是咁的，我嘅職業係ptbf

我幫兩位無辜百姓叫咗白車之後，就同波波繼續行

佢耷低頭，好似好內疚咁

「無野喎，佢地死唔去嘅。」

我都係死咗一半啫

我拖住佢漫無目的咁行

兜咗一陣，佢就問

「其實，我係咩好乞人憎？」

因為你，我會記得依一分鐘

一百句大話入面混雜一句真話，到底嗰一百句說話係大話定真話？

我知道依個肥妹好缺乏自信

一嚿朽木以為自己係藝術品，叫做自大

一件藝術品以為自己係朽木，就係自卑

平心而論，面對現實，佢要問我，就代表佢根本無辦法認知自己到底係乜

「點解唔相信自己係藝術品呢？」

我地經過燒味舖

波波望住玻璃窗入面，搓搓手指：「因為由細到大，我都只係一嚿叉燒。」