有冇試過係外國受當地人幫助?

點夠時間 check in, 安檢，出境？

18年9月自己去日本撞正北海道地震，喺札幌酒店凌晨3點訓訓下震鳩醒左，震完幾分鐘後就冇電冇網絡，間房冇冷氣焗到爆（間房窗口係開唔到嗰隻)咪喺酒店大堂呆坐到朝早等到有返電，好多客都走左出黎,個staff就不斷安撫客人話建築物好安全、唔會有事, 酒店又抬一箱箱水擺出黎比人任攞

點知到朝早仲繼續停電，冇電就連交通網絡都停埋，人在札幌唔知點算好，原本行程係搭火車落岩手浸溫泉，但乜交通都停哂，舖頭冇電唔開門想食野都冇得食，一條友喺札幌街頭鳩流流唔知點算好，原本打算去札幌站訓一晚，但諗諗下都係去新千歲機場摶下有冇飛機可以飛返本州(當時冇網絡唔知機場都閂埋)

當時除左的士外所有公共交通工具都停哂，同堆日本人一齊排隊搭的士去機場，排排下同個日本後生仔搭訕，佢話佢住函館，搭通宵巴黎札幌打算去新千歲機場搭飛機去印度旅行，傾傾下就一齊上的士去機場， 當中我用極有限既日文，佢用極有限既英文互相溝通，勉強明對方講緊乜

去到機場唔好話買機票，直頭terminal 都鎖住入唔到，唯有喺出面鳩等希望佢開返比人搭飛機走，等下等下，等左成2-3個鐘都唔開，個日本人就話咁等落去唔掂，試下行返出市區搵電話亭, 當時我心諗搵電話亭做乜鳩？不過唔理，話哂人地都係地頭蟲，跟住佢先
行行下行左成個鐘，徒步離開機場途中見到日本政府飛機同寫住災害派遺既軍隊既車，行到去南千歲站個日本人就上去車站借電話打，但無功而還，繼續行，行行就到千歲站.
千歲站出面有個公眾電話亭好多人排隊，個日本人叫我搵個地方坐低等，佢去排隊打電話

等既期間我鳩坐左喺車站外既地下，等嗰時開始掛住香港同屋企人，唔知幾時先返到香港，勁灰. 灰灰下有個日本女仔擺住成袋便利店野食（雖然冇電，但都有極少數便利店繼續開門做生意人手現金找續，如seciomart)過黎我度講”よかったら、どうぞ”比左粒kit kat朱古力我，我係咁講thank you, 呢粒kit kat朱古力係我成世人食過最好食既，之後個女仔就攞住袋野派入面既食物比睇落似流落街頭返唔到屋企既人, 真係人性光輝

啜完舊朱古力個日本仔都打完電話返黎、話打左電話叫屋企人楂車黎接佢，仲問我去唔去佢屋企過返晚，我當然跟佢走啦, 等佢屋企人黎時佢仲派食物個女仔比埋自己粒朱古力我食

等多個幾2個鐘佢屋企人楂車黎到，互相簡單打左個招呼就起程去個日本人父母屋企. 雖然個仔係住函館，但父母就住苫小牧既鄉下, 中途仲有去地區超市入貨，我都有落車睇，冇舖頭坐地起價，仲有本身自己間舖又漏水又震到就冧咁都喺舖出面擺檔賣食物

到笘小牧屋企都差唔多夜晚，我記得夜晚每人一個杯麵當晚餐，個亞爸仲同我分享唯一一枝喺雪櫃冰凍既啤酒，話飲埋呢枝就冇，好好品嘗下

食完飯就跟佢地成家去鄰居屋企攞雞蛋，冇錯，嗰度係有人養雞，可能佢地已經習慣地震冇電，好似冇乜野咁正常生活. 返到屋企就聽入乾電池既收音機，話新千歲機場又冧天花又漏水有排都開唔到，北海道新幹線因為停電開唔到、即係冇交通工具可以離開到北海道，一聽到呢個消息個人勁灰，連0光污染既天色都冇心機欣賞

第朝訓醒個亞爸就話不如試下搭船，因為佢話收音機講船仲正常航行到，於是全家人就楂車送我去笘小牧碼頭買船飛. 當船成為唯一正常運作到既交通工具時去到碼頭當然係買唔到即日走既船飛，只可以留電話候補位，留左電話就返屋企等消息. 點知返到屋企一陣船公司就打黎話下晏4點有位去秋田，即應承

之後喺佢屋企食埋lunch, 我記得係香蕉班戟，抖一陣佢地就再載我去碼頭，仲送埋我上船，臨上船前個亞媽仲驚我肚餓比左幾個飯團我，最後我都好平安返到本州既秋田再去東京搭飛機返香港

多謝你高橋先生一家人
祝你地一家人幸福快樂，好人一世平安

睇到眼濕濕

人性光輝

我試過入地鐵站拖住個喼
唔知做咩甩手人喼分開左
有個鬼妹幫我拎起佢遞俾我 我果下唔識俾咩反應
雖然我搬到個喼 但有人幫好感動

個時唔記得係荷蘭定捷克，水土不服日日個肚都搞下搞下，諗住去搭車點知突然又黎料好撚想爆，諗緊應該忍唔撚到番hotel，少少潔癖都要搵位爆架喇，好啦唯有洗女朋友去站頭坐下，自己夾到實一實咁快步去搵廁所。個時已經下午七點幾，四圍都冇咩人，好愉快咁忍屎忍到站尾搵到個廁所諗住衝入去既時候發現屌要收兩歐喎仆街d散銀係女朋友到，用左半秒了時間去計算跑去女朋友到再跑番番黎要幾耐，點計都係計到會瀨出黎，心諗仆街喇，入夜已經少人架啦不如突破道德嘅枷鎖夾實個屎眼扒入去啦。突然間入面有個阿伯行出嚟好爽咁戚一戚起個褲頭，我同佢對望左兩秒，佢慢慢咁行出黎，係我身邊停低，係屎忽位抄咗兩抄抄左兩歐出黎遞比我，個下我諗唔到野，入左個兩歐入去，慢慢咁解決餘下嘅事情。最後番番去女朋友到同佢講我今日乞到兩歐番黎

個日本人係咪叫Eddie，同埋喺旺角站問你路？

得司機，佢冇嘢
但我哋勁唔好意思

記得以前有post講過有個㗎佬係咁樣喺香港搵食
好多巴絲打都中過招
不過唔知同樓上係咪同一個人

次次去六本木都唔識路
揾地鐵站入口都揾勁耐

我好掛住東京
嗰個位可以望到東京鐵塔

grad 去咗sydney 做野半年
嗰陣寄住咗喺airbnb 度，屋主係對七十幾歲台灣夫婦
我第二日去到已經發燒又屙又嘔
嗰排撞正發生咗d 事情緒好低落
個auntie煲埋粥整定三餐比我食
後尾我一路情緒差佢地成日同我傾計
知我有打golf 又帶我去一齊打
仲會煮埋飯預我食（我冇比飯錢，比佢地都唔肯收）
好似我公公婆婆咁
後尾我做完野去獨遊，佢地幫我寄晒行李返香港
仲叫個仔送我去機場
本身留左line，遲d 去澳洲會探佢，後尾換咗電話無咗contact
上去airbnb 發覺冇左佢地間屋
查返地產網發覺間屋兩年前賣左
都成五六年前嘅事，真係唔知佢地兩位依家點
正常養老屋唔會賣

2014年下半年去高雄出差，晚上坐的士回酒店，個期香港已開始雨傘。
一上的士不久，司機一聽我口音，就問我係唔係香港人，我話係，他就講你們香港人加油。
之後他問我點睇共慘黨，之後就全程車講共慘黨衰嘢。
坐坐下問我，趕唔趕時間，他覺得同我好啱傾，想車多我一陣，遊下車河，吹多陣水。
最後程車由原本15分鐘坐到個半鐘，坐左成千五蚊台幣。
因為可以claim 公數，其實我無咩所謂，點知他話大家自己人，不用計，又有缘份，就無收我錢了

堅感動

呢個經歷超正
雖然當時會好無助

之後諗返就正，但當時係勁驚

其實之後既行程一路都驚到仆街會再震過，到飛機喺成田機場成功起飛先放下心頭大石唔使再驚地震

有的士，不過應該響晒碼頭個邊
我個次係落咗船個個有車揸/好近行到去
得我一個on99打算等大半個鐘巴士
（小豆島啲巴士時間個時同船班次唔知點解完全唔夾）
之後有啲的士司機未有客走入休息室放break見我一個on99拖住喼就勸我咪晒時間等直接搭的士
結果個程的士500定600yen就搞掂咗

+1

禁錯負評，sorry