《我專門幫人擺分手和頭酒》（你分手夠坦白嗎?）

當我去到門口想送走佢哋嘅時候，Rebecca突然問咗我一句：「你係咪讀聖xx中學㗎？」

我呆咗一呆，然後點下頭。

「原來真係你！我之前第一次見你嘅時候已經想問你㗎啦！」Rebecca好興奮咁講。

「我識得你嘅？」我好奇咁問。

「你唔識我，不過你識我家姐，你哋同班㗎，你記唔記得蘇頌思啊？」

「哦.....成日著裙翻學嗰個！」其實我完全無印象，所以求其答佢一句。

「係啊！我有時同媽咪接家姐放學，家姐有指過你俾我睇，仲話你係學校嘅風頭躉，成日好多創意搞呢搞路㗎！」Rebecca好興奮咁講。

我笑住咁點頭，心諗，如果無創意又點搞到咁大壇嘢俾你同阿飛和好如初呢？

「係喎，我記得嗰時你放學都會拖住個女仔㗎，仲好似幾靚女㗎！你咁熟愛情，你同嗰個女仔而家點啊？係咪仲一齊緊呢？」

聽到Rebecca呢一句，我感覺到，我嘅心跳加速緊。

黃正濤，冷靜。

「我哋...分咗手好耐啦。」

「噢，唔好意思啊。」Rebecca發現自己問咗一個尷尬嘅問題，即刻道歉，然後就同阿飛走咗。

我扶住隔離張枱，用醫生教我嘅方法深呼吸，慢慢先企得穩。

我見到Kelly望住我，好好奇我發生咩事，但呢一刻，我唔打算同佢解釋住。

因為我個心入面，有一句說話仍然好似迴音咁不斷重複緊。

「我哋...分咗手好耐啦。」

只係到今日都未放得低。

就喺呢個時候，我隻apple watch響咗一聲。
我望一望，係一個日期提示。
4月8日，紀念日。

一年一度的紀念日終於來了。
或者說，是悼念日。

出完文順手提下大家
連登差24個正皮可以加更
而Penana都係差100個likes多啲 可能幾個人就搞掂
想要加速同埋chur爆樓主個肝 歡迎出手

正皮左無得再㩒

其實偵探係咪又有段估
佢咁既能力自己揾食發左達啦喎

推到300正皮

Lm主角個ex跳海死咗

你知道得太多了

咁我都多謝你正皮過

睇落去就會知

好啊好啊

下下都跳海以後無驚喜

佢都好快俾我推落海

趁今日星期五 點半前連登或者Penana夠數都可以即刻加更

鐳射筆

當所有美好嘅回憶都變成詛咒，真係好可怕

揾人救我

多謝nightwing巴

滿天花鳥絲
終於見翻你

大殺傷力武器

係 甜蜜嘅反面就係sad