迴避型依戀人格叫春區

慘過單身

真...
我相信就算係一般普通人 都可以接受到上面所有既
但絕對接受唔到自己另一半同其他人曖昧...

我覺得唔好比player攞逃避型嚟做擋箭牌先 拍緊拖同人曖昧嘅一定係仆街 甚至幾個禮拜到成個月都唔覆人果啲 我自己唔會相信果啲人係鍾意另一半先囉

逃避型唔係一個藉口同搏同情嘅工具 我覺得要分返清楚先

正解

真 大家個相處模式真係唔同

我自己就逃避型 唔鍾意覆機 傾傾吓可能會突然之間消失一日 成日你可以搵我唔到

睇咗message都唔覆 即使我鍾意你都好 要我長期覆你都好辛苦

短期覆你 我自己覺得還可以 但長期固定覆就唔得 我一定會消失 過幾日再搵你

我就覺得我用晒啲時間覆你 同你出街傾偈嗰啲
我會冇晒自己啲私人時間空間 俾自己獨處
進而一步步崩潰抑鬱唔開心

但係唔同你出街傾偈嗰啲 你又會唔開心喎
咁我就會委屈自己寧願我唔開心
咁我委屈自己耐咗 我又會開始崩潰抑鬱唔開心

結論：到最後我點都會唔開心 逃避型係垃圾 逃避型唔適合同人一齊

因為從你口中我更覺得你所講緊的係一般人拍拖的問題多
多過咩焦慮型 而你就猛攻擊佢地 咩蘋果橙
對方係咁都無計 放手

不過講真 拍著迴避型 一係即走人 一係會對段關係更上心 唔使焦慮型見到對方唔理自己 正常人都會更緊張啦？男女朋友黎架

與其話安全型 我唔知一個忍受到你成個week唔揾人 幾星期先見一次的 其實有幾對你上心

以上呢番說話我相信係好內心同好真誠

你有無試過同另一半（現任/前任）講你呢一番諗法？

其實焦慮型想捉得更實，都係因為緊張同在乎
偏偏呢種想捉得更實會令你離得更遠
而你離得更遠又會trigger到佢更焦慮想再努力啲睇下可唔可以令你變返以前嘅熱情
然後就開始左個loop...

其實係你aware到佢開始焦慮想付出多啲嚟喚起你嘅熱情時候你都不妨諗一諗係唔係你係某啲地方冷落左佢令佢突然有啲情緒
一個簡單嘅提醒，同佢講返你而家要將個attention 擺係朋友/屋企人/自己身上一段時間，加一兩個kiss 嘅emoji，其實已經可以俾到好大安全感對方
對你地嚟講，咁樣做好攰好唔自然
但係如果呢啲簡單嘅文字同emoji可以換嚟一個stable 嘅relationships，你唔洗睇到你愛嘅人好委屈好唔開心，你願唔願意做呢一種付出？

其實如果可以做到一段時間，有左個foundation，焦慮型慢慢learn到你唔覆機係有原因，唔係會消失左唔返嚟，亦唔代表你唔愛佢，就唔會再因為呢件事無安全感同焦慮

或者佢地有少少M底

我中意嗰個逃避型，佢心入面始終放唔低一個人
對方會朝早一個message之後就消失到夜晚先出現返，傾一兩句又消失到第二朝
但係又會突然出現係佢屋企樓下，仲要係密集式
但見完面又繼續唔覆機

結果佢就好上心，仲一路都放唔低佢

或者佢地需要嘅，就係一個唔愛佢地嘅人？

加油啊
通常佢地都好難放低上一段關係
但到你想放棄佢地嗰陣
佢地就反而會來搵返你 （經歷過）

所以有時覺得唔係愛唔愛既問題
逃避型人最愛既一定係自己
呢樣係無錯 每個人都應該學識愛自己
只係佢地對於情感表達同情感處理上有缺憾
唔識得好好消化之前分手既負面情緒

與其話佢地對戀人唔上心
應該話佢地最需要既係學識認清自己既情緒，點樣處理情緒同表達感情

咁啱我遇到係同你相反嘅逃，佢只係會一路就我，但係永遠唔出聲講自己要乜，到頂唔順直接走，或者係佢根本都唔知自己想點，一時又好唔想見，一時又好掛住要即刻見，要我點估你

巴打你講嗰個case 係佢只想改變你唔想改變自己

我諗入得嚟呢個post嘅人都係有insight 想透過認識同了解逃避型嘅需要，去做一啲改變，學習去遷就對方，而唔係take it for granted 嘅人

其實溝通真係好重要
對焦慮型嚟講，逃避型好多時唔耐煩/覺得大壓力就連溝通嘅channel 都抹殺埋
其實要me time 好正常，亦可以理解，偏偏就係缺乏足夠嘅溝通令焦慮型無晒安全感

咁睇其實巴打你唔似逃避型喎

巴打，我第一句就話咗你當時嘅對象係唔打算改變自己
但呢個post 圍緊爐緊人都係開始有insight 學習了解緊

只係希望唔好再一刀切，連溝通嘅機會都唔俾就話唔夾

我諗我啲說話同諗法，都依舊，係想同我心入面嗰個已經再無聯絡嘅人講