[多圖慎入] 機械人產品綜合討論區 拾貳 謝絕老翻 歡迎互毒 一息尚存 誓撐到底

黃金手還可以，後面個電髪器紙鷂就真係…

係咪唔諗住出玩具
完全唔吸引重要咁樣衰

Superminipla開新line叫 smp

https://www.bandai.co.jp/candy/smp/

https://youtu.be/axAZ-NRGdfw

有逆轉王，OG，太陽勇者，創聖，Gunbuster

有啲似想抗衡其他廠喺冷門系列嘅挑戰，真係有競爭先有進步

不過又唔知賣幾錢，特別係個超造型gunbluster

隻Gunbuster真係唔太中我口味
太多detail位

佢就寫到明機戰OG,我應該都係魔裝機神嗰啲多

大贊卡 雷鳳

搵女人化妝嘅化妝掃(電鍍件要用軟身掃, 唔係嘅話電腦除塵掃都夠做), 掃下啲塵, 唔係一加濕氣痴左上去就大X鑊

DGG全餐

壽屋野等下就好

都冇留意到把劍咁多塵
仲有冇d保養知識教下小弟
前排先買櫃，display上有d咩要注意

電鍍件用雙星蠟水抹一次會減少吸塵同埋氧化。


櫃入面一定要放抽濕器, 除非冷氣24*365days咁開
唔好放香珠, 會極加速氧化變黃, 有味(例如PVC膠)間中開下櫃透下氣就得, 最好就用電嘅抽濕機乾風吹一吹先關門。

如果櫃門唔密封, 盡量加番啲膠邊封返, 唔係入塵就要定期掃塵。

同埋機械人就盡量唔好俾關節太大負擔, 例如之前講嘅大背包, 大翼, 好重嘅武器之類唔好上。帝皇呢種把劍頂地嘅就問題唔大。
真係要上嘅可以, 請吊魚絲(美觀啲), 或者用STAND頂一頂。

即時諗到嘅係咁多。

師兄對玩具實在太有愛，相比下我好似玩具終結者

個櫃門冇密封
暫時都有定期掃塵
如果間房長期開抽濕機，做唔做到防氧化効果

想問好耐，呢隻蠟水係咪用係普通白色件都可以無咁易變黃
金屬件就抗氧化
有啲就係癲到想幫每隻都揸下
但又無咁多時間同唔知係咪真係有用

我都係最多掃塵同放抽濕象入去就算
會變色呢啲點都會出現，始終香港都係潮濕，死症黎
反而擺得pose耐關節軟我係唔理都要照擺，你睇吓我隻2R兩隻手拎再同大脾做支撐就知
不過其實有新野番的話都會換display，都唔算勞役太耐既

終於再出og line 希望唔好魔改得太犀利 隻gunbuster真係誇左小小

我呢幾點, 第一點係之前有人教, 同埋 叔叔好堅挺係頭幾個VOLUME都有教
雙星蠟教學, 多謝會員 叔叔好堅挺
https://lih.kg/eckwtgX

其他都係自己爛左無數次又修理無數次痛苦經歷得嚟。
有啲真係無得救我都會放棄, 無辦法。

氧化防唔到, 只可以話唔加快佢
試過因為PVC啲女太臭, 放AEON LIVING PLAZA個隻大粒香珠
奶晒野, 側邊的R魂, 模型唔理咩底色(黑例外), 全部都加晒黃色

長開抽濕機除左係潮濕天氣令人體舒服啲
對玩具可以係傷害, 因為太乾啲膠都會容易裂

上面講嘅用電抽濕機都係用佢啲乾風吹十零分鐘就夠晒,
關返門等入面嘅吸濕器(例如吸濕大笨象)再搞。

白色膠我個人覺得作用應該唔算大, 接觸到氧氣就一定會變色同脆化
如果做到包晒件無隙應該有啲用, 但好難。

金屬, 電鍍件就只求表面, 光滑面會有用啲, 依家啲機械人全部裂甲, 我放棄左再搞。
但武器例如電鍍劍個啲, 我一係直接不可逆轉咁噴霧面水性消光(薄噴N次), 一係上蠟水, 再或者定期一個月左右用TEMPO抹一次。

我隻CMS GGGG臂關節咩都無攞, 都照樣入面爆, 可能我之前爆個堆玩具太耐歷史...

變色已睇開, 有時間先再整舊化算, 無就堆填區。

同意換POSE會減輕關節滑牙或者爆嘅危險。

雖然可能又係MADE IN CHI-NA嘅模型

但有得出好過無得出, 希望出多啲啦。

GUNBUSTER太誇, 接受唔到
同大陸個隻有版權嘅D BOY模型一樣接受唔到, 個人感覺