你終於來了 好耐冇見
《我專門幫人擺分手和頭酒》（你分手夠坦白嗎?）
黑犬風易
1001 回覆
534 Like
2 Dislike
第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁
Skywalker巴
你終於來了 好耐冇見
你終於來了 好耐冇見
古天樂絲
好耐無見
好耐無見
haha河中作夢巴你都無講錯
呢類女主角係容易寫嘅同推動劇情
當然你問我 純粹係Kelly今次需要有呢個性格 睇落去就會明白
同埋佢唔蠢架 都係睇落去就明
至於無縫接軌呢樣嘢 唉 其實大家都心照
呢類女主角係容易寫嘅同推動劇情
當然你問我 純粹係Kelly今次需要有呢個性格 睇落去就會明白
同埋佢唔蠢架 都係睇落去就明
至於無縫接軌呢樣嘢 唉 其實大家都心照
（五）性格不合 (上)
海港城，XX拉麵，向海位。
「仲有半個鐘先見客，嗱嗱聲食個面先！」
我「𠽌𠽌」聲咁開始食我個拉面，後面就突然傳嚟一聲「二打打姨媽屎」嘅叫聲。
我一聽呢把聲，我就知道，Kelly又嚟咗。
我一擰轉頭，果然見到Kelly坐咗喺後面張枱，而佢對面亦坐咗一個書生型嘅男仔。
唔洗問，九成九又係佢嘅新目標。
我怒睥咗喺我身邊嘅偵探一眼。
偵探好隨便咁講咗句：「佢話有case就通知佢嘛。」
嘩，又唔見你平時咁聽我講。
Kelly似乎都聽到偵探講嘅嘢，佢先同咗對面個男仔講咗句：「我見到我朋友啊，我哋之後再聯絡啦！」
對面個男仔好期待咁點咗一下頭，然後就走咗。
Kelly將碗麵捧咗去我隔離坐低，我乘機問一句：「新仔？拍咗拖就唔好成日嚟煩住我哋啦！」
「痴線，佢係我大學同學嘅朋友個表哥，出嚟認識下做朋友㗎咋！」Kelly反一反白眼，然後一邊食一邊講：「仲有你唔好怪偵探啊，係我自己話要嚟嘅！」
我唔怪偵探，但我會怪你邊食邊講彈到我一臉湯汁。
「其實你早啲講我知到底點解你要搞分手和頭酒，我就唔洗跟住你嚟查啦。」Kelly今日紮起咗馬尾，特別好睇，如果佢講嘢無咁煩同強詞奪理，我諗我會比較容易接受佢嘅出現。
「首先我講過，你跟住嚟，都唔會知點解我要搞分手和頭酒；二來，我點解搞，關你咩事呢周小姐？」
我抹翻臉上面嘅湯汁，痴線，抹完張紙巾變咗橙色。
「話哂我係你分手和頭酒嘅大股東，我想知原因都好合理啫！」
「我講過，你雖然真係為我哋帶嚟咗好多收入，但係嗰啲全部都係合約有寫嘅收費，唔算係投資喎。」
「咁話哂我參加過十一次分手和頭酒，我都算大客，大客參加得就代表有感情，有感情就代表我想和頭酒好，我想和頭酒好當然要了解和頭酒嘅來源啦！」
Kelly一口氣講哂呢堆嘢，我突然覺得自己變咗「九品芝麻官」入面嘅龜婆，一句都駁佢唔到。
海港城，XX拉麵，向海位。
「仲有半個鐘先見客，嗱嗱聲食個面先！」
我「𠽌𠽌」聲咁開始食我個拉面，後面就突然傳嚟一聲「二打打姨媽屎」嘅叫聲。
我一聽呢把聲，我就知道，Kelly又嚟咗。
我一擰轉頭，果然見到Kelly坐咗喺後面張枱，而佢對面亦坐咗一個書生型嘅男仔。
唔洗問，九成九又係佢嘅新目標。
我怒睥咗喺我身邊嘅偵探一眼。
偵探好隨便咁講咗句：「佢話有case就通知佢嘛。」
嘩，又唔見你平時咁聽我講。
Kelly似乎都聽到偵探講嘅嘢，佢先同咗對面個男仔講咗句：「我見到我朋友啊，我哋之後再聯絡啦！」
對面個男仔好期待咁點咗一下頭，然後就走咗。
Kelly將碗麵捧咗去我隔離坐低，我乘機問一句：「新仔？拍咗拖就唔好成日嚟煩住我哋啦！」
「痴線，佢係我大學同學嘅朋友個表哥，出嚟認識下做朋友㗎咋！」Kelly反一反白眼，然後一邊食一邊講：「仲有你唔好怪偵探啊，係我自己話要嚟嘅！」
我唔怪偵探，但我會怪你邊食邊講彈到我一臉湯汁。
「其實你早啲講我知到底點解你要搞分手和頭酒，我就唔洗跟住你嚟查啦。」Kelly今日紮起咗馬尾，特別好睇，如果佢講嘢無咁煩同強詞奪理，我諗我會比較容易接受佢嘅出現。
「首先我講過，你跟住嚟，都唔會知點解我要搞分手和頭酒；二來，我點解搞，關你咩事呢周小姐？」
我抹翻臉上面嘅湯汁，痴線，抹完張紙巾變咗橙色。
「話哂我係你分手和頭酒嘅大股東，我想知原因都好合理啫！」
「我講過，你雖然真係為我哋帶嚟咗好多收入，但係嗰啲全部都係合約有寫嘅收費，唔算係投資喎。」
「咁話哂我參加過十一次分手和頭酒，我都算大客，大客參加得就代表有感情，有感情就代表我想和頭酒好，我想和頭酒好當然要了解和頭酒嘅來源啦！」
Kelly一口氣講哂呢堆嘢，我突然覺得自己變咗「九品芝麻官」入面嘅龜婆，一句都駁佢唔到。
無錯，Kelly其實係我個客，Vip嗰種。
和頭酒搞咗五年幾，佢總共參加咗十一次分手和頭酒。
而佢之所以話自己係大股東，係因為有一次分手，佢又想邀請男朋友出席分手和頭酒，佢當時男朋友係都出名嘅富二代，唔想俾傳媒影到所以死都唔肯出席。
但係根據分手和頭酒合約第九條：「若發現存在違約或詐騙行為，違者需支付港幣$100,000作解約金。」
所以，最後富二代用錢解決咗問題。
因為呢$100,000，令我可以租得起一個小辦公室去搞和頭酒。
但亦因為呢$100,000，令到Kelly自稱自己係我嘅大股東。
既然講開Kelly，都可以講下俾佢纏上嘅呢個惡夢係點開始。
話說，一星期前，Kelly出席咗第十一次分手和頭酒。
就係佢同當時男朋友完成分手和頭酒餐飯之後，我做咗一個決定。
一個我後悔咗七日嘅決定。
當時Kelly前男朋友已經喊住走咗，得翻Kelly喺度大大啖食緊枱上面嘅生蠔。
「周小姐你好。」我當時仲對佢好有禮貌。
「Hi阿濤，坐低一齊食啊！」Kelly左手拎住生蠔，嘟住嘴吸入口個樣其實幾可愛。
呢個係當時我仲未認識佢嘅時候嘅感覺。
「周小姐其實今次我想通知你一聲，今次應該係我哋最後一次接受你參加分手和頭酒啦。」
我個樣表現得非常唔好意思，但我內心其實已經心意已決。
「吓，點解啊？」Kelly個樣好迷惘，手上嘅生蠔亦停咗喺半空。
「其實我哋搞和頭酒嘅目的，係想每對情侶有機會互相分享原因，等佢哋可以認真面對以後嘅關係......」
我嘗試唔將說話講得太白，為免大家尷尬。
「係啊，我就係覺得呢個概念好好，所以我先每次都拉男朋友嚟簽約，如果唔係點會參加咗十一次呢？」Kelly似乎仲未明我嘅意思。
「嗯，好多謝你咁支持我哋，但係從呢十一次嘅和頭酒呢，感覺上都好似唔太幫到你......」
可能你會覺得我好趕客，但其實我真係想趕客。
因為分手和頭酒嘅需求其實好大，好多情侶都單方面「被分手」之後，好想有機會同對方傾清楚，所以其實自從呢樣嘢搞咗一兩年之後，我同偵探到而家嚟到第五年已經做到差唔多日日無停手。
亦都因為咁，對於好似Kelly呢啲根本就唔認真拍拖嘅人，我會寧願將時間花喺其他人身上。
「幫到啊，每次我都搵到分手嘅原因啊！」Kelly點住頭咁講。
「但係，根據紀錄，十一次嘅分手原因，計埋富二代嗰次，全部原因都係......」
「『性格不合』囉！有咩問題？」Kelly好奇咁問。
一次性格不合我可以接受，但係十一次性格不合，我覺得呢個簡直係世上最不負責任嘅分手原因。
當你玩厭咗、唔想煩、或者想換畫、諗唔到原因同人分手，性格不合可以話係萬用分手答案，好用過陳國邦。
當然，偵探查過佢，每次真係無外遇、無金錢糾紛、無奇怪家庭背景。
但因為我覺得佢對感情唔多認真，所以真係唔想花時間俾佢。
和頭酒搞咗五年幾，佢總共參加咗十一次分手和頭酒。
而佢之所以話自己係大股東，係因為有一次分手，佢又想邀請男朋友出席分手和頭酒，佢當時男朋友係都出名嘅富二代，唔想俾傳媒影到所以死都唔肯出席。
但係根據分手和頭酒合約第九條：「若發現存在違約或詐騙行為，違者需支付港幣$100,000作解約金。」
所以，最後富二代用錢解決咗問題。
因為呢$100,000，令我可以租得起一個小辦公室去搞和頭酒。
但亦因為呢$100,000，令到Kelly自稱自己係我嘅大股東。
既然講開Kelly，都可以講下俾佢纏上嘅呢個惡夢係點開始。
話說，一星期前，Kelly出席咗第十一次分手和頭酒。
就係佢同當時男朋友完成分手和頭酒餐飯之後，我做咗一個決定。
一個我後悔咗七日嘅決定。
當時Kelly前男朋友已經喊住走咗，得翻Kelly喺度大大啖食緊枱上面嘅生蠔。
「周小姐你好。」我當時仲對佢好有禮貌。
「Hi阿濤，坐低一齊食啊！」Kelly左手拎住生蠔，嘟住嘴吸入口個樣其實幾可愛。
呢個係當時我仲未認識佢嘅時候嘅感覺。
「周小姐其實今次我想通知你一聲，今次應該係我哋最後一次接受你參加分手和頭酒啦。」
我個樣表現得非常唔好意思，但我內心其實已經心意已決。
「吓，點解啊？」Kelly個樣好迷惘，手上嘅生蠔亦停咗喺半空。
「其實我哋搞和頭酒嘅目的，係想每對情侶有機會互相分享原因，等佢哋可以認真面對以後嘅關係......」
我嘗試唔將說話講得太白，為免大家尷尬。
「係啊，我就係覺得呢個概念好好，所以我先每次都拉男朋友嚟簽約，如果唔係點會參加咗十一次呢？」Kelly似乎仲未明我嘅意思。
「嗯，好多謝你咁支持我哋，但係從呢十一次嘅和頭酒呢，感覺上都好似唔太幫到你......」
可能你會覺得我好趕客，但其實我真係想趕客。
因為分手和頭酒嘅需求其實好大，好多情侶都單方面「被分手」之後，好想有機會同對方傾清楚，所以其實自從呢樣嘢搞咗一兩年之後，我同偵探到而家嚟到第五年已經做到差唔多日日無停手。
亦都因為咁，對於好似Kelly呢啲根本就唔認真拍拖嘅人，我會寧願將時間花喺其他人身上。
「幫到啊，每次我都搵到分手嘅原因啊！」Kelly點住頭咁講。
「但係，根據紀錄，十一次嘅分手原因，計埋富二代嗰次，全部原因都係......」
「『性格不合』囉！有咩問題？」Kelly好奇咁問。
一次性格不合我可以接受，但係十一次性格不合，我覺得呢個簡直係世上最不負責任嘅分手原因。
當你玩厭咗、唔想煩、或者想換畫、諗唔到原因同人分手，性格不合可以話係萬用分手答案，好用過陳國邦。
當然，偵探查過佢，每次真係無外遇、無金錢糾紛、無奇怪家庭背景。
但因為我覺得佢對感情唔多認真，所以真係唔想花時間俾佢。
好睇
成日覺得啲人拍得咁多次拖一定本身自己有啲問題或者對感情唔認真
唔知佢係咪 定真係單純性格不合
成日覺得啲人拍得咁多次拖一定本身自己有啲問題或者對感情唔認真
唔知佢係咪 定真係單純性格不合
陳國邦
睇落去會講多啲
正確答案
我同意巴打所講啊
不過關於Kelly 其實之後會講多啲佢 所以會明白多啲佢嘅性格
我盡量都唔想太誇張
而且其實佢呢刻都係俾主角嫌棄緊
不過巴打啱 故事開頭 慢慢落去應該會可以更全面認識到佢
所以希望巴打你都繼續追啦
多謝你意見同打氣
不過關於Kelly 其實之後會講多啲佢 所以會明白多啲佢嘅性格
我盡量都唔想太誇張
而且其實佢呢刻都係俾主角嫌棄緊
不過巴打啱 故事開頭 慢慢落去應該會可以更全面認識到佢
所以希望巴打你都繼續追啦
多謝你意見同打氣
樓主！！憑住一首林宥嘉，決定追你嘅故追到天腳底！！
咁你死啦 之後仲有幾首
不過多謝你支持
不過多謝你支持
識食一定係食免費
Kelly想同男主角簽約
Kelly好癲
識玩嘅女人
追擊的kelly
臨訓前留低兩句多謝感言
多謝大家今日帶呢個故上到150正皮
希望聽日可以迎接到200正皮加更啦
當然除咗呢邊之外 唔好忘記仲有Penana嗰邊
希望咁多位讀者有耐性慢慢睇
因為呢個故係短篇+長篇 所以主角性格係會一直變化嘅
所以有耐性睇落去 就會明白兩位主角嘅特別之處
各位晚安 聽日再見
多謝大家今日帶呢個故上到150正皮
希望聽日可以迎接到200正皮加更啦
當然除咗呢邊之外 唔好忘記仲有Penana嗰邊
希望咁多位讀者有耐性慢慢睇
因為呢個故係短篇+長篇 所以主角性格係會一直變化嘅
所以有耐性睇落去 就會明白兩位主角嘅特別之處
各位晚安 聽日再見
Lm
新讀者留名！希望從中搵到共鳴之處