［靈異撚］分享靈異經歷 (2)

以前聽朋友講過細個嗰時某晚聽到個廳有啲聲嘈醒咗佢, 想出去睇但見到房門有個人望住佢所以唔敢出去, 合返埋眼扮瞓, 點知第二朝起身見到個機械人玩具企咗喺房門口

玩具呢啲真係好驚~
全部掉晒佢好定點好

如果係朋友仔控制佢移動, 其實掉咗都係治標唔治本嘅

諗起我妹以前住嗰度

是咁的, 有日同啲親戚gathering, 其中一個親戚送咗隻發聲公仔俾佢個女, 咁晌屋企玩咗一陣就成班出晒去飲茶, 隻公仔就off 咗掣放晌sofa 無拎出去。

飲完茶返去呀妹屋企時, 一開門已經聽到聲

隻公仔唔知點解會自己響

不過都好耐之前, 唔太記得是咪熄咗都照響, 最終要拆電, 肯定嘅係當日即攞出街掉咗佢

有冇人坐車見過

見過屋企有人揮手算唔算?

咁樣?

話時話我都試過好多次有「人」返屋企喎
如果唔係有巴打講起我會覺得好普通，因為成日發生
我係廢青嚟嘅，有時會全日留喺屋企頹下，好多時沖沖下涼都聽到有人開大閘開門，仲閂返門添
第一次嗰隻嘭門 我以為二家姐同男朋友鬧交，急急腳抹身出去食花生，點知無人喺屋企，但聽聲係閂咗出面個閘先閂大門

會唔會係隔離屋太應聲呀?

btw 紅字

巴打你都幾陰
屋企裝土地公感覺安心啲 (好似係

老母唔信呢啲野 有次真係係房撞到鬼同佢講
佢鬧番我轉頭
話我成日夜訓 㩒手機

好彩(?)同屋企人講好似撞鬼, 佢哋嘅反應多數係
“咁啱嘅, 我都試過喎”

細個成日見到鬼
分享下其中一單
小學個時有一晚訓訓下醒咗（我個間房對住走廊同廁所）咁模模糊糊之間就見到個應該係女性既野，睇唔到咩樣，睇唔到五官，D頭髮好亂好長，不過好肯定佢係望住我，之後就愈行愈行，去到面貼面既程度，仲見到佢係到笑，之後仲用手放咗張紙巾係我塊臉到，咁我就驚，咪著眼見到佢走咗，咁我就以為自己有幻覺，咁就繼續訓。
去到朝早起身，我見到張紙市仲係塊面隔離。

頭先一路追緊post 急急地屎 由房走左去廁所
一路全黑 開住電話個電筒 走去開廁所燈
跟住一邊屙一邊追post 追追下無喇喇廁所盞燈熄左
成個黑哂 仲全身起哂雞皮
即刻開返電筒扮無事繼續追post

巴打咁大膽摸黑追post

陰森公屋事件4 - 嫲嫲叫我？

相信好多人都聽過, 如果突然有人從後叫你, 千祈唔好應, 否則.....

話說有一日我放學返屋企, 當時應該屋內無人, 因為我要自己摷鎖匙開門~

而我亦好肯定走廊無人 (之前提過, 我住嘅公屋係好舊嗰款, 走廊長長一條過, 無轉角位, 加上我住果個單位唔係晌樓梯 (無防煙門) 附近嘅, 所以無可能有人晌附近伏我~

咁我晌書包摷緊鎖匙嘅時候, 突然聽到嫲嫲(佢當時仲在生嘅, 但把聲真係好似佢) 叫我個名(中文名)...雖然我當時無回應, 但都忍唔住擰轉少少頭望下, 但成條走廊都無人...咁, 究竟係邊個叫我?

不過好在, 後來都無咩話怪事發生~~~但我亦相信當時嘅我唔係幻聽...因為係好清楚好近咁晌我身後咁嗌我的, 把聲同語氣我到而家都仲記得~~~

如果應咗會點

唔知呀, 睇吓會唔會有應過嘅巴絲打答到你

日光日白講多個

細佬以前細個成日入院,
唔知係咪咁都惹左啲野返黎.

個陣佢同我媽訓尾房,
床就打橫放, 一打開房門就見到
(詳情睇Floor plan)
老母好撚興開門訓
仲要頭對門口
即係一開眼就見到成條走廊同個廳,
真係博鬼嚇自己咁

有晚我媽抱住細佬訓
訓到半夜扎醒, 見到細佬瞪大眼好驚咁望住走廊.

大個左先知原來細佬見到走廊中間企左一隻好實在既黑猩猩
好詭異咁企係度同佢對望,
諗諗下都覺有啲心寒

btw, 我姨話細佬間房個衣櫃入面坐左個白色小朋友

衣櫃嗰part 好恐怖

想見朋友仔其實好容易，用突如其來既轉身/起身去望（對方估唔到既位置）就會見到有朋友仔閃過，曾經用呢個方法我都見過

避都嚟唔切, 點解仲要專登去見

我頭先聽完細姨d事,
就問媽咪係咪真係由細到大都無見過?
佢話,真係無, 除左早前阿爸比野搞單野之外......

頭先媽咪諗起一件事,就簡單同我講

我2姨果邊養左隻貓好多年,
半年前因為意外,受驚係6樓跳左落去
當場死亡
(媽咪就只係知道咁多)

上年我媽咪新年果牌返鄉下,
有晚發夢夢見去2姨屋企,
見到死左果隻貓, 成身濕哂, 2隻腳殘廢左係地拖
用2隻手係到爬下爬下, 好可憐

到身2日起身,先諗返起,佢地隻貓死左好耐

果日見到表姊, 就同返佢講,夢見佢隻貓咁

表姐就話,當時佢地沖落樓下睇隻貓,佢2隻腳都骨折哂
成身血,吸埋幾啖氣就死左
之後姨丈就將條貓屍掉左落海

媽咪果時先明白,點解會成身濕哂

因為媽咪係好愛貓
就同表姐講,叫佢要搵師父超渡隻貓,唔係會一直留係佢地屋

發夢驚少好多

惡夢除外

我有次夜晚11點幾12點返屋企，
得自己一個人搭lift，一路聽住歌，一路都冇野
就係首歌完左，準備播第二首歌的時候
就聽到有把男人聲係我耳邊：喂～～～仲要係鬼聲鬼氣個種，我心入面即刻 ，跟住即刻拿拿聲轉左首勁嘈的歌，lift門一開即刻衝左返屋企

自此之後自己一個搭lift都係入lift之前揀首好嘈的歌黎聽

有冇人記得以前903有個電台節目叫架勢堂? 好似逢星期四晚就俾聽眾call in講鬼故
有一晚有個獨居女仔講講下鬼故, 有另一把女聲嘆咗口氣, 然後個call in就腰斬咗
嗰時我喺廁所聽到把聲, 好似喺耳邊咁, 因為戴住耳機, 仲以為自己多心, 到腰斬嗰時先發覺真係出事, 有冇人當時都有聽到?

而家唔會敢聽/睇靈異嘢
呢度啲分享除外

台灣讀書 人生第一次撞到正

在外租屋住 一個人

係經過依件事之後先好相信
老人家講既禁忌都係聽聽就算
但都唔會故意去犯
即使父母由細到大都灌輸中國迷信的觀念
我都係覺得 我是個無神論者
無理由相信 但一定唔會咁蠢去搞事

我算係一個比較夜訓既人
由於成日深夜被人叫去打LOL
我生理時鐘都快較成早上六點先訓
戈晚無人約我去打LOL
於是我就想早啲訓
大約係2點左右咁啦

我係一個淺眠既人
黎左台灣之後先變成咁
成日係深夜起一下身咁
有時侯仲訓唔返
所以開下電視電腦睇到睡著

戈陣我醒左一下 諗緊訓唔訓好
轉個身再訓吧啦 結果發現 好似郁唔到
戈陣諗緊係咪啱起身無力比張被壓實
想踢開張被 之後發現
唔係張被包到我太實
而係我真係郁唔到

當時第一個諗法就係 用力用力踢
之後大約過左一分鐘
我諗緊 係咪比鬼壓
因為我係側身訓的 我想轉返正身
大約5分鐘之後
我睇到一個黑色身影離我遠遠而去
依家諗返真係好恐怖
我記得睇到依個黑影好似係女人
但我唔知道佢既意圖
之後我就唔敢睡 開著電視睇到天光

最攞命係 對面大樓拜神
拜到 似養鬼仔咁 有乜理由用綠燈
平時紅燈超恐怖 仲用綠色係咩事

話說, 我覺得嗰啲神檯經燈好恐怖
綠色真係唔敢想像

呢件事都係聽我呀媽講返，細個成班親戚去黃石碼頭BBQ，燒到六點幾果陣個天開始黑，我呀媽話果時見到對出海面有個黑影企咗係水上面，咁我呀媽之前都有經驗遇過啲靈異嘢，個黑影都算遠，同埋都就走，所以就扮睇唔到又唔同我地講，點知個黑影愈飄愈近，我呀媽開始驚就叫我地快啲走。最後我呀媽話個黑影飄到埋岸就唔見咗，但係佢等二日開始周身骨痛，個頭洗極都好笠，我呀媽知出事就去搵師傅睇，師傅話隻嘢跟住我呀媽，同埋因爲係水鬼所以我呀媽個頭會笠（諗返覺得幾好笑 ）之後搞咗好耐先無事。

雖然呢件事聽呀媽講，唔知有無加鹽加醋，但我中學同同學去黃石碼頭BBQ，有個同學有少少陰陽眼都係太陽落山果陣趕我哋走，所以我諗黃石碼頭真係好猛吓。

呢件事都係聽我呀媽講返，細個成班親戚去黃石碼頭BBQ，燒到六點幾果陣個天開始黑，我呀媽話果時見到對出海面有個黑影企咗係水上面，咁我呀媽之前都有經驗遇過啲靈異嘢，個黑影都算遠，同埋都就走，所以就扮睇唔到又唔同我地講，點知個黑影愈飄愈近，我呀媽開始驚就叫我地快啲走。最後我呀媽話個黑影飄到埋岸就唔見咗，但係佢等二日開始周身骨痛，個頭洗極都好笠，我呀媽知出事就去搵師傅睇，師傅話隻嘢跟住我呀媽，同埋因爲係水鬼所以我呀媽個頭會笠（諗返覺得幾好笑 ）之後搞咗好耐先無事。

雖然呢件事聽呀媽講，唔知有無加鹽加醋，但我中學同同學去黃石碼頭BBQ，有個同學有少少陰陽眼都係太陽落山果陣趕我哋走，所以我諗黃石碼頭真係好猛吓。

好得人驚

我都想分享幾件靈異經歷
話說我本身個人都算時運高
由細到大真係唔多撞呢啲野
唯獨有幾次我都幾肯定自己係奶野

1.細個果時大約10歲左右
咁我就同我家姐同一間房訓既
碌架床一上一下果隻
有一晚我訓左之後半夜突然扎醒左
之後keep住半醒半睡狀態
咁我本身就訓床尾果邊 個頭就對正上樓梯果個位 同埋對正門口 即係開左門我可以睇到出面
無啦啦我聽到有人行路既聲
我記得果個男人係著住行山鞋果類既鞋
望出去見到個男人慢慢咁行
我果刻驚到唔敢郁 即刻扮訓著(我果時係以為有賊入左屋)
然後個男人行左入黎我間房 望住我家姐個方向
個頭岩岩好係我前面
好彩我淨係見到佢側面 如果我同佢面對面見到應該會有童年陰影
我me住隻眼睇唔清個男人個樣
係成個乞衣咁好似幾日無洗頭同勁耐無剪頭髮
之後既記憶完全唔記得哂
第2日我即刻發高燒 同屋企人講佢地話琴晚聽唔到有人聲(我屋企人好醒訓)
到而加我都唔知當晚係見到靈體定見到賊

打左啲無咁恐怖先

仲係幼稚園同小學個陣
我同家姐一間房 一張子母床
家姐訓上格 我訓係拉出嚟嘅下格床

由細到大我都好快訓着 一覺天光個種
但自從搬左去而家住嘅屋企
我父母成日都發現我訓到“跌”左落地下
我雖然訓下格 但係床同地下距離都有成一呎半
跌落床點都會醒掛
老豆仲話只有我訓左係地下 我放係床邊嘅大欖枕（成一米長有多）同張被原封不動係床上
所以話我懶訓程度係世界級 碌過咁多野跌落床都無感覺

最初都無覺得係乜野靈異事
直至我開始半夜三更醒左 仲愈嚟愈密
次次都覺得有人望住我 加上我怕黑
係好驚之下就跑過老豆老母間房 趕我老豆訓我張床 我同阿媽訓
阿媽開始覺得我好煩 成日嘈醒佢
同左阿婆講呢件事 覺得唔係咁簡單
就問左一個叫“阿姑”既老婆婆
內容係點我唔清楚 實左太細個

阿姑屋企係一個我地成家人（女家個邊）每逢新年都會去拜神嘅地方
而家無再去 阿姑好似走左
但係仲記得每年坐968巴士食住外賣麥記入元朗 再轉的士去八鄉
對一個無幾可坐長途車同的士嘅我覺得好開心
年年都會“作福” 即係好似醫生聽心跳咁 拎起件衫露個背脊出嚟
阿姑就會用手指 好似畫符咁 再唸唸有詞
大概係“一寫又寫福....光明寫了架且符” 其實我唔知係乜語言 音就咁上下 長到唔記得 我同我表姐成日學佢咁“作福”

嗰年話左俾阿姑聽我嘅事 就“作”左兩次 仲俾左支開左光嘅水我飲
支水其實我地自己帶去 開始擺左係神檀 走之前拎走 我唔知點開光 無睇到
但係今次作福同飲左支水之後 我真係無再醒 又無訓到跌落床

我到而家都唔知發生乜事
仲有幾件事 之後再打

繼續打
關於親人過世後我見/遇到嘅事

第一個係阿姨因病過身
因為佢患病時 日日都會去我屋企食晏 放左學自然會見到佢
佢成日陪我玩 個時真係好close

我見唔到佢最後一面 因為佢地話細路仔唔好去醫院
嗰年我得十歲
件事應該係發生係上山之後
我係屋企 訓係張梳化上面 腳向窗方向
一邊睇電視 一邊食布冧 仲記得自己着紫色衫褲
唔好問我點解記到咁detail 但係真係記得咁清楚 一定唔會係發夢
電視賣廣告 個頭自然周圍望下
一望望到個窗有阿姨個頭嘅影像 微笑緊
點解會話係影像？ 因為佢唔係恐怖片個種係立體兼會飄飄下
貶眼之後就無左 想望多次望真啲都無
我覺得佢係番黎睇


第二次係我阿婆 大約係2年前
我唔係香港番工 呢份工我會周圍去 而且係通訊上有難度 多數用email同屋企溝通
佢走左我完全唔知道 家人無通知我 因為都知我番唔到黎
我番到香港先知婆婆過左身

我未番香港之前遇到一件事 我覺得係佢黎見我最後一次
有一日做野嘅時候 見到一隻鴿飛去我附近 好似望住我做野
我份工做咁耐都未見過有鴿 就好奇咁望住佢 唔知點解有種好熟悉嘅感覺
大家都有見過鴿 都會知佢地個嘴上面有兩舊野突起 唔知點形容
我腦入面突然諗起好似我阿婆戴眼鏡個樣
就開始同佢講野 問佢點解會嚟左呢度 叫佢快啲飛走 因為我同事見到實捉黎玩
無耐佢就飛走左
之後再join番班同事 隻鴿又飛過嚟
班契弟真係話捉隻鴿嚟玩下
心入面叫隻鴿快啲走
班同事跳跳下咁捉 隻鴿又避到 然後就飛走 無再見到

之後再諗番真係可能係阿婆想見我
但我無可能證實到
呢2件事我都無同家人提過

發生呢2件事嘅十幾年之間 我阿公同爺爺都走左
不過就無見/感覺咁到佢地
唔知係咪相對上無咁close？

之後有遇過恐怖嘅事 都係日頭先打

台灣讀書 人生第一次撞到正

在外租屋住 一個人

係經過依件事之後先好相信
老人家講既禁忌都係聽聽就算
但都唔會故意去犯
即使父母由細到大都灌輸中國迷信的觀念
我都係覺得 我是個無神論者
無理由相信 但一定唔會咁蠢去搞事

我算係一個比較夜訓既人
由於成日深夜被人叫去打LOL
我生理時鐘都快較成早上六點先訓
戈晚無人約我去打LOL
於是我就想早啲訓
大約係2點左右咁啦

我係一個淺眠既人
黎左台灣之後先變成咁
成日係深夜起一下身咁
有時侯仲訓唔返
所以開下電視電腦睇到睡著

戈陣我醒左一下 諗緊訓唔訓好
轉個身再訓吧啦 結果發現 好似郁唔到
戈陣諗緊係咪啱起身無力比張被壓實
想踢開張被 之後發現
唔係張被包到我太實
而係我真係郁唔到

當時第一個諗法就係 用力用力踢
之後大約過左一分鐘
我諗緊 係咪比鬼壓
因為我係側身訓的 我想轉返正身
大約5分鐘之後
我睇到一個黑色身影離我遠遠而去
依家諗返真係好恐怖
我記得睇到依個黑影好似係女人
但我唔知道佢既意圖
之後我就唔敢睡 開著電視睇到天光

最攞命係 對面大樓拜神
拜到 似養鬼仔咁 有乜理由用綠燈
平時紅燈超恐怖 仲用綠色係咩事

邊個縣市????

聽阿媽講,果時係圍村,咁圍村啲細路就不嬲通村走,但到食飯時間啲父母都會行出村大叫仔女個名叫佢地返屋企食飯,點知有次唔見左個細路,叫極都搵唔到佢,咁就成村一齊幫手搵啦,但都搵唔到,咁阿媽就提意一路打鑼同燒爆竹咁搵,到最後就係一個好當眼既地方搵返個細路,但個細路係好呆滯,個頭上面全部都係蚊都冇反應,而佢坐係度果個位一早已經有人行過但都見佢唔到
後尾問返個細路去左邊,佢就話自己好似俾人困左係4面高牆,但都出唔返黎

我有次夜晚11點幾12點返屋企，
得自己一個人搭lift，一路聽住歌，一路都冇野
就係首歌完左，準備播第二首歌的時候
就聽到有把男人聲係我耳邊：喂～～～仲要係鬼聲鬼氣個種，我心入面即刻 ，跟住即刻拿拿聲轉左首勁嘈的歌，lift門一開即刻衝左返屋企

自此之後自己一個搭lift都係入lift之前揀首好嘈的歌黎聽

睇到我驚驚地搭lift

呢件事都係聽我呀媽講返，細個成班親戚去黃石碼頭BBQ，燒到六點幾果陣個天開始黑，我呀媽話果時見到對出海面有個黑影企咗係水上面，咁我呀媽之前都有經驗遇過啲靈異嘢，個黑影都算遠，同埋都就走，所以就扮睇唔到又唔同我地講，點知個黑影愈飄愈近，我呀媽開始驚就叫我地快啲走。最後我呀媽話個黑影飄到埋岸就唔見咗，但係佢等二日開始周身骨痛，個頭洗極都好笠，我呀媽知出事就去搵師傅睇，師傅話隻嘢跟住我呀媽，同埋因爲係水鬼所以我呀媽個頭會笠（諗返覺得幾好笑 ）之後搞咗好耐先無事。

雖然呢件事聽呀媽講，唔知有無加鹽加醋，但我中學同同學去黃石碼頭BBQ，有個同學有少少陰陽眼都係太陽落山果陣趕我哋走，所以我諗黃石碼頭真係好猛吓。

嚟緊聖誕假期會去沙灘BBQ(非黃石)

聽阿媽講,果時係圍村,咁圍村啲細路就不嬲通村走,但到食飯時間啲父母都會行出村大叫仔女個名叫佢地返屋企食飯,點知有次唔見左個細路,叫極都搵唔到佢,咁就成村一齊幫手搵啦,但都搵唔到,咁阿媽就提意一路打鑼同燒爆竹咁搵,到最後就係一個好當眼既地方搵返個細路,但個細路係好呆滯,個頭上面全部都係蚊都冇反應,而佢坐係度果個位一早已經有人行過但都見佢唔到
後尾問返個細路去左邊,佢就話自己好似俾人困左係4面高牆,但都出唔返黎

呢種算唔算鬼打牆?

竟然少左人推post ' 幫下手先

推

出咗去第二個office 做咗兩日嘢, 今日終於返去自己電腦位可以再分享吓~

舊公司4之圍爐

唔記得係咪水機白色男之後發生嘅…總之都係晌呢間公司發生嘅靈異事件嚟~

咁晌呢件事之前, 曾經聽過 designer 同事話有一晚得佢一個晌度 OT, 好似見到有個高大黑影嘅 outline 楝晌老闆房門口, 嚇到佢即熄電腦走人~~

發生過咁多事之後, 當然免不過都唔會留咁夜或單獨留晌 office~

話說有一日, 唔記得咩事, 已經放咗工, 同啲同事晌公司門口時 (當時成班同事好 好感情, 會放工間中一齊去食飯, 一齊去飲嘢, 一齊去 gym room, 約打麻雀, 去碌拎…etc) , 我突然想返入 office 叫仲 OT 緊嘅同事唔好咁夜, 想同佢哋講公司唔止得 “我哋”..

正當我想推門而入時, 其中一個同事就係咁拉住我叫我走, 唔好入 office…

咁好啦, 我聽佢講一齊搭 lift 落樓~

落到去大街, 我忍唔住再問佢咩事 (因為之前佢唔肯講, 只係叫我行啦行啦咁)…佢先話正當我想推門入去時, 佢見到 (公司大門上面有個正方應嘅窿鑲咗塊玻璃好似窗咁, 可以望到入面個情況, 而呢度門望入去係工場嚟) 有幾隻鬼晌工場入面部機器前面好似開緊會咁, 一路講嘢一路望返嚟大門口我哋個位置, 唔知係咪講緊我哋望緊我哋, 所以先唔俾我入返去係咁拉我走~~~

咁我哋晌街度唯有打上公司叫啲同事無咩就快啲收工啦, 唔好留咁夜…

p.s. 阻我返入office呢位同事就係有陰陽眼sales嘅其中一個嚟…