有冇試過係外國受當地人幫助?

呢個幾好, FEEL到你有幾驚

倫敦地鐵係95%機會有陌生人幫你拎行李
我喺倫敦住過幾年 起碼拎過廿次行李搭地鐵
淨係試過幾次係自己抬
通常拖住個喼喺樓梯口企返10秒
就會自動有人衝埋嚟幫手

呢個trip真係永世難忘

係日本旅行個陣, 開住GOOGLE MAP搵緊間酒店既時候
有個日本姐姐行埋來問我使唔使幫手, 然後教左我點行去酒店
.....
冇下文

我只係試過係機場唔見電腦同埋38度酒店壞冷氣, 都是無人幫我的。

有既, 有好心人執佐, 我唔驚部電腦, 係入面D資料, 去個客到AUDIT佐成個星期既WORKDONE係入面, 唔見佐即係我個TRIP廢佐。

冰島自駕，部RAV4 食左落雪地度走唔到，攪左半粒鐘都唔郁。跟住有對英國情侶行過，幫手攪左十分鐘都係走唔到。諗住打電話求救之際，有當地人揸車經過，一上車唔知做過乜 3秒攪惦走得

係澳洲既聖誕節打算入油由vic去nsw張銀行卡壞左入比唔到錢成4xau，跟住個oz幫我比我打算去銀行囉錢還返比佢竟然唔使，因為澳洲人上次幫過我上次東部大火我捐左100au 當地既紅十會

日本小豆島，本身計好時間落巴士轉酒店shuttle
點知巴士遲咗同埋我去錯巴士站
搵到啱嗰個站酒店shutlle啱啱走咗
前一晚都係小豆島住，冇見過有的士
照入咗間手信舖問入面個姨可唔可以幫我call的士
佢問完我咩事之後話冇問題
打完電話叫我喺出面等
車到後原來佢call酒店叫架shuttle返轉頭車我
唔知係小豆島冇的士定佢幫我慳的士錢

澳洲，租左個拖兜幫朋友搬屋，上到 freeway 行左幾分鐘望後鏡先發覺張床褥飛左出嚟....
朋友即刻落車返轉頭執，行左一陣有個貨車佬停低車返佢上嚟！

呢樣真
有次喺tube一個女仔on99準備上樓梯
後面有個鬼佬跑過嚟話Let me help，幫我拎上去

好多年前同一班同學去阿里山遇上大梅雨
個雨兇狠到連高鐵部份路段都停駛

第一日，我哋喺阿里山搭咗小火車上山諗住行落去
個民宿呀姐仲話「小雨，沒事，下雨有下雨的美」
結果越落越兇狠，我哋被困山上
民宿個叔叔發現我哋上咗山未落嚟，上咗嚟搵我哋

第二日，因爲大雨到所有交通工具停駛我哋亦離開唔到阿里山
有個阿里山叔叔見到我哋成班on99
話不如我車你哋落山
條友原來車手嚟，無視山泥傾瀉衝落山
個天戲真係好差，山路啲石真係跌緊落嚟咁
我有個鬼妹同學喺後座已經念緊天主經，以爲自己會死
結果順利抵達

呢個阿叔完全冇收我哋錢
仲要真係駁埋條命咁幫我哋
一世都記得

呢個post令我諗返起啲好人好事，外國同香港都有
好懷念以前旅行經歷，想打返幾個故事但原來有唔少已經記唔起，得返啲碎片

感動

shuttle 啲人有冇啤住你

我都試過
係英國拖住個gip, 背囊勁重
係車站扶手電梯又唔知做乜唔開, 咁未慢慢一級一級拎住個gip行樓梯
點知有個英國佬, 肥肥地大大隻米8米9高咁, 白頭髮, 搶左我個gip
2秒唔洗幫我拎完
都係頭也不回咁走左, 一句野都冇同佢講到, 連正面既樣都望唔到
真係連thank you都講唔到,
覺得啲鬼佬真係好型 幫完人咩都唔洗講咁走人

唔知點解係香港就覺得有啲騙案既味道

好波