚訓訓下醒咗（我個間房對住走廊同廁所）咁模模糊糊之間就見到個應該係女性既野，睇唔到咩樣，睇唔到五官，D頭髮好亂好長，不過好肯定佢係望住我，之後就愈行愈行，去到面貼面既程度，仲見到佢係到笑，之後仲用手放咗張紙巾係我塊臉到，咁我就驚，咪著眼見到佢走咗，咁我就以為自己有幻覺，咁就繼續訓。
去到朝早起身，我見到張紙市仲係塊面隔離。

天黑莫回頭 依句成日警惕我

講多單
九巴有部巴士試過單大意外
係樓上車頭有人飛左落地死左
事後維修完之後九巴HI大左
有段時間夜晚會拎去行通霄線

唔少師兄都話即使樓上無人
都會聽到有人行黎行去(我都親身聽過 係好清楚
車頭行去車尾 又行翻去車頭
有師兄私牌個時聽到樓上有怪聲
睇個僭望鏡上去
見到有個人目不轉睛咁捉住車頭條鐵通望住窗出邊
嚇到佢即刻開晒全車燈

真係痴撚線
唔講靈異, 架車出過事, 夜晚又咁易有車禍, 唔怕嚟多單意外啊?

同大家講下我間房先
咁我間房格局就係咁
所以上次先會係衣櫃全身鏡到見到窗外有個男人

其實我房一望出去個廳都幾恐佈下
有排唔知點解成日都半夜扎醒
仲要一定係3-4點到醒
我通常醒會睇一睇手機 所以一直都記得醒嘅大約時間
我諗咁樣都有1-2個星期到
有日扎醒個陣張床突然係到震
一開始係好似手機震
越震越大
嚇到我即刻彈撚左起身

跟住醒曬又無震
咁我就膽粗粗訓番啦
點知又就黎訓著個陣 又震多次
我驚到即刻嘈醒我媽 但我媽出到黎又無震
搞到俾啊媽鬧我成日遲訓又睇埋曬啲恐怖野先會咁

之後就番去訓啦 因為訓廳仲恐怖
跟住就係咁發夢中夢中夢中夢
我知自己發緊夢
但要一層一層咁經歷
發惡夢》知自己發夢》逼自己醒
好似差啲醒唔到嘅感覺

巴打你唔會咁啱又係床頭喺衣櫃嗰邊吓嘛?

遇過唔係太靈異，
10幾年前住北角單棟式大廈，
1梯2伙，左右有防煙門，
通常都關住既，
打開關門都會聽到聲

咁有一日下午4，5點左右突然有人禁門鐘，慢慢行去睇防盜眼，無人

第二日咁上下時間又響，呢次即刻衝過去睇，又係無人

第三日又響，今次衝埋去打開門望出面，完全無人，又聽唔到防煙門有打開過既聲

第4日又響，裝一裝防盜眼就算，之後就無試過了

其實唔應該亂開門, 好似會請入屋

好撚恐怖

頭先一路追緊post 急急地屎 由房走左去廁所
一路全黑 開住電話個電筒 走去開廁所燈
跟住一邊屙一邊追post 追追下無喇喇廁所盞燈熄左
成個黑哂 仲全身起哂雞皮
即刻開返電筒扮無事繼續追post

自己住個頭always 有人自殺
鬼節個排
凌晨3點返到屋企 咁搭lift 啦 自己就住低層既
撳完就係到撳電話 撳左陣 發現仲未到 咁就望一望啦
原來仲係地下 個時心諗可能眼訓姐
跟住真係撳左自己住個層
又撳電話啦 點知上左去19樓
仆街個時已經諗到有d唔對路
咁就關門落返地下打算
第一次 關到一半 好似有人撳lift 咁自己開返
當時已經寒一寒 又淆底唔敢伸個頭出去望
等左陣又無人入
第二次關門 又關到一半 今次仲撚痴線 好似平時關門夾到野咁
自己彈開
仆你個街我臉都青鳩埋
跟住最終關撚到門
落到地下 諗住出lift 抖下
個看更同我講部lift有問題
咁跟住我又搭lift 返自己個層
事後同fd講返 佢話個看更 其實會唔會係呃鳩我

個看更無啦啦同你講部lift有問題?

可能佢見我係部lift 到咁撚耐

有問題啊 咪你諗個啲問題

頭先一路追緊post 急急地屎 由房走左去廁所
一路全黑 開住電話個電筒 走去開廁所燈
跟住一邊屙一邊追post 追追下無喇喇廁所盞燈熄左
成個黑哂 仲全身起哂雞皮
即刻開返電筒扮無事繼續追post

我淨係睇呢個post會彈apps 最近膽大我都深夜睇，btw可能都係想玩下你嚇下你 無惡意

講開有條路, 講多個

幾年前啱啱返宜家份工個陣係公司走廊遇過朋友仔.

我間公司好近大酒店,
加上老細係後生仔唔信邪
所以入伙無燒豬還神,
同事個個都話有污糟野,
仲成日病 (我入左黎做真係成日病)

我地去廁所要行出走廊,
推開右手邊既防煙門先入到去.
記得個陣係3,4月左右,
我長期都會見到有個女仔望住個防煙門.
佢係白色裙、短啡色既頭髮,
佢下半身都係牆入面.
永遠都見唔到樣, 淨係望住道門.
佢望左成4個星期都仲係度.
而我又唔知哪兒來的勇氣,
有日忍唔住撥下佢
之後佢就消失左.

但我一返埋位就暈左兼call左白車入醫院

你嗰時唔知係靈體咩

知架, 但覺得佢似stuck住左
又直覺上想佢快啲走咪撥下佢

推

同大家講下我間房先
咁我間房格局就係咁
所以上次先會係衣櫃全身鏡到見到窗外有個男人

其實我房一望出去個廳都幾恐佈下
有排唔知點解成日都半夜扎醒
仲要一定係3-4點到醒
我通常醒會睇一睇手機 所以一直都記得醒嘅大約時間
我諗咁樣都有1-2個星期到
有日扎醒個陣張床突然係到震
一開始係好似手機震
越震越大
嚇到我即刻彈撚左起身

跟住醒曬又無震
咁我就膽粗粗訓番啦
點知又就黎訓著個陣 又震多次
我驚到即刻嘈醒我媽 但我媽出到黎又無震
搞到俾啊媽鬧我成日遲訓又睇埋曬啲恐怖野先會咁

之後就番去訓啦 因為訓廳仲恐怖
跟住就係咁發夢中夢中夢中夢
我知自己發緊夢
但要一層一層咁經歷
發惡夢》知自己發夢》逼自己醒
好似差啲醒唔到嘅感覺

巴打你唔會咁啱又係床頭喺衣櫃嗰邊吓嘛?

係 我床頭隔離係衣櫃

睇左4個鐘都只係睇左8頁..有D真係好可怕
我係呢度都想分享自己既經歷,
雖然無實際見到任何野,
但果陣真係好驚


小弟係中三/四既時候就跟學校參加左果D領袖訓練定唔知歷奇營,
而其中一項環節就係摸黑行山。

咁我地一行人,即係營地阿sir,2個老師同埋其他同學就一齊行路去到郊外,再逐個逐個咁單獨前進,行去終點。雖然話就話行山,其實都係D石屎路,而阿sir都同我地講左只會有一條路行去終點同埋路上會不時有D螢光棒做指示,所以應該唔會盪失路,亦無咩危險性。

呢個項目係要我地自己一個行,所以每個學生出發既時都係隔左幾分鐘而我既班號比較前,所以我係第一個出發既人。

當時既環境係無街燈,照明既工具只係手上電筒同天上既月光,而所謂用黎做指示螢光棒就要隔一大段路先見到。

行左大約2個字之後,見到前面唔知點解無路,取而代之既係一個坑。
呢個坑大約有一個人咁高,唔算太大,而坑入面都係得D樹枝。咁我就心諗:岩岩行過黎既時候明明得一條路,點解宜家又無路,得個坑既呢?
....既然阿sir岩岩話得一條路...咁我諗應該坑既另一邊有路走既。咁我就慢慢行左落去。
行落去之後發現呢個坑既另一邊根本就無路出,只係得樹同埋樹枝。咁就想掉轉頭行返上去,點知電筒一照就隱約見到岩岩落黎果個位既右手邊有2個缸,缸上面有個蓋咁。呢一刻開始有D心知不妙,雖然我果陣唔肯定我係咪眼花,但覺得好大機會係金塔黎。當時開始有D怯,就不斷向坑上面叫:"有無人啊? " 希望有人聽到再拉返我上去,點知叫左陣都無人應。心諗點解咁耐都未有人行過黎呢邊,但因為真係驚喇,所以索性自己爬上去,最後手又急腳又急咁好似貓跌落水咁既動作爬返上條路度原路折返。

行左大約幾十米先見到仆你個街原來條路右手邊仲有條路,轉左入去再行多陣見到前面個同學,去到果度先無咁驚。

行到終點既時候發現原來已經有2,3個同學一早到左
我果陣心諗:"點解我果陣叫既時候無人應我呢..果個分叉位只係幾十米..明明呢D郊外應該唔會聽唔到我叫嫁。
及後所有同學都到齊果陣先發現...好似得我一個行左去果個坑度...
而我都唔敢再亂諗..唯有當自己行錯路7左。

原來自己打左咁長...手機版既咁多位唔好意思

細個成日見到鬼
分享下其中一單
小學個時有一晚訓訓下醒咗（我個間房對住走廊同廁所）咁模模糊糊之間就見到個應該係女性既野，睇唔到咩樣，睇唔到五官，D頭髮好亂好長，不過好肯定佢係望住我，之後就愈行愈行，去到面貼面既程度，仲見到佢係到笑，之後仲用手放咗張紙巾係我塊臉到，咁我就驚，咪著眼見到佢走咗，咁我就以為自己有幻覺，咁就繼續訓。
去到朝早起身，我見到張紙市仲係塊面隔離。

貞子

留名睇 , 自己由細到大都冇呢d經歷 , 好平淡

就算去d好猛既地方麵冇咩feeling

都唔知係好定唔好

冇人叫你去好猛既地方食麵

陰森公屋事件4 - 嫲嫲叫我？

相信好多人都聽過, 如果突然有人從後叫你, 千祈唔好應, 否則.....

話說有一日我放學返屋企, 當時應該屋內無人, 因為我要自己摷鎖匙開門~

而我亦好肯定走廊無人 (之前提過, 我住嘅公屋係好舊嗰款, 走廊長長一條過, 無轉角位, 加上我住果個單位唔係晌樓梯 (無防煙門) 附近嘅, 所以無可能有人晌附近伏我~

咁我晌書包摷緊鎖匙嘅時候, 突然聽到嫲嫲(佢當時仲在生嘅, 但把聲真係好似佢) 叫我個名(中文名)...雖然我當時無回應, 但都忍唔住擰轉少少頭望下, 但成條走廊都無人...咁, 究竟係邊個叫我?

不過好在, 後來都無咩話怪事發生~~~但我亦相信當時嘅我唔係幻聽...因為係好清楚好近咁晌我身後咁嗌我的, 把聲同語氣我到而家都仲記得~~~

如果應咗會點

日光日白講多個

細佬以前細個成日入院,
唔知係咪咁都惹左啲野返黎.

個陣佢同我媽訓尾房,
床就打橫放, 一打開房門就見到
(詳情睇Floor plan)
老母好撚興開門訓
仲要頭對門口
即係一開眼就見到成條走廊同個廳,
真係博鬼嚇自己咁

有晚我媽抱住細佬訓
訓到半夜扎醒, 見到細佬瞪大眼好驚咁望住走廊.

大個左先知原來細佬見到走廊中間企左一隻好實在既黑猩猩
好詭異咁企係度同佢對望,
諗諗下都覺有啲心寒

btw, 我姨話細佬間房個衣櫃入面坐左個白色小朋友