見到成日有人問買鞋我自己有啲睇法
其實買咩牌子真係好睇你自己有咩需求同埋有咩能力,我覺得唔係一步到位就好。
有好多人都希望可以平平地,一兩千左右買對嚟試下水溫,試吓自己襯唔襯呢個style,或者返工着開啲hnm/zara 膠鞋覺得係時候 upgrade 下。
如果嚟嚟去去都係叫人Alden、CJ,然後又講到啲平價鞋好似妖魔鬼怪咁
真係會睇到好乏味
都係果句You get what you pay for
以我自己為例,買左大家話break in唔到嘅牌子都有十對八對,仲有其他同一水位嘅cheap 鞋,但係我又一啲都唔覺得後悔,因為呢個程度已經滿足到我嘅需求,我搵得果萬零兩萬一個月,買對一兩千嘅嚟襯下衫已經夠曬, 再靚都只係一小群識貨之人/自己嘅追求,好似我做設計有時會睇到啲我覺得好靚嘅design但對一般大眾consumer嚟講佢哋根本睇唔明、睇唔出一樣道理。
呢對好多巴打應該係自己舔過嘢所以先會特別推介某啲牌子,但我覺得初初入坑/想入除非有能力,如果唔係唔洗次次都加少少系列,亦可以令個討論多元化啲。