無人會想受傷,但呢個永遠都係比賽嘅一部分,而且Celtics都有Smart傷咗,雖然warriors嚴重好多,但今場打Celtics我覺得都唔差,起碼都55波先,只係最尾Curry無手感。
都係個句,KOJ做好防守,會走戰術,已經足夠,如無意外勇士都唔會留佢,除非佢突然大爆發,但大爆發更加好,可以作為更好嘅籌碼。我已經習慣咗佢爆一場,廢機場。
Wiggins方面,佢今場無手感姐,KD都做唔到場場高命中率啦,更何況佢唔係KD呢。佢的確係貴,但有能力嘅SF,簡單啲講Top10 SF,都係頂薪嘅價錢,物以罕為貴,好難搵到個又平又好用嘅人,除非自己養。
後備廢?講真,勇士呢個後備陣容,絕對係前段班,但後備始終都係後備,你睇勇士用人嘅時間,基本上場場都差唔多,Celtics第二節追分個時係有邊啲人追,已Kerr係點樣調動。
Curry永遠都係勇士嘅下限,只可以期望勇士打醒十二分精神,贏得一場得一場。