[真人真事] 重寫以前香港發生過冷門既命案奇案 (2)

樓主你又犯同一個錯

仲執緊好快有

真係唔好時間
呃埋自己

原來開左2
一口氣追曬

樓主正仆街

再信樓主我正契弟

樓主跌咗左時間裂縫未出得返黎

推一下等文

LM

Lm

一個禮拜

浪茄腐屍與三億毒品案 (下)

天台的「磚塊」

係警方重返現場之後，竟然係村長既天台搵到一磚磚，總共有二十六箱、重達三百七十二公斤既可卡因，懷疑係有人覺得「最危險既地方就係最安全」、以為警察黎左次之後就唔會再搜過，選擇將毒品運返去。警方當場拘捕六名男女，包括村長彭月雲、佢老鼠、細妹、細佬，弟婦，以及案發前曾到訪村屋既一名男子，全部被控一項販毒罪，據講有人係警誡下承認係為左接近二百萬港幣酬勞，先至冒險將毒品寄存在此。

雖然警方係偶然之下破左呢單毒品大案，但係張馬奇去向依然成謎，警方懷疑佢一早就因為「講唔掂數」而被殺客，所以探員繼續係大埔田村作地氈式搜索，包括附近草叢甚至係化糞池，希望搵到佢既蹤影。

或者應該咁講—「出得黎行預左要還」，張馬奇早係呢件村屋毒品案之前已經僥倖逃過一死。話說當時毒販慣性收到可卡因之後會先批發比拆家，然後各自加工稀釋成「可樂」，先至再係唔同地方售賣，咁樣可以將原本利潤提升三成。不過拆家為左節省成本，係提煉「可樂」時會用價錢平既劣質可卡因代替煉製，由於係火燒時會產生濃烈臭膠味，所以無論係吸毒者定係買家都唔會「貪平」而買。據講張馬奇係較早前就試過因為咁做，被同行荷蘭買家發現大興問罪之師要求換貨不果什至下達江湖追殺令，張馬奇嚇到唔敢上水只派手下去判刑，最後因為買家被警方釘上著草，事件先不了了之。因此警方唔排除有人故技重施，落得慘死下場。

「我相信被捕者之中，有人知道張馬奇下落，但他們堅持緘默，警方也很無奈。」有個警方高層就咁透露過，話已經擴大調查範圍，追查村長一家人如埋張馬奇所有通訊紀錄，以及他們曾接觸的可疑人物等，「總之有拉錯、無放過，直至證實張馬奇是生是死為止。」

可惜既係案發已經超過十年，張馬奇無論係生係死仲係無人知曉，雖然當時一度懷疑過浪茄腐屍係佢，但最後兩條人命既死亡失蹤真相都係石沉大海...

今晚仲有另一篇出
唔好意思咁多位

留名瞓醒睇

信唔信好

唔信

唔信

唔信你
可唔可以令我睇錯你！

屯門梯間少女燒屍案 (上)

雖然引言經常會寫到「如果有日遇到某種情況，大家當時會點做或者係有咩反應」之類既情景，但黎緊講呢單屍體發現案只有比想像中更加震撼既情節出現，女死者係一名只有十幾歲既青春少艾。

樓梯驚魂

係１９９９年１月２９日又一個工作天既早上，住係屯門兆禧苑安禧閣廿樓訓過龍起身既劉先生，因為趕番工而唔搭電梯改行樓梯跑落樓，一打開防煙門行唔夠幾步，竟然係樓層之間見一具上半身燒焦、口塞白布、被棉被包裹既女性人形屍體，劉先生嚇到雞手鴨腳咁連跑帶滾返屋企報警。

法醫到場後初步發現屍體除左頸部以上已燒死炭化，左手有割傷痕跡、身上亦有各處被毆打痕跡，雖然已經出現屍斑但身體仍未僵硬，綜合推斷死者係凌晨５點左右先被痛打致死然後再移至此地燒屍。鑑證科透過警犬追查到廿二樓，係牆上搵到到一個肉眼睇唔到既血手印、係地下則有一堆女性頭髮以及一粒鐵製衫鈕、又係升降機大堂外發現十幾枝同一個牌子既煙蒂，相信全部都係同案件有關。

警方唔夠怠慢隨即派出大批警力由頂樓開始由上而下逐家逐戶進行問卷調查，希望搵到更多線索；係重點調查既廿二樓，有戶住客表示係清晨時分被一對男女爭吵聲嘈醒：
「４點幾果時聽到後樓梯有對男女係到嘈，男既叫阿文、女既叫阿瑜。」
「個男既好激動要生要死咁，嘈左大約十分鐘就無左聲氣。」
「以為剩係普通情侶耍下花槍所以就無理訓返。」

警方確認女死者正正就係廿二樓居住，只有十三歲既女童林佩瑜。阿瑜早年父母離婚，細細個就跟爸爸同做小巴司機既叔叔一齊住，叔叔形容阿瑜打扮新潮、經常周圍「蒲」認識各種不良少年，佢亦都係案發前聽聞過阿瑜被個男仔苦苦痴纏，所以鄰居聽到既死前爭執好大機會係由感情糾紛導致。果然係檢驗左係廿二樓升降機大堂既煙蒂後，發現指模者、阿瑜前男友張家文既犯案嫌疑最大。

「姣婆遇上脂粉客」的悲劇

張家文，人稱「阿文」，報稱擔任運輸工人另有黑社會背景，係案發當年只得十七歲。據講阿文年紀輕輕但因為把口識講野同俊俏外表，所以都結交過唔少女朋友。

自問情聖既阿文，一次係荃灣小巴站頭收保護費時遇見剛係屯門搭至、準備返時裝店兼職既阿瑜。阿文係對阿瑜一見鐘情，對佢隨即猛烈攻勢，除左管接管送又送左部傳呼機比佢方便聯絡，當時既阿瑜同初戀男友分左手無耐正值空檔期，佢好快就接受左阿文既愛意。

係正式一齊之後，阿文雖然係獨處間有過幾次同阿瑜發生性行為機會都一手放過；係阿瑜十三歲生日時，又同佢一齊去開左個聯名戶口，除左將自己幾萬蚊積蓄放哂係入面，又每月將部分人工存入，目的就係想儲老婆本等阿瑜１６歲時結婚所用。

阿文對阿瑜痴心一片，可惜既係古語有云「自古多情空餘恨」—當對另一半期望愈大，失望自然都愈大、係阿瑜初戀男友重新出現無耐，佢毫不猶豫咁選擇拋棄阿文...

聽日放假 邊睇波邊打文
好開心令到大家跌眼鏡
下篇繼續寫緊 如果寫得切就出埋
唔係就夜晚都有

年份打錯左 係1991年

屯門梯間少女燒屍案 (中)

恐怖情人

前面提到，阿文送左個傳呼機比阿瑜方便聯絡，實際上係用黎監察佢既工具—阿文自從將阿瑜追到手後就妒忌心日重，每當發現阿瑜同陌生男仔講野，就會醋意大發加以干涉，而且每次行為都愈加激烈。

有一次，阿瑜因為工作原因唔記得覆機，夜晚收工既時候竟然見到阿文就係店鋪後街等緊佢。未等阿瑜開口講野，阿文就一下子扼住佢條頸質問：「我同你講過幾忙都要覆機，點解你就係唔覆？」阿瑜當然無機會回應，佢驚慌到本能咁雙手周圍亂抓。

「喂停手！」一把洪亮既聲音「救」左阿瑜一命，原來係反罪惡巡邏警員咁岩經過目睹事件，「雙手擺頭趴係牆！」，一把女聲又問，「小姐你無事呀嘛？」

「咳...我無事呀。」頸上散布紅色握痕既阿瑜強作振定沙啞咁回應。

一個老差骨見到咁睇唔過眼，不禁質問阿文：「死飛仔，想殺人呀你？」

「阿蛇，佢係我條女，我同佢玩下姐嘛，洗咩咁緊張呀！」阿文語帶輕挑咁回應。

「仆街仲駁嘴？」，之後就係一記耳光打係阿文面上，「如果我地黎遲一步，個靚妹無命喇！」

被「教訓」既阿文依然不禁示弱，眼見圍觀既人有相熟不良分子，即刻大叫：「差佬打人呀！過黎幫拖呀！」，本來食花生既人群見到坐係地下透大氣既阿瑜狀痛苦，誤以為真有其事隨即起哄。

為左安全起見，警員叫黎增援將阿文帶返差館調查、再送阿瑜入院檢查，由於醫生發現佢喉骨有裂痕，差少少就有生命危險，所以依嚴重程度落案起訴阿文傷人罪名。

致命慌言

係提堂時，阿文律師以阿文年紀尚輕同埋曾被警員毆打為由，申請保釋候查，雖然主控方以佢有暴力前科擔心會再傷害事主阿瑜為由反對，但法官都係批准保釋條件，間接埋下日後阿瑜被殺既導火線。

話說阿文一係差館出返黎，就無視騷擾證人禁令，第一時間傳呼阿瑜要求出黎見面。

「阿瑜，你要幫我啊，班狗擺到係要做鳩我！」
「我真係好愛你架，為左你我可以咩都唔要！」
「我果下咁做純粹係太緊張左你，以為你出左咩事先無覆到我！」

阿文講到七情上面，心軟既阿瑜感動到流眼淚，一下子就忘記哂果段瀕死經歷：「好啦，我原諒你啦，我要點做先幫到你啊？」

「你只要到時再上庭果時咁講...」阿文攬住阿瑜係佢耳邊輕輕細語。

「其實我地果日真係玩下架咋，估唔到警察見到想借機屈阿文！」阿瑜振振有詞咁講。

未等當時案發在場既警員回過神來，阿文既律師又加把口：「我當事人根本無做過控方口中所講既事，一切都只係誤會！」

由於阿瑜突然反口，律政司休庭研究後，法官最終決定撒銷對阿文既指控，當庭釋放左佢。

當然阿文係呢件事之後都係得唔到教訓，佢既偏激行為更加係變本加厲。

樓主終於上水

屯門梯間少女燒屍案 (下)

難忘的「他」

阿文以為佢同阿瑜係果件「命案」之後，大家既愛又提升到另一層次，殊不知自己原來係阿瑜心目中地位完全比唔上佢...

偶然之下，阿瑜係街邊重遇初戀情人，一瞬間愛火亦都重燃。

「喂，想問七二一覆左機未啊？」一把男聲好煩燥咁問。「先生，七二一未覆呀，我轉頭再幫你追追佢呀。」呢個已經係一個鐘頭入面第唔知幾十個傳呼。被傳呼者阿瑜「老毛病」顯然又發作，佢一朝早就熄左部傳呼機；係晏晝又同老細話唔舒服請假返屋企休息，但完全無同阿文交代。

一向疑心重既阿文不得要領，唔單止夜晚去左阿瑜係荃灣間鋪、又飛奔阿瑜係兆禧苑安禧閣住所，目的就係為左搵個「答案」。

阿瑜既叔叔見阿文一副痴心長情劍既可憐樣，唯有講出真相：「阿瑜晏晝請假返黎換完衫就出左去啊！我而家要開夜，你走啦唔好等佢喇！」

「哦，麻煩哂你呀...」阿文一面死灰轉身走向後樓梯獨坐，腦海一方面浮現昔日同阿瑜相處既開心日子，一方面又怒意大發，係到盤算要點樣「對付」呢個令佢如此痛心既女子！

死神降臨

係一月二十九日凌晨２點零，岩岩同初戀情人重聚既阿瑜春風得意咁返到廿二樓，阿文就係電梯口怒見雙瞪，「阿瑜，我終於等到你喇！」說罷一手將佢扯到後樓梯間。

「好痛呀，放手呀你！」阿瑜苦苦爭扎。

「做咩你又唔覆我呀？係咪唔記得之前應成過我咩啊？」阿文招牌式質問。

「我鐘意覆咪覆；唔中意咪唔覆囉！」
「你成日都煩住我做咩喎？我同你一齊都有我私人空間架！」

阿文眼濕濕咁回應：「我...我都係緊張你姐...你全日都無覆...我擔心架嘛...」

「你緊張我還緊張我，但次次都係咁我真係頂唔順啦！」
「留係你身邊好恐怖呀，唔知你幾時又會發癲好似上次咁。」
「部機我俾返你，以後都唔好再搵我啦！」

阿瑜說罷係手袋拎出部機交還，又想轉身離去。

「你今晚係咪同第個男人出左去？」阿文不甘示弱繼續捉住阿瑜。

「放手呀你，你再唔放我就大叫架啦！」

「你坦白同我講係咪？我對你咁好，定係你係同朋友出去咋？」

然而阿瑜卻係火上加油：「唔係呀唔係呀，我係同我初戀出去不突止仲扑埋野，你滿意未呀？」

阿文聽罷怒火中燒，完全失去理志，一手將阿瑜頭部撞向牆，阿瑜隨即暈低四肢無力軟坐地上。

「你呢個姣精！枉我將所有心血放哂係你身上，你...你竟然派帽！？」
「我諗住等你１６歲就去結婚，咁耐以黎有機會都唔同你做！你就咁比左佢？」

未等阿瑜醒返作出最後解釋，阿文就重施故技扼實佢條頸又往向下層拖，阿瑜臉色慢慢由紅變青，最後變紫而且完全失去知覺。

「死姣精，恃住自己樣靚去勾佬呀拿？」阿文一邊拳打腳踢一邊拎出火機，「好，我就燒熔你，等你無得再靠樣姣仔！」佢就地取材將其他人棄置既棉被包實阿瑜下半身，將當初阿瑜送贈既白色頸巾塞係佢口，然後「躂」一聲，阿瑜頓成火人。

又一等候英女皇發落

阿文係案發後早上依舊有番公司等開工，直到中午係收音機聽到新聞話阿瑜屍體被發現，先至「後知後覺」投靠老死收留。係匿埋差唔多兩個月時，阿文明白無可能就咁避一世，佢接受現實係聯絡父母後同一名時任荃灣區議員去警署自首。

１９９２年８月１１日，五男二女組成既陪審團退庭商議後一裁定阿文謀殺罪名成立，但由於案發時未成年，按察司貝禮依例將其還押懲教署看管，等候英女皇發落。

1９９３年２月１９日，阿文不服上訴指原審大法官引導陪審團有錯誤令自己受不公平審訊，然而上訴庭反駁指控不成立，認為原審大法官總結，整體上理性公平分析、定罪亦無不妥。
１９９８年，首任特首董建華代替英女皇發落，裁定此案最低刑期為十八年，不過後來此舉被裁定違憲，制定刑期需交還法庭處理。

２００５年，阿文因為獄中良好表現以及案件涉及感情因素—
「此案牽涉感情因素，嚴重性比黑幫仇殺低，刑期應比法官較早前判處的仇殺案短。」
「懲教署對張家文評價正面，表現達甲級水平，他於獄中重拾課本，會考中英數及格，會計一科更取得優良成績。」
阿文被裁定確實刑期為二十八年。

同年，阿文又以刑期過重提出上訴，要求上訴庭覆核刑期—
「張家文犯案時年僅十七歲的，現年三十歲在石壁監獄服刑逾十二年，是未滿十八歲的少年犯。」
「張家文在判監前已接受感化令，原審法官量刑時未有一併考慮判刑對張家文存在不公，因此要求將刑期降低。」

最後，阿文總刑期由二十八年減至二十四年，係２００９年刑滿出獄。

一對年輕愛侶始終都係同床異夢走向不歸既異路結局...