樓主d故只係用d簡單嘅字
唔會好似其他故咁賣弄文筆
但偏偏講得最應
狠狠地插入你個心
本來前面有笑點又大點大道理--->
到後面開始好寫實,最深刻「係咪我洗碗佢就會愛番我。」
妄記得失戀果陣都咁諗,以為改善自己既缺點就可以換來愛。但後來發現,如果係愛,早就將呢d缺點包容,唔會因呢d缺點而分手。
分手,係因為未夠愛。
李星嘅特色係夠高同大隻,雖然唔係話好靚仔,但勝在細佬個別名叫沉睡的巨龍
搵得阿星嘅客人,自自然然就係需要性服務
浩然就勝在夠靚仔,喺睇樣勝於一切嘅ig上面,佢係接得最多客嗰個
搵浩然嘅客人,上唔上床係其次,最重要係拖住個靚仔行街好鬼有飛屎,通常嗰啲客人都好享受外人羨慕嘅目光
每次見客嗰陣,佢個口頭禪都係
「喂,我叫浩然呀。」
交易永遠只係交易
交易永遠都係冰冷嘅你一來我一往
阿螢送我出門口
「多謝哂,下次再幫襯。」
講完,佢笑一笑,就閂埋門
我一路等𨋢,一路數錢
其實,我要咁多錢做乜?
架𨋢好慢,好似逐層停咁,成分鐘都未上到嚟
「嗚呀呀呀呀⋯⋯⋯⋯」我喺走廊,隔住門,靜靜聽住阿螢發狂咁嘅喊聲
好似係特登喊比我聽咁
我拎出耳機,塞住耳仔
堵塞耳朵,就是堵塞心靈
如果我係阿螢男朋友,我會即刻撲翻入去
「做咩喊呀?講比我知?」
「我想你留低陪我⋯⋯」
但我唔係
我扭大耳機嘅聲音,直到我聽唔到喊聲
𨋢開門,我行入去,頭也不回
數一數我實情不只得你要說句對不起
陳奕迅嘅於心有愧徘徊於耳
這就是,真假的分別