［靈異撚］分享靈異經歷 (2)

呢個post咁靜係咪因為d人搵唔到
其實我尋日先追完上個post
但搵極都搵唔到新post
要特登google先入到黎

有機會

追post前推一推先

補圖

有圖

因為舊公屋都算買少見少..
唔補圖驚巴絲打唔太明我up乜

我阿嬤幫我聯嗰陣發現嘅

冇拮親 但嗰排瞓得唔太好

同埋我阿媽最後都冇事，師傅幫佢搞掂咗，佢都肯食安眠藥，好咗好多

唔係聯完之後有針出現咩? 聯完又聯???

上面可能講錯
因為都隔咗幾年
無記錯嘅話 係聯完之後 佢又再檢查下張被
跟住就發現越來越多[/quote]
呢個好驚..
正常聯嘢其實真係得一支針...
我至多當佢中途唔見咗搵唔到用多支..
6, 7支真係有問題

隔左排先得閒翻黎繼續分享，竟然開到2
講完兩個長嘅講下d短嘅

1.中學有日翻屋企要經過防煙門，防煙門個窗會直接睇到樓下樓梯幅牆，咁我照常行過，眼尾見到幅牆有d野，就退後兩步望望，見到幅牆真係有野，幅牆上面有個人嘅面有齊五宮，但恐怖在佢係灰色嘅而且係大到成幅牆咁大。
佢本身隻眼望右面，但過多兩秒佢對眼就望過黎，同我四目交投，果下真係呆左幾秒，先突然醒一醒再快手入翻屋


2.我樓嘅lift四面都係鏡，有日撘lift望前面塊境反射後面塊境嘅入面，有一個燒死咁嘅樣嘅人


3.細個小學去我呀叔老婆嘅父母(唔知點叫)屋企拜年，不嬲果間屋都係多鬼架喇，因為成日就開門見到得對腳係出面，有人訓教醒左見到有個人頭飛出飛入，我兩個堂細佬見對面屋廁所外面有幾十的細嘅人頭係到飛，之後仲好興奮咁叫d大人一齊睇嚇到大家仆街咁，之類之類。
到我去果時，正常新年一定傾計好嘈，我就坐左係梳化到發夢冇野做，突然周圍靜曬，成個環境變曬綠色，本身開住嘅電器都熄曬，廳中間就出現一層好薄嘅紗布隔住，隔住去廁所嘅路，而我果時其實又好急尿，只好膽粗粗衝過塊布，一穿過左就一切回復正常


4.有日中學星期五凌晨兩三點坐係廳冇開燈睇鬼片，睇睇下電視自動熄，仲有d黑色嘅氣係電視隔離，我只好死死地氣去訓(電視唔係燒左出煙 )


5.初中有日放學諗住行第條路翻屋企，走左去一個屋苑，點知唔識路係個屋苑到左行右行，跟住見到個公園仔，有細路有父母有菲傭咁呀，咁好正常冇理，繼續行，行左條路仔，又見翻個公園，但今次就靜曬嘅，所有嘅人都定曬格咁，果時都冇特別為意，繼續行。跟住落黎行唔同嘅路，都一樣翻翻果個公園，情景一樣，定嘅格一樣，都係冇曬聲，如是者應該行左約十次上下，都係一樣咁，而且天色冇變。果時都知大獲，但只有繼續行依個選擇，行到最後一次到某個位置，就突然聽到聲，一切都正常翻，但果時已經天黑曬，時間係夜晚八點幾（我果日4點出校門，行落果個屋苑頂多15分鐘），而電話就有幾十個屋企人嘅missing call，翻到屋企俾人以為我去左玩冇交帶

打住咁多先，聽日分享翻d長嘅經歷

覆翻上post巴打問我見唔見到隻手主人個樣 : 果時個單位係完全透唔到光入去，只係一片黑色入面有隻手伸出黎。亦姐係你放隻鞋入去，就會完全睇唔到隻鞋，變左黑色。

巴打，你既事全部都好恐怖
你好似由細見到大，唔驚咁

細個見到就驚
中學就開始覺得是撚但喇屌
依架修密宗就惡過佢地，同時又可憐佢地

咁你有無幫人驅鬼，或者同佢地有溝通？

巴打你都feel到？
我之前去過3次歷史博物館
3次都係係水上人個到
feel到個感覺怪怪地
但冇頭痛 冇話會凍
同fd講但完全冇人feel到
可能冇乜惡意

因為3次都有咁既感覺所以好記得
我平時係乜都睇唔到 feel唔到個d黎

搵到知己
水上人個啲無惡意
只係留戀人間唔肯走既靈
所以無唔舒服

但我平時係完全冇感覺個d人
去過3次3次都feel所以覺得怪怪地
唔敢亂講野 快快手行過
巴打你睇到？

唯一一次最唔舒服就係有次係西環d西餐廳食野
佢岀面係露天 天井咁既樣
我朋友係天井位食野
過去揾佢拎野
一入門口個位就勁辛苦
由尾龍骨個位毛管戙直上到頸椎
根住成個人feel到勁焗 透唔到氣
有d似發燒咁 個人勁慶 但四周圍d空氣係凍
以為自己病左 結果一岀門口就冇事
後尾先知個天井位有野 困左係到好耐
間野2年轉左5間鋪 次次都做唔耐

個天井位有咩？

我都想講一個有關動物既
年初我隻倉鼠走左 佢係我第一隻養既倉鼠
咁佢夜晚走果陣彌留左成兩個幾鐘
呢兩個鐘我一路都抱住佢 掃住佢 掃到佢真係離開左我為止
之後第日就葬左佢啦

跟住果幾日都好難過又訓唔到
一個原因係想知佢遺體而家點
另一個原因係因為我好後悔最後一日冇好好倍佢
隻鼠已經好老，兩隻後腿都行動不便
但走果日莫名其妙咁不停用雙腳企起身
我一伸隻手入去摸下佢佢就會捉住我隻手指
但係我竟然GET唔到佢就走
成日仲掛住望電腦

之後過左幾日 就發左個夢
個夢見到我隻倉鼠
同我玩左陣之後 爬左上我隻手掌
然後好似佢離世果陣個姿勢咁訓低
之後佢個遺體就好似快鏡咁
睇住佢慢慢就腐化左熔左

個感覺就好似我隻倉鼠突登出現係我個夢到
比機會我補償返最後一日冇陪佢
然後同我講佢個遺體已經腐化左比棵樹吸收左
等我唔好擔心
等我個心好過d
之後我都冇再訓唔著
但再之後我就冇夢過我隻鼠

另外仲有兩個夢 係關於屋企人 又係好巧合
分下段再講

我細個都有養吓龜養吓兔...但全部都好易死...好難養到...
之後幫人養咗隻狗兩年..佢移民時我都喊咗成日...
不過一隻都無夢見過

細細個半夜扎醒左成日聽到有人係到洗衫

仲有次應該6,7歲既時候，屋企得自己一個，跟住聽到有人禁門鐘，打開大門鐵閘外面企左個好高大既男人。

我問佢搵邊個，但係佢全程唔出聲，眼神直望前面，企係到郁都唔郁。之後我就好驚咁關門，過左陣想睇下佢走左未，於是踩住張凳仔，裝下個防盜眼。點知佢仲企係出面，最恐怖係佢好似知道我裝緊佢咁，望返隻防盜眼！之後好驚，睇CCTV希望呀媽快d返屋企，但又好驚呀媽上到黎遇到佢。

之後點呀? 你媽媽返屋企仲有無撞到? 咁你知唔知佢幾時走咗呀?

放工前post 多個
陰森公屋5之鬼腳

當時屋企嘅間格係四方屋大門晌左邊, 一入門口右邊約四呎位間咗一間房, 入門直行就係廳, 之後出騎樓~~~(舊式公屋, 大門約腰以下有個信箱口位, 從果個窿位只可以望到大門後屋內約2-3呎左右嘅位置 (地下)

當時部電視係背住騎樓果幅牆嘅 (同大門大約相距10尺), 而當日約咗個有線師傅嚟裝電視, 咁因為我果陣都仲係讀緊書, 而媽媽當日唔得閒出咗街, 就叫咗我呀姨上嚟幫眼望望~~

當時我好記得係夏天嘅下午, 因為在家嘅關係, 我哋三姊弟都係著住短褲嘅~~而師傅就係著黑色牛仔褲~~
呀姨嚟到拍門時, 師傅已經到咗一陣, 仲晌電視機位 set 緊嘢 (我哋三姐弟企晌師傅側邊睇, 直到呀姨拍門我先行去開門, 其他人位置不變)

點知呀姨一入屋就笑笑口問我: 你男朋友嚟咗呢? (當時我有拍拖, 屋企人都知, 但果日男朋友就係無嚟到~~~)我話無啦咁當然~
呀姨嘅反應係唔信, 然後問係咪入咗房, 咁我都即打開房門以證清白, 真係無人~~ 咁之後呀姨都無再講啲乜~~

唔記得係整機後, 定過幾日同呀姨飲茶時佢先講啦~ 總之佢話當日佢嚟到我屋企門口, 晌拍門之前, 佢見到一對著住”藍色”牛仔褲嘅腳 (信箱口位睇唔到上身) 行咗去我房嘅方向, 所以佢當日先會同我有以上嘅對話~~

咁果對藍色牛仔褲嘅腳係點嚟嘅呢??? 當時我三姐弟都短褲, 而整機師傅當時一直晌廳嘅最入位置, 即信箱口一定望唔到咁入, 同埋師傳根本一直晌果個位無行開過, 而佢條褲仲係黑色嘅添!!!

補圖

呢個好有畫面 心都寒埋！

講多個先

我婆住舊式公屋
得一條走廊
走廊尾同頭都有部同垃圾箱,
我婆住個度近頭,
所以極少會去到尾個邊,
係我婆間屋出面直望尾只會見到天窗,
尾同垃圾箱就係天窗再入。

有次細個同表弟妹係走廊玩緊,
咁啱有個住尾既婆婆出黎倒垃圾,
當個婆婆行過左天窗位,
就出現左個人企左係度,

嗰個人唔知男定女,
好高好白著長袍,
帶住頂好高好黑既帽,
佢望住我一秒都無就消失左

宜家諗返起佢應該就係白無常

咁知唔知個尾車立婆婆之後有無發生咩事?

可唔可以講下你舅母畀嘢上身單嘢

我地估佢上左身啫
因為佢變到好怪
加上離左婚更加無見過

不過有野長期跟住會令到事主變到好負面/脾氣好怪好差/ 健康差 /黑仔
以我家為例:
間屋最猛個陣我媽好多疑, 成日挑撥離間親人唔知為乜; 老豆本身脾氣差, 健康變得仲差, 仲成日聽到聲叫佢跳樓; 細佬細個成日入院, 大左就好黑仔; 我諗野勁負面仲成日focus唔到, 神不守舍咁。

直至有幾個新屋苑起左我地個棟前面, 遮哂成個山 (對山真係好招陰), 同多左人住, 我地先慢慢變返正常

你哋正常返嗰時, 有無諗返之前嘅事㗎?
同埋"唔正常"嗰陣, 知唔知自己屋企全屋都唔正常緊?

中學有一次去廁所開大
一入到去就一人個都冇 咁就求其入左中間個廁格
記得好似唔太順暢 要慢慢屙
咁個廁所就幾舊下 入廁所個門一開都會出聲
咁一直去都無聽到聲
屙屙下突然就聽到除左我個廁格外其他所有廁格同一時間沖廁
嗰時第一時間諗學校幾時咁先進識自動沖廁
就無理到繼續屙 終於屙完之後一出去見到有個學生係尿兜前
心諗點解聽唔到開門聲 可能係沖廁嗰時入嚟
唔記得咩樣好普通學生一個
就照行過佢 行過時聽到佢同我講野 但聽唔清楚冇理到
因為間學校都多飛仔 所以唔識多數都唔理
行去洗手時佢又行埋嚟同我講野 今次終於聽清楚佢講咩
佢問我"驚唔驚呀你?' 類似說話 唔記得太清楚
心諗無啦啦驚咩 冇答到佢就出左去
跟住一路行返課室 一邊覺得奇怪 番到去就問同學學校幾時識自動沖廁 當然個個都話冇呢個功能
之後會諗係咪比人整蠱
但如果係比人整蠱應該點都有聲發出 但屙屎期間一直都好靜

勿相認

嘩...勁猛囉..仲要見到實體，仲行埋黎！
咁你洗手時佢行埋黎問你驚唔驚，你有無望到佢個樣呀？

我前果排狂甩頭髮，甩到有好幾個大窿。(半個手掌大）
睇西醫話呢d鬼剃頭自己會好，
中醫就話血氣唔夠，要慢慢調理。
上網睇話呢d係情緒問題，咁果排我係好鬱燥，日日日喊咁，成日都好唔開心，然後愈甩愈驚愈有壓力
跟住我阿婆幫我問鄉下好出名既神婆。
阿婆咩都未問，神婆就話我而家甩髮甩得好勁wor
然後佢話我係中學個教堂惹到d梳起唔嫁既「師姑」番黎。
我媽就覺得好奇怪，雖然我果間係天主學校，但邊有教堂
然後就走黎就問我，我聽完o哂咀。
因為雖然我學校係無教堂，但我學校係劃左d地方做聖母修道院，俾學校d修女係果邊住。
而我中一二果陣上聖經課，有次係參觀修院，修院裡面有間房仔真係要黎做小教堂，仲有聖水。

我聽完打哂冷震，鄉下果個神婆真係好勁 講到我甩髮仲要「睇」到我學校既修道院同修女

以前都試過讀教會學校, 又係天主教, 又係撞過鬼, 不過好彩冇絲打咁嚴重

我都有!!! 一樣係天主教!!!
遲少少會講~

陰公，我好明白 被責真係好恐怖

以前只係聽人講被責郁唔到好驚又出唔到聲

有次係宿舍訓試左一次

個晚訓訓下醒左

突然見到對面牆上面有白色一陣煙咁

見完都未黎得切驚

成個身即刻郁唔到，又講唔到野，勁驚勁無助

跟住我駁命大叫大叫大叫成個人出盡力大叫

最後就突然叫到出聲，就無事

雖然咩都見唔到，但真係好驚

agger

被責真係超驚...見唔到都一樣驚..
我想像唔到如果見到會係點

我聽過有人話被責見到, 面對面咁

如果面貼面我應該嚇到即時死靈魂出埋責返佢轉頭

陣痛咗三日, 未出娘胎本來判定咗做死胎, 叫我屋企唔好有太大希望, 點知拎到出嚟識喊

三日都唔開刀

以前公家醫院唔會幫你做咁多功夫, 做又三十六, 唔做都三十六嘅啫

香港都係咁咩?

咁多日得十頁

因為出面有好多花生食~
同埋之前追緊post 1
再加上, 呢啲靈異嘢唔想晌屋企出post
驚會學某位巴打咁聽到有"人"問我: 睇得咁開心吖嗱

咁多日得十頁

因為出面有好多花生食~
同埋之前追緊post 1
再加上, 呢啲靈異嘢唔想晌屋企出post
驚會學某位巴打咁聽到有"人"問我: 睇得咁開心吖嗱

之前高登有個post既故幾恐怖
有幾個睇完真係訓唔著
睇下搵唔搵得返

講返荃灣間屋,
間屋個floor plan係咁



梳化背向大門,
當時張梳化有腳撐起,
所以掂到梳化底既.

故事係舅父講,
佢話有次返香港過weekend,
零晨側訓係梳化睇歐聯,
佢話個個都入哂房訓覺,
得佢一個係廳熄哂燈睇波。

睇睇下佢眼角睇到梳化後面有個人形,
無耐feel到有人摸佢
由腳掃到上手臂,
掃完無耐隔2個字又掃,
個下已經嚇到舅父死死下,
想起身又發現郁唔到,
呢個時候身後個影唔見左,
諗住鬆口氣...
點知原來個影慢慢穿個梳化底走去舅父面前,
個下舅父瘋狂內心爆粗
個影先消失, 佢就郁得返

就係咁舅父信世界上有鬼
名副其實見過鬼怕黑

嚇都嚇死
咁個猛鬼仲有無做D咩害人既事呀？

放工前post 多個
陰森公屋5之鬼腳

當時屋企嘅間格係四方屋大門晌左邊, 一入門口右邊約四呎位間咗一間房, 入門直行就係廳, 之後出騎樓~~~(舊式公屋, 大門約腰以下有個信箱口位, 從果個窿位只可以望到大門後屋內約2-3呎左右嘅位置 (地下)

當時部電視係背住騎樓果幅牆嘅 (同大門大約相距10尺), 而當日約咗個有線師傅嚟裝電視, 咁因為我果陣都仲係讀緊書, 而媽媽當日唔得閒出咗街, 就叫咗我呀姨上嚟幫眼望望~~

當時我好記得係夏天嘅下午, 因為在家嘅關係, 我哋三姊弟都係著住短褲嘅~~而師傅就係著黑色牛仔褲~~
呀姨嚟到拍門時, 師傅已經到咗一陣, 仲晌電視機位 set 緊嘢 (我哋三姐弟企晌師傅側邊睇, 直到呀姨拍門我先行去開門, 其他人位置不變)

點知呀姨一入屋就笑笑口問我: 你男朋友嚟咗呢? (當時我有拍拖, 屋企人都知, 但果日男朋友就係無嚟到~~~)我話無啦咁當然~
呀姨嘅反應係唔信, 然後問係咪入咗房, 咁我都即打開房門以證清白, 真係無人~~ 咁之後呀姨都無再講啲乜~~

唔記得係整機後, 定過幾日同呀姨飲茶時佢先講啦~ 總之佢話當日佢嚟到我屋企門口, 晌拍門之前, 佢見到一對著住”藍色”牛仔褲嘅腳 (信箱口位睇唔到上身) 行咗去我房嘅方向, 所以佢當日先會同我有以上嘅對話~~

咁果對藍色牛仔褲嘅腳係點嚟嘅呢??? 當時我三姐弟都短褲, 而整機師傅當時一直晌廳嘅最入位置, 即信箱口一定望唔到咁入, 同埋師傳根本一直晌果個位無行開過, 而佢條褲仲係黑色嘅添!!!

補圖

呢個好有畫面 心都寒埋！

晌呢間屋嘅靈異經歷係得咁多..
不過間屋真係成日有好陰森感覺..
結婚前老公過嚟, 我去返學得佢一個晌我房用電腦, 佢都話覺得好寒好驚...
我妹ex 都晌我屋企見到嘢~
同埋而家間唔中發嘅靈異夢都係返去呢間屋度嘅...個夢都仲係住晌呢度咁.....唔知點解..搬走咗十幾年都仲成日夢見

agger

被責真係超驚...見唔到都一樣驚..
我想像唔到如果見到會係點

我聽過有人話被責見到, 面對面咁

如果面貼面我應該嚇到即時死靈魂出埋責返佢轉頭

雖然好恐怖, 但你形容得好好笑

咁多日得十頁

因為出面有好多花生食~
同埋之前追緊post 1
再加上, 呢啲靈異嘢唔想晌屋企出post
驚會學某位巴打咁聽到有"人"問我: 睇得咁開心吖嗱

之前高登有個post既故幾恐怖
有幾個睇完真係訓唔著
睇下搵唔搵得返

其實近排追咗幾日呢個post 同 post 1, 個心都怯怯哋咁

[識我嘅人勿相認 ]
嗰陣晌間女校讀書, 呢間係天主教學校嚟, 我人生中第一次接觸聖經就係呢段時期, 好, 入正題:女校內的學生女飄

是咁的, 有一日嘅小息時間去洗手間, 而我哋女仔都好興同埋同學仔一齊去組團去廁所嘅~~~

洗手間間格: 大門對住好似係窗, 左邊共有四格廁所, 右邊係洗日盆同牆上有鏡

咁嗰日, 我同另一個同學(下稱M)一齊去洗手間, 邊行邊吹水...正當我哋行到離大門口約有三步距離時, 突然有個冬菇頭髮型嘅女同學好快速從後而上咁入咗去第二格~

咁我同 M 就分別企晌第一格(我) 同第三格 (M) 門口等 (因為第四格好似都係有人, 而第二格就啱啱見有同學入咗去, 所以正常都等其他早啲有人入咗去嘅廁格)

咁仲有一位同學 A, 一直晌洗手盆位對住鏡梳頭嘅, 但當時我同 M 不停吹水, 所以無為意~

咁我哋一直吹水, 1 同 3 格都未有人出嚟, 第4格開始有人等, 咁再有人入嚟就當然會推吓第 2 格睇吓有無人啦?(第二格當時無人等緊)

咁有人推門時, 第2格嘅門係開到嘅, 但我同 M 都見到入咗去嘅冬菇頭同學裝返出嚟 (約只見到半邊臉), 然後關返門, 咁我哋都同推門嘅人講入面有人, 可能係個鎖壞咗~~ 咁嘅推門情況出現咗一共兩次, 而我同M都仲係等緊未去到洗手間嘅~~~

就晌呢個時候, 梳完頭嘅 A 就走埋嚟話根本無人入過去....我同 M 都異口同聲話有呀, 可能佢掛住照鏡睇唔到, 仲話我哋都見到入面個女同學俾人推門時裝返出嚟~

但 A 堅持話無人, 仲伸手想推開度門, 我同 M 阻止唔切, 嘭一聲度門應聲被推開......

但係, 人呢? 入面真係無人!!!

之後我同 M 係即刻去第二層嘅 toilet 定點我就唔記得, 只係我記得從此無再去呢一層嘅洗手間~

p.s. 同呀 M 事後傾返, 大家見到嘅嘢都一樣, 同埋諗返轉頭, 當時雖然見個女仔被人推門時有裝出嚟同關門 (晌門後, 所以唔會見到全個樣) 但印象中係諗唔起佢個樣嘅....

呢次係我人生中第一次見到鬼...但當時根本唔發現有唔妥...同埋都無留意佢有無半透明有無腳呢啲...因為真係好正常女同學咁嘅打扮...

我前果排狂甩頭髮，甩到有好幾個大窿。(半個手掌大）
睇西醫話呢d鬼剃頭自己會好，
中醫就話血氣唔夠，要慢慢調理。
上網睇話呢d係情緒問題，咁果排我係好鬱燥，日日日喊咁，成日都好唔開心，然後愈甩愈驚愈有壓力
跟住我阿婆幫我問鄉下好出名既神婆。
阿婆咩都未問，神婆就話我而家甩髮甩得好勁wor
然後佢話我係中學個教堂惹到d梳起唔嫁既「師姑」番黎。
我媽就覺得好奇怪，雖然我果間係天主學校，但邊有教堂
然後就走黎就問我，我聽完o哂咀。
因為雖然我學校係無教堂，但我學校係劃左d地方做聖母修道院，俾學校d修女係果邊住。
而我中一二果陣上聖經課，有次係參觀修院，修院裡面有間房仔真係要黎做小教堂，仲有聖水。

我聽完打哂冷震，鄉下果個神婆真係好勁 講到我甩髮仲要「睇」到我學校既修道院同修女

其實好多自稱做神婆呀，咩師父，都有養鬼仔，而鬼仔又會幫返佢地，話比佢地知個客而家係點，從而去搵錢，呢D係之前睇電視或者聽收音機既師父講

冇可能, 當年呢到新起第一批入伙的
試過有隻如果計顏色論應該係冇惡意嘅, 被我發現好似對我老母有啲不善, 然後佢發現到我發現佢, 之後做過啲嘢嚇我, 不過我冇理佢, 幾日後佢就走咗, 感覺上佢只係路過此地
因為係近年發生, 佢未嚇我前我已經live報導過每日進展俾班朋友知, 所以講詳情即變自爆, 唔係有心唔講, sor

好想知..

想知詳細等pm功能出咗再私下講
大致上係有日老母做廳長, 咁啱我間房望到張梳化, 熄晒燈入房瞓嗰時見到老母側邊有個人, 肉眼淨係見到團光見唔到外型, 但感覺對方係條女, 以為自己睇錯所以望多咗陣, 佢就拎轉個人對住我嗰邊, 我仲覺得自己諗多咗冇理到, 第二日(定好似隔多日)咁啱有班fd講起自己懷疑撞鬼, 我咪講咗單嘢, 過咗幾日佢開咗我房門入咗嚟, 搵嘢掟到我醒咗一下, 不過太攰冇理到佢, feel到佢踎咗喺半空笑住睇我反應, 我就鬧咗句粗口再瞓返, 第二日開始走咗出廳做廳長, 做咗一個禮拜肯定佢走咗先返房瞓

好恐怖
仲要搵野掉醒你
好彩佢幾日就走左姐，如果唔係點住落去呀

發現呢個鬼故po好鍾意用 公仔












推

可能因為嚇到唯有苦笑