［靈異撚］分享靈異經歷 (2)

留名睇 , 自己由細到大都冇呢d經歷 , 好平淡

就算去d好猛既地方麵冇咩feeling

都唔知係好定唔好

睇睇下諗起啲平時冇乜講過嘅<br/><br/>呢兩單都係喺同一個朋友屋企發生, 佢住新式唐樓嘅, 即係嗰啲都有幾十年歷史, 不過有lift嘅舊樓, 間屋其實都幾陰暗, 個廳冇窗, 佢住間房因為太細, 隻窗都被衣櫃擋住咗<br/><br/>第一次見到係去佢屋企打機, 費事嘈到佢屋企人所以喺佢間房閂埋門打, 到十一點幾臨走嗰陣諗住去多個廁所先, 行出佢間房, 佢屋企人已經返晒入房, 個廳已經熄咗燈, 轉入去廁所嗰時眼尾睄到主人房門口有個男人背對住我嗰邊, 好似開緊門咁嘅動作, 不過好慢動作, 仲著住老西咁嘅, 嗰下下意識覺得係世伯, 想打招呼, 但諗諗下費事突然出聲嚇親佢, 就直接去咗廁所<br/><br/>落到樓下先醒起, 世伯喺個朋友幾歲嗰時已經走咗之後上去嗰時發覺原來主人房門側邊放嘅就係神主枱, 上面有世伯張相<br/><br/>第二次係去到佢屋企突然好頭暈, 借咗佢間房嚟瞓一陣, 佢就落咗街買嘢食, 我瞓瞓下發惡夢, 唔係好記得內容係乜, 淨係記得有個日本嗰啲出名頭髮會自己生長嘅人偶, 嚇到醒咗, 然後見到個朋友過嚟想拍醒我, 問我做乜成頭大汗, 我嗰下唔知做乜, 嚇到馬尿都飆埋, 同佢講發咗個惡夢, 仲有個夢係咩內容, 然後佢突然愈縮愈後, 縮到去房門口, 然後指住我身後問, 係咪即係嗰個, 一拎轉面, 又見到嗰隻人偶對住我笑<br/><br/>我即刻嚇到再醒咗, 然後見到個朋友過嚟想拍醒我, 問我做乜成頭大汗, 嗰下覺得好邪, 個心好慌, 冇出聲, 淨係去廁所洗咗個臉同行出廳坐咗成個鐘個人先定返, 後尾鳩噏咗理由就走咗<br/><br/>後嚟有次無聊吹水, 唔知做乜講起大家有冇咩靈異經歷, 條仆街先講由細到大都見過好多尤其佢屋企, 有親戚學過啲風水嘢, 去佢屋企嗰時話過佢間屋聚陰, 好容易收埋污糟嘢, 叫佢哋一家小心啲, 但佢從來冇講過

<br/><br/>又係D仆街friend <br/>咁你仲有無上去玩？

都有, 不過會早啲走, 通常等佢屋企人未返房, 個廳仲有人嗰時走, 同埋後尾佢阿哥搬咗, 換咗間有窗光猛啲嘅房, 就冇咩經歷啦
但未換房之前都唔敢再上去

仆街, quote太長唔見咗絲打問我嗰句

中學個陣成日都比鬼壓 爭開眼試過見到天花滲黑水 黑色人影係床尾
又係屋企見過白影黑影 夜半無人玩電燈拉鄧聲 咩都有

呢件事係發生係8,9年前 中學個陣
有一次夜晚係房 影左盒零食比朋友睇 因為好好食
影完出黎見到張床有一個黑色既細路女既人頭
小丸子髮型 有輪廓模糊五官
本身以為係膠袋 我即刻望真d當時間房 張床單係白色 四周附近都冇黑色/深色既野
個陣sd過比幾個朋友睇 有d人話真係個d野 但有人話我想像力豐富 張相比唔到大家睇 太耐之前了
點知件事仲有下文 (好似係)

自從屋企人請走左屋企個無開光既觀音
呢幾年我已經好少再比鬼壓
大約一個月前 突然有幾晚連續比鬼壓
無啦啦有個諗法就係擺本聖經係床頭 一直未試過 想睇下有冇用
當晚我真係冇比鬼壓 但我發左一個夢
夢入面我半夜係窗簾偷望出窗口 有一個羽毛球場
個夢同我現實屋企窗外既環境係一樣 都係有個羽毛球場
球場上有個著住白色校裙短髮既女仔 唔知點解佢都望到我 望住我不停做個叫我埋去個個手勢

所以我先因為咁記起影相個件事 我亦都寒到唔敢再放聖經 我覺得個女仔就係佢
之後試過半夜洗碗個陣望去球場睇唔睇到個女仔 但見唔到
其實好想問下呀媽有無d關於細路女既事 但廢事嚇親佢 佢好怕
以前同佢講過我比鬼壓 佢已經嚇到即刻打去問親戚 叫我擺把刀係枕頭底 當然我無咁做全家入面得我同老豆感覺到屋企係有靈體
下次再分享少少關於我/呀媽/朋友既經歷

btw一路打一路個膊頭好緊好酸 背隻好寒

又分享下先, 好常遇到, 不過太濕碎所以好少講

之前講過我屋企明明喺走廊尾但成日有人行過嚟又冇行返轉頭就消失咗, 其實屋企入面有時都會遇到, 好似之前另外講過細個聽到兩個阿叔傾計

有陣時屋企得自己一個, 沖涼嗰時怕凍閂埋門沖, 沖沖下會聽到個廳有聲, 好似平時屋企人返嚟然後行去梳化嘅聲, 頭幾次嗰時聽到冇咩為意, 沖完涼出去就發現屋企根本冇人, 之後就算屋企人返到問佢哋都冇人前頭返一返過嚟再出去, 但發生得愈嚟愈多就覺得奇怪, 驚住唔知係咪有賊, 於是再聽到就會停一停水, 聽清楚啲, 甚至開門去睇, 多數時候都係冇人, 有幾次撞過真係屋企人返, 所以肯定係同一種聲, 但唔知係咩"人"
都試過開住門沖, 又聽到有聲, 熄水伸個頭出去裝, 又係冇人

有時屋企人如果一早要出門口, 而我嗰日係留喺屋企, 又煮咗啲嘢食費事我唔知, 就會入房拍醒我同我講, 如果趕時間有時拍醒我之後, 會一路執袋/換衫一路大嗌入嚟同我講, 試過幾次屋企人返到嚟屌我唔食屋企飯走去叫外賣, 我咪話佢冇同我講, 但佢真係噏得出成個對話, 仲話我成個過程都坐咗起身望住佢哋, 而我一啲記憶都冇
仲試過有時我喺房, 嗌出廳叫屋企人幫我拎啲嘢入房, 聽到佢應"等陣, 未搵到"之類, 但隔咗好耐都未拎入嚟, 行出房就見到佢瞓得好稔唔似有幫我搵過嘢/已經出咗門口, 咁頭先係邊個叫我等陣?

留個名
綜合咁多年聽落鬼故同啲法科師傅講落
撞嘢其實一係念經 一係爆粗(即係嬲，嬲係人陽氣最重嘅時候) 甚至再勁好似樓上啲巴打咁講數

好在自己未撞過
希望唔會撞嘢

之前講過我住酒店既經驗
自己會有black list

d人成日話長洲猛
但我去過2次
都無問題
無遇到

我永遠唔會再去既地方
梅窩

當時住宿係男友plan
我唔記得左叫咩名了

如果有住過就知我講邊間

間野一入去係開放式大堂
要上去就要行入個後園,再上旋轉樓梯

我地係夜晚先checkin

我行去後園
已經覺得好大壓迫感

男友原本唔信呢d野
同左我一齊經歷左咁多野,聽我講咁多事
佢而家好信我真係有感應能力

上到房,我都會做一樣野
就係入浴室,合埋眼,感受下間房既磁場
(曾經有師父教我1d方法)

男友就去打開窗簾,放低d野

我感覺好唔舒服,極度壓迫感
廁所有3個方位都令我好唔舒服

其實而家諗返我會覺得有d誇張,自己都唔信
但我唔知點解當時會有一種意識
天花板1個女人, 地下1個細路
仲有一個係黑色人形

我打算同男友講唔住呢間
呢個時候, 電視機自己開左
仲要係雪花
我以為係男友開,佢話無
係舊式正方形果隻電視,應該唔會有預時開機功能掛

我直接同男友講,轉房!

我地搵極都搵唔到個電視搖控
最後男友熄總制就拿拿聲走人

落到去話要轉房,個阿叔無表情
直接比左另一間房我地

上到去,感覺好少少,無頭先咁有壓迫感
一望廁所天花板,有一塊係掀起左
有隻死老鼠半掛左係度

又衝落去轉房
佢話要加500轉大房
果時好夜,迫住加錢

都係好唔舒服,特別係廁所
d燈本身就暗,仲要有時斬斬下

果晚我無論幾攰都好
都訓唔著

期後聽返好多人係梅窩都出事
就連當地人都話呢邊係好多

你令我諗返起中學個陣，又係梅窩既事
雖然個下驚，但對比絲打你既事
其實一D都唔恐怖

個陣中學幾個同學去，唔記得咩名
但記得間野係面向沙灘
由於係其中一個同學搞既，所以我係去到先知book左咩
去到先知原來唔同平時宿營個D一間屋或者一個單位
而係好似酒店咁一間間房咁出租
咁比哂錢無辦法啦，都要住
我同個同學一間房，另外3個住3人房
我地間2人房係好細，一張貼住牆既雙人床
雙人床左邊係大既化妝枱同一塊大鏡
床尾有部勁舊既細電視

入到房放低野，咩都無整就衝左出去食飯
返到黎，我同個同房就過左去搵另外3個friend一齊玩
但我拎漏左D野要返自己房拎
我一開門，見到部電視著左，全部雪花
明明咩都無搞過就去左食飯
當下呆左一下，即刻閂返門當無件事
野都唔拎走去搵friend

睇到你貓貓個故都眼濕濕
我隻貓貓都係前排過左身

十幾年前住何文田警察宿舍，間屋好多奇怪事。個時我好似小三小四，唔知點解，自己定時定刻斷片對住廁所講野，件事都係老豆老母同我講返先知。聽我老母講有時夜晚聽收音機會無啦啦炸一聲，重要聽恐怖熱線，以前舊式收音機係有人/野擋住干擾到先會炸一聲，嚇到佢即該熄左佢。仲有間屋就算夏天三十幾度一開門間屋都係有涼風吹出黎，問左啲師傅話屋企有隻女嘅係度好耐，最後都係頂唔順搬走左。搬走左二三年左右，有次我老豆啲同事問佢以前係咪住何文田宿舍xx樓x室。我老豆話係呀，走廊最尾個間丫嘛，咩事？講翻原來早排有人報警，話樓上晩晚移枱移野。咁之後佢地一班差佬上去拍門冇人應。講返宿舍走廊係H形，中間係兩架𨋢，𨋢口一轉去就係後樓梯，而四邊分枝就是一排排單位，佢地拍門間屋就係H字走廊嘅盡頭。拍門冇人應咁都冇計，諗住返落去同報警條友交代就走。走廊本身好長，而且長期陰暗，佢地已經淆淆地。就係佢地係𨋢口等𨋢嘅時候，佢地聽到走廊後樓梯有開防煙門聲，一望過去佢地見到一對紅色高踭鞋，係就咁一對鞋，跑左去走廊尾，佢地啱啱拍門個門口，嚇到佢地仆街。而個間屋正正就係我以前住個間，好在搬得快，座宿舍早幾年都好似拆左。重有好多經歷，想知再講。利申：老豆以前係警犬

講啦

嚟喇

講多個何文田宿舍嘅。以前我老母成日夜晚自己去完愛民個邊食野就行後樓梯返屋企，話當運動喎 有日佢食完野照常行後樓梯喇，行左幾層佢聽到下一層有人開防煙門同腳步聲，一開始佢都冇為意，以為有人行後樓梯姐，冇乜出奇。但好奇怪，佢一路向上行，總係覺得有人近住佢。因為佢聽到啲腳步聲係係佢後面隔幾個身位傳嚟，而且一直都同佢阻住相同距離，佢行一步後面跟一步咁。當時係9點幾10點，後樓梯係好暗，佢已經開始驚，但自己又衰好奇，停低左望後面，再從樓梯中間個位望上下層，冇人。佢一望返前繼續行就感覺到有人吹佢後頸，重he左一聲，嚇到佢即刻急腳走左出後樓梯轉去搭𨋢。點知入𨋢重死，一閂𨋢門就聽到把女人聲係佢耳邊講「做咩走得咁快呀?」佢唯有扮聽唔到一出𨋢狂拍門叫我老豆同佢去搵個識開嘅師傅，搞左一輪。從此無論有冇人陪，佢都唔肯行後樓梯。

係人係鬼都嚇死，你媽好大膽

中學個陣成日都比鬼壓 爭開眼試過見到天花滲黑水 黑色人影係床尾
又係屋企見過白影黑影 夜半無人玩電燈拉鄧聲 咩都有

呢件事係發生係8,9年前 中學個陣
有一次夜晚係房 影左盒零食比朋友睇 因為好好食
影完出黎見到張床有一個黑色既細路女既人頭
小丸子髮型 有輪廓模糊五官
本身以為係膠袋 我即刻望真d當時間房 張床單係白色 四周附近都冇黑色/深色既野
個陣sd過比幾個朋友睇 有d人話真係個d野 但有人話我想像力豐富 張相比唔到大家睇 太耐之前了
點知件事仲有下文 (好似係)

自從屋企人請走左屋企個無開光既觀音
呢幾年我已經好少再比鬼壓
大約一個月前 突然有幾晚連續比鬼壓
無啦啦有個諗法就係擺本聖經係床頭 一直未試過 想睇下有冇用
當晚我真係冇比鬼壓 但我發左一個夢
夢入面我半夜係窗簾偷望出窗口 有一個羽毛球場
個夢同我現實屋企窗外既環境係一樣 都係有個羽毛球場
球場上有個著住白色校裙短髮既女仔 唔知點解佢都望到我 望住我不停做個叫我埋去個個手勢

所以我先因為咁記起影相個件事 我亦都寒到唔敢再放聖經 我覺得個女仔就係佢
之後試過半夜洗碗個陣望去球場睇唔睇到個女仔 但見唔到
其實好想問下呀媽有無d關於細路女既事 但廢事嚇親佢 佢好怕
以前同佢講過我比鬼壓 佢已經嚇到即刻打去問親戚 叫我擺把刀係枕頭底 當然我無咁做全家入面得我同老豆感覺到屋企係有靈體
下次再分享少少關於我/呀媽/朋友既經歷

btw一路打一路個膊頭好緊好酸 背隻好寒

期待分享

又分享下先, 好常遇到, 不過太濕碎所以好少講

之前講過我屋企明明喺走廊尾但成日有人行過嚟又冇行返轉頭就消失咗, 其實屋企入面有時都會遇到, 好似之前另外講過細個聽到兩個阿叔傾計

有陣時屋企得自己一個, 沖涼嗰時怕凍閂埋門沖, 沖沖下會聽到個廳有聲, 好似平時屋企人返嚟然後行去梳化嘅聲, 頭幾次嗰時聽到冇咩為意, 沖完涼出去就發現屋企根本冇人, 之後就算屋企人返到問佢哋都冇人前頭返一返過嚟再出去, 但發生得愈嚟愈多就覺得奇怪, 驚住唔知係咪有賊, 於是再聽到就會停一停水, 聽清楚啲, 甚至開門去睇, 多數時候都係冇人, 有幾次撞過真係屋企人返, 所以肯定係同一種聲, 但唔知係咩"人"
都試過開住門沖, 又聽到有聲, 熄水伸個頭出去裝, 又係冇人

有時屋企人如果一早要出門口, 而我嗰日係留喺屋企, 又煮咗啲嘢食費事我唔知, 就會入房拍醒我同我講, 如果趕時間有時拍醒我之後, 會一路執袋/換衫一路大嗌入嚟同我講, 試過幾次屋企人返到嚟屌我唔食屋企飯走去叫外賣, 我咪話佢冇同我講, 但佢真係噏得出成個對話, 仲話我成個過程都坐咗起身望住佢哋, 而我一啲記憶都冇
仲試過有時我喺房, 嗌出廳叫屋企人幫我拎啲嘢入房, 聽到佢應"等陣, 未搵到"之類, 但隔咗好耐都未拎入嚟, 行出房就見到佢瞓得好稔唔似有幫我搵過嘢/已經出咗門口, 咁頭先係邊個叫我等陣?

會唔會係早過你已經住係到架喇 .. 有無做咩擺明嚇你或者傷害你既事？

見到樓主post d 唔係鬼怪/恐怖嘅奇異事件
我都有個
我老豆就兩個家姐，計埋佢五兄弟，咁就一共七個
4,5年前，有一個禮拜：
1,九十歲呀爺係街跌親，聯左幾針。
2,大家姐唔小心比蒸氣辣親，一個大水泡足足佔左成個前臂，個女係廁所好似hang 機咁暈左，眼都合唔埋。
3,細家姐個仔急性肓腸炎，即入院即開刀。
4,大哥驗到腸癌。
5,2哥同我地關係差，一早無哂聯絡。
6,我老豆沖涼唔小心戒爆隻腳，d 血係噴出黎。
佢仲要周圍走，成間屋都係。

仲有兩兄弟移左民，冇事

所有事發生係一個星期之內，然後二哥老婆通知我地，二哥係其中一日意外走左

推

以前住柴灣公屋 (而家未拆, 超過三十年, 做咗中轉站), 係好舊, 一板過嘅大廈, 即係中間同尾有 lift, 頭中尾有樓梯, 走廊一條到尾, 好長嘅, 左右兩邊對住一層共40多戶左右 (係咁上下啦)

其實我本身無陰陽眼嘅, 我媽媽都有問過人 (果陣我應該好細), 我出世果日同個時辰都幾陽吓~~~所以我同佢哋緣份極淺~~~~

但可能細個住果度太過陰森, 所以都有好多單..

p.s. 我以前晌舊壇都分享過(好似係), 同埋晌其他forum 有分享過, 所以可能有人會覺得熟口面都未定, 但全部都係我100%真人真事真經歷

講第一單先 (下個reply 講, 費事太長)

果陣細個好窮, 媽媽好多時出去做嘢幫補 (爸爸好早不在), 我身為大家姐, 要幫手照顧一弟一妹~

果陣應該仲係小學 (記憶中小五小六咁上下)

媽媽不在家, 得返我同細佬妹晌屋企 (細個好嚴, 唔俾出街玩, 多數三姊弟匿晌屋企)

但果日唔記得玩乜, 呀妹發脾氣扯風扇電線, 搞到屋企跳咗 fuels

應該係個插頭位漏電, 總之就電箱無制可啪啦~~~

咁入黑後我要煮飯俾大家食 (其實係煮公仔麵)

果陣間屋嘅格局係: 四四方方, 門口對住騎樓入口, 騎樓 = 廚房 + 晾衫位 (天花) + 廁所

而爐頭位就背向騎樓門, 騎樓門對正大門, (爐頭在騎樓左邊), 另一邊 (即右邊) 就係廁所 (約 3x3 呎超細果啲, 要企晌廁所前沖涼 )

咁煮麵果陣, 我細佬妹都企晌我後面陪我, 因為無燈, 所以要搵電筒照住~
但唔知點解我哋照嘅唔係煮緊果鑊麵, 而係照住廁所方向.....

當時企位係細佬妹都晌我身後, 電筒我拎我照, 正常有影, 我哋個影應該晌光之後....但電筒晌我身前, 即後我哋嘅影都唔會晌我哋身前 (即廁所方向), 就算有少少影, 都唔會好深色, 同埋唔會太前.....

但當時廁所牆上出現三個人影, 其中一個係好似頭帶牛仔帽咁嘅~

(爐頭同廁所距離約8-10呎, 我哋個影無可能去到廁所果幅牆上面)

我哋一齊尖叫就衝晒出大門...

由於太驚, 出咗走廊同啲鄰居玩....返嚟俾呀媽鬧(好似有打) 咗一身...

仲追緊第一個post
都幾恐怖吓, 要搭地鐵/晌office 等多人嘅地方先夠膽睇

果陣細個好窮, 媽媽好多時出去做嘢幫補 (爸爸好早不在), 我身為大家姐, 要幫手照顧一弟一妹~

果陣應該仲係小學 (記憶中小五小六咁上下)

媽媽不在家, 得返我同細佬妹晌屋企 (細個好嚴, 唔俾出街玩, 多數三姊弟匿晌屋企)

但果日唔記得玩乜, 呀妹發脾氣扯風扇電線, 搞到屋企跳咗 fuels

應該係個插頭位漏電, 總之就電箱無制可啪啦~~~

咁入黑後我要煮飯俾大家食 (其實係煮公仔麵)

果陣間屋嘅格局係: 四四方方, 門口對住騎樓入口, 騎樓 = 廚房 + 晾衫位 (天花) + 廁所

而爐頭位就背向騎樓門, 騎樓門對正大門, (爐頭在騎樓左邊), 另一邊 (即右邊) 就係廁所 (約 3x3 呎超細果啲, 要企晌廁所前沖涼 )

咁煮麵果陣, 我細佬妹都企晌我後面陪我, 因為無燈, 所以要搵電筒照住~
但唔知點解我哋照嘅唔係煮緊果鑊麵, 而係照住廁所方向.....

當時企位係細佬妹都晌我身後, 電筒我拎我照, 正常有影, 我哋個影應該晌光之後....但電筒晌我身前, 即後我哋嘅影都唔會晌我哋身前 (即廁所方向), 就算有少少影, 都唔會好深色, 同埋唔會太前.....

但當時廁所牆上出現三個人影, 其中一個係好似頭帶牛仔帽咁嘅~

(爐頭同廁所距離約8-10呎, 我哋個影無可能去到廁所果幅牆上面)

我哋一齊尖叫就衝晒出大門...

由於太驚, 出咗走廊同啲鄰居玩....返嚟俾呀媽鬧(好似有打) 咗一身...

嘩！真係好心寒
咁有無再發生怪事？

仲追緊第一個post
都幾恐怖吓, 要搭地鐵/晌office 等多人嘅地方先夠膽睇

第一個post都已經好高質，好多都好心寒

果陣細個好窮, 媽媽好多時出去做嘢幫補 (爸爸好早不在), 我身為大家姐, 要幫手照顧一弟一妹~



果陣應該仲係小學 (記憶中小五小六咁上下)



媽媽不在家, 得返我同細佬妹晌屋企 (細個好嚴, 唔俾出街玩, 多數三姊弟匿晌屋企)



但果日唔記得玩乜, 呀妹發脾氣扯風扇電線, 搞到屋企跳咗 fuels



應該係個插頭位漏電, 總之就電箱無制可啪啦~~~



咁入黑後我要煮飯俾大家食 (其實係煮公仔麵)



果陣間屋嘅格局係: 四四方方, 門口對住騎樓入口, 騎樓 = 廚房 + 晾衫位 (天花) + 廁所



而爐頭位就背向騎樓門, 騎樓門對正大門, (爐頭在騎樓左邊), 另一邊 (即右邊) 就係廁所 (約 3x3 呎超細果啲, 要企晌廁所前沖涼 )



咁煮麵果陣, 我細佬妹都企晌我後面陪我, 因為無燈, 所以要搵電筒照住~

但唔知點解我哋照嘅唔係煮緊果鑊麵, 而係照住廁所方向.....



當時企位係細佬妹都晌我身後, 電筒我拎我照, 正常有影, 我哋個影應該晌光之後....但電筒晌我身前, 即後我哋嘅影都唔會晌我哋身前 (即廁所方向), 就算有少少影, 都唔會好深色, 同埋唔會太前.....



但當時廁所牆上出現三個人影, 其中一個係好似頭帶牛仔帽咁嘅~



(爐頭同廁所距離約8-10呎, 我哋個影無可能去到廁所果幅牆上面)



我哋一齊尖叫就衝晒出大門...



由於太驚, 出咗走廊同啲鄰居玩....返嚟俾呀媽鬧(好似有打) 咗一身...

嘩！真係好心寒

咁有無再發生怪事？

舊屋都有幾多單吓 (7 單左右)
仲有啲公司, 學校....
真係唔希望再遇到

陰森公屋第二單: 被(中國?)鬼責

印象中讀緊秘書(約中六中七左右嘅年紀)~~~
話說有一晚, 瞓覺時發夢, 夢見自己排隊買飛, 突然有個呀伯打尖~
咁夢入面嘅我就想開口鬧佢好打我尖啦, 點知發現郁唔到出唔到聲....

之後責醒咗, 發現個身好重, 唔係自己個人重, 係被嘢責任好重嘅感覺 (當時有養狗, 但狗無吠), 就以為係咪隻狗跳咗上嚟瞓晌我身上面, 想起身望吓~ 點知同夢入面一樣, 完全郁唔到~~

當時仲未識驚, 只係張開咗眼, 但咩都見唔到, 眼可以碌碌周圍望, 亦好在咩都見唔到~~(如果唔係實嚇死我~~~)
想叫呀媽果陣, 發現出唔到聲...點嗌都出唔到 (好似個口都唔太 mark 大到)

咁開始諗自己係咪俾鬼責....

由於當時學校係天主教學校, 所以即刻個心入面唸天主經 (不過只識唸英文)

唔知隻嘢是咪唔識聽英文 (唔通係夢入面個呀伯?) 因為完全無反應

咁我果陣識個同齡鄰居佢屋企拜神嘅 (佢有陰陽眼), 佢教過我唸波若波羅密多心經, 其實果陣我背到 2/3 左右~~~

當時晌個心入面唸呢篇經, 篇到第四句左右, 已經發現個身開始輕, 係由心口向腳嘅方向退落去咁輕......退到去膝頭時, 我已經驚到個腦一片空白唸唔出...竟然呢個時候 feel 到佢由膝頭位再壓返到上心口位.... (即由膝頭位開始再重過...直至上返去心口位)

好驚嘅我, 已經唔知點算 唯有個心就咁唸喃無阿彌陀佛, 不停重覆呢句, 又再一次 feel 到佢向我腳嘅方向退走.....約十句左右, 本來只係口up up (個口唔太郁到同無聲, 只係好似晌度zip zip 聲咁), 當 feel 到成身輕晒時, 突然可以唸埋出聲.....當時仲係半夜....但我就已經嚇到唔敢再瞓...但又唔咁mark 大眼...心慌慌等天光咁~~


p.s. 多次靈異經歷中, 最驚係俾鬼責, 因為距離最近
呢次亦係我最驚嘅一次 (其實應該係每次被責都好很驚)

講起梅窩我都試過，就係今年八月頭，即係啱啱到農歷七月頭，我同中學fd計埋我5個人，因為太遲book平房，所以book左一個4人房，有一個類似梯級咁，上面放左兩張雙人牀，牀之間有一個位凹落去，一個人左右，就係凹一張牀'玉'咁多，我就係訓係凹位隔離嗰個，訓嗰陣feel到人有係我後面。我冇理佢一陣就冇野。到二晚我地踩單車出去七仔買杯面，我突然間仆到，傷晒，但係明明係一條平路上，當時好似feel到比人推左一下咁，到夜晚訓教又發生第一日嘅事。同埋我一入房就好頭暈唔舒服，一出去即刻冇野，到夜晚又出去一陣，到返之前，其中一個fd話唔想上去住，我問佢點解，原來佢同我一樣，有入去就唔舒服。佢咁啱就係訓另一張牀嘅邊位，原來佢都feel到有人係個凹位到，講完之後我地唔敢返上房，5個人係出面到天光先返去汁野走

陰森公屋第二單: 被(中國?)鬼責

印象中讀緊秘書(約中六中七左右嘅年紀)~~~
話說有一晚, 瞓覺時發夢, 夢見自己排隊買飛, 突然有個呀伯打尖~
咁夢入面嘅我就想開口鬧佢好打我尖啦, 點知發現郁唔到出唔到聲....

之後責醒咗, 發現個身好重, 唔係自己個人重, 係被嘢責任好重嘅感覺 (當時有養狗, 但狗無吠), 就以為係咪隻狗跳咗上嚟瞓晌我身上面, 想起身望吓~ 點知同夢入面一樣, 完全郁唔到~~

當時仲未識驚, 只係張開咗眼, 但咩都見唔到, 眼可以碌碌周圍望, 亦好在咩都見唔到~~(如果唔係實嚇死我~~~)
想叫呀媽果陣, 發現出唔到聲...點嗌都出唔到 (好似個口都唔太 mark 大到)

咁開始諗自己係咪俾鬼責....

由於當時學校係天主教學校, 所以即刻個心入面唸天主經 (不過只識唸英文)

唔知隻嘢是咪唔識聽英文 (唔通係夢入面個呀伯?) 因為完全無反應

咁我果陣識個同齡鄰居佢屋企拜神嘅 (佢有陰陽眼), 佢教過我唸波若波羅密多心經, 其實果陣我背到 2/3 左右~~~

當時晌個心入面唸呢篇經, 篇到第四句左右, 已經發現個身開始輕, 係由心口向腳嘅方向退落去咁輕......退到去膝頭時, 我已經驚到個腦一片空白唸唔出...竟然呢個時候 feel 到佢由膝頭位再壓返到上心口位.... (即由膝頭位開始再重過...直至上返去心口位)

好驚嘅我, 已經唔知點算 唯有個心就咁唸喃無阿彌陀佛, 不停重覆呢句, 又再一次 feel 到佢向我腳嘅方向退走.....約十句左右, 本來只係口up up (個口唔太郁到同無聲, 只係好似晌度zip zip 聲咁), 當 feel 到成身輕晒時, 突然可以唸埋出聲.....當時仲係半夜....但我就已經嚇到唔敢再瞓...但又唔咁mark 大眼...心慌慌等天光咁~~


p.s. 多次靈異經歷中, 最驚係俾鬼責, 因為距離最近
呢次亦係我最驚嘅一次 (其實應該係每次被責都好很驚)

陰公，我好明白 被責真係好恐怖
以前只係聽人講被責郁唔到好驚又出唔到聲
有次係宿舍訓試左一次
個晚訓訓下醒左
突然見到對面牆上面有白色一陣煙咁
見完都未黎得切驚
成個身即刻郁唔到，又講唔到野，勁驚勁無助
跟住我駁命大叫大叫大叫成個人出盡力大叫
最後就突然叫到出聲，就無事
雖然咩都見唔到，但真係好驚

講起梅窩我都試過，就係今年八月頭，即係啱啱到農歷七月頭，我同中學fd計埋我5個人，因為太遲book平房，所以book左一個4人房，有一個類似梯級咁，上面放左兩張雙人牀，牀之間有一個位凹落去，一個人左右，就係凹一張牀'玉'咁多，我就係訓係凹位隔離嗰個，訓嗰陣feel到人有係我後面。我冇理佢一陣就冇野。到二晚我地踩單車出去七仔買杯面，我突然間仆到，傷晒，但係明明係一條平路上，當時好似feel到比人推左一下咁，到夜晚訓教又發生第一日嘅事。同埋我一入房就好頭暈唔舒服，一出去即刻冇野，到夜晚又出去一陣，到返之前，其中一個fd話唔想上去住，我問佢點解，原來佢同我一樣，有入去就唔舒服。佢咁啱就係訓另一張牀嘅邊位，原來佢都feel到有人係個凹位到，講完之後我地唔敢返上房，5個人係出面到天光先返去汁野走

梅窩真係好猛
雖然feel到好恐怖，仲要受傷
不過都總好過見到

陰公，我好明白 被責真係好恐怖

以前只係聽人講被責郁唔到好驚又出唔到聲

有次係宿舍訓試左一次

個晚訓訓下醒左

突然見到對面牆上面有白色一陣煙咁

見完都未黎得切驚

成個身即刻郁唔到，又講唔到野，勁驚勁無助

跟住我駁命大叫大叫大叫成個人出盡力大叫

最後就突然叫到出聲，就無事

雖然咩都見唔到，但真係好驚

agger

被責真係超驚...見唔到都一樣驚..
我想像唔到如果見到會係點