有冇試過係外國受當地人幫助?

感謝分享，幾感人

冇辦法，
鬼叫我哋生活喺香港，
誡心一定有。
好似上面啲巴打，
每個case都好危險，
老實講，啲騙案都係呢啲環境下發生。

我都試過成日俾人呃，
始終係遊客，
所以永遠都有誡心。

歐遊到croatia肚屙 但繼續行程 成個人勁攰

係景點買完飛之後 行左一陣有個local拍停我

佢唔太識英文 係咁指住我個袋 我心諗係咪想借錢

根住搖住頭走 佢拉停我 根住話check check check又指我個袋

最後發現原來我買完飛漏左個銀包係counter 入面有成千歐 全部卡都係哂到

最後請左佢個仔食雪糕

沖繩係市區自駕係單程路果隻小路炒左落條燈柱咁岩隔離舖頭有位女士識普通話（流利但用字都係怪，明顯唔係中國人），衝出黎幫我地報警兼等警察黎到幫手做翻譯

浮羅交怡住hostel，個屋主係黑人女士係美國搬過黎，間野位置都僻僻地，第一次搭的士返黎搵唔到路，之後佢都車我地出出入入

好人好事係 東歐 日本 東南亞遇到好多
講啲反例子
係西歐既話一定要小心

係德國法蘭克福迷路 有個唔覺得係德國人既人幫我帶下路 仲講埋去下邊度邊度啦好正架 講左五分鐘
講完後 問我領錢買包煙

係意大利佛羅倫斯 比人撞跌野 有人幫執好friendly
其實隻手試緊扒我銀包 好彩好prepare鎖住左

好既

係日本京都啲山卡啦影完夜楓
仆街電話同屎袋都無電
無GPS 無街燈 完全一片黑又靜
行左廿分鐘都走唔出
搵到位日本人哥哥問路
佢帶埋我去車站先走

係東歐羅馬尼亞走左上山玩航拍
有一家local都有玩
吹左幾句後佢車埋我落山請埋我食飯


講多次 係西歐有人幫你 記住提防佢
搵食啲人勁過魔術師

日本高山市，揸車跟Google maps 去間鋪頭買嘢，去到原來已經變咗賣第啲嘢。 呢間鋪頭個售貨員話個新地址我知，但我唔明，Google maps又無， 於是佢去我部車幫我program個GPS。

未有歐羅流通時，Budapest坐水翼船去Vienna，上岸要轉地鐵，去到車站無人賣飛，附近荒蕪一片，我只有大額紙幣，用唔到售票機，於是企喺度問人換，當時只有人出，無人入站，個個趕時間翻工，無人有得換，最後有個後生仔就咁送啲散銀我，夠買飛。

其實真係好危險
上面D跟人走既分分鐘比人溶左都冇人知
如果比著我都唔知信唔信佢好

十幾年前日本坐火車漏左相機
佢地搵英文女警同職員幫我地追台去架車渡，搵返個相機

有，有一次拎住好多行李係加拿大搭車返緊屋企，之後有個外國人問我知唔知道自己去邊度，佢話我個樣睇落好徬徨
雖然佢無幫到我，但係覺得好窩心

有次喺Edinburgh夜晚黑蕩失咗路唔知點去嗰間B&B 有個男人出嚟倒垃圾嘅時候走嚟幫我搵路, 點知佢自己都唔識佢着住拖鞋跑返屋企問佢老婆再跑番出嚟講俾我聽

之前試過係意南sorrento酒吧睇完波
冇車返hostel
酒吧staff車我返去

另外試過係西西里agrigento個景點miss左巴士返火車站
有個帶團嘅導遊揸車車埋我落火車站

日本人好多都習慣身邊有野食有水飲
可能驚隨時地震搞到無野食

推住勁重行李喺倫敦出地鐵站 點知個站冇lift得樓梯
問咗個鬼妹冇lift之後佢幫埋手一齊的上樓梯
到走嗰陣轉車有排行 又有個阿叔主動埋嚟幫手推行李

喺韓國上落樓梯幾乎冇自己抬過喼
啲阿竹絲會衝過黎幫我地抬搞掂完就極速走人
唔知係咪一定受過軍訓所以個個都好鬼man
阿竹絲沙冷嘿唷

反而係我幫當地人
係澳洲撘巴士搬婆婆搬喼上落

好正能量！

年少輕狂

agger
一人在外係要有自我保護嘅心態

唔一定係香港，就算係西歐都要小心，根本係遊客就要小心，有啲上人車嗰啲無被人溶真係好好彩

去得自由行就要prepare自己唔識路/電話無電帶定尿袋，幾肯定有好多呃人/呃錢甚至搶劫，呢度分享只係好嗰一部分 運氣唔好係咁先

加拿大
miss左班巴士 （通常好耐），因為16歲人仔一個人係外國事事不順，係條街喊左出黎。
之後有架車停低叫我上車，同我一齊追巴士。

係瑞士少女峰列車漏低左個背囊
返民宿同個host講，佢即刻幫我打電話去問
但當時話未搵到，可能要第二日先

咁第二朝個host一大早又幫我打去問，結果真係搵到
諗住係咪要搭火車上去拎，點知佢話已經叫左人帶落山，轉過頭佢仲自己揸車去幫我地拎返個袋，超級好人

最後一日因為我地要好早走，走個時佢仲幫我地pack好左每人一袋早餐同lunch俾我地搭車食