[真人真事] 重寫以前香港發生過冷門既命案奇案 (2)
卡雲尼(曼聯7號)
481 回覆
69 Like
12 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁
港版梨泰院事件—諾士佛臺酒吧命案
尖沙咀諾士佛臺向來以特色酒吧及餐廳聞名，有「九龍蘭桂坊」之稱，係年輕人夜蒲必去地方之一，然而酒過三巡，人受酒精影響變得容易衝動，正正係十年前果度就發生過一單因為醉酒累事而起既命案，案中死者張健龍當年就只得廿幾歲。
爭女惹的禍
２０１０年８月１７號夜晚，諾士佛臺十樓一間酒吧舉行女士之夜，意指女客入場可獲免費招待，亦都自然吸引到唔少年輕男性入場獵艷，呢晚更係有唔少背景人士既「黑青」同場，原本場內幾幫人馬各有各玩，然而就因為一個女人，眾人因此大動肝火。
據講簡姓女事主打扮低胸露背打扮性感，甫進場就引黎唔少目光，其中就先被張健龍一幫來自大嶼山貝澳既同村青年率先搭訕成功，於當晚與眾人言談什歡，玩得興高采烈。接近酒吧打烊既凌晨時分，眾人開始散水離去，同場既一批「竹昇仔」即海外回流人士，竟然係呢個時候出手，以言語調戲簡女。
張健龍一幫青年大感不悅，兩邊人馬不斷推撞又發生激烈口角，簡女突然被人掌摑，直接令局勢一發不可收拾，十多人追逐落樓打鬥。就係混亂之間，其中一名外籍青年以係酒吧得黎既餐刀揮舞，簡女先被割傷臉部，之後張健龍更加係腹部中刀倒地流血不止。警方接報後趕忙到場制止呢場血鬥又拘捕多人；而張健龍則因為手腳和腹部被刺多刀，傷及胃部要害，最終傷重不治。
罪有應得
行兇者係外籍港人Gannon Walter Sutter (周健華)，為本地一所小學英文老師，佢原先被控謀殺罪，但係後來高等法院既審訊中，又被接納改認誤殺罪判處監禁十年。法官係判刑既時候指出，被告年青有為本有大好前途，然而因為一時衝動，有意識地用刀向他人施襲，並接連刺多刀，唔單止殺害死者，亦傷及同行王姓男友人，而傷者沒有喪命，只是不幸中的大幸。
周健華聞判後搖頭嘆息，而其中國籍妻子更加係哭成淚人。雖然行兇者被重判，公義看似得到彰顯，然而坊間卻係流出當晚另一版本既案發過程。
命案起因「羅生門」
根據太陽報版本，Gannon Walter Sutter當晚與王姓友人等數人一同到酒吧玩樂，係如廁間與同場另一名外籍男子James Scarlett因小事起爭執。離去時，兩人再次係升降機相遇又以英語粗口互相大罵，直到出電梯後，當Gannon Walter Sutter走至斜路時又同James Scarlett互相推撞，身邊人士見狀連忙上前拉開兩人，當Gannon Walter Sutter一幫人行到去彌敦道時，James Scarlett突然從後追上欲揮拳報復，Gannon Walter Sutter隨即拎出預先藏好既餐刀揮舞，張健龍正正就係勸交既混亂之際中刀喪命。
另外又有版本指出當晚現場「七國咁亂」，涉及多達四批互不相識的男女，當中兩批人因「眼超超」起事械鬥；另外兩批人則為單純普通爭執，落到樓既時候眾人再因為小事上演大混戰，而張健龍原先更加係不在其中，佢係接到簡姓女友人求救電話趕住護花查看其臉部傷勢時，誤闖人群當中無辜中刀枉死。
唔知大家相信覺得版本先至係事情既真相呢？
尖沙咀諾士佛臺向來以特色酒吧及餐廳聞名，有「九龍蘭桂坊」之稱，係年輕人夜蒲必去地方之一，然而酒過三巡，人受酒精影響變得容易衝動，正正係十年前果度就發生過一單因為醉酒累事而起既命案，案中死者張健龍當年就只得廿幾歲。
爭女惹的禍
２０１０年８月１７號夜晚，諾士佛臺十樓一間酒吧舉行女士之夜，意指女客入場可獲免費招待，亦都自然吸引到唔少年輕男性入場獵艷，呢晚更係有唔少背景人士既「黑青」同場，原本場內幾幫人馬各有各玩，然而就因為一個女人，眾人因此大動肝火。
據講簡姓女事主打扮低胸露背打扮性感，甫進場就引黎唔少目光，其中就先被張健龍一幫來自大嶼山貝澳既同村青年率先搭訕成功，於當晚與眾人言談什歡，玩得興高采烈。接近酒吧打烊既凌晨時分，眾人開始散水離去，同場既一批「竹昇仔」即海外回流人士，竟然係呢個時候出手，以言語調戲簡女。
張健龍一幫青年大感不悅，兩邊人馬不斷推撞又發生激烈口角，簡女突然被人掌摑，直接令局勢一發不可收拾，十多人追逐落樓打鬥。就係混亂之間，其中一名外籍青年以係酒吧得黎既餐刀揮舞，簡女先被割傷臉部，之後張健龍更加係腹部中刀倒地流血不止。警方接報後趕忙到場制止呢場血鬥又拘捕多人；而張健龍則因為手腳和腹部被刺多刀，傷及胃部要害，最終傷重不治。
罪有應得
行兇者係外籍港人Gannon Walter Sutter (周健華)，為本地一所小學英文老師，佢原先被控謀殺罪，但係後來高等法院既審訊中，又被接納改認誤殺罪判處監禁十年。法官係判刑既時候指出，被告年青有為本有大好前途，然而因為一時衝動，有意識地用刀向他人施襲，並接連刺多刀，唔單止殺害死者，亦傷及同行王姓男友人，而傷者沒有喪命，只是不幸中的大幸。
周健華聞判後搖頭嘆息，而其中國籍妻子更加係哭成淚人。雖然行兇者被重判，公義看似得到彰顯，然而坊間卻係流出當晚另一版本既案發過程。
命案起因「羅生門」
根據太陽報版本，Gannon Walter Sutter當晚與王姓友人等數人一同到酒吧玩樂，係如廁間與同場另一名外籍男子James Scarlett因小事起爭執。離去時，兩人再次係升降機相遇又以英語粗口互相大罵，直到出電梯後，當Gannon Walter Sutter走至斜路時又同James Scarlett互相推撞，身邊人士見狀連忙上前拉開兩人，當Gannon Walter Sutter一幫人行到去彌敦道時，James Scarlett突然從後追上欲揮拳報復，Gannon Walter Sutter隨即拎出預先藏好既餐刀揮舞，張健龍正正就係勸交既混亂之際中刀喪命。
另外又有版本指出當晚現場「七國咁亂」，涉及多達四批互不相識的男女，當中兩批人因「眼超超」起事械鬥；另外兩批人則為單純普通爭執，落到樓既時候眾人再因為小事上演大混戰，而張健龍原先更加係不在其中，佢係接到簡姓女友人求救電話趕住護花查看其臉部傷勢時，誤闖人群當中無辜中刀枉死。
唔知大家相信覺得版本先至係事情既真相呢？
lm
葵涌警察宿舍滅門慘案
俗語話：「好仔唔當差」，做警察係以前已經比人一種唔係好「正當」職業既感覺，因為佢地每日都會遇上千奇百怪既人和事，招惹到唔同事非，然而呢次案件主角之一既警員鄭炳和，竟然係因為枕邊人出軌以致招來殺身之禍...
一家四口慘被殘忍滅門
１９８７年４月７號早上，鄭炳和上司發現佢係經過兩日休假之後無按更表當值，打電話去屋企亦都無人接聽，於是就派員前往葵涌警察宿舍上門調查。伙記無耐到達現場，發現單位鐵閘深鎖木門半掩，係縫間見到有人仰臥床邊而且雙腳垂地，佢地都覺得好唔尋常，就立即同上級報告要求增援。
係再三拍門無人回應之後，眾人最後決定撬開鐵閘破門入屋，眼前既景象可以話令到佢地畢生難忘—仰臥床邊既男子就係鄭炳和，佢著住白波衫短褲，頭部被白布覆蓋，身上纏有電線以及被電殛過的痕迹；係側面既一張碌架床，上下格分別陳屍佢一對年幼子女梓杰同埋婉雯；至於佢老婆就卧屍廚房地板，頭顱被斬至只剩皮肉相連，以１８０度扭轉既姿態臉孔朝天。警方係現場搵唔到任何兇器，但係男死者屍體邊發現一張字條，寫住「大耳窿殺死鄭炳和一家」，而筆跡亦不屬於受害人。
因財奪命疑雲
原來當時鄭炳和已經當左十幾年差，曾駐守機動部隊及擔任便衣警員，而佢正正就係查案期間識到當時係舞廳工作既妻子李鳳鳴，係結婚之後佢老婆亦都轉工改做車衣工人。據聞鄭炳和本身都幾爛賭，佢一得閒就「過大海」博殺，周不時被大耳窿追債，更因為咁而主動要求由軍裝轉去做內勤既廚房工作，以逃避耳目。但後來警方發現鄭炳和當時銀行戶口仲有成萬幾蚊積蓄，較早前仲夾埋同袍買馬羸左幾千蚊，當時亦已經無被債主上門追數，案情亦隨即陷入膠著。
好在，警方係鍥而不捨逐家逐戶訪問後，得悉事發前鄰居已經不時聽到鄭李夫婦既爭吵聲，內容大致都係同感情問題相關，佢地之間疑似有第三者介入—原來李鳳鳴因為老公爛賭比得少家用，經常爭執感情生別，所以就離家出走重操故業係舞廳工作，期間佢認識到年僅２５歲既男大班黎新來，好快就迅速發展打得火熱成為男女朋友。
欲擒故縱計中計
警方推斷黎新來就係呢單案件關鍵，於是就派員四出尋找線素，雖然專案組經法庭申請搜查令後搵到唔少重要證物，但係據黎新來表兄所講，佢係案後無耐就以拜山為由返左鄉下不知所蹤。有鑑於當時正值香港前途談判，中港關係敏感，警方難以要求大陸公安一員協助，於是就略施小計發布新聞會稱已經破案拘捕五名相關男女。
果然，收到風聲既黎新來係個零星期之後，係４月１８號晏晝經羅湖海關返港，佢隨即被入境事務署職員扣留再交由警方帶返葵涌警署接受調查。當探員一入房，黎新來就先強調自己返大陸只係為左拜山，雖然承認同李鳳鳴紅杏出牆，但對於佢同老公既關係一無所知，自己亦係從電視上得悉鄭李夫婦一家被殺害消息。警方深知呢個時候既黎新來守口如瓶，絕唔會輕易講出任何同案件相關既資料，亦都因為暫時無證據證明佢殺害鄭李一家，好快就無條件將其釋放，繼續實行部署。
係黎新來安然回到家中之後，警方派女探員假扮記者登門采訪，唔單止係閒談間套出黎新來與李鳳鳴既密切關係，仲拎借黎新來喜愛舞文弄墨既嗜好，獲得一副經有佢親跡既硬筆字晝，經筆跡專家鑑定字跡與現場搵到既字條吻合；另一方面，專案組係會見同於舞廳工作與黎新來工作既同事後，得知佢係案後係因為大腿受刀傷請病假數天，佢更係一次酒會透露「葵涌個死差佬係我隊既，鬼叫佢咁鬼招積！」，進一步鎖定黎新來就係兇手。
枕邊人竟是同謀
當警方掌握到充分證據後就再一次拘捕黎新來，佢見已經無得再抵賴就將滅門過程和盤托出：
「佢老公其實一早知我地有路但就隻眼開隻眼閉，唔肯同阿鳳離婚。」
「張紙條的確係我寫既，我地諗住布局扮係有大耳窿黎追數不成動殺機。果晚我地趁佢老公帶埋仔女出去玩，我就布置好電床再匿埋係露台，一等佢返黎之後就電暈佢。」
「當我落刀斬死佢之後，突然聽到有把男仔聲叫左下阿媽，我以為佢見到我行兇，就入房一刀插死左大仔梓杰。」
「阿鳳呢個時候已經嚇到呆左剩係係咁話唔好，我就索性一不做二不休搞掂埋個女婉雯。阿鳳突然轉身衝入廚房，跟住就拎刀一野插左落我大骴，我咪還手亂刀再插死埋佢。」
「當我清醒過後知道要布置好現場，於是沖左個涼，將對仔女用棉被包好放係上下格床，佢老公我就無理到由佢原本個死樣。阿鳳？我咁愛佢但佢想殺埋我，我咪將佢再斬多幾刀將個頭扯向天，等佢知道咩係反骨既下場囉。」
「我都知無可能走得甩，但睇到段新聞以為你地真係咁蠢中左我圈套...」
最終，黎新來被判謀殺鄭炳和及其兩子女合共三項謀殺罪及一項誤殺女死者李鳳嗚罪名成立，依例判處死判，再獲特赦改為判處終身監禁。
而葵涌警察宿舍既居民案發後舉行法事，超度被害警員一家四口亡魂，佢地係另一個程度上亦再次一家團聚...
俗語話：「好仔唔當差」，做警察係以前已經比人一種唔係好「正當」職業既感覺，因為佢地每日都會遇上千奇百怪既人和事，招惹到唔同事非，然而呢次案件主角之一既警員鄭炳和，竟然係因為枕邊人出軌以致招來殺身之禍...
一家四口慘被殘忍滅門
１９８７年４月７號早上，鄭炳和上司發現佢係經過兩日休假之後無按更表當值，打電話去屋企亦都無人接聽，於是就派員前往葵涌警察宿舍上門調查。伙記無耐到達現場，發現單位鐵閘深鎖木門半掩，係縫間見到有人仰臥床邊而且雙腳垂地，佢地都覺得好唔尋常，就立即同上級報告要求增援。
係再三拍門無人回應之後，眾人最後決定撬開鐵閘破門入屋，眼前既景象可以話令到佢地畢生難忘—仰臥床邊既男子就係鄭炳和，佢著住白波衫短褲，頭部被白布覆蓋，身上纏有電線以及被電殛過的痕迹；係側面既一張碌架床，上下格分別陳屍佢一對年幼子女梓杰同埋婉雯；至於佢老婆就卧屍廚房地板，頭顱被斬至只剩皮肉相連，以１８０度扭轉既姿態臉孔朝天。警方係現場搵唔到任何兇器，但係男死者屍體邊發現一張字條，寫住「大耳窿殺死鄭炳和一家」，而筆跡亦不屬於受害人。
因財奪命疑雲
原來當時鄭炳和已經當左十幾年差，曾駐守機動部隊及擔任便衣警員，而佢正正就係查案期間識到當時係舞廳工作既妻子李鳳鳴，係結婚之後佢老婆亦都轉工改做車衣工人。據聞鄭炳和本身都幾爛賭，佢一得閒就「過大海」博殺，周不時被大耳窿追債，更因為咁而主動要求由軍裝轉去做內勤既廚房工作，以逃避耳目。但後來警方發現鄭炳和當時銀行戶口仲有成萬幾蚊積蓄，較早前仲夾埋同袍買馬羸左幾千蚊，當時亦已經無被債主上門追數，案情亦隨即陷入膠著。
好在，警方係鍥而不捨逐家逐戶訪問後，得悉事發前鄰居已經不時聽到鄭李夫婦既爭吵聲，內容大致都係同感情問題相關，佢地之間疑似有第三者介入—原來李鳳鳴因為老公爛賭比得少家用，經常爭執感情生別，所以就離家出走重操故業係舞廳工作，期間佢認識到年僅２５歲既男大班黎新來，好快就迅速發展打得火熱成為男女朋友。
欲擒故縱計中計
警方推斷黎新來就係呢單案件關鍵，於是就派員四出尋找線素，雖然專案組經法庭申請搜查令後搵到唔少重要證物，但係據黎新來表兄所講，佢係案後無耐就以拜山為由返左鄉下不知所蹤。有鑑於當時正值香港前途談判，中港關係敏感，警方難以要求大陸公安一員協助，於是就略施小計發布新聞會稱已經破案拘捕五名相關男女。
果然，收到風聲既黎新來係個零星期之後，係４月１８號晏晝經羅湖海關返港，佢隨即被入境事務署職員扣留再交由警方帶返葵涌警署接受調查。當探員一入房，黎新來就先強調自己返大陸只係為左拜山，雖然承認同李鳳鳴紅杏出牆，但對於佢同老公既關係一無所知，自己亦係從電視上得悉鄭李夫婦一家被殺害消息。警方深知呢個時候既黎新來守口如瓶，絕唔會輕易講出任何同案件相關既資料，亦都因為暫時無證據證明佢殺害鄭李一家，好快就無條件將其釋放，繼續實行部署。
係黎新來安然回到家中之後，警方派女探員假扮記者登門采訪，唔單止係閒談間套出黎新來與李鳳鳴既密切關係，仲拎借黎新來喜愛舞文弄墨既嗜好，獲得一副經有佢親跡既硬筆字晝，經筆跡專家鑑定字跡與現場搵到既字條吻合；另一方面，專案組係會見同於舞廳工作與黎新來工作既同事後，得知佢係案後係因為大腿受刀傷請病假數天，佢更係一次酒會透露「葵涌個死差佬係我隊既，鬼叫佢咁鬼招積！」，進一步鎖定黎新來就係兇手。
枕邊人竟是同謀
當警方掌握到充分證據後就再一次拘捕黎新來，佢見已經無得再抵賴就將滅門過程和盤托出：
「佢老公其實一早知我地有路但就隻眼開隻眼閉，唔肯同阿鳳離婚。」
「張紙條的確係我寫既，我地諗住布局扮係有大耳窿黎追數不成動殺機。果晚我地趁佢老公帶埋仔女出去玩，我就布置好電床再匿埋係露台，一等佢返黎之後就電暈佢。」
「當我落刀斬死佢之後，突然聽到有把男仔聲叫左下阿媽，我以為佢見到我行兇，就入房一刀插死左大仔梓杰。」
「阿鳳呢個時候已經嚇到呆左剩係係咁話唔好，我就索性一不做二不休搞掂埋個女婉雯。阿鳳突然轉身衝入廚房，跟住就拎刀一野插左落我大骴，我咪還手亂刀再插死埋佢。」
「當我清醒過後知道要布置好現場，於是沖左個涼，將對仔女用棉被包好放係上下格床，佢老公我就無理到由佢原本個死樣。阿鳳？我咁愛佢但佢想殺埋我，我咪將佢再斬多幾刀將個頭扯向天，等佢知道咩係反骨既下場囉。」
「我都知無可能走得甩，但睇到段新聞以為你地真係咁蠢中左我圈套...」
最終，黎新來被判謀殺鄭炳和及其兩子女合共三項謀殺罪及一項誤殺女死者李鳳嗚罪名成立，依例判處死判，再獲特赦改為判處終身監禁。
而葵涌警察宿舍既居民案發後舉行法事，超度被害警員一家四口亡魂，佢地係另一個程度上亦再次一家團聚...
回應左訴求 出返兩篇文
如果大家仲有睇既不妨留言支持下我
之後有時間會keep住繼續打
如果大家仲有睇既不妨留言支持下我
之後有時間會keep住繼續打
好多錯別字
將就下 有時眼訓打太快又懶無double check
下次留意返
下次留意返
我睇過有版本話成屋都係腐屍味
但寫落去唔太make sense
因為鄰居應該聞到
血就唔sure係咪呢單
因為suppose應該乾哂
但寫落去唔太make sense
因為鄰居應該聞到
血就唔sure係咪呢單
因為suppose應該乾哂
樓主已經四日冇更新
樓主我要安安幼稚園
無問題 呢幾日寫下
一星期出到一篇已經好難
希望keep到係低產量高質唔hea寫
希望keep到係低產量高質唔hea寫
啲圖畫得幾靚
係知乎搵 唔知佢又係點得黎
樓豬消失左
Live啦
LM