[真人真事] 重寫以前香港發生過冷門既命案奇案 (2)

陽關道都有講過呢單案

浪茄腐屍與三億毒品案 (上)

係正式講呢兩件案之前，可以先同大家講明，其實兩件事係無直接關系，不過奇妙之處就係腐屍案既死者因為死法特徽，一度被懷疑係毒品案失蹤主角既屍首，雖然後來證實左唔係同一個人，佢地既身分去向都依然係繼續不明不白...

鐵鏈腐屍

係２０１０年５月１６日接近中午時分，有一班行山人士係人跡罕至既浪茄仔某處斜坡山澗聞到陣陣惡臭，向密林方向行近，竟然發現一具已經嚴重腐爛既男屍，佢地大驚即刻報警求助。警方、消防員、飛行服務隊一行十幾人，花費超過兩小時先至到達現場，可見其所在偏僻之處。

死者身上無任何身分證明文件，佢上身著住兩件分別米色、棕色既長袖T恤以長袖藍色外套；下身就則係一條深色運動褲，詭異地方係雙手雙腳都被鐵鏈綑綁鎖住，出自同一款叫「圣吉」簡體字既鎖扣；係褲袋有少量面額人民幣。因為屍體已經腐爛化骨，得返心口同左腳有些少肉塊，所以只能推斷死者已死去超過至少三個月而且身上骨頭完整非高處墮下致死，係身高約１米６、年齡介乎２０至４０歲既亞裔男性。

警方花費左大量時間係現場搜證，除左係附近搵到有非法入境者既生活行跡，就搵唔到任何同案件有關既證據；翻查失踪人口及牙科紀錄後亦都搵唔到相符資料。綜合所得，警方判斷因為發現屍體位置地勢險要，死者唔係被殺後棄屍至此；亦因現場路途遙遠，佢被誘騙謀害或者被山賊搶劫殺人既機會亦都唔大，估計行兇者係早有預謀準備鐵鏈鎖頭加以殺害。

雖然事件至今已經超過十年都係無法證實死者身分，值得一提既係當年警方一度因為死者被「黑社會家法」式殺害懷疑佢係三億毒品案既主角「荷蘭仔」張馬奇，時間返返去一個月前...

一去不返的丈夫

２０１０年４月２２日深夜，警方收到一個女人報案話佢丈夫張馬奇係離開荃灣屋企、去粉嶺大埔田村某處收數之前，留低左相關地址姓名講低十點前無返屋企就要報警，結果等到半夜打左好幾次電話都無佢消息。

一般黎講，警方對呢類短時間失蹤案都唔會太重視，但因為呢次事主好似「預言」左自己失蹤咁好有可疑，所以警方係當日早上即刻派人去大埔田村搵人，發現張馬奇留低既地址係一幢三層高村屋並且係村長彭月雲住所。雖然彭月雲矢口否認見過張馬奇，但係呢條以丁屋為主既小村落就有唔少村民都表示見過疑似蓄平頭、身材肥矮身影，警方為安全起見都係以誤導警務人員罪拉左村長返去協助調查。

原本以為只係一宗普通既失蹤尋人案，無人估到之後發生既事竟然引申出咁大波折。

係進一步翻查電腦紀錄後，警方發現張馬奇係一個涉及多宗跨國販毒案，為毒品調查科重點追查對象既大毒梟。張馬奇出生於英籍時期香港，家中排行第三，係七歲既時候跟隨父母移民荷蘭，佢自細已經唔中意讀書，成日遊手好閒同蠱惑仔群埋一齊，仲試過因為參加毒品派對被捕坐左年幾監。係出獄之後，張馬奇唔單止無改過自新，什至仲更加積極參與同毒品有關活動，係經常來往香港與荷蘭之際亦變得愈黎愈有米。警方判斷事件唔係單純失蹤咁簡單，而係好大程度上涉及毒品活動，因此連忙申請搜查令重新返到去粉嶺大埔田村現場。

突發出文

要找返數

寫埋上面毒品失蹤案
就出另一篇恐怖情人案
呢篇應該真係無咩人聽過
年代久遠但極為兇殘

冇人知條腐屍點死？有冇可能活生生餓死

冇牙醫紀錄又有人民幣係褲袋，可能係合法/非法入境既大陸人

多謝樓主出文

我都諗緊係唔係餓死, 好慘......

我諗因為條屍已經腐爛到判斷唔到
只可以肯定佢唔係香港人
就算佢係大陸人
要憑牙齒配對返都有難度
大家都知大陸咁多黑店同埋邊興record

如果佢係餓死真係好大仇口
可能係用盡力氣去山澗飲水維生
但無奈個位辟到無人經過發現

唔洗多謝
之前就咁失蹤唔好意思
如果真係餓死
係想折磨佢多過單純殺害

新post留名

終於追晒1過到黎呢邊 樓主寫得幾好
香港近年除咗黑警做岀黎嗰啲
印象最深刻就係周凱亮弒親同虐殺女童臨臨案
好似近年都冇乜奇案咁 以前啲人係情緒管理比較差？
還是依家既香港人都太忙 冇時間去做呢啲野

之前陽光少年戴國恆離奇浮屍南丫島案件
呢單係近年最iconic 冇破解到既案

當然之後彥霖果幾單仲離奇但仆街黑狗

應該係浮屍長洲
呢單都想寫好耐 排下期先
奇案都唔係無既
係早幾年經濟好果時個個都掛住搵錢
到社運先有返離奇死亡事件
當然奇唔奇就睇大家點定斷
我覺得係仆街多過奇
根本好多線索都係有心隱滿

2015年的17歲應屆DSE考生戴國恆浮屍案亦哄動一時，當年6月7日，他到長洲宿營後離奇失蹤，至6月11日，有船隻在南丫島下尾灣發現戴的屍體在海面漂浮。雖然警員稱案件無可疑，但家屬認為國恆可能是被殺，因死者無學業感情煩惱，失蹤前社交賬戶訊息又離奇消失，而且屍體被發現時，揹着一個不屬於他的名牌背囊，內有沉重的石塊，但案件同樣不了了之。

我一開始都記得係長洲 但原來係南丫島下尾灣發現戴的屍體

Thanks 巴打更正
咁呢單好值得再研究下
都幾撲索迷離下

仲有後續既柚木巴事件

6月11日 : 發現浮屍
7月6日 :有巴打開帖討論案件
7月12日 :柚木留下了佢第一個留言
7月13日 :柚木提出了7月18日自己去長州考察的建議
7月15日 :柚木沒有再在post中留言
7月17日 :柚木貼出bam圖，改名為自爆退出高登
7月17日之後:柚木自此沒再出現於高登

之後有人話佢性情大變

柚木呢單好想知多啲

https://hk.appledaily.com/lifestyle/20210322/CTLKCKJP6VHDHDOIIET72HNE7Q/

今日睇到呢單....

第一次聽好兇殘

今晚有文補埋下篇

期待

留名跟進

希望今個禮拜有

建議樓主可以打定幾篇文先出預告一係就直情唔好比預告
btw 希望煩你既事快d消失