［靈異撚］分享靈異經歷 (2)

竟然開到2! 留名

之前竹園廣場裝修完，去間餐廳食晚飯
8點幾9點食完，諗住試下個新廁所
入到廁所，光猛，但無人
到洗手個時，我個水龍頭用用下停咗無水到，而其他無人用嘅水龍頭就全部自動出水
我一於少理走去用出緊嘅水龍頭洗手
（心諗會唔會好似回魂夜咁流血水出來 ）
之後我用吹風機吹乾埋隻手啲水仲未停

其實好多博物館都有朋友仔周圍走,
香港大部分館我都參觀過,
歷史博物館講水上人個一區feel到有,
但能量唔強。
最強一定係筲箕灣海防博物館
仲要係防空洞個度。
小學同中學都參觀過一次,
每次係防空洞個位就會頭暈,
行得越入周圍空氣就越凍,
然後個頭會劇痛。
2次都係咁
自此唔敢再去個度

因為學校去過，所以大個之後已經唔會去呢D館
巴打好彩你係感應到，但見唔到咋，如果參觀見到，雖然多人陪，都驚架

講下人地既經歷
我啊媽好怕鬼 之前都冇聽過佢話真係撞過鬼 但佢好信ed野
有一朝佢放工番黎話佢尋晚撞鬼
五樓有一間多人病房 我呀媽整整下野望過去窗口
窗外面有一個好瘦既中年男人望入黎 姐係個男人係凌空
佢問佢同事 原來大家都見到

不過我諗醫院有靈異經歷係好平常 有冇人可以講下

有個好熟既親戚做醫院，佢成日都會講，我之前都分享過幾個，另外呢到有個巴打做護士，佢都有講過D

放工前post 多一篇先~
仍然係陰森公屋 : 家有女鬼?

呢單嘢印象中我應該仲讀緊中學....咁我細個, 爸爸都仲在生時, 由於父母要搵食, 當時就將我交咗俾包租公兩公婆湊嘅, 而佢哋都係膝下無兒女, 但又好鍾意小朋友, 所以最終同我媽媽上咗契, 我係契孫女~~


話說我契公契婆佢哋住果度要拆而佢哋都上埋樓 (印象中好似係呢段時期, 唔太肯定), 佢哋入伙前嚟我屋企小住咗幾日~~~(當時契公瞓廳 sofa, 我哋全家連契婆瞓房, 全家=媽媽+我+弟妹, 爸爸已經過咗身好耐)

咁我契婆無做嘢架啦, 而契公就做看更~

有一日, 朝早五點左右, 契公話有人拍佢, 咁佢以為係我契婆叫佢起身返工, 所以佢就成個人坐咗晌身.....不過, 契婆佢就見唔到 (因為根本未起身), 但就見到有隻長髮白袍嘅女鬼晌佢面前, 慢慢咁消失....

當時我契公就覺得應該係我爸爸晌下面另娶, 帶返嚟俾我哋見吓咁 (因為佢話我哋有神位, 正常要祖先先可以入屋)

雖然呢單唔是我親身經歷, 但都係晌我舊居度發生嘅霝異事件之一

帶比佢見.. .嚇都嚇死

分享多個經歷先

早排返夜換片，我習慣係會開一盞燈，

費事整醒唔洗換片嘅病人又可以睇到路

咁換完就熄燈啦，

點知發現連廁所燈都著左

但重點係嗰間係二人房，

入面得一個病人，仲要係四肢癱瘓唔郁得嘅，

同我一齊換片個阿姐仲係咁講頭先入嚟冇開㗎喎，做咩而家開左嘅

我心諗有啲嘢大家心照算啦，唔洗講出嚟喎

成晚流流長，以免大家心慌慌，

我唯有話係我開嘅

無乜人咁既

pish

留名

好撚正，睇睇下屋企個風鈴自己響左....
而家寒到仆街

推

其實好多博物館都有朋友仔周圍走,
香港大部分館我都參觀過,
歷史博物館講水上人個一區feel到有,
但能量唔強。
最強一定係筲箕灣海防博物館
仲要係防空洞個度。
小學同中學都參觀過一次,
每次係防空洞個位就會頭暈,
行得越入周圍空氣就越凍,
然後個頭會劇痛。
2次都係咁
自此唔敢再去個度

完全無事

留名

留名

好撚正，睇睇下屋企個風鈴自己響左....
而家寒到仆街

嘩..屋企放風鈴，巴打你好大膽

推

聰朋友講過一單, 詳細唔係好記得
大概是咁的...

玄圓學院每年都會擺附薦比人拜祭先人
我fd就年年都會幫手做打雜
咁果年去到最後果日佢地成班兄弟執野清場果時
有條仆街仔突然望住某個牌位(只得名, 生卒年月日, 無相)講「咁後生就去咗真係陰功」
而果個牌位係一位廿幾歲就去咗嘅女士

到再夜多少少天黑嘅時候
果條仆街仔喺其他人面前攞起咗個釘書機一野釘咗粒釘落手指公
其他人即刻喝住佢問佢做乜時佢仲若無其事咁詬無乜野特別
咁在場有人學過法知咩事就即刻捉佢埋一邊搞

講起梅窩
有一次我同成班同學一齊去租渡假屋玩

我唔係記得好清楚，但印象中嗰度係一條直路，渡假屋喺條直路嘅最左邊，我地就去左最右邊嘅超級市場買嘢番去BBQ
如果要番去渡假屋就只可以沿住條路向左行番去，或者曬多好多時間行山路

我地喺超級市場買完嘢番緊去嘅時候見到個好奇怪嘅細路，金毛，成個頭永遠都dup 低嘅。我地咁留意到佢，係因為佢行路好唔正常，隻腳係用一個好大嘅角度彎曲，跛下跛下咁行。

一開始都係啲女同學覺得驚，話有啲恐怖之後個金毛都向右邊（超級市場嗰邊）行走左

但係當我地繼續向左行，行左十分鐘到，竟然再見到個金毛企喺我地前面，dup 低頭一聲都唔出。試問成條直路一個向左一個向右又點會再撞到? 就算係行山路都一定唔會快過我地就咁行平嘅直路再加上佢咁嘅尊容真係唔好話唔驚

嗰次trip 仲有十幾個人一齊見到沙灘上有紅衫紅褲紅鞋嘅婆孫；天台BBQ 嗰陣都有十幾個人見到樹上面有人望住我地，搞到成班人即刻唔夠膽繼續燒嘢食；夜晚打麻雀聽到有女人尖叫聲，但係警察拍門話係我地間屋尖叫

之後我都唔夠膽再去梅窩

隔左排先得閒翻黎繼續分享，竟然開到2
講完兩個長嘅講下d短嘅

1.中學有日翻屋企要經過防煙門，防煙門個窗會直接睇到樓下樓梯幅牆，咁我照常行過，眼尾見到幅牆有d野，就退後兩步望望，見到幅牆真係有野，幅牆上面有個人嘅面有齊五宮，但恐怖在佢係灰色嘅而且係大到成幅牆咁大。
佢本身隻眼望右面，但過多兩秒佢對眼就望過黎，同我四目交投，果下真係呆左幾秒，先突然醒一醒再快手入翻屋


2.我樓嘅lift四面都係鏡，有日撘lift望前面塊境反射後面塊境嘅入面，有一個燒死咁嘅樣嘅人


3.細個小學去我呀叔老婆嘅父母(唔知點叫)屋企拜年，不嬲果間屋都係多鬼架喇，因為成日就開門見到得對腳係出面，有人訓教醒左見到有個人頭飛出飛入，我兩個堂細佬見對面屋廁所外面有幾十的細嘅人頭係到飛，之後仲好興奮咁叫d大人一齊睇嚇到大家仆街咁，之類之類。
到我去果時，正常新年一定傾計好嘈，我就坐左係梳化到發夢冇野做，突然周圍靜曬，成個環境變曬綠色，本身開住嘅電器都熄曬，廳中間就出現一層好薄嘅紗布隔住，隔住去廁所嘅路，而我果時其實又好急尿，只好膽粗粗衝過塊布，一穿過左就一切回復正常


4.有日中學星期五凌晨兩三點坐係廳冇開燈睇鬼片，睇睇下電視自動熄，仲有d黑色嘅氣係電視隔離，我只好死死地氣去訓(電視唔係燒左出煙 )


5.初中有日放學諗住行第條路翻屋企，走左去一個屋苑，點知唔識路係個屋苑到左行右行，跟住見到個公園仔，有細路有父母有菲傭咁呀，咁好正常冇理，繼續行，行左條路仔，又見翻個公園，但今次就靜曬嘅，所有嘅人都定曬格咁，果時都冇特別為意，繼續行。跟住落黎行唔同嘅路，都一樣翻翻果個公園，情景一樣，定嘅格一樣，都係冇曬聲，如是者應該行左約十次上下，都係一樣咁，而且天色冇變。果時都知大獲，但只有繼續行依個選擇，行到最後一次到某個位置，就突然聽到聲，一切都正常翻，但果時已經天黑曬，時間係夜晚八點幾（我果日4點出校門，行落果個屋苑頂多15分鐘），而電話就有幾十個屋企人嘅missing call，翻到屋企俾人以為我去左玩冇交帶

打住咁多先，聽日分享翻d長嘅經歷

覆翻上post巴打問我見唔見到隻手主人個樣 : 果時個單位係完全透唔到光入去，只係一片黑色入面有隻手伸出黎。亦姐係你放隻鞋入去，就會完全睇唔到隻鞋，變左黑色。

留名

又分享下先, 好常遇到, 不過太濕碎所以好少講

之前講過我屋企明明喺走廊尾但成日有人行過嚟又冇行返轉頭就消失咗, 其實屋企入面有時都會遇到, 好似之前另外講過細個聽到兩個阿叔傾計

有陣時屋企得自己一個, 沖涼嗰時怕凍閂埋門沖, 沖沖下會聽到個廳有聲, 好似平時屋企人返嚟然後行去梳化嘅聲, 頭幾次嗰時聽到冇咩為意, 沖完涼出去就發現屋企根本冇人, 之後就算屋企人返到問佢哋都冇人前頭返一返過嚟再出去, 但發生得愈嚟愈多就覺得奇怪, 驚住唔知係咪有賊, 於是再聽到就會停一停水, 聽清楚啲, 甚至開門去睇, 多數時候都係冇人, 有幾次撞過真係屋企人返, 所以肯定係同一種聲, 但唔知係咩"人"
都試過開住門沖, 又聽到有聲, 熄水伸個頭出去裝, 又係冇人

有時屋企人如果一早要出門口, 而我嗰日係留喺屋企, 又煮咗啲嘢食費事我唔知, 就會入房拍醒我同我講, 如果趕時間有時拍醒我之後, 會一路執袋/換衫一路大嗌入嚟同我講, 試過幾次屋企人返到嚟屌我唔食屋企飯走去叫外賣, 我咪話佢冇同我講, 但佢真係噏得出成個對話, 仲話我成個過程都坐咗起身望住佢哋, 而我一啲記憶都冇
仲試過有時我喺房, 嗌出廳叫屋企人幫我拎啲嘢入房, 聽到佢應"等陣, 未搵到"之類, 但隔咗好耐都未拎入嚟, 行出房就見到佢瞓得好稔唔似有幫我搵過嘢/已經出咗門口, 咁頭先係邊個叫我等陣?

會唔會係早過你已經住係到架喇 .. 有無做咩擺明嚇你或者傷害你既事？

冇可能, 當年呢到新起第一批入伙的
試過有隻如果計顏色論應該係冇惡意嘅, 被我發現好似對我老母有啲不善, 然後佢發現到我發現佢, 之後做過啲嘢嚇我, 不過我冇理佢, 幾日後佢就走咗, 感覺上佢只係路過此地
因為係近年發生, 佢未嚇我前我已經live報導過每日進展俾班朋友知, 所以講詳情即變自爆, 唔係有心唔講, sor

講起梅窩
有一次我同成班同學一齊去租渡假屋玩

我唔係記得好清楚，但印象中嗰度係一條直路，渡假屋喺條直路嘅最左邊，我地就去左最右邊嘅超級市場買嘢番去BBQ
如果要番去渡假屋就只可以沿住條路向左行番去，或者曬多好多時間行山路

我地喺超級市場買完嘢番緊去嘅時候見到個好奇怪嘅細路，金毛，成個頭永遠都dup 低嘅。我地咁留意到佢，係因為佢行路好唔正常，隻腳係用一個好大嘅角度彎曲，跛下跛下咁行。

一開始都係啲女同學覺得驚，話有啲恐怖之後個金毛都向右邊（超級市場嗰邊）行走左

但係當我地繼續向左行，行左十分鐘到，竟然再見到個金毛企喺我地前面，dup 低頭一聲都唔出。試問成條直路一個向左一個向右又點會再撞到? 就算係行山路都一定唔會快過我地就咁行平嘅直路再加上佢咁嘅尊容真係唔好話唔驚

嗰次trip 仲有十幾個人一齊見到沙灘上有紅衫紅褲紅鞋嘅婆孫；天台BBQ 嗰陣都有十幾個人見到樹上面有人望住我地，搞到成班人即刻唔夠膽繼續燒嘢食；夜晚打麻雀聽到有女人尖叫聲，但係警察拍門話係我地間屋尖叫

之後我都唔夠膽再去梅窩

嘩屌，好密集式既恐怖，好彩人多

以前住柴灣公屋 (而家未拆, 超過三十年, 做咗中轉站), 係好舊, 一板過嘅大廈, 即係中間同尾有 lift, 頭中尾有樓梯, 走廊一條到尾, 好長嘅, 左右兩邊對住一層共40多戶左右 (係咁上下啦)

其實我本身無陰陽眼嘅, 我媽媽都有問過人 (果陣我應該好細), 我出世果日同個時辰都幾陽吓~~~所以我同佢哋緣份極淺~~~~

但可能細個住果度太過陰森, 所以都有好多單..

p.s. 我以前晌舊壇都分享過(好似係), 同埋晌其他forum 有分享過, 所以可能有人會覺得熟口面都未定, 但全部都係我100%真人真事真經歷

講第一單先 (下個reply 講, 費事太長)

正午出世
不過出世嗰時算係半難產, 所以由細都有孽緣

陰公，我好明白 被責真係好恐怖

以前只係聽人講被責郁唔到好驚又出唔到聲

有次係宿舍訓試左一次

個晚訓訓下醒左

突然見到對面牆上面有白色一陣煙咁

見完都未黎得切驚

成個身即刻郁唔到，又講唔到野，勁驚勁無助

跟住我駁命大叫大叫大叫成個人出盡力大叫

最後就突然叫到出聲，就無事

雖然咩都見唔到，但真係好驚

agger

被責真係超驚...見唔到都一樣驚..
我想像唔到如果見到會係點

好彩未試過被責
但愈見唔到先愈得人驚, 有時半夜紥醒手腕腳腕好似啱啱被啲類似手嘅嘢扼實過然後鬆開, 其實仲驚過見到