想問下有冇迴避型既巴/絲,明白下面個case係咩一回事?
由開始同另一半熟絡,到開始拍拖都好快。
拍拖頭一個月都好sweet,一有時間就搵對方,係差stage 5未做。
係有一次嘈過交,然後情況就急轉直下,每星期都為啲雞毛蒜皮既事嘈交,仲要一嘈就搞你幾日。(實際係我每次都莫名其妙被屌)
有一次佢無啦啦嘈要分手,基本上全程都係佢主導緊個flow,到真係分咗,當日就即刻搵返我暗示話其實係想我氹再加一堆怨言, 結果又嘈一輪之後佢話"唔好再鬧交喇,想見到你開開心心......"。好似又冇事咁。
事後我嘗試get close返,然後佢都開始拉返近個距離,叫我去佢度住下先。
講真,呢段期間我的確冇以前咁熱情,一黎工作忙,二黎日嘈夜嘈搞到我都怕咗又講錯野trigger到佢。
點知臨搬過去前一晚佢話我未ready(你冇睇錯,佢話我未ready,唔係自己未ready),唔俾我去佢度。
然後我打長文講自己表白,佢就冇feedback,淨係叫我返屋企休息。
呢幾日同佢text,所有感性/sweet 既對白一律當睇唔到,其他閒聊話題都係覆得一兩句就停咗,連早晨早抖都冇埋咁濟。
最多都係得閒影幾張相俾我睇下做緊咩,又係打多兩隻字都費事咁。
同時佢又好得閒係IG出po (不過佢工作需要,的確需要用IG黎keep住awareness )。
最近睇咗好多書同文章,再睇返佢背景同行為模式,邊緣型人格既特質佢已經中晒。
奇在佢既表現同時又好似迴避型依戀,搞到我都R晒頭。
其實呢個情況究竟係咩事?
搵佢又好似避開我咁,唔搵佢又話我唔關心佢。