[今冬已寒] 經典男裝、西裝、皮鞋、皮件討論區（40）

suede，掃兩下會唔同左色

即係買布番黎搵人做？感覺抵玩嗎？

當然，同美麗都師傅熟同知要咩，要點Cut，成品可以幾好，但真係唔好頭幾次就去

Wbill Irish Linen

我係自己買布帶去鋪頭造嘅 （雖然唔包生仔）

但喺美麗都嘅話：
upside係慳一千幾百
downside 係嘥幾千蚊
你諗你啦

拿 鋪頭都唔一定好 我第一次bespoke
Fitting同成品件褸唔同樣我就試過
美麗都我都炒過車 不過至少冇咁肉痛
鋪頭蝕一件=美麗都三件

除非特別鐘意個舖頭style 或者美麗都大加價
見過鬼怕黑

唔好無圖討論啦各位

美麗都貴少少嘅 計埋布4000應該走唔甩wor
鋪頭都唔一定好 -> 認同啊 但起碼你可以彈貨 （cmt另計）
Fitting同成品件褸唔同樣我就試過 -> 好想睇相

各有各好啦，最緊要知道自己要乜

舖頭我都試過伏，想改衫俾人閪面都試過 (non-cmt)

不過其實會接街客既西裝工場，先唔提售後服務之類，手工上個天花板其實都無咁高，當然如果你只係求岩身，美麗都既師傅一定做到，但如果你係想要ww陳或更高水平既手工，又或者係係剪裁上有啲特殊需要，美麗都就唔會岩你。

同埋大家可唔可以唔好無圖討論⋯⋯

都係嗰句，搵美麗都 / 師傅要識同佢哋夾之餘，自己亦要好清楚自己要乜同適合乜 。不過老實講，去舖造都係要咁上下knowledge，總之咪expect一定包生仔。
好似呢套“half canvassed”咁，suit for wedding，去咗某深水埗洋服舖做

8k hkd dnlm倒錢落海咁撚款
姑勿論個款係咪老套，個襟燙死咗，扁到
嗰陣時我嘅要求又九唔搭八，又要short lapel又要恤衫袖又要sport back
個師傅乜都話做到，又唔分析身形問題 (斜肩、大腿粗etc)，我又唔識揀布，結果炒車，我唔係好敢再著條褲。

我甚至喺一間洋服鋪見過佢哋改另一間鋪嘅“full canvassed”出品，嘩屌，塊大身襆原來係黐入去嘅

至於美麗都西裝，手工方面我唔敢講，款亦唔會跟足，不過有心機嘅師傅都會細心同你分析你嘅身形特質適合邊啲款，有時又分享佢哋點栽點歸去令件衫有shape。 佢同你傾得到計又唔該前唔該後，又覺得你識嘢嘅話，有時都會上心啲造 (當然亦要睇佢栽嗰陣係開心定賭輸完 )。 但係前提仍然係你要了解自己 (曲袖？肚臍對上定對落肥啲？背好唔好肉？腰長定短？你站姿係點，會唔會好易大腿磨褲？etc)。就算搵到佢哋做西裝，都要二千幾，其實話平又唔算平，更何況你背後做咁多資料搜集，都係time cost嚟。

利申：初哥

嘩屌呢套就咁掛係度都覺都核突

支持分享

個劍位

件衫好2D

想請教下：
如果個襟燙死左，係咪就已經無得救？
定係都仲可以用d 方法再處理

我覺得單襟尖領要lapel長先好睇
但個闊就低人中三粒鈕，有咁短得咁短
支持分享，善哉

熨番生is okay

BTW，雖然巴打你唔好彩中左間伏野，但我相信post頭有擺出黎既鋪頭都有番咁上下水準同職業道德。西裝鋪都有分好同唔好，好多野處理上唔係淨係full唔full canvassed咁簡單，post頭既建議如果有睇，對避伏都好大幫助

想請教自己喺屋企可以點做？定係拎去俾人搞好啲

用有墊住，噴水，將條痕熨番平

布打錯字