有冇試過係外國受當地人幫助?

唔排除個sales搵我哋過橋話帶路其實之媭走咗去𠳏煙吞pop 落地獄

雖然一般香港人覺得法國人成日會西口西面，但係其實如果你識少少法文嘅話成個世界會唔同晒

事緣小弟在法國exchange個陣，因為budget有限同埋想同個法國ex見多幾日所以買左聖誕節前一日最後一班(16:45)去巴黎嘅火車票再飛番香港過聖誕

去到個日晏晝係ex屋企食完最後的午餐之後，諗住預早啲搭早45分鐘嘅巴士去火車站(車程10分鐘)，點知去到巴士站等左15分鐘都未有車就覺得有啲奇怪原來聖誕前一日所有巴士線都已經因為假期而停晒，再望下隻錶離火車開車嘅時間得番唔夠半個鐘。一開Google Map睇下行路要幾遠，結果係......



個時完全唔知點算因為如果錯過咗呢班火車嘅話係要到新年之後先會再有，而租緊嘅宿舍都已經交左俾下個學生，有機會要在得幾度嘅天氣下瞓幾日街仲未反應到嘅我個時仲想拖住兩個喼加孭住個背囊跑去火車站，睇下趕唔趕得切班火車但係跑左20分鐘發現仲有一段好長嘅距離，無可能趕得切

正當我因為喪跑同埋擔心要瞓街嘅時候，一個法國婆婆揸住架藍色Renault停低用法文問我發生咩事我就攞左我張火車票出嚟係咁講”Je veux aller à la gare (我想去火車站)”，跟住佢就招手叫我拖埋個喼上車在佢好似拓海咁轉左幾個彎之後，啱啱在開車之前1分鐘上到火車

最後落法國婆婆架車之前諗緊送番啲咩俾佢，結果摷下個背囊搵到包李錦記生炒骨醬就送左俾佢

多咗一家朋友

教揸筷子？

我試過夜晚特登揸車入左ghetto去到gas station 買野飲 比個shop keeper 係咁屌 係Keep yelling at me “I’m serious you should fucking leave this town!! you should not be here!!!” 然後我上車走個陣 有個黑人過嚟上R煙仔 個gas station 職員即刻攞槍沖出嚟屌9佢 同佢講what’s your fucking problem!! Let them go!! 個刻我感受到個種怯 真係好L剌激
地點: Gary, Indiana

係格魯吉亞旅遊果時，咁岩果晚FA cup 決賽阿仙奴對車路士，我阿狗想睇，係條街問左班車狗，邊到有酒吧睇波，佢地指左間吧。話佢地陣間都係呢到睇

之後我返左Hostel，差唔多開波就去間吧，屌。。清一色車狗吧。。全場車狗就我一個阿狗，佢地仲叫我一齊坐，一齊同佢地食野飲啤酒，最後無收我錢，仲要場波最後阿仙奴贏左 我自己一個坐係到睇埋捧杯，佢地完場就散左水

試過係印度
佢啲閪車 係完全無指示係下一個乜站
只好睇時間同執生落車
咁點知我落車嗰個站之前有一個細站
我唔知道就跳咗落車
嗰陣㗎車係無停定
只係開得好慢咁俾人落
當佢加速返嗰陣
有個印度佬問我係咪去邊度邊度
話唔係依個站 下個站先啱
嗰陣㗎車開始愈嚟愈快
個印度仔就伸手出嚟叫我上返車
咁我就有啲驚險咁助跑跳上車 佢再拉住我
印度壞人好多 好人都好多

中東佬可能有錢過你

師兄你做咩特登揸車入去玩命

Google完知點解個staff屌你

原來佢為你好

你去個abandoned town玩命

真係遇過好多好人

响突尼西亞嘅medina向個婆婆問路
佢唔識講示意跟佢行
行行吓佢到自己屋企
佢嗌另一個路人帶路
另一個路人就接力帶到去目的地
之前去過摩洛哥真係怕撚咗問路
但係去到突尼西亞啲人好到你唔信
有時行過人地屋企準備開飯
啲姨姨會問你食飯未一齊食

另外試過去墨西哥M到整到條牛仔褲有血跡
雖然手洗過仲係有啲跡
繼續行唔理, 入便利店買水
然後有個凶狠樣墨西哥媽媽staff嗌我
好細聲不停用西班牙文同我講一個字
附近有個男職員好似想聽我哋講咩
媽媽職員示意佢行開
然後我又聽唔明
佢用google translate打個字解「血」
又指我條褲
佢想提我條褲污糟咗, 好窩心

有試過响愛沙尼亞去完一個拘留所
出返嚟搵唔到的士
拘留所離Tallinn好遠, 要返去就要搭的士
企圖一路行一路搵的士
直到根本蕩失埋路, 又荒蕪
後尾見附近有間好似汽車維修
問個職員可唔可以幫我搵架的士
佢後來直接車我去附近市中心
好多的士停响度嘅地方睇住我上的士先走

仲有試過去土耳其想搭電車
拎住個大喼戇鳩鳩唔睇方向就比錢入閘
入咗閘就發覺錯方向
出返去再入過又要再比錢
然後有個後生仔發現我好苦惱
佢直接一手抽起個喼行落路軌過對面月台
我就跟住佢行落路軌
呢個真係好搞笑

同老婆去俄羅斯, 轉地鐵去酒店時因為個站好多樓梯老婆又唔多夠力拎個o急上去時次次都有男人主動幫手, 有老有後生不過全部都好很cool

去高雄book咗間對正捷運出口嘅青旅
一出捷運站就見到間青旅同有防空警報聲但我無為意

間青旅職員見到我就叫我快啲入去，原來係防空演習唔可以係條街到，其間佢不斷叫街外人入嚟坐下先，當中有同我一樣啱啱係捷運站唔知發生咩事嘅香港人

調返轉香港商戶應該唔會睬你，由得你俾班狗捉，點會叫街人入嚟坐下先

法羅群島
咩住個10kg backpack 但book個間hostel係山上面
係到睇地圖個陣有個女人行埋黎 問我去邊，原來係的士司機，佢話要搭巴士先上到山，話可以車我去車站，唔收錢
但最後佢直接車我上hostel，話唔忍心見我落緊雨都要行咁遠路，又提醒我碼頭個locker係壞嘅唔好用,要擺行李可以去差館
其他國家我一定唔會上車，但呢個國家由我上機到走個日 都有好多人一直真心幫手又friendly真係全世界最友善國家

我係大阪都試過
問完個地鐵staff話冇𨋢，係到諗點搬返上去個陣
佢衝出黎一手拎住2個好重嘅行李 勁快咁衝上去
條樓梯仲要係長嘅
多謝叔叔

自己渣車去玩都有試過俾人搭自己順風車
之後第二日車埋佢哋去玩

不過唔係所有人都會感激你
試過車完人之後交換Facebook又剩
隔咗幾日俾人刪咗又Block埋

聽太多人講過嗰度有幾亂 愈講就愈想去
就好似人哋嚟香港我都會一定要叫朋友去廟街/ssp感受下the other side of HK

去完之後個個人都diu9me
我當時好想感受下8miles/ 罪惡都市個啲scene睇戲就睇得多啫 點都要親身感受下 我當時係chicago 讀書都係因為咁既原因 個種dark side 既吸引力不能用筆墨嚟形容 又要好L驚又怕死但又好想知啲傳奇既出身地方 Michael Jackson from Gary/ Al Capone in Chicago等等 比起去Beverly hill/ time square 啲旅遊勝地 我選擇前者

點解係諗瞓街
唔係返Ex度住？

睇完都覺得好正 好奇個邊拘留所有咩咁吸引