[真人真事] 重寫以前香港發生過冷門既命案奇案 (2)

千禧年代失蹤案（續）- ANI ASHEKIAN 失蹤謎團

好耐之前提到，香港係上世紀９０年代有過幾單比較轟動既少女失蹤案，而隨著科技進步，現今社會要搵返一個失蹤既人相對都係容易左，但話雖如此，係千禧年代之後都係有唔少一去不返既女性失蹤案...


２００８年１１月１０日，年約３０歲既加拿大籍旅客女子 ANI ASHEKIAN，係最後身影出現過尖沙咀重慶大廈後就失蹤，至今依然音訊全無，根據 Reddit 網友整合佢當年失蹤時間線如下:

１０月２０號 - ANI 同佢男友 WENDDELL 返左去哥斯達黎加
- 有兩個 ANI 既同事邀請佢一齊去中國玩，佢諗都無諗就答應左會去，事後 ANI 屋企人覺得好奇怪，因為 ANI 平時雖然周遊列國，但佢之前無論去邊，都會一早計劃好哂先，好少係所謂咁＂Rush” 既情況下就決定去一個唔熟悉又未去過既地方。

１０月２５號 - ANI 與同事仨人到達北京

１０月３１號 - ANI 既同事最後一次見到佢
- １２點半，ANI 單獨離開酒店房，而佢兩個同事完全無覺得奇怪，因為 ANI 平時旅行模式都係獨行俠咁周圍探索，佢地覺得 ANI 似係 “jetlagged” 所以先一個人出左去。
- 第日朝早，ANI 返左酒店房，係沖左個涼、飲左杯啡，之後就執好哂行李 checkout。對此，ANI 既家姐表示阿妹佢性格不嬲都係咁，唔中意跟哂時間表去行；然而今次佢兩位同事對於 ANI 不辭而別實在感到驚訝，因為以前 ANI 好少會心急到連一句「再見」都唔講就走左去。

１１月５號 - ANI 發出佢最後一封電郵
- １０月３１號至１１月８號呢段時間，ANI 由北京坐火車去西安，係途中發過呢封最後電郵之後，佢 Ｈotmail 個 Ａccount 就再無其他活動。

１１月９號 - ANI 由西安坐飛機抵達香港

１１月１０號 - ANI 據講出現過係重慶大廈（未經證實消息）
- ANI 有亞美尼亞同黎巴嫩血統，所以佢睇落個樣同南亞人有些少相似，當然大家都知道重慶大廈無論以前定係而家都係個「難以捉摸」既地方，因此有個犯罪學愛好者係研究左 ANI 性格人物特徵之後親自到訪重慶大廈調查，但都係搵唔到任何相關或者係有用既線索。

１１月１１號 - ANI 被閉路電視影到係銅鑼灣某 ATM 禁過錢
- 凌晨１２點，有閉路電視影到 ANI 係櫃員機分兩次禁左總共 $2800 港紙出黎，佢家姐形容 ANI 睇落去情緒好冷靜，唔似係比人威脅或強迫。呢條線索之所以而家先披露，係因為當年佢屋企人唔想呢個睇落「古怪」既行為比人發現。
- 朝早８點半，ANI 發左一個信息比佢阿妹，預祝佢生日快樂，呢條信息係佢最後一次同家人聯絡。

１２月２號 - 有個英籍學生係銅鑼灣疑似遇到 ANI（未經證實消息）
- 個學生話見到有個女人睇落好迷失同埋搵搵去 IKEA 既路，佢就好人做到底咁帶佢行到 IKEA 店面。

１２月１５號 - ANI 呢日原本係機票預定從印度飛返去多倫多
- 入境處完全查唔到 ANI 有出境紀錄，換言之 ANI 理論上應該仲係香港，雖然有人提出過可能佢係坐「大飛」離境，但係佢唔似會咁做既人。

１２月２４號 - 有人聲稱係灣仔一帶見到個女人帶有加拿大口音自稱"ANI" （未經證實消息）

https://www.reddit.com/r/UnresolvedMysteries/comments/gg8377/ani_ashekian_had_visited_nearly_30_countries_by/

呢單失蹤案同上面提及過既案件有好大分別，因為 ANI 雖然係「失左蹤」，不過由佢係香港逗留既呢一段時間，都有唔同人聲稱見過佢既蹤影，當然佢地有機會係認錯或者係搞亂記憶。然而 ANI 所做既行為舉動都有唔合理既地方，例如係如果佢仲在生，點解平時熱愛家人既佢完全斷絕左通訊來往；根據閉路電視線索，佢最後出現身影理應係銅鑼灣，點解警方同家屬好似無夾過咁各有說法呢？呢件事絕對稱得上係９０年代後最細思恐怖既女子失蹤案。

千禧年代失蹤案（續）- 已婚婦人李玉姍失蹤事件

二零零九年八月二十七號，四十三歲育有一子既已婚婦人李玉珊係離開粉嶺祥華邨住所既兩日後，即同年八月二十九號下午四點左右，打電話向朋友指自己同男友位於元朗大樹下塘頭埔村屋企，發生過激烈爭吵而且擔心自己性命安全；當天夜晚，李婦又發過短訊比個仔，指自己唔開心同時會離開香港幾日。

起初李婦屋企人不以為意，係直到幾日後都完全聯絡唔到佢，佢老公同親友先自四出尋找又報警協助。警方當時隨即拘捕李婦男朋友協調調查但之後證據不足獲釋；而入境處亦都無李婦相關出入境紀錄。係事發兩年之後，警方雖然相信相信佢已經遭遇不測，但都好罕有咁懸賞十萬元希望市民提供任何線索。

＊

呢單案大家無睇錯，李婦係失蹤後由老公報警尋人，換言之佢係有婚外情。大家第一時間都係會諗佢男朋友作案動機最大，因為事發當日嘈過交不突止，仲因為疑似講左威脅性說話先會令到李婦覺得自己生命有危險，但奇怪既係警方係拉左人之後完全查唔到任何有用線索。

我試過係ＦＢ、其他討論區，嘗試去搵下有關資料，然而都係清一色得個「估」字，只係有網友留言聲稱睇佢面相估計已經死去被埋葬；另一方面，假設李婦男友真係兇手，幾日既時間似乎真係足夠佢去做「埋屍」呢個舉動，塘頭埔村附近正正係「荒山野嶺」所在，熟悉呢個度既人已經搵地方去實行絕對係易如反掌。

多年過去，李玉姍真係好似人間蒸發左咁，生不見人死不見屍。

個 (2) 開錯左係娛樂台
好彩發現得早

返工為左咩
冇人搵到係香港同ani有接觸過既人？
佢同事有冇解釋點解同佢去中國玩
睇條路線北京>西安>香港（重慶大廈）感覺似販毒
•
卡雲尼(曼聯7號)
呢個真係無諗過
如果根據埋佢屋企人講法
ANI 次次去旅行都會自己plan好哂一切
唔會太跟人地計畫
咁就解釋到佢係有機會同販毒有關
而呢條路線可能係為左避開耳目
但最後係香港遭遇不測
可能係重慶大廈/銅鑼灣IKEA交貨
總之最後身影一定係港島
•
返工為左咩
因為條路線太唔旅行feel 感覺佢去每一個地方都有目的性
不過我都係第一次睇呢啲線索，以前單純以為佢係重慶大廈被姦殺
一係佢兩個同事都有關係，一係就ani去到北京先開始捲入販毒，然後係香港可能錢銀方面傾唔成或者對方想殺人滅口

好多失蹤案都搵唔返
細個睇完成日驚自己走失左就返唔到屋企

一個人要做到突然消失好似好易又好難咁

又有新 POST
留返個名先
樓主加油

咁係咪應該推呢個先岩

推

係

https://lihkg.com/thread/2334688/page/1
For 大家 舊 post link
有時間會重執 repost

新文留名

一日追晒文, 樓主加油!
等我去埋隔離巴打度追文先~

lm

留個名先，支持樓主！
我知樓主免費寫，準時岀文係bonus, 唔準時我地都無資格岀聲，但可唔可以下次有大delay個陣岀個post 交代一聲，唔好等咁多有心巴打日日等日日催

無問題 果時壓力大個人無諗咁多
的確處理得唔好會改善

冇啦啦睇左你個PO就一口氣追哂
近排YouTube upload左商台啲舊野 成套翁靜貞危險人物同雷宇揚既靈幻搜奇全程聽哂

屌你卡雲尼你撚時傷完呀

呢度唔好俾太大壓力自己

我以前都有聽而家無時間
卡叔傷下踢下無架啦
都唔知續唔續

推，係曼區見過你

上個Po講既女學生遇害事件
仲有單係歐陽炳強既紙盒藏屍案
其實一樣係淨虐殺而冇姦淫 死者都係赤裸而處女膜完整......

清潔工人林嫂在跑馬地總站旁、黃泥涌道二十一號浩利大廈一獸醫診所門外街上發現卞玉英的裸屍被藏於日立S-67B全電晶體電視機包裝紙盒內，死因是被勒死，兩個乳頭被割去，陰毛被高溫物體燒焦，處女膜仍完整。

呢單睇過唔知點重寫好
好多人都分析過單案 眾說紛紜
值得留意係文錦棠話
歐陽係獄中講過話「條屍咁重點搬呀」之類說話
令到呢單香港史上第一宗靠環境證據入罪嘅案件更加撲索迷離

你番黎啦，我買左兩三箱西瓜，啱唔啱洗