[今冬已寒] 經典男裝、西裝、皮鞋、皮件討論區（40）

都唔會話睇唔出咩分別既，多數既情況係覺得怪怪地又講唔出係乜姐

明白。用料很多客人都自帶毛樸，車線，鈕扣。車工針步方面就似乎與師傅有冇心機比起能力比較有關係? 鋪頭離行離迾都不算罕見。若談及裁剪後歸拔會唔會可以話香港裁縫鋪頭九成都未到位?造不好是與工場溝通出了問題抑或懶 又或者要加工錢先肯幫你造?

另外當有駐鋪師傅裁好先歸拔再發去大陸工場,光樣試完俾工場上拆下拆會否已經搞垮晒熨工，到造起已經車好晒再歸再拔都冇咩意思? 若是如此，問題是否歸究於(a) 裁和造非同一人或 (b)兩人非身處同地皆因租貴和僧多粥少香港市場容不了?若市面萬萬聲的都未能造到，只多了服務貴美麗都五六千又真的有點難接受?

利申: 非建議新手去美麗都

歸拔係一定在工場做的唔會係鋪頭，美麗都工場都只會有包頭，都係發大陸做多除非痴樸，包頭是唔會落手落腳做的頂多撇個門，包頭收你兩千零蚊工錢佢都要賺錢，咁你認為佢地會發去幾錢既工場？

同埋如果功夫做足，歸拔完之後就會定左形，同拆唔拆係無關係架。同埋工場師傅都會懶，偷得懶既就會偷，一個包頭或一個散客你會有幾好牙力要佢做啲佢平時懶得做既野呢？

當然唔係話鋪頭一定好，但香港黎講最好既果批鋪頭，做出黎既「最高水準」（姐係我講既天花板）一定會比散客搵包頭或工場做高好多，無論係手工、工序、輔料定styling wise。

可能我見識少，據我所知 steam兩steam, 拉兩拉都會變型 又或者俾乾衣佬浸完chemical唔識熨都會變型，歸完即車只會相對難變型而沒有完完全全定了型。

美麗都都有包頭發二千多工錢俾大陸工場, 貼內某些鋪頭用的都是同一工場, 工錢亦是差不多的。

咁同最好既果批鋪頭比就唔公平啦，但若中線裁縫的只有80分，而美麗都78分，是否值得花多五、六千呢，畢竟訂造西服為的是效果大過為服務嗎?(對有錢人可能吊番轉喇，不過諗我到去美麗都而好有錢既應該不多吧。)

關於第一段，歸拔唔係就咁steam兩steam，係用個熱力去令塊布伸長/收縮，最正經咁做的話，歸完拔完個裁片係要攤兩日等佢完全定左形先會再車，如果你有去過Savile row d有自己工場既鋪，你會見到有啲一塊塊裁好左既有吊係度攤緊，當然香港做到足既布係唔存在，但做七八成既鋪都仲係有既。

關於第二段，用同一間廠、同一個工場唔等同於出段個out come一樣，重點係驗收個標準，同一個工場都可以根據唔同鋪/包頭既要求去調整手工，工場收既工費亦都唔一樣。同時亦都有一啲鋪係用緊自己既輔料而唔係工場提供既輔料，出黎效果都可唔可以差到好遠。唔講啲細工場，拎個出名啲做例子，淨係red collar 呢間廠收既工錢都有三個唔同標準，幫zegna 做代工既溫州夏蒙有專門兩隊人兩條生產線專門for zegna，原則上只要量夠，鋪頭方係一定會要求專門一隊人去做自己既衫，出品會相對容易控制同標準化（因為同一隊人一直做同樣工藝要求既野）。

至於幾唔幾多分公唔公平呢啲我唔多講，美麗都師傅我都識唔少，我只可以講我做衫咁多年，由行外人做到入行做到依家，衫都差不多過百套，未有一個美麗都師傅吸引到我去試囉。

同埋真係麻煩你計下條數再睇睇make 唔make sense，美麗都工錢收到最貴果個包頭都係三千幾一套，你話發俾工場二千幾一套，佢一套我當你賺一千蚊，扣左燈油火蠟租金運費剩幾多一套？一個月又接到幾多套衫？一套賺果幾舊你叫啲師傅食風咩！

多謝你既資訊。你有你道理和信念，大家公式上不一樣，接收資訊不一樣是再正常不過的事情。美麗都最貴的包頭應該是收四千幾，工錢多少是美麗都班師傅透露，有否誇大我無渠道得知。

並唔係話歸拔等於steam兩steam 我指例如你拔到個袖型幾彎, 拎去乾衣都可被燙番直個袖有moisture 有heat加些牛力就可以，太多steam都可以整壞件衫沒有絕對的 “定了型”。我冇去過savile row工場睇，本來都只想聽蛋爺對手工的要求，增廣見聞。目的達到了，變回cdrom了，再會。

關咩理念事？有果句講果句你到底知唔知咩係proper既歸拔？袖型唔係齋靠拔出黎架，係靠裁出黎架，如果唔係打版時打「袖彎」把托？我套Corcos同我套fumiya乾洗左都不下十次，連埋我堆衫都成日我自己熨，有時懶懶地都熨完前身其他位都係steam下算，又唔見我啲衫走晒樣？

依家同你講左正式做得proper既歸拔係點係又唔信，當年紅幫上海工啲師傅落幾多心機去歸拔一套衫你又知唔知？是非八卦可以人人有不同版本，工藝定義就好死既，一板一眼。就正如我同你岩岩講既，香港做到歸拔功夫做到足既鋪係唔存在，但做七八成既鋪都仲係有既，就好似陳記同AC，雖然佢地好多時都你歸拔完攤一兩個鐘就車，但最少係「歸拔完再車」而唔係求其縫完見唔對路就歸兩歸交貨！

咁個分別響邊，其中一個最大分別就係摺完套衫入行李箱，出番黎皺晒掛下浴室沖個涼個型就番番黎，唔會有你所講乾個洗個型就收皮既事發生，呢啲就係熨工有做好同無做好既分別。

咁攤兩日同幾個鐘既分別又去到幾大

定型效果再好啲，因潮濕等碼同因素造成形變既機會再細啲。

會唔會可以講下歸拔嘅實際操作係點
歸係用熱蒸發塊布原有嘅水份所以縮？
拔嘅話steam完點樣定型

呢對好靚，可惜冇碼😭

美麗都內有高手係真，不過唔接街客囉
歸拔我淨係知塑形，同埋聽過歸中有拔，唔太明。我反而想知一件衫嘅形有冇咩部分只可以靠栽功，and why (e.g.胸)

早多十年，美麗都內都仲有仍然開工的高手，今天就難說了。
裁要得出立體，咪主要靠摺/省囉。
傳統上廣東幫善於裁，上海幫善於歸拔。
今天就看看你的運氣啦！
其實係牛巴先有咁好閑情，肯寫咁多比你哋知。
我就唔見有邊個美麗都師傅值得我科水去做衫，可能我見識少啦。

大家可能少在鋪頭打躉，你如果去得多，聽得多鋪面同工場的對話（粗口），就會知道工場甩漏多到數之不盡，跟少眼都可以出事。一個有經驗的fitter跟進尚且如此，你一個乜都唔識的新手又如何可以跟得足？
我同錢無過唔去，但我也明白有啲錢係要比人賺的。
當然你去那些乜都唔識，淨係識抄人哋野嘅𡃁仔鋪，咁就當然係無乜value added啦！呢個都係點解帖頭介紹咁難寫的原因

另外一啲師兄的盲點是，我提供物料就得啦！
呢方面我好有經驗，我估都無幾多人好似我咁乜都試過買來玩。
我的經驗告訴我，師傅用唔慣你啲嘢，做出來可以根本完全唔係嗰回事，可以仲衰過用佢啲平料

賴師傅走後就再無呢枝歌仔唱

之前有巴打同我買左圈真絲線俾某師傅挑襟，工場用唔慣，成扎彈番轉頭俾佢

啲師傅對住嗰圈絲，連點拆來用都唔識呀，點用呀？