［靈異撚］分享靈異經歷 (2)

我之前有段時間做過airline地勤, 咁地勤除左坐係counter幫你check-in, 仲有一種較自由, 工作範圍可以係成個禁區(客運大樓)周圍走, 
甚至停機坪, 因為主要做送機&接機 

其實有做過呢行都一定聽過唔少鬼故, 雖然機場好似24小時都有人, 
但其實入夜後過左高峰時間, 
例如凌晨2:00-4:00呢段時間, 係每日最少航班升降既時間 
所以機場會好靜, 而且大部分地方都冇乜燈會好暗 
特別係抵港層, 因為當有飛機到果時, 先會有一大批落機既乘客急急腳路過 
呢批人走唒之後, 就冇乜人會逗留 
而2:00打後, 呢層仲會熄一半既燈添, 都幾陰森下 

有一日因為要OT, 做到3點幾諗住收工返屋企, 返Office途中經過抵港層某殘廁, 聽到有細路仔喊聲 
正如我所講, 呢個鐘數成層都無人又好黑, 而且得我自己一個, 我都心知不妙, 諗住扮唔知行快兩步返去算 
點知個細路突然講野話: 救我出去 又聽到幾下拍門聲
但呢個時間根本唔會有飛機到, 點會有人係度, 就算係delay遲到落地, 我都好清楚果段時間係唔會有機落地 
不過如果入面果個真係人既話, 又唔可以唔理 
最後硬住頭皮開左, 當然入面係無人啦 


之後果d都係聽師兄師姐講既 

1)有個有陰陽眼既女同事係某一晚, 
係抵港層既某閘口見到離遠靠窗有個女人望住自己笑, 
諗住扮睇唔到, 點知心口前果張禁區證(每個staff都係條頸掛到成抽野咁) fing黎fing去 
係fing到好似有人用手拋高果種力度 

2)N年前仲係啟德果段時期, 有個國泰地勤職員接機時,突然係登機橋跌左落黎, 死左 
之後去到而家新機場都有人見到佢, 係離港大堂某一段某個國泰check-in counter, 
會見到有個著藍綠制服(舊國泰衫)既男人坐係度郁都唔郁 
時間唔記得係過左幾多點之後 

3)又係同事經歷, 有一晚係某登機閘口, 由登機橋諗住上返離港層見到個紅衫女人係度搵仔, 
打算行上前叫佢走果時, 就唔見左 (唔知係咪果對鬼母子) 


4)仲有, 機場d BB室唔好亂入

其實好多博物館都有朋友仔周圍走,
香港大部分館我都參觀過,
歷史博物館講水上人個一區feel到有,
但能量唔強。
最強一定係筲箕灣海防博物館
仲要係防空洞個度。
小學同中學都參觀過一次,
每次係防空洞個位就會頭暈,
行得越入周圍空氣就越凍,
然後個頭會劇痛。
2次都係咁
自此唔敢再去個度

我前果排狂甩頭髮，甩到有好幾個大窿。(半個手掌大）
睇西醫話呢d鬼剃頭自己會好，
中醫就話血氣唔夠，要慢慢調理。
上網睇話呢d係情緒問題，咁果排我係好鬱燥，日日日喊咁，成日都好唔開心，然後愈甩愈驚愈有壓力
跟住我阿婆幫我問鄉下好出名既神婆。
阿婆咩都未問，神婆就話我而家甩髮甩得好勁wor
然後佢話我係中學個教堂惹到d梳起唔嫁既「師姑」番黎。
我媽就覺得好奇怪，雖然我果間係天主學校，但邊有教堂
然後就走黎就問我，我聽完o哂咀。
因為雖然我學校係無教堂，但我學校係劃左d地方做聖母修道院，俾學校d修女係果邊住。
而我中一二果陣上聖經課，有次係參觀修院，修院裡面有間房仔真係要黎做小教堂，仲有聖水。

我聽完打哂冷震，鄉下果個神婆真係好勁 講到我甩髮仲要「睇」到我學校既修道院同修女

好撚正，睇睇下屋企個風鈴自己響左....
而家寒到仆街

講開又講 我書檯個櫃桶成日自己打開 同張電腦凳成日自轉 我成日覺得係d野用得耐鬆咗 諗諗下又覺得唔似 唔通我住嗰幢樓係斜嘅？定係…

有冇人解答到我…

我之前有段時間做過airline地勤, 咁地勤除左坐係counter幫你check-in, 仲有一種較自由, 工作範圍可以係成個禁區(客運大樓)周圍走, 

甚至停機坪, 因為主要做送機&接機 

其實有做過呢行都一定聽過唔少鬼故, 雖然機場好似24小時都有人, 

但其實入夜後過左高峰時間, 

例如凌晨2:00-4:00呢段時間, 係每日最少航班升降既時間 

所以機場會好靜, 而且大部分地方都冇乜燈會好暗 

特別係抵港層, 因為當有飛機到果時, 先會有一大批落機既乘客急急腳路過 

呢批人走唒之後, 就冇乜人會逗留 

而2:00打後, 呢層仲會熄一半既燈添, 都幾陰森下 

有一日因為要OT, 做到3點幾諗住收工返屋企, 返Office途中經過抵港層某殘廁, 聽到有細路仔喊聲 

正如我所講, 呢個鐘數成層都無人又好黑, 而且得我自己一個, 我都心知不妙, 諗住扮唔知行快兩步返去算 

點知個細路突然講野話: 救我出去 又聽到幾下拍門聲

但呢個時間根本唔會有飛機到, 點會有人係度, 就算係delay遲到落地, 我都好清楚果段時間係唔會有機落地 

不過如果入面果個真係人既話, 又唔可以唔理 

最後硬住頭皮開左, 當然入面係無人啦 

之後果d都係聽師兄師姐講既 

1)有個有陰陽眼既女同事係某一晚, 

係抵港層既某閘口見到離遠靠窗有個女人望住自己笑, 

諗住扮睇唔到, 點知心口前果張禁區證(每個staff都係條頸掛到成抽野咁) fing黎fing去 

係fing到好似有人用手拋高果種力度 

2)N年前仲係啟德果段時期, 有個國泰地勤職員接機時,突然係登機橋跌左落黎, 死左 

之後去到而家新機場都有人見到佢, 係離港大堂某一段某個國泰check-in counter, 

會見到有個著藍綠制服(舊國泰衫)既男人坐係度郁都唔郁 

時間唔記得係過左幾多點之後 

3)又係同事經歷, 有一晚係某登機閘口, 由登機橋諗住上返離港層見到個紅衫女人係度搵仔, 

打算行上前叫佢走果時, 就唔見左 (唔知係咪果對鬼母子) 

4)仲有, 機場d BB室唔好亂入

好奇一問, 你哋接邊個同送邊個機呀
1. 自己心口串嘢晌度俾嘢fing好驚呀
2. 是咪巴打你見過?
3. 點知佢係搵緊仔嘅?
4. BB 室做咩事?

BB室好似無位擺嗰陣會放d屍喺入面擺住先

好想知..

想知詳細等pm功能出咗再私下講

大致上係有日老母做廳長, 咁啱我間房望到張梳化, 熄晒燈入房瞓嗰時見到老母側邊有個人, 肉眼淨係見到團光見唔到外型, 但感覺對方係條女, 以為自己睇錯所以望多咗陣, 佢就拎轉個人對住我嗰邊, 我仲覺得自己諗多咗冇理到, 第二日(定好似隔多日)咁啱有班fd講起自己懷疑撞鬼, 我咪講咗單嘢, 過咗幾日佢開咗我房門入咗嚟, 搵嘢掟到我醒咗一下, 不過太攰冇理到佢, feel到佢踎咗喺半空笑住睇我反應, 我就鬧咗句粗口再瞓返, 第二日開始走咗出廳做廳長, 做咗一個禮拜肯定佢走咗先返房瞓

巴打, 我都想知
btw, 巴打好大膽

正午出世

不過出世嗰時算係半難產, 所以由細都有孽緣

點為之半難產

我只係知道我媽陣痛咗超過30鐘先生到我出嚟, 因為咁被佢話咗好多年

陣痛咗三日, 未出娘胎本來判定咗做死胎, 叫我屋企唔好有太大希望, 點知拎到出嚟識喊

三日都唔開刀

陰森公屋事件4 - 嫲嫲叫我？

相信好多人都聽過, 如果突然有人從後叫你, 千祈唔好應, 否則.....

話說有一日我放學返屋企, 當時應該屋內無人, 因為我要自己摷鎖匙開門~

而我亦好肯定走廊無人 (之前提過, 我住嘅公屋係好舊嗰款, 走廊長長一條過, 無轉角位, 加上我住果個單位唔係晌樓梯 (無防煙門) 附近嘅, 所以無可能有人晌附近伏我~

咁我晌書包摷緊鎖匙嘅時候, 突然聽到嫲嫲(佢當時仲在生嘅, 但把聲真係好似佢) 叫我個名(中文名)...雖然我當時無回應, 但都忍唔住擰轉少少頭望下, 但成條走廊都無人...咁, 究竟係邊個叫我?

不過好在, 後來都無咩話怪事發生~~~但我亦相信當時嘅我唔係幻聽...因為係好清楚好近咁晌我身後咁嗌我的, 把聲同語氣我到而家都仲記得~~~

試過好多次, 但啲地點、人物、稱呼錯晒, 即係喺學校會出現我老豆把聲或者老細叫我乳名甚至公司有我阿爺把聲但叫緊我英文名之類
不過係有試過遊緊魂嗰時因為咁回一回魂先應得切老師/老細, 所以當佢幫我算

咁你驚唔驚呀

又分享下先, 好常遇到, 不過太濕碎所以好少講

之前講過我屋企明明喺走廊尾但成日有人行過嚟又冇行返轉頭就消失咗, 其實屋企入面有時都會遇到, 好似之前另外講過細個聽到兩個阿叔傾計

有陣時屋企得自己一個, 沖涼嗰時怕凍閂埋門沖, 沖沖下會聽到個廳有聲, 好似平時屋企人返嚟然後行去梳化嘅聲, 頭幾次嗰時聽到冇咩為意, 沖完涼出去就發現屋企根本冇人, 之後就算屋企人返到問佢哋都冇人前頭返一返過嚟再出去, 但發生得愈嚟愈多就覺得奇怪, 驚住唔知係咪有賊, 於是再聽到就會停一停水, 聽清楚啲, 甚至開門去睇, 多數時候都係冇人, 有幾次撞過真係屋企人返, 所以肯定係同一種聲, 但唔知係咩"人"
都試過開住門沖, 又聽到有聲, 熄水伸個頭出去裝, 又係冇人

有時屋企人如果一早要出門口, 而我嗰日係留喺屋企, 又煮咗啲嘢食費事我唔知, 就會入房拍醒我同我講, 如果趕時間有時拍醒我之後, 會一路執袋/換衫一路大嗌入嚟同我講, 試過幾次屋企人返到嚟屌我唔食屋企飯走去叫外賣, 我咪話佢冇同我講, 但佢真係噏得出成個對話, 仲話我成個過程都坐咗起身望住佢哋, 而我一啲記憶都冇
仲試過有時我喺房, 嗌出廳叫屋企人幫我拎啲嘢入房, 聽到佢應"等陣, 未搵到"之類, 但隔咗好耐都未拎入嚟, 行出房就見到佢瞓得好稔唔似有幫我搵過嘢/已經出咗門口, 咁頭先係邊個叫我等陣?

會唔會係早過你已經住係到架喇 .. 有無做咩擺明嚇你或者傷害你既事？

冇可能, 當年呢到新起第一批入伙的
試過有隻如果計顏色論應該係冇惡意嘅, 被我發現好似對我老母有啲不善, 然後佢發現到我發現佢, 之後做過啲嘢嚇我, 不過我冇理佢, 幾日後佢就走咗, 感覺上佢只係路過此地
因為係近年發生, 佢未嚇我前我已經live報導過每日進展俾班朋友知, 所以講詳情即變自爆, 唔係有心唔講, sor

好想知..

想知詳細等pm功能出咗再私下講
大致上係有日老母做廳長, 咁啱我間房望到張梳化, 熄晒燈入房瞓嗰時見到老母側邊有個人, 肉眼淨係見到團光見唔到外型, 但感覺對方係條女, 以為自己睇錯所以望多咗陣, 佢就拎轉個人對住我嗰邊, 我仲覺得自己諗多咗冇理到, 第二日(定好似隔多日)咁啱有班fd講起自己懷疑撞鬼, 我咪講咗單嘢, 過咗幾日佢開咗我房門入咗嚟, 搵嘢掟到我醒咗一下, 不過太攰冇理到佢, feel到佢踎咗喺半空笑住睇我反應, 我就鬧咗句粗口再瞓返, 第二日開始走咗出廳做廳長, 做咗一個禮拜肯定佢走咗先返房瞓

咁呢個朋友仔都算友善啦

我都想講一個有關動物既
年初我隻倉鼠走左 佢係我第一隻養既倉鼠
咁佢夜晚走果陣彌留左成兩個幾鐘
呢兩個鐘我一路都抱住佢 掃住佢 掃到佢真係離開左我為止
之後第日就葬左佢啦

跟住果幾日都好難過又訓唔到
一個原因係想知佢遺體而家點
另一個原因係因為我好後悔最後一日冇好好倍佢
隻鼠已經好老，兩隻後腿都行動不便
但走果日莫名其妙咁不停用雙腳企起身
我一伸隻手入去摸下佢佢就會捉住我隻手指
但係我竟然GET唔到佢就走
成日仲掛住望電腦

之後過左幾日 就發左個夢
個夢見到我隻倉鼠
同我玩左陣之後 爬左上我隻手掌
然後好似佢離世果陣個姿勢咁訓低
之後佢個遺體就好似快鏡咁
睇住佢慢慢就腐化左熔左

個感覺就好似我隻倉鼠突登出現係我個夢到
比機會我補償返最後一日冇陪佢
然後同我講佢個遺體已經腐化左比棵樹吸收左
等我唔好擔心
等我個心好過d
之後我都冇再訓唔著
但再之後我就冇夢過我隻鼠

另外仲有兩個夢 係關於屋企人 又係好巧合
分下段再講

細細個半夜扎醒左成日聽到有人係到洗衫

仲有次應該6,7歲既時候，屋企得自己一個，跟住聽到有人禁門鐘，打開大門鐵閘外面企左個好高大既男人。

我問佢搵邊個，但係佢全程唔出聲，眼神直望前面，企係到郁都唔郁。之後我就好驚咁關門，過左陣想睇下佢走左未，於是踩住張凳仔，裝下個防盜眼。點知佢仲企係出面，最恐怖係佢好似知道我裝緊佢咁，望返隻防盜眼！之後好驚，睇CCTV希望呀媽快d返屋企，但又好驚呀媽上到黎遇到佢。

講多個先

我婆住舊式公屋
得一條走廊
走廊尾同頭都有部同垃圾箱,
我婆住個度近頭,
所以極少會去到尾個邊,
係我婆間屋出面直望尾只會見到天窗,
尾同垃圾箱就係天窗再入。

有次細個同表弟妹係走廊玩緊,
咁啱有個住尾既婆婆出黎倒垃圾,
當個婆婆行過左天窗位,
就出現左個人企左係度,

嗰個人唔知男定女,
好高好白著長袍,
帶住頂好高好黑既帽,
佢望住我一秒都無就消失左

宜家諗返起佢應該就係白無常

等我都share返個先 原諒我用文言文 因為之前係台灣既Dcard論壇Po過

我是個從小看不到 但感覺到的人

從小就不相信怪力亂神的我 在大約高中時期就遇到了不少怪事

就好像一次體驗軍中生活 (因為我是港澳生 很多事情原因就不解釋了)

我們高中被抽中要去軍訓 這還是我所屬地區高中的第一次

簡單來說就是白老鼠啦

我們第一天就已經被教官操爆 之後那幾天也是如此

直到要走前的一個晚上 教官看到我們都快走了 就放寬我們 大約在晚上八點就解散了 不用從早上7點操到晚上11點

解散當然回自己房間啦 我的房間在一樓 所以我很快就到了 女生在五樓

我拿好衣服 向著澡堂走的時候 聽到樓上傳來一陣很大聲的慘叫 我們所有人都跑出去看看發生什麼事

聽的出來 是五樓的邊間傳來的 由於救人心切 管不了是女生樓層 直接上去了

上去之後 我是第一個進去的 因為我膽子比較大 所以也是走在最前

一開始 我看著暗暗的房間門口 一直在問 裡面有沒有人阿

沒有人回應我 於是我打開房間的燈
發現好像壞了 但總不能因為燈壞了不進去救人吧

房間是大約只有五~六坪 但是是放的下5張雙層床的十人房間

我忍約看到了有人坐在上鋪 是最裡面的 因為旁邊有月 所以才看到一點人影

正當我走到床前 燈突然亮了 我看到的女同學 臉真的很不像她原來的臉 而是那種被嚇到臉容扭曲 但至少認得出來是她

後來我怎問她 她都在發呆 於是我就跟另外一個同學 把她拖出去(真的用拖的 因為她完全是好像結冰一樣不會動)

後來 給了她暖水袋 過了大約一小時後 她才開口說話

我問她 到底怎麼了 她用一種連自己都不相信 但就是真的眼神看著我說

她發著抖用一種不是親眼看見絕不相信的眼神說:我回到自己床上 拿好衣服後 我一轉頭 看到有個女人坐在上邊 腳放在小爬梯那邊 我一開始以為是同學坐我床 可是'她'一回頭 我就知道'她'不是人 我看到'她'的雙腿 放在小爬梯上 頭卻向後轉了 所以我知道不是我同學 我就大叫起來 之後我就不知道怎了

我很相信她 因為 在兩天前 我也感覺到了 我是住在最近澡堂的一間 那晚(我是很淺眠)被那該死的水聲吵醒 澡堂有水聲再正常不過 可是在半夜的時候 這就怪了

我就直直走向澡堂了 水聲真的這麽巧 在我走門口時 停了 聽明如我就想 地上最濕的 那應該就是剛發出水聲的房間了

我一間一間的找 在第三間 我看到了很長的一把頭髮 但量不多 我覺得應該要走了 這太怪了吧 我走出門口 馬上看到教官 這下慘了 我寧願遇到鬼

沒錯 最後我站了快一小時 才回到房間........幹

當然 那六天故事真的很多 我後來也有跟同學討論 原來還有更多.....

其實好多博物館都有朋友仔周圍走,
香港大部分館我都參觀過,
歷史博物館講水上人個一區feel到有,
但能量唔強。
最強一定係筲箕灣海防博物館
仲要係防空洞個度。
小學同中學都參觀過一次,
每次係防空洞個位就會頭暈,
行得越入周圍空氣就越凍,
然後個頭會劇痛。
2次都係咁
自此唔敢再去個度

我記得讀緊小4,5，都成10年前，同屋企人去海防博物館參觀，行晒成個博物館之後去小食部坐低，係入面見到有報紙講防空洞同士兵6號房啲02野，心諗咁邪，啱啱先參觀完

夜媽媽睇真喺